الموضوع: مومباي صيف للمره الثانيه مع ماركة دبي

السلام عليكم ورحمة الله وبركاته


بعد مرور عام رجعت لكم برحلتي الثانيه وبحلة جديده لمدينة مومباي

التخطيط للرحله بدء من شهر 6 وماكان السفر على البال
لكن السبب الرئيسي للسفر هو علاج + تسوق + سياحه

الناقل الرسمي للرحله طيران الامارات
سعر التذكره 2100 درهم اعلى من السنه الماضيه بوايد
علماً السنه الماضيه كان سعر التذكره 1700 درهم

مدة السفر كانت من 10 يوليو 2011
حتى 19 يوليو 2011
عدد المسافرين 6
وصلنا لمطار دبي الدولي على الساعه
11:00 صباحاً لان الاقلاع كان على الساعه 13:15 ظهراً

سوق الحره اللي لازم الف فيه




ولابد من مــاركة مــاك
اتخبل عليها واشتريت ثلاث اروااج

كنا نتريا وقت البوردنج بفارغ الصبر ويلسنا في كوستا كافيه
عسب نضيع الوقت

اماراتــي وراســي فالســما مرفــوع
اماراتـــي واسمي بالفخــر مطــبوع


ومثل ما قلنا الناقل الرسمي للرحله طيـران الامــارات الطائرة كانت من طراز البوينج

فتحت الدريشه اتأمل دبي وجوها قبل الاقلاع وكنت اقول في خاطري برب يا دار الحي


اووووووب اوووووب شفت طياره خاصه اكيد حد من الشيوخ مسافر وجان اصور الطياره



واشتلت الطياره وطارت
صورة لمطار دبي الدولي جواً




صورة لمدينة دبــي جــواً


صورة جويه لميناء الحمريه التجاري


اللي احبه في طيران الامارات رغم وجود السلبيات البسيطه فيها الا ان وسائل الترفيه متعدده
فتحت التلفزيون وتميت اتابع البرنامج الكرتوني شعبية الكرتون


يتميز منيوو طيران الامارات بوجود وجبات عديده منها
االلحوم والدجاج
والوجبات النباتيه للجماعه الهندوسيين

اهم شي خبز البراتاا موجوود
يخرب عقلاتكم صدق سايرين بمبي



وبدأ الفيلم الهندي وصلنا للاجواء الهنديه


وبلشت الغيــووم
وتبدأ المطبات الجويه اللي تعور قلبي
خلص حنانك يالطيار
مابقى الا قسوتك


بدينا نطلع من المطبات عقب ما قحصنااا وشلينا على تايرين فالجو
والطيار شكله سواا حبتين خخخخخخخخخخ





اتضحت مومباي جـــواً



كان الهبووط ولا اروع نزلت الطياره بهدووووووووء
وصلنا الساعه 6 العصر بتوقيت مومباي


وصلنا وخلصنا ختم الجوازات واستلمنا الشنط
من العادات والتقاليد في كل سفر لازم ستيكر البنق على شنطتي
ياجماعه البلاك بيري لاعب في حسبتي ههههههههههههههههههه


عند المطار من برع حصلت كشك الورد يا جماااعه الشعب دا رومانسي حبتين

كان السايق يتريا برع دققوا فاللوحه
من ميثــا صارت ميتهــا
مشووا مشوووا عادي احنا في بمبي



سعر الاجره كنا حاجزين موترين كبار بمكيف بـ 2200 روبيز
وفي الدرب ليلة علينا ومن تدخلون منطقة كولابه تشوفون مبنى البلديه والكهربا
طبعا مبانيهم من ايام الاستعمار البريطاني




ترقبوووا فالاجزاء القـادمه
فلم الاكشن مع فندق دبلومات
والفلم الرومانسي مع فندق تاج محل برزدنت

