الموضوع: تقرير رحلتي المفصل مع الصور في سريلانكا

السلام عليكم ورحمة الله وبركاتة ,,,

اللهم صلي وسلم على سيدنا محمد وعلى آله وصحبه اجمعين

احبائي واعزائي اعضاء منتدى المسافرون العرب الكرام

كل عام وانتم بخير وصحه وعافيه

هذا اول تقرير لي في هذا المنتدى وان شاء الله مو اخر واحد بقدرة قدير

وهالتقرير راح يكون عن رحلتي الأخيره لبلاد الخضره والشلالات وبلاد الشعب الطيب (( سريلانكا ))

اول شيء احب ابدي فيه وهو شلون جت سالفه السفر إلى سريلانكا !!

كنت بشهر ابريل قاعد بالدوام الصبح ولا يجيني مسج من صديق مقرب لي بس صارلي فتره مو شايفه

المهم اطالع المسج وبعد السلام واخبارك وعلومك مكتوب بالمسج انا وجم واحد من الشباب ناوين نسافر بالصيف

واذا حاب تكون ويانا تشرفنا وكذا ، وذكروا لي انهم كانوا محتارين بين 3 دول !!

والي هي ( البوسنه - الهند - سريلانكا )

انا الصراحه انصدمت ودقيت على صاحبي وقلتله الحين آمنا بالله البوسنه والهند نقول عادي

بس سريلانكا شدخلها بالموضوع هااا

قالي والله سمعت انها حلوه وكذا قلتله شوف سريلانكا انساها محنا ناقصين الي عندنا مكفينا هني ههههههه

وقلتله اشور عليك شور فكر بالهند او اندونيسيا احسن وانا راح اشوف بالنت التذاكر وكذا قالي اوكي

وقمت ابحث بالنت وشفت تذكره اندونيسيا غاليه قلت خل تولي خخخخ

وشفت تذاكر الهند وسريلانكا ولا متشابهين وقلت بالله خل اشوف صور سريلانكا والطبيعه الي مصدقين انفسهم فيها

والصراحه شفت ويليتني ما شفت ههههههه صور روعه ما صدقت وجرني رابط على هالمنتدى وشفت التقارير

وانا افتر من تقرير لي تقرير ومو مصدق ودقيت على صاحبي وقلتله اقول فلان قال هلا قلتله سريلانكا ترا زينه خلاص خل نروح لها هههههههههه قالي صج والله قلت ايه والله روعه

ومن هاذي اللحظه بدينا الاعداد للرحله وكنا بشهر ابريل 2011

وسامحوني بوقف الحين وبكمل معاكم التقرير اليوم بالليل لاني الحين بالدوام

وراح ابدا معاكم بفتره الاعداد للرحله واول يوم لنا بسريلانكا مع الصور الي ما تنعد ولا تنحصى خخخ

إلى اللقاء

مواضيع عشوائيه ممكن تكون تعجبك اخترناها لك:

• تقرير رحلتي صيف لسوريا الحبيبة بالصور
• مارأيكم في هذا المسار في كيرلا عااااجل قبل تأكيد الحجز
• رحلتي الاولى لسيرلانكا افيدوني
• سياحة و بحث عن عمال
• مساعدتكم في السفر الى كيرلا
• مسافر الى بنجالور
• باكج من سفاري لانكا ،،،رايكم يهمني
• جعل والديه بالجنة اللي يساعدني بخصوص سيرلانكا
• برنامج رحلتي ابغى رايكم تكفون
• سريلانكا والمستقبل السياحي الواعد
• استفسار عن شركات الشحن من نيودلهي ؟؟؟؟؟
• كيرلا أسعار صور كوكتيل
• الرجاء المساعده
• ياربي توفق وتسعدمن يردعلينا رحله لسيلانكا لاول مرة نروح فرحونا
• استفسار بشأن التاكسي في سيرلانكا
• محتارين اول يوم نقمبو او دامبولا
• لهواة الطبيعة فقط هوناس فولس كاندي سيرلانكا
• ارجو من الاعضاء الكرام مساعدتي
• الى خبراء سري لانكا
• رحلتي إلى سوريا

هلا والله ابن فطفوطة
يشرفني أني أول من وضع رد على تقريرك اللي يدو من بدايته مميز
سجلني متابع معك في الصفوف الأولى
ذكرتني بتقريري أول ما كتبته كنت في الدوام
أنتظر باقي التقرير بشغف لا تتأخر علينا يا طويل العمر

الله يعطيكم العافيه على هالكلام الطيب والله شجعتوني من البدايه

هههههههه أجل صاف الدوام على جنب ..
في انتظار تقريرك يا ابن فطوطه

ماشاء الله ..


