:smile002:
الســـــلام عليــــــكم ورحــــــمة اللـــه وبركـــــاته
هذي أول مشاركه لي بذا المنتدى وبقولكم قصة رحلتي لجمهورية التشيـــك بس لا تملون ..بسم الله نبدأ
:36_1_37:
قبل لا تبدأ الإختبارات فكرنا وين نبي نســــــافر بالإجازه وفكرنا وفكرنا :114: وقررنا نسفر لمصر وأنا ووحده من خواتي معصبين :112: مانحب مصر أبد ..
وما أدري وش صار وقال لنا الوالد والوالده الله يخليهم لنا بنروح سياحة للتشيك ونقزنا من الفرحومن ذاك اليوم وأنا أفكر وش أباخذ ووشلون طبع الشعب والجو :114: ..
وخلصت الإختبارات والحمد لله نجحنا:icon_chee وبعدين قاموا البنات بحركاتهم من أول الإجازه إلى يوم الرحله يعني بعد اسبوعين وهم مسنترين بالسوق يشترون ملابس السفره .. والله يا هم كانوا كشخه :kashkhah: ماشاء الله وكل مل جينا نطلع أقرأعليهم المعوذات :109:
المهم جاء يوم الرحله وأختي الصغيره كانت مريضه يا قلبي :105: .. ورحنا لمطار الملك خالد بالرياض بعد العصر لأن رحلتنا كانت المغرب ووصلنا دبي الساعه 8 العشاء ويوم وصلنا انطقينا بالمطار 5 ساعات :2: وأول ماوصلنا المطار وكل واحد منا بجهه أبوي وأخوي يحوسون بالجوازات والخرابيط هذي ..
وأمي وأختي الصغيره يتنقلون بالسيارات الصغيره للإسعاف .. وأنا والباقين بالسوق الحره ..
كل واحد منا لاهي بعمره .
وبصراحه ما شفت عرب بمطار دبي الا حنا وكم واحد ينعدون بالأصابع .. وجا وقت الرحله على الخطوط التشيكيه ودخلنا صالة الإنتظار وأختي ما غير تقزقز بالشقر وانا ماسك عليها ضحك :36_1_19: وبعدين
وركبنا ييييييييه ام الكتمه وخدمات زي وجيههم ( هذا بس بالروحه لكن الرجعه خدمات حلوه)
وحاطين قدام كل كرسي قاروره مويه شكلها غريب وأقلعنا وأنا على طول نووووووووم :thumb_ico
ويوم قمت ولا حنا موقفين بالكويت نحمل ناس وننزل ناس .. ثم أقلعنا للتشيــــــــــــــــــــــــــــــــــــــــك
كانت مدة الرحله 6 ساعات تقريباً
وبعدين جابوا الأكل بس أنا ما أكلت إلا خبز وزبده والحمد لله ..
أولاً بــــــــراغ:-
وبعدين نزلنا للمطار وانا اتلفت يمين يسار :108: وركبنا السياره رايحين للفندق وطول الطريق وانا أناظر المباني والطبيعه وأنواع السيارات .. وحنا بالطريق كان فيه برج وعليه ساعه وظبطت ساعتي عليها
ووصلنا للفندق اللي اسمه ( مساريك ) على اسم قائد قديم عندهم وقعدنا باللوبي وجت حرمه من حقين الفندق تعطينا نصائح ومعلومات عن البلد ورقينا للشقه اللي كانت دورين فوق 3 غرف نوم وحمام الله يكرمكم وتحت صاله ومطبخ وحمام الله يكرمكم وقعدنا نحجز غرف ( كننا بزران) :36_1_1:
وبعدين راح أبوي وأخوي يجيبون أغراض خفيفه للشقه .. والباقين ناموا :36_1_50: .. الا انا قاعد فاتح الدريشه مستانس بالجو وأشوف الرايح والجاي والمباني وتعرفت على ناس بالإشاره .
ومن الأماكن السياحيه في التشيك :-
1- الأسواق والمراكز التجاريه :
بضاعاتهم حلوه ورخيصه الا الماركات العالميه وانا بصراحه شريت أشياء كثيره من عدهم .. وكنت انا واخوي كل ما شفنا محل ملابس رجاليه على طول ورررررررر عنده ..
