الموضوع: مدريد في ايام مساعدة من فضلكم

السلام عليكم ورحمة الله وبركاته

من فضلكم انا مسافرة باذن الله مع اخي الأصغر لحضور المباراة القادمة بعد اسبوعين ..
وهذه اول مرة لي في اسبانيا .. الرحلة ستكون لمدة تقريبا خمس ايام في مدريد فقط ومحتاجة بعض المعلومات
هل يفضل اشتري تذاكر المباراة قبل السفر ولا ممكن من هناك ؟
بالنسبة للفنادق ويفضل 5 خمس نجوم او 4 وتكون نظيفة وفيها حركة يعني وسط المدينة او تكون قريبة من المطاعم او من الملعب (سنتياغو برنابيو )
بما ان الرحلة 5 ايام ويوم مباراة وين تنصحونا نقضي الأيام الباقية .. يعني ما هي المعالم الحلوة والمهمة اللي تنصحونا ولازم نزورها؟
بالنسبة للتسوق هل يوجد شارع محدد ؟او مولات مميزة ؟ فيها ملاهي مميزة ؟
افضل المطاعم اذا حبينا نطلع نتعشى بالليل مثلا ؟؟ وهل هي آمنة ليلا يعني نتمشى في الشوارع عادي؟

اسمع كثير عن الساحات والحدائق ؟؟ما هي اشهرها ؟؟يعني ممكن نتمشى او نتسوق عندها ؟
هل يوجد تأجير سيارات مع سائقين عرب مثل الدول الأخرى ؟؟ بس عن طريق مكاتب او ناس موثوقة ؟ ولا التاكسي يؤدي المهمة ؟؟
بالنسبة لشريحة الجوال افضل شركة بالنسبة لخطوط الشحن ؟
معليش اسئلتي غريبة شوي بس لأننا بنكون لحالنا وهذه اول مرة لي في مدريد يعني اذا فيه اي نصائح اخرى

اعذروني على كثر اسئلتي ومشكورين مقدما

مواضيع عشوائيه ممكن تكون تعجبك اخترناها لك:

• سؤال عن الفيزا لنساء ؟؟
• ابي منكم مساعده ضروري
• عاجل مباراة برشلونة والريال
• ارجو الافادة
• الى اي شخص في اسبانيا
• ممكن مساعده ولكم جزيل الشكر
• ارجوا المساعدة اريد تنظيم جدول سياحي
• مستندات الفيزا
• افيدوني ادور سكن موقع حلو بمدريد وسعر مناسب
• طيران ال من يعرفه ؟؟؟
• السلام عليكمارجو الرد ع استفساراتي
• نهائي أبطال أوروبا في مدريد حلم هل سيتحقق؟
• دروب أندلسية
• الطقس في سبتمبر
• شراء منزل او شقة في اسبانيا ؟
• ممكن حد يرتبلي رحلة لمدريد
• أستفسار بسيط عن إسبانيا أتمنى المشاركة
• تذاكر مباراه برشلونه ومدريد في نوفمبر
• من برشلونه ل باريس
• وش الأوفر أروح بقطار من برشلونه لمدريد ولا بطيران اقتصادي

أولا انجوي المبارة والملعب جميل جدا ويستاهل

بالنسبة للتذاكر احنا اشتريناها دايركت من الملعب مع انها اون لاين ارخص
بس بالنسبة للكلاسيكو اتوقع تخلص التذاكر بسرعة عشان كذا الأفضل تشترونها اون لاين اوفر واضمن

الفندق اسكنوا في القران فيا
كل شي جنبك والوصول له واضح وسهل
انا سكنت في Vinicci Capitol Gran Via على نصيحة كثيرين في المنتدى هنا
الأوتيل نظيف جدا وتصنيفه اربع نجوم لكنه صغير طبعا زي كل فنادق اوروبا
الشارع مليء بالمحلات والمسارح لو كنتو تحبون خذوا فكرة على العروض الموجودة
تمنيت احضر حفلة باليه بس كانت التذاكر كلها انباعت لأسبوع قدام

بالنسبة لأوتيل جنب الملعب عندك هوليداي ان قدام الملعب وكنا رح نسكن فيه عشان المباراة ولكن رحنا على القران فيا وكنا نتنقل عن طريق المترو ولا اسهل منه ممكن تاخذين فكرة عنه
بس أنا عن تجربة ا قول لك القران فيا وبس الشارع كله حياة
اشترينا تذاكر ليومين كاملين مع المطار ما اذكر سعرها بالضبط لكن ما تتعدى 50 ريال !
واستخدمي المترو زي ما تحبين
التسوق كثير محلات منتشرة في القران فيا ومنطقة سول عموما كلها متصلة ببعضها
هذا اللي اقدر افيدك فيه عن الأسواق لأنها ما كانت في جدول مدريد
ونفس الكلام على المطاعم القران فيا مليان والبلد امان كنت انا واخوي الصغير هناك بس وكنا نطلع براحتنا ونتأخر شوي ما في مشاكل الى 11 بالليل

تقدرون في يوم غير يوم المباراة تاخذون تور في الملعب يستاهل واكيد اخوك بينهبل عليه زي اللي عندي
احنا رحنا القصر الملكي والكنيسة اللي قدامه ومتحف برادو
المنطقة اللي فيها متحف برادو ملياااااااانه متاحف بس لضيق الوقت + اخوي بغى ينتحر في المتحف قررت اننا نكتفي ببرادو


هذا اللي عندي بخصوص مدريد باقي اسئلتك اكيد بيجاوبونك عليها الاخوان

وانجوي آز متش آز يو كان

اولا هلا فيك اختي.. واتمنى لك رحله طيبه و موفقه

و ثانيا صح ميه ال ميه و اتفق مع Black Tulip


و ثالثا... انا رحت مدريد نفس وضعكمم بالضبط.. بس 5 ليالي ... 6 ايام..