اولاً ,, غفر الله لوالد صديقك ,,

ثانياً مالها داااعي تفوتكم الرحلة وانت تنتظرها من شهر خخخخخخخخ زين اللي لحقتوا عليها ,,

فيها غلطة بنظري من المكتب مو منكم ,, دام وصولكم متاخر المفروض منزلكم في نيجمبو تريحون ومن بكرا الصباح تبدا الرحلة أفضل لكم من التنقل ..

بانتظار صور هوناس فولس الساحرة ,, هذا لو يبيعونه شريته خخخخخخخخ

حياج الله ام نواف نورتي التقرير والله

اي والله مكان فندق هوناس خيالي

وزيديني شرف وتابعي موضوعي واي انتقادات كلي اذان صاغيه

بإنتظآر التكمله

متآآآبعه ..

ما شاء الله مستمتع جداً ..

بس مهوب كأنك مسافر لحالك :d .. طول الوقت و ربعك نايمين .. خخخخخخخخخ !!

اي والله قالوها لي ناس وايد ههههه

ماشاءالله تقرير رآئع
و واضح انك مسافر لحالك ,, و ساحبين عليك الربع
اجل تقول صاف الدوام .. ايه والله انك صافه اليوم بعد
انتبه لا يفنشونك

خخخخخ لا ان شاء الله ما ينفنشوني

وقعدت اليوم عليه اكثر من اربع ساعات من كثر ما وقفت ورديت

ياسلام عليك .... صور رهيبة خاصة فندق هوناس فلس شكل المكان والجو خيال

سفرتي القادمة سأمكث فية يومين ... أخوي اشرح لنا شعورك وأنت في حالة استجمام بين جنباته على قمم كاندي هههههه .

معكم بالركب متابع .

ههههههه والله شعور ما ينوصف

كنت بحاله انذهال لاني كنت انا والطبيعه فقط وبعيد عن اصوات الناس والسيارات والادخنه

ومن زود جمال المكان واحنا قاعدين على الريوق رفيجي يقول والله لو نجيب شيابنا هني يردون 20 سنه ورا وما يموتون خخخخ

الله يقويك
في انتظار البقيه
و اعطينا المعلومات اول بأول

ماشاءالله يوم حافل يالفرنسي ..
الا كيف مطاعم الفاست فوود عندهم ..؟ سمعت ان بيتزا هت دسمه ..

تقرير راااائع..ننتظر باقي الرحله

المشاركة الأصلية كتبت بواسطة TRAVELER121
http://www.arabtravelersforum.com/tr...4/#post5861164

ماشاءالله يوم حافل يالفرنسي ..
الا كيف مطاعم الفاست فوود عندهم ..؟ سمعت ان بيتزا هت دسمه ..

traveler121 فرنسي هاا خخخخ

وبخصوص مطاعم الفاست فود نفس الي عندنا هني بالضبط ونفس الطعم

بس ما عندهم الوجبات الجديده الي توها نازله عندنا هني

وبيتزا هت انا سمعتهم يمدحونه واقترحت اننا نتغدا فيه بس ما وافقوا وما رحناله

المشاركة الأصلية كتبت بواسطة mazenff
http://www.arabtravelersforum.com/tr...6/#post5861176

تقرير راااائع..ننتظر باقي الرحله





من ذوقك الراقي

وتشرفني متابعتك لي

وين ابن فطوطه ؟
عسى المانع خير
ننتظر التقرير

ماشاء الله يا ابن فطوطه صورة رائعه وسرد رائع
الله يوفقك

المشاركة الأصلية كتبت بواسطة أبو WASAN
http://www.arabtravelersforum.com/tr...8/#post5866868

ماشاء الله يا ابن فطوطه صورة رائعه وسرد رائع
الله يوفقك






الله يسلمك ويخليك

نورت التقرير

روووعه تقريرك يفتح النفس بس أخويآك مآش مهب حق سفر
جآبولي إحبآط و انا بس أقرأ خخخ

بسألك الله يعافيك
وش الاماكن اللي فيهآ قرود ؟
عشآن مآ أروح لهآ خير شششر , و ماتتنكد رحلتي بسببهآ
لاني أخآفهآ موووووت ..