والاجزاء القادمه تتكلم
التسوق في مومباي
المطاعم والدلفري للفندق
رحلة الطبيعه الخلابه الى منطقة كندالا ولونفالا
انتظرووونا

مواضيع عشوائيه ممكن تكون تعجبك اخترناها لك:

• مساعده في خطة السفر لسيرلانكا
• الان في سريلانكا واحتاج فنادق في كولومبو واماكن التسوق
• من صحراء الخبوب الى أدغال الهنود
• هام جدا بخصوص السفاره السعوديه
• الفزعه يااخوان ابقص التذاكر
• عاجل جداااااااااااااااا
• بشري سارة لمن يريد زراعة الاسنان في الهند.
• هام ساعدوني لبرنامج لسيرلانكا
• استفسار عاجل حول طرق الدفع في سيريلانكا
• عاجل لكل من حجز على الخطوط الهندية أنتبهواااااا
• استفسااار عن كيرلا تكفون لا تتأخرون علي
• محتاج مساعدتكم
• للضرورة استفسار عن اسعار ايجار الشقق في بانجلور وحيدر ابادواستفسار عن معاهد اللغه
• ترتيب رحلة وجدول لكيرلا بارك الله فيكم
• مدينه قوا الهنديه سياحه تعليم اي استفسار احنا بالخدمه
• سـريـلانـكـا رحـــلــــ ــــة
• هل من نصائح طبيه للمسافر للهند
• استفسار بخصوص نقطة الوصول لكيرلا
• استفسارات عن كيرلا
• خبراء كيرلا ابي شوركم

في انتظار التقرير

شكلهم نسونا

يالله وين باجي التقرير

مشاءالله تقرير ممتاز جدا ومشوق ومتابعين لك وسجلينا

الحمدلله على السلامه

تقرير فى البدايه جميل واكي الاجزاء الباقيه اجمل واجمل

الحمدلله على السلامة

بداية نووية

بانتظار البقية

لا تطولين علينا

الحمدلله علي السلامة*
ماشاء الله عليج اسلوبج وايد حلو في سرد الرحلة وتوصيرج اروع اللهم بارك*
علي طاري فندق دبلومات من اسم الفندق اطيح واقف لكن من تشوفه من برع تلوع جبدك وما تقدر تجدم وتدش
العام حجزت عن طريق واحد في نفس الفندق في شهر يوليو *لكن الله وكيلكم *ما بتنا فيه ولا ليلة من 12 بالليل لين 4 الفجر وانا قاعدة ادور فندق للاهل واخر شي حصلت فندق بعيد عن كولابا وسكنا فيه
بصراحة افخم الفنادق في كولابا تاج محل واوبري بس ولا الباجين ما يسوون*
والسنة حجزت في منتجع رينانس *روعة بمعني الكلمة ان شاء الله بوافيكم بتقرير عن هل المنتجع الي ما تصدق انه في بمبي*
والسموحة اختكم ام جمال

المشاركة الأصلية كتبت بواسطة الفلاسية
http://www.arabtravelersforum.com/tr...4/#post5956694

هلا بماركة دبي صح انج طولتي الغيبة لكن ما قصرتي يبتي الغنايم والغنايم معتبرة *وفنانة
اولا مشكورة *علي المعلومات الي كتبتيه لنا عن الفندق والمطاعم طبعا هذا الاهم تسلم ايدج*
والحمدلله انكم استانستوا وغيرتوا الفندق صار فيكم الي صار فينا *اسمي فندق دبلومات مقلب لكل واحد يحجز فيه*
سجليني من المتابعين معاج اختي لا تطولين الغيبة
ممكن اتحطين لي رابط فندقكم وهل عندج فكرة اذا عندهم شقق مفروشة او كونكتنق دور بين الغرف*
والسموحة *
تقبلي تحيات اختج ام جمال*




فالج طيب يا بنت الفلاسي ما بتاخر ان شاءالله وبالنسبه للفندق هذا الرابط اللي في موقع بوكنج

