((كان أختيار سيئ للسكن في فندق CLEMENT BRAJAS HOTEL قريب من المطار أربع نجوم)) في صباح اليوم اللي بنسافر فيه لبلدنا ونحنا طالعين من الفندق عشان نحط الشنط في السياره, كان في رجل شكله فالخمسين من العمر واقف أمام الفندق, حسيت به يراقبنا بعدين دخل ورانا للبوفيه وانا اقول في نفسي شكله حرامي والله العظيم قلبي قرصني لانه كان يشوفنا وجلس في زاوية يراقبنا , مجرد ما حطيت شنطة إيدي ورا ظهري بالظبط على الكرسي وتوني مسميه بسم الله بشرب العصير إلا أحس بالشنطة تنشل من الكرسي أدور يمين ويسار وين راحت الشنطه وأسأل زوجي؟؟؟ هالشي صار في ثواني إلا أشوف هذاك الريال الحرامي من خلف الزجاج شالنها ويركض بسرعة البرق ما أعرف كيف برع الفندق,,, وأشر ت عليه أخبر زوجي طبعا أنا تيبست مكاني من الصدمه وزوجي ركض وراه مارثون عشان يلحقه ووصل لين السياره اللي ركبها وكان فيها 5 حراميه غيره لكن ما قدر يلحقهم للاسف لانهم تحركوا بالسياره , بس سجل رقم السياره وكانت في وحده اسبانيه واقفه برع واتصلت بالشرطه, المهم الشرطه ما سووا شي غير انهم قالوا بيحاولون يدورون السياره ويشوفون الكاميرا اللي صورتهم من الفندق وعطونا أوراق نوقعها ونكتب شو الأشياء اللي كانت فالشنطه طبعا أهمها كان موبايلي والفيزا وكاميرا سوني صغيره , الحمدلله جات سليمه والله سلمنا منهم, اللي اكثر شي متحسفه عليه الصور اللي فالموبايل والكاميرا
حبيت انبهكم لان بالفعل حرامية أسبانيا أيدهم خفيفه وسريعه, من الصدمه سوينا سيرج فالنت عن السرقات في مدريد , سياح من كل الجنسيات ينسرقون, كل يوم ينسرق معدل 200 شخص في أسبانيا بصراحه شي يخوف فالحذر الحذرمواضيع عشوائيه ممكن تكون تعجبك اخترناها لك:
- ممكن منطقة بين مدريد وبرشلونة
- عاجل سانتاندير أو خيخون ؟؟ ومعلومات تذاكر القطار
- مساعدتكم يالربع مسافر في
- استفسار عن فيزا اسبانيا
- ضروري لاصحاب الخبره
- محتاج مساعدة
- برنامج سيـاحي لأسبانيا شهر العسل
- دخلت اسبانيا بتاشيرة فرنسا الشنغن صوره من الفيزا
- رايح اسبانيا يوم ومو عارف اخطط
- استفسار عن التأشيرة اللغة
- مساعدة في التخطيط لرحلة العمر
- مساعدة للي راحو بورتوبوناس
- يوم في اسبانيا
- استفسار عن التكلفة
- فينيسا يوم الاحد
- تخطيط شهر عسل في نوفمبر طالب الفزعه
- شرايكم تصلح ولا ماتصلح ؟؟؟
- عااااااااااجل
- برشلونه من الي اتمنى المساعده اول مره في برشلونه
- آرجوآ المسآعده يآسآده
رد مع اقتباس
المفضلات