من ذوقج تسلمين

واي والله مو مال سفر والسفر يكشفلك اطباع ومعادن الناس

وبخصوص القرود كانت منتشره بفندق تيلانكا بكاندي وقليل تشوفينها باماكن ثانيه

الله يقويك ... الادوية اللي شريتوها من الاعشاب هل هي ذات نتائج ممتازة مثل دواء القولون هل تشعر أنها أفضل من تناول الادوية المتداولة عندنا باالصيدليات .

واصل التقرير والصور للحديقة جميلة حداً ... بس طمنى كيف الجو معتدل أم حار وماهو أفضل وقت لزيارتها .

تحيتي لك

وقت التعديل تعدى ال 60 دقيقه ووقفوا علي خانه التعديل وما قدرت اعدل على الصور

راسلت الإدارة وناطر الرد عشان اكبر الصور

المشاركة الأصلية كتبت بواسطة موج الطبيعة
http://www.arabtravelersforum.com/tr...4/#post5867684

الله يقويك ... الادوية اللي شريتوها من الاعشاب هل هي ذات نتائج ممتازة مثل دواء القولون هل تشعر أنها أفضل من تناول الادوية المتداولة عندنا باالصيدليات .

واصل التقرير والصور للحديقة جميلة حداً ... بس طمنى كيف الجو معتدل أم حار وماهو أفضل وقت لزيارتها .

تحيتي لك




اهلا يا موج الطبيعه

دواء الغولون الي اخذته لحد الحين ما جربته لاني اخذ ادويه من دكتوري وناطر موعدي الاسبوع الجاي واشوف شنو صار

واذا ما شفت فايده راح استخدمه بعد الموعد

والجو كان مختلف من منطقه إلى اخرى يعني فوق الجبال يكون بارد وخصوصا نوراليا بارده حيل بكل وقت حتى الظهر

والمناطق النازله تكون حاره نوعا ما الظهر وبالليل يكون الجو روعه الهواء عليل وبارد

وسريلانكا بحكم انها بلد استوائي فجوها يكون متقارب في درجات الحراره طول العام

يعطيك العافية

وبالنسبة للملابس ... باين أنهم يرفعون السعر حيل ... وزين كاسرت معهم ههههههه

متابع معك إلى النهاية

المشاركة الأصلية كتبت بواسطة موج الطبيعة
http://www.arabtravelersforum.com/tr...2/#post5869812

يعطيك العافية

وبالنسبة للملابس ... باين أنهم يرفعون السعر حيل ... وزين كاسرت معهم ههههههه

متابع معك إلى النهاية




المحلات اعتقد يرفعون بالاسعار بس يبيلهم مكاسر

وبخصوص المولات اسعار الملابس عندهم رخيصه يمكن ربع سعرنا هني

كنت اتمنى بسرد بصراحه مثل سردك عن كيرلا.. لدرجه اني حسيت ماله داعي اروح لسريلانكا وكاني شفتها خلاص وركبت الفيل بعد...

الخليجيين الي شفتهم مع اهلهم شنو كانوا لابسين!

ادري بتضحك علي،،لان اخوي ماادري شنو يحس فيه بالضبط يقول لي بروح لكيرلا بثوبي السعودي وملزم علي
اروح بدفتي!

انا قلت له انهم بيحسبون علينا الضرائب دبل بسبب دشداشتك وبسبب دفتي..

وماعليش سؤال ثاني..انتوا حولتوا فلوسكم قبل ماتاصلوون لسيرلنكا بالدولار ولا خليتوها على الدينار؟

انتظر ردك

هلا فيج اختي

افا عليج اسألي الي تبينه انا بالخدمه

الرجاجيل هناك كلهم بدلات محد يلبس دشداشه

والحريم كلهم لابسين العبايه عادي

وبخصوص السعر لا عادي لا يدبلون ولا شيء لانهم بلاد سياحيه والسياح وخصوصا الخليجيين على طول هناك

وبالعكس معاملتهم حلوه ويا المسلمين

والفلوس انا اخذت فلوس المكتب بالدولار لان الدفع كان هناك

ومصروفي اخذت نصه روبيات من الكويت والنص الثاني خليته بالفيزا ولما احتجته سحبته من هناك

ههههههه سوري ما عليه لاني كنت ببيت عمتي وتوني راد البيت

وبخصوص الأسواق الشعبية موجوده تلقينها بس لاني انا مالي بالتسوق وايد

وخصوصا كولومبو كلها اسواق حلوه ومولات وانا رحت لهم باخر يوم هناك واسعارهم ارخص مننا هني وخصوصا بالملابس

وعروض الأفاعي ما شفتها والله بس اتوقع موجوده

على راسي عميمه الله يحفظها..