احجزي فيه عن طريق بوكنج ارخص واظمن من الدلالين

http://www.booking.com/hotel/in/taj-...ml?aid=1329869



بالنسبه للشقق الفندقيه عندهم شقق التاج ويلينجتون من سلسة فنادق التاج بس ماعرف عن اسعارهم
وماعندهم اكسس الحجز مع بوكنج بس يبتلج موقعهم وتقدرين تحجزين منه وماكنهم في كلابه بس بعيد عن منطقة العرب بشويه

http://www.tajhotels.com/Luxury/Resi.../Overview.html

المشاركة الأصلية كتبت بواسطة ماركة دبي
http://www.arabtravelersforum.com/tr...4/#post5956714

مشكوووره فديتج انتي اللي مروورج الاروع،،، نفس قصتج مع دوبلومات تكررت وياي
لكن الحمدلله حصلنا فندق وارتحناااا صدقج غير التاج والابرووي ماشي

بس بغيتج تخبريني عن فندق رينانس وين مكانه وكيف من داخل وشووو اسعاره
احب ازيد معلوماتي السياحيه



هلا والله اختى ماركة دبى شخبارج مع الصيام والمطبخ
سالتينى عن فندق رينانس ان شاء الله عقب رمضان بحط تقرير عن هل المنتجع وصور عنه
وبعطيج معلومات بسيطة عنه
المنتجع يصلح للى يبى راحة واستجمام يبعد عن المطار ربع ساعة تقريبا وعن كولابا من ساغةالى ساعة ونصف تقريبا
على حسب الزحمة
غرفهم حلوة ووسيعة مطله على البحيرة فى منطقة هاريناندال منطقة خاصة حق تجار الهند وتقدرين تتمشين تحت فى المنتجع الاجواء حلوة والجو يجنن مطر وبراد وهلى اشكرونى على اختيار هذا المنتجع وعاد اختج استانست وتمت تتخقق عليهم وعلى فكرة الفندق متعاقد مع 12 شركة طيران والى معاج من النزلاء طيارين ومضيفين ومضيفات يعنى شى راقى واكتشفت ان فى نفس المنتجع شقق مفروشة تابعة لماريوت احس به حلو للعوايل
تعبت اختى علينا ضرسها عورها رحنا مستشفى هاريناندل بصراحة مستشفى فخم وراقى واسعاره برخص التراب خذو عنا 700 روبية ما يعادل 80 درهم اماراتى ونحن فى دبى ندفع على الجيكب 300 درهم وعندهم مثل اب تاون مردف محلات مفتوحة ومطاعم وكوفى شوب يعنى شى راقى جدا وما تقولين كل هذا فى بمبى نحن تعودنا نشوف وصاخة كولابا والشحاتين الى يمللونج فى كل خطوة
واسعارهم معقولة غرفة ديلوكس مطلة على البحيرة ب 750 درهم تقريبا
وهذا اسم الفندق
Renaissance Mumbai Convention Center Hotel
وهذا الرابط
http://Renaissance Mumbai Convention Center Hotel؟

تقرير رائع

ذكرتيني بماكدونالدز الي بكولابا فطور وغداء وعشاء وجبة سمك ما اعرف الا هو

وعلى سالفه البعران ترى هالفيل الي يعبدونة الهندوس بعارينهم غير بعارينا


بانتظار تقرير كندالا .