الا سوق الفيتناميين ( السوق الشعبي ) نصااااااااااااااااااااااااااااابين وخاصه اذا شافوك ساااائح وعربي
واذا بتروحون لا تشترون الا اللي سعره معقول ويستاهل بعطيكم مثال كاب عليه شعا نادي اسي ميلان الإيطالي صناعه إيطاليه بسوق فخم بـــ 250 كورون تقريبا 30 ريال سعودي وبسوق الفيتناميين نفسها بس صناعه تايلانديه بـــ 400 كورون نصـــــب مع العلم ان الــ 1 ريال = 8 أو 6 كورون ..
حنا عاد ما شرينا الا اللي أعجبنا وسعره معقول وقعدنا نشرب باااااااااااارد
وفيه ببعض الأسواق محلات تبيع تذكارات للبلد حلوه مره ( أكواب - أقلام - ميداليات - إلخ... )
2- المطاعــــــــــــــم:-
التشيك تتميز برخص المطاعم والمقاهي مع انها حلوووووووه .
فيه المطعم الصيني أكله لذيذ ولا يفوتكم الدجاج :36_1_51:
وفيه واحد من الأسواق فيه فوق مطاعم ومن المطاعم هذي مطعم السفـــــــــير ولا يفوتكم صحن الشاورما
وفيه مطعم لبناني حلو بس عالي شوي
وفيه مطعم لبناني يسوي حفلات آخر الليل
وفيه تركي وتونسي بس ما رحنا لها
3-الســـــــــاحه القديمه:-
مرررررررره حلوه وفيها برج فيه ساعه وبوقت محدد ترن ويتجمعون الناس ليه ما ادري:114:
وفيها عرض لسيارات قديمه ومحلات حلوه وبعضها تبيع تذكارات للبلد وكانت مليانه بالسواح الأوروبين
واللي يعرف فيلم ( ترابل إيكس ) فإنالنقهى اللي مثلوا فيه هناك بالساحه القديمه ...
4- الجـســـــــــــــــــــــــــر:-
الجسر مره حلو وخاصه إن الجو حلوووووووووو وكان مليان سواح .. وفيه عروض سحريه وتماثيل ورسامين إذا بغيت يرسمونك بس حلوووووووووو مره
5-القــــــــــــــــوارب:-
حلوه مره ياخذ لك لفه بالنهر وفيه مشروبات وألات خفيفه بس أنصحكم تروحون له
6- حديقة الحيــــــــــوان:-
كبيييييييييييييييييييييييييره مره بس حلوه وبعض الأماكن تحس إنك بغابه ولا يفوتكم الدونااااااااات مره حلو ولذيذ يم يم يمي
ملاحظات ونصائح:-
أ- الريال السعودي الواحد يساوي 8 أو 6 كورون.
ب- الكلاب لا تخافون منهم علشان لا يتحرشون فيكم .
ج- ترى فيه بعض العرب يدرسون هناك يعني اذا احتجتوا اي شيء أو للسفااااااااااااره
المحطه الثانيه ( ميريانسكي لازني ) بعديييييييييييين .مواضيع عشوائيه ممكن تكون تعجبك اخترناها لك:
- ارجو الاجابة عاجلا وبأسرع وقت
- اخوكم بيسافر ويحتاج مساعدتكم البرتغال
- حبوب الشرقيه و وكل أهل التشيك تعالوااا ضروري
- لا تبخلون علي بالمعلومات
- افضل موقع للسكن في امستردام
- خبراء روسيا لو سمحتوا ضروري ؟؟؟؟؟؟؟؟؟؟؟
- كازاخستان
- خبر رومانيا وبلغاريا بعيدتان عن شنغن
- استفسار عن استخدام القطار بين فرنسا وبلجيكا
- اسئلة عن بلجيكا واستفسارات
- استفسار عن فنادق في بروكسل امستردام
- الهواتف ،،،، والأنترنت ،،،،، في التشيك
- فيزا الشنغن ياخبراء اوربا والتشيك والسويد وايطاليا
- رحلتي
- ياشباب هل في دول في اوربا السعوديون لايحتاجون الى تأشيره لدخولها
- سلسلة فنادق فور سيزونز تستعد لافتتاح فرعها الأول في المجر
- صــــور رووووووووووعـــــه من روســــيــــــا
- لحسوا مخي الشباب وش الحل أبي نصيحة ؟؟؟
- اسلندا
- بعـض الـمعـلـومات للفــائدة
رد مع اقتباس
المفضلات