انزين.. شنو من هدايا اقدر اخذ لاهلي..يعني شنو شفت شئ يستاهل ؟

ومافكرت تروح لكيرلا.؟

عاد رد علي خلني اناااااااااام عيوني حدها قامت تحرقني... وتصبح على خير

اعذرني نشبت بحلجك من امس..بس سؤالي هالمره شلون ارسل رساله على الخاص؟ ماعندي اي اختيار اضغط

عليه عشان ارسل..شسالفه ماادري!

وشنو صار على الغولون وياك ..ناوي تستخدم العلاج الي شريته ولا بتستمر على علاج الدكتور..

وسلامتك وماتشوف شر..
انتظر ردك مو تتاخر

اهلين بتول الله يسلمج ويخليج

دواء الغولون مابي استخدمه الا ورا موعد الدكتور مالي واشوف نتايج الفحوصات بعد 3 ايام

وبعدها ان شاء الله ابي استخدمه

وبخصوص الرسايل الخاصه لازم مشاركاتج تتعدى ال 50 مشاركه وتنفتح عندج

وانا امس كنت بطرشلج مسج خاص ما قدرت عشان مو مفتوح عندج

ها تأخرت ولا لا !!! خخخخ

ماتشوف شر.

دام السالفه فيها 3 ايام عيل بيكون الثلاثاء او الاربعاء بالكثير موعد فحوصاتك..و(أكيد) راح اطمن عليك برساله

بس مشواري طويل حيل 50 مشاركه! والله وايد....

من ساعه تقريبا حصلت واحد بيسافر بنفس وقتي بعد العيد بأسبوع لكيرلا وخاطري استفسر منه عن شغلات

بس مارد علي مع انه (اون لاين) بس شكله نفس نظامك ماينتبه بسرعه..

انزين توسط لي عشان يفتحون لي هالرسايل خاطري اطز رساله خاصه حقك

لاتتاخر بالرد عفيه

الشر ما اييج

هههههههه لو اقدر اتوسط جان توسطت لنفسي عشان يفتحونها لي قبل

بس مافي إلا طريقه وحده الي هي تحطين ردود بالمواضيع سواءا ببوابه سريلانكا والهند او غيرها

وما يبيلها شيء قولي الحمدلله على السلامه وموفقين وغيرها وبتزيد المشاركات بسرعه

اوكي صار... عيل اليوم بتصير مشاركاتي اكثر منك انزين لاتطلع إلا لما تنفتح هالرسائل ..

انا بنام الحين وراي دوام بعد شوي

وشدي حيلج عشان اشوف المسج بالدوام وارد عليه

ترقبوا احداث وصور اليوم السادس خلال ساعات ان شاء الله

اهلين اخوي ابن فطفوطه

اشكرك على جهدك في هذا التقرير الرائع عن جد تحمس الواحد يروح وإن شاء الله
انا راح اسافر لها بعد العيد.
ان زين ربعك ما نامو هالمرة

تسلم ياالغالي
بغيت اسئلك عن رقم المكتب او السائق ؟
وهل المبلغ يستلمه كامل اذا وصلت ولا جزء وهل هو شامل السكن ؟ لاني اخاف اذا اخذ المبلغ كامل يجلس يلعب على كيفه.
واذا بغيت انا احجز سكن وهم عليهم السائق ينفع ولا ؟

واسفين كثرت عليك اسئلة.

عزيز وغالي اخذ راحتك

على حسب الوقت في اوقات يطلب منك تحوله بعض من المبلغ قبل السفر وبعض اوقات تسلمه الفلوس كامله عند الوصول

وانت لازم تحجز عند مكتب موثوق فيه وسمعته زينه عشان يكون ملتزم بكلمته وما يلف ويدور

وانا المكتب الي رحت وياه شهاده لله من احسن ما يكون

وبخصوص انك تحجز سايق منهم وانت عليك السكن اتوقع تقدر تحجز سايق من هناك بالمكاتب الي بالمطار

بس ما انصحك بهالطريقه مثل ما قتلك خلك مع المكتب الموثوق فيه هو يحجزلك كل شيء عشان انت تكون مرتاح نفسيا ولا تشيل هم شيء يعني بس تفكر بوناستك

وهذا رقم مكتب عبدالعزيز وايميله

0094777396983

mailto:[email protected]

وهذا رقم السايق واسمه فارس

0094777788723

واي شيء براسك اسأل فيه انا اخوك

الله يزوجك إذا ودك

والله انك ماقصرت بيض الله وجهك.