المهم كانت روعه.. و رهيبه...

أول شي انصحك اقرأي المواضيع للاعضاء الاعزاء... و راح تحصلي اشياء حلوة تستمتعي فيهااااذا عندك باقي وقت..

اقصد انو عندك طبعااا الباص السياحي...

راح تاخذي الخريطه حقتوا.. و تحددي بالقلم الاماكن الي تبغي تروحيهاا... اول بأول عشان الوقت... و ترتبيها بالاهميه لك...

يعني القصر الملكي.. و كمان ملعب سنتياقو تروحوا ليه قبل المباراه مثلا بيوم عشان التور..ز

و كمان المتاحف تشوفي اش ودك تروحي..

وبالنسبه للمباراه... ماعرف بالنسبه هل تشتريها افضل او تروحي هناك افضل كمان.. مادري يمكن تروحي و مافي تذاكر او شي..

انا اشتريتهااا اون لاين.. وارسلوها ليا على الفندق...


يعني انتي ترتبي وضعك... و الاعضاء جدااا خدومين حيرتبو ليك كل شي.. انتي بس حددي الايام الي راح تروحيهااا

و كمان بالنسبه للقران بيا.. فيه فنادق كثير.. و منطقه حلوة للسكن عشان اي وقت تنزلي من الفندق حتحصلي ناس

و تمشيه حلوة.. و الساحات مش بعيده عن بعض...


و احنا حاضرين بأي شي

تحياااتي لك

أهلين فيك أختي

ماراح ازيد على الردود اللسي فوق

لأنهم بصراحة كفو ووفو

لكن برضو نصيحة مني فيه برنامج على اللآيفون أو الآيباد إذا عندك طبعا

أسمه Madrid Travel Guide

ترى راح يريحك كثيييييييييييييييييييير

بصراحة البرنااااامج خورااافي

ومايحتاج إتصال نت يعني أحلى من كذا مافيش

يعطيك نبذة عن الأماكن السيايحة اللي موجودة في المدينة

ويصنفها لك يعني تبغين متاحف يعطيك أفضل المتاحف

تبغين اسواق نفس الشيء

مطاعم نفس الشيء

يعني دليل سياحي كاااااامل ماعليك إلا انك تحددين الأشياء المفضلة لك وهو يعطيك الأحسن

هذا شيء

الشيء الثاني بخصوص تذاكر المباراة انا مثلك محتار هل اخذها من هناك من عند الملعب او عن طريق النت

لكن في حالة انك لو بغيتي تأخذينها عن طريق النت هذا هو أفضل موقع ومضمون إن شاء الله أكثر الأعضاء يمدحونه

http://www.madrid-tickets.net/

وأنصحك تقرأين كثير قبل ما تسافرين الأخوان هنا ماقصروا انواع المواضيع اللي بصراحة تغني عن أي شيء

راح تلاقين كل شيء فيها بإذن الله ربي يعطيهم ألف عافية

والله يوفقك أنتي واخوك في سفركم ويفوز مدريد يا رب

...

الف الف شكر على مروركم

اخوي black tulip يعطيك العافيه كفيت ووفيت

اخ علي لقيت برنامجين لمدريد واحد مجاني وواحد ب 6 دولار جاري تحميلهم الاثنين

يعطيك الف عافيه

استفسار الله يعطيك العافية من وين مطلعين التاشيرة انا مطلعة من الايطالية وحاجز على المصرية لاكن خايف يصير مشكلة

بعض التعقيبات

انا التأشيره من الايطالية ونزلت بمدريد بدون اي مشاكل

حلبة الثيران تستحق الزيارة وهي كل يوم احد
المركز الاسلامي بمدريد وفيه مطعم وبوفية

بالنسبة للساحات الافضل سول ومايور
بالنسبة للمتاحف الشمعي الافضل ثم الحربي

ملعب ريال مدريد رائع جدا ويستحق الزياره

جربت جميع وسائل المواصلات بمدريد (مترو تاكسي باص سيارة اجار ) الافضل والارخص والاسهل والاسرع هو المتروو

يوجد مطعم بيتزا ممتاز في مدريد باحدى الساحات المشهورة نسيت اسمها
المطعم اسمه موزرانو وأكلهم لذيذ جدا خصوصا بيتزا الباذنجان والتي اخذناها بنصيحة جرسون مغربي يعمل في المطعم
الاخوان اكيد راح يفيدونك عن مكان المطعم وهو قريب على ما اذكر من ناطحات سحاب مشهورة في مدريد