متشوقه اتابع يلا كمللللللللللللللللي

ماشاء الله عليج يا ماركة دبى
عجبنى مشترياتج صج انج ذوق
عل طارى فونيكس مول بصراحة محلاتهم راقية وروعة فى محل يبيع كريمات ناشورال خذت عنهم ستروبرى كريم غسو ل للوجه وسكراب النسكافيه وحليب الفلفل الابيض للمكياج وسبراى الماء ورد بصراحة منتجاتهم روعة كلها طبيعية مافيها كيميكال
وفى محل يبيع ايس كريم يجنن اسمه موفنبيك
كل عام وانتى بخير واخوانى واخواتى الاعضاء
ولا تطولين الغيبة
دمتى بود اختج ام جمال

تقرير جميل ومفصل

شكرا جزيلا

المشاركة الأصلية كتبت بواسطة يوسف الانصاري
http://www.arabtravelersforum.com/tr...4/#post6050934

الاخت

ماركة دبي

لج الشكر اختي الكريمه على هالجوله الرائعه في محلات وأسواق بمبي

ونعذرج لتأخرج علينا في تكملة التقرير

ندري رمضان

والبنات يحبون يطبخون وينفخون ( بس في رمضان )

وطبعا باقي وقتهم في الأسواق والاستعداد للعيد .. مربحين الهنود لي في السوق ما شاء الله عليكن

بس لا تطولين علينا وايد

خاصه اذا كان الجزء القادم خاص بالطبيعة

تحياتي لج ... ودمتي بألف خير

اخوي يوسف الانصاري ،، شاكرتلك مروورك وان شاءالله مااراح اتاخر عليكم فالجزء الياي بس ترى الصور وايده اكثر من 100 صوره وان شاءالله تعيبكم واكون عند حسن ظنكم

المشاركة الأصلية كتبت بواسطة عاصي نجد
http://www.arabtravelersforum.com/tr...8/#post6052288

متابيعن للتقرير ........
بس حكاية البهارت طافت على لكن بعد العيد انشاءلله..............






اخوي عاصي نجد شاكرتلك مروورك في موضوعي
واذا عندك اي سؤااال بخصوص البهارات انا حاضره وانا فعلا ماتكلمت عنها بالتفصيل لان يبالها شرح طويل

انا مستعده لاي استفسار بخصوص اي جزء فالموضوع

ويااا مرحبااا بك

المشاركة الأصلية كتبت بواسطة الفلاسية
http://www.arabtravelersforum.com/tr...2/#post6054302

ماشاء الله عليج يا ماركة دبى
عجبنى مشترياتج صج انج ذوق
عل طارى فونيكس مول بصراحة محلاتهم راقية وروعة فى محل يبيع كريمات ناشورال خذت عنهم ستروبرى كريم غسو ل للوجه وسكراب النسكافيه وحليب الفلفل الابيض للمكياج وسبراى الماء ورد بصراحة منتجاتهم روعة كلها طبيعية مافيها كيميكال
وفى محل يبيع ايس كريم يجنن اسمه موفنبيك
كل عام وانتى بخير واخوانى واخواتى الاعضاء
ولا تطولين الغيبة
دمتى بود اختج ام جمال





مرحبااا ام جماااال تسلمين الغاليه على مرورج هذا ان دل يدل على انج مخلصه واتابعين موضوعي
تصدقين انا لاحظت فعلا ان منتجاتهم للبشره يوم يكتبون عليها ناتشورال تطلع صدق ناتشورال ومن غير كيميكال واذا فيها يكون الشي بسيط عكس منتجاتنا اللي معضمها عن عطر والشي البسيط يطلع ناتشورال

يقولج هناك طحتلج على قطره اطول الرمووش روووعه خذتها من الصيدليه وحتى الاثمد اللي عندهم واااايد فنااان ينظف العين

وحتى الادويه فظيييييعه انا يايبه شنطه كلها ادويه يختي عيزنا من الادويه اللي عندنا حتى المضاد الحيوي يبته والبيتادين وكريم بيتادين كل شي مرره غير الادويه اللي عندنا يقولي الهندي ماما انتي بتفتحين صيدليه في دبي اقوله يا ابويه احنا مب شراتكم وايد نمرض من يبت الادويه وانا مرتاحه الحمدلله يقولون لاتاخذون دوا بليا وصفه في هالزمان على هالدكاتره لاتاخذ دوا بوصفه دكتور وحليلها اختي ضرسها معورنها والدكتور عاطنها حبوب قرحه فالمعده حسبي الله عليه