على قول بتول الخليج خليت الواحد مايتحمس للسفرة من حلاوة تقريرك

الله يسمع منك واتزوج ان شاء الله هههههه

والله هذا اقل شيء اسويه لخدمة اخواني وكلنا لبعض

وبخصوص جدولك بسريلانكا اذا حاب اساعدك فيه ما فيه مشكله بس عطني جم يوم تبي تروح وما يصير خاطرك الا طيب يا الشايب خخخخ

عزيز والله..

والله راح تختصر علي كثيييييييييييييير

صدق ما انعطى وجه الله يعينك علي..

انا ناوي اروح انا والموداااااام (زوجتي) وبنتي الصغيرة لوها كبيره كان زوجتكيها وخليتك تروح ويانا بس مالك نصيب هههه
ومدري كم يوم يكفي انا احتمال اخذ 10 او 12 يوم وش رايك .

ههههههه لا عيل خلاص ابي انطر عشان تكون من نصيبي

اسمع بخصوص الجدول انت على راحتك بس انا ابي اعطيك حقهم اثنينهم

ليله نوقومبو

ليلتين كاندي هوناس فولز

ليلتين كاندي بوسط المدينه

ثلاث ليالي نوراليا

ثلاث ليالي بنتوته

ليله كولومبو

هذا جدول 12 ليله واذا تبيهم 10 شيل ليله من نوراليا وليله من بنتوته

وانت اذا كنت ناوي تروح ورا العيد لازم تحجز من هاذي الايام عشان عن الضغط

وراسل المكتب بالجدول هذا على الايميل اذا تبيه وهم يردون عليك بالسعر وكل شيء وردلي خبر

كـــــــل عـــــــام وانتـــــــم بخيـــــــر

وعساكـــــــم مــــــن عــــــــواده

أبن فطفوطة كل عام وانت بخير بحلول الشهر الفضيل

تقرير وصور رائعة أضفت أكثر وضوح عن معالم نوراليا والتي تهم السائح باين الجو والطبيعة روعة

عزيزي

نظراً لأن سفرتي قريباً ستجدني في كل حلقة أطرح سؤال أو أكثر من خلال حلقات تقريرك المتميز

تحملنا ربي يكثر خيرك

سؤالي هو

المطعم اللي تناولتو وجبة الغداء هذا المطعم الهندي ؟ وجميل أن يكون به وجبات بحرية وياترى فية سمك عندهم ايضاً وكيف ترى نظافة الاكل ؟ وهل الماكولات لديهم حلال مثل اللحم أو الدجاج

شكراً أخوي على التوضيح

حبيت اتأكد فندقكم هو قريب من فندق جراند ...

شاكر لك نفسك الطيبة

اي فندقنا وفندق جراند جيران

صاير بظهر فندقنا يعني مسافه 200 متر تقريبا بس

لا شكر على واجب

المشاركة الأصلية كتبت بواسطة موج الطبيعة
http://www.arabtravelersforum.com/tr...4/#post5886784

شكراً أخوي على التوضيح

حبيت اتأكد فندقكم هو قريب من فندق جراند ...

شاكر لك نفسك الطيبة





عشان جوابي يكون واضح اكثر وانا احب اكون دقيق حيل

هذا انا التقطت الصوره هاذي وانا واقف عند بوابه فندقنا

واخر الشارع الي مبين هذاك هو فندق جراند

المشاركة الأصلية كتبت بواسطة الشايب.
http://www.arabtravelersforum.com/tr...4/#post5889524

الشهر عليك مبارك ..

الله يعطيك العافية ماقصرت. وراح ابلغك بالجديد إن شاء الله .

وكل عام وانت بخير..



