الموضوع: رحــلــتــي لــعــجــلــون

السلام عليكم ..
في موضوعي هذا راح اكتب لكم تقرير عن رحلتي لعجلون في يوم الجمعه الماضي ..
حيث كان من المفترض ان نذهب لجرش وعجلون بنفس اليوم لان ماعندنا الا يوم الجمعه نقدر نطلع فيه , وذهبنا فعلا وقررنا نذهب لقلعة صلاح الدين بعجلون بالاول وبعدين وحنا نازلين منها نمر جرش , بس للاسف كان الوقت تاخر على بال مانزلنا ولا امدانا على جرش لكن شفناها من برا واكتفينا بذلك , وبصراحه طولنا بقلعة صلاح الدين اكثر مما توقعنا لانها شدتنا كثير والجو كان بارد جدا والطبيعه الخلابه من فوق القلعه شدتني جدا وتركتني ساكنه لساعه دون حركه منبهره بجمال الموقع وتاريخه العظيم الذي اثر على نفسي , وهذا كان سبب تاخيرنا على جرش ..

المهم قمنا الصباح وافطرنا واتكلنا على الله بعد صلاة الجمعه مباشره وكان الجو جميل جدا وبارد والطريق كان يفتح النفس مع هالطبيعه الخلابه .. واترككم مع الصور هي تعبر عن الوضع اكثر مني ..

هذه الصور وحنا تونا طالعين من الجبيهه ومتجهين لعجلون

وانشاءلله بكره اكمل تحميل الصور وتنزيلها للموضوع لاني مجهده جدا اليوم
واتمنى ان يحوز بداية موضوعي على رضاكم
تحياتي لكم ..

مواضيع عشوائيه ممكن تكون تعجبك اخترناها لك:

• الاختيار النهائي للفنادق ارجو المساعده
• ما هو