بس انا اتبعت المثل اللي يقول ياخذ الدواا قبل الفلعه حريم شنسوي

تابعيني ما بتاخر ان شاءالله

الاخت


ماركة دبي





ربي يبارك بأيامج ... وان شاء الله ايامج كلها اعياد وسعاده

لج الشكر اختي الكريمه على هالجوله الأكثر من رائعة وسط هالطبيعة الرائعة والشلالات والخضرة اللي ترد الروح

عيبتني البساطه في سردج .. وأسلوبج المرح

وتصويرج .. وتفاصيلج

بصراحة الجو ... الطبيعة ... الخضرة ... الشلالات خيااااااااااااااال

تحياتي لج ... ودمتي بألف خير

قواج الله ماركه دبي على هالتقرير المفعم بالصور الجميله

شوقتيني للهند اكثر عاد ربعي الي وياي اقولهم خل نروح للهند يقولون لا الا سريلانكا

عاد انا توني راد منها وحجزنا للشهر الياي خخخخ

وبخصوص البربريز شفت الصوره وانا متسند على مخدتي بربريز بعد

الاخت

هايدي

أوبس

قصدي ماركة دبي

وما زال الامتاع مستمر

فوق روعة المكان والطبيعة لي نشوفها في الصور

زادت روحج المرحة من متعة التقرير

تحياتي لج ... ودمتي بألف خير

المشاركة الأصلية كتبت بواسطة ابن فطفوطه
http://www.arabtravelersforum.com/tr...8/#post6064498

قواج الله ماركه دبي على هالتقرير المفعم بالصور الجميله

شوقتيني للهند اكثر عاد ربعي الي وياي اقولهم خل نروح للهند يقولون لا الا سريلانكا

عاد انا توني راد منها وحجزنا للشهر الياي خخخخ

وبخصوص البربريز شفت الصوره وانا متسند على مخدتي بربريز بعد

الله يقويك اخوي ابن فطفوطه تسلم عالمرور الطيب ،، فعلا الهند تستحق المجازفه والمغامره واذا فكرت تزور الهند لاتحرم نفسك من زيارة كذا ولايه وكل ولايه فيها لها جوها وطابعها الخاص مومباي جميله بس مب الكل يعرفلها كيرلا كلها طبيعه وجميله جوااا شواطئها تشبه شواطىء المالديف

وسيرلانكا بعد جميله بس احسها اغلى من الهند ،، ان شاءالله تستانسوون


اما بالنسبه للبربريز ياااااااااا محااااااااااااسن الصدف

المشاركة الأصلية كتبت بواسطة يوسف الانصاري
http://www.arabtravelersforum.com/tr...6/#post6064916

الاخت

هايدي

أوبس

قصدي ماركة دبي

وما زال الامتاع مستمر

فوق روعة المكان والطبيعة لي نشوفها في الصور

زادت روحج المرحة من متعة التقرير

تحياتي لج ... ودمتي بألف خير

تسلم اخوووي يوسف بس تصدق والله الاجواء والمراعي الخضراء حسستني كاني هايدي صدق

ههههههههههه هااايدي عااااد ماركة دبي عايشه الجو بقوه

ان شاءالله كنت عند حسن ظنكم وعيبكم التقرير

الاخت


ماركة دبي





وانتي تختمين تقريرج وتحرمينا من ابداع اسلوبج ومرحج وتصويرج ونقلج لواقع تلك الرحلة

ما بدينا غير نشكرج ونتمنى لج التوفيق على المجهود في سرد وترتيب ورفع الصور

لج جزيل الشكر ... وربي يعطيج الف عافيه

تحياتي لج ... ودمتي بألف خير

يعطيك العافية على الجهد الواضح والملموس
تقرير ممتاز وخفة دم بالتعليقات وبساطة بالطرح وتوثيق بالصور

حسب كلامك ان سبب زيارة مومباي للعلاج طمنينا عن مريضكم عسى ان شاء الله وضعه للأفضل
ونسأل الله له ولجميع مرضى المسلمين الجمع بين الأجر والعافية وان يلبسهم الصحة والعافية .