علينا وعليك يتبارك الشهر يارب

وناطر جديدك بخصوص الرحله

يعطيك العافية لمجهودك الطيب والصور الرائعة

... عزيزي باالنسبة لمحل أستلام الفلوس كيف طريقة التحويل من بلدك أهي من أي بنك يقبل التحويل إلى لويستيرن يونيون وهل كولمبو وكاندي ونوراليا بها هذا المكتب ...
وشكراً لك مع خالص التحية

المشاركة الأصلية كتبت بواسطة موج الطبيعة
http://www.arabtravelersforum.com/tr...8/#post5892278

يعطيك العافية لمجهودك الطيب والصور الرائعة

... عزيزي باالنسبة لمحل أستلام الفلوس كيف طريقة التحويل من بلدك أهي من أي بنك يقبل التحويل إلى لويستيرن يونيون وهل كولمبو وكاندي ونوراليا بها هذا المكتب ...
وشكراً لك مع خالص التحية



الله يعافيك ويخليك

التحويل يكون من اي مكتب متعامل مع الويستيرن يونيون ومن اي بلد والتحويل سريع جدا خلال دقايق فقط

والويستيرن يونيون منتشره حيل بسريلانكا تلاقيها بكل مكان وعلى اي طريق تمشي فيه

اخوي ابن فطوطه انا ممكن اسافر على اكتوبر يعني في اول شهر 12 ذو الحجه
يعني الان اسوي حجوزات
وتنصحني ادق على فارس السواق اول وانسق معاه
وشكرا لك.

السلام عليكم

طبعا هذا هو اليوم التاسع وقبل الأخير لنا في سريلانكا الجميله

فكان من المقرر ان هذا اليوم يكون يوم ريلاكس يعني مافيه فسح ولا شيء ويكون يوم سباحه بالفندق والمحيط

بس انا حاجيت السايق ودقيت عليه وقلتله اني يجي قبل العصر عشان ابي اروح اركب الجت سكي (صاير منهم يعني )

المهم من ورا الريوق وانا لابس هالشورت واسبح بالمسابح مني لما طقت جبدي

والفندق فيه صاله العاب رياضيه فقعدت العب فيها تنس طاوله وبليارد ( كيرم ) مني على ما جا وقت الرحله

ومشينا تقريبا قبل الساعه 3 العصر واحنا بالطريق قلنا خل نتغدى ومر فينا السايق مطعم برياني مسلم

ولقينا فيه سعوديين واجانب وعايله مصريه بعد ( هالمصريين بكل مكان بالعالم حتى بالمريخ تلقاهم )

هاذي صوره المطعم وانا طلبت برياني روبيان وكان اكله عجيب وسعره رخيص بعد



طبعا خلصنا وحاسبنا وكملنا طريقنا

ووصلنا لمكان الالعاب المائيه



وهذا انا الي يشوفني الحين يقول المركز الثاني على العالم بالجت سكي ( مو الأول الثاني احسن لاني متواضع )



واخذت جوله لمده 15 دقيقه ب 3500 روبيه وهذا السعر غالي حيل وما رضى ينزل ولا فلس

وبعد ما خلصنا ردينا للفندق وكان الوقت قبل المغرب

واخذت بعض الصور الليليه للفندق









وهاذي صوره فانوس على طاوله المطعم لما تعشيت بالفندق وكان سعر العشى عندهم 2000 روبيه



وبعدها رديت للغرفه وسهرنا على فيلم اجنبي

وهاذي صور وانا اطالع للفيلم



تحليه قبل النوم





ولحد هني خلص اليوم التاسع ومثل مو شايفين مافي صور بهذا اليوم عشان كان اغلبه سباحه من الصبح لي العصر

واكمل معاكم اليوم الاخير ان شاء الله خلال ساعات

إلى اللقاء

ماشاء الله لا قوة إلا بالله
آنا دشيت تقريرك قلت بس باخذ فكرة

ما وعيت إلا وانا مخلص

تقرير خفيف الدم ممتع مفصل والتصوير احترافي

واصل شكلك بتخرب علي برنامج رمضان

المشاركة الأصلية كتبت بواسطة محب الخير
http://www.arabtravelersforum.com/tr...2/#post5907942

ماشاء الله لا قوة إلا بالله
آنا دشيت تقريرك قلت بس باخذ فكرة

ما وعيت إلا وانا مخلص

تقرير خفيف الدم ممتع مفصل والتصوير احترافي

واصل شكلك بتخرب علي برنامج رمضان

حياك الله اخوي محب الخير ومبارك عليك الشهر

والله انكم احرجتوني بكلامكم العسل ويشرفني انه اعجب الكل وما ننحرم منكم يارب

الاخ

ابن فطفوطه

شكله الفطور وترس الكروش مأثر عليك

بس لا تنسى

هناك من يستمتع بهذا التقرير

وينتظر تكملة باقي الفقرات بشغف

يعني خف من الاكل ... وودر عنك الخمول

وكمل لنا حلقات مسلسل الخدامات

تحياتي لك .... ودمت بود