عندي كثير من الأسئلة لوتكرمتي اجيبي عليها حسب ارقامها :

1 اتمنى ذكر اهم الأسواق التي بمومباي حسب الترتيب وميزة كل سوق من وجهة نظرك
بصراحة انا ذهبت اكثر من مرة لمومباي ولا اجد تسوق الا بازارات عشوائية بكولابا او الاسواق الشعبية بشارع محمد علي .. وبالمناسبة لم اشاهد لك صور في محلات بيع الذهب المقلد والكرستال مع العلم انني شاهدة كثيرا في مومباي .

2 زيارتكم الجميلة للشلالات والطبيعة بكندالا ولونافالا
هل كانت بنفس اليوم ؟ ان كان بنفس اليوم متى ذهبتم ومتى عدتم ؟

كم الوقت من مومباي اليها عبر السيارة وذكرتي ان فيها فنادق 5 نجوم بكم تقريبا اسعارها ؟
وكم سعر استأجار السيارة بالسائق لمن رغب الذهاب لتلك المناطق ؟

ومن اين يمكن لي ان اتوجه اليهن هل هناك مكاتب سياحية معينة بمومباي ؟

اخيرا لو عاد بك الزمان لمومباي وجدولك 10 ليالي كيف تقضينها وانت وجهتك التسوق والسياحة بالمناطق الجميلة ؟

وحجز الفنادق هل يكون ارخص من خلال النت او مباشرة ؟

هلا وغلا ببنت بلادي*
فديت دبي وهل دبي
ماشاء الله عليج وعلي خفة دمج بصراحة اندمجت بتعليقاتج وتصويرج الاكثر من روعة الله يحفظج وما كان ودي يخلص التقرير
اشكثر اروح بمبي لكن ما فكرت باي رحلة تونس العيال*
لكن الحين ان شاء الله سايرة شهر ديسمبر وبروح كندالا والمنطقة الثانية*
حبوبة كم ساعة من الفندق لين كندالا*
ومن كندالا الي لونافالا*
ومن لونافالا الي الفندق
وعندج فكرة عن اسماء المنتجعات في لونافالا
والسموحة طولت عليج **

يعطيك العافيه اختي ماركة دبي
ع الجوله الحلوه في مومباي

ابدعتي وانشاء الله نازل لها بعد سبوعين دراسه والله يسهل

تحياتي

اخيرا قدرت اسجل بالمنتدى

اسفرت وانورت واستهلت وامطرت حيالله الغاليه

خووووووش تقرير من قلب

تمنيت هالسنه اني كنت في بمبي بس الله يكتب لنه يارب الصيفيه اليايه ونتلاقه وياكم

كندالا اتيين من قلب صار خاطري اروحها
الا صج شخبار السندويش اللي كلتيه من برع ماخفتي ههههه

وصار خاطري بجيكن مهراجا يمي يمييي

يعطيك العافيه اختي ماركة دبي
موضوعك مررره حلو وطرح احلى انا بومباي الان وراح استفيد كثييير من موضوعك تسلمين بس ياليت تردين على اسالة الاخ ام 1424
مشكوره ما قصرتي

تقرير ممتاز لكن يوم شفت انفجار في بومبي كنسلت عليها

راااااااااااااااااااااائع جدا

ولغه عفويه للغايه ,, والمعلومات قيمه

نقدر تعبك في التقرير وادراج الصور فجزاك الله خير على ما قدمتي

تقرير ولا اروع
سلمت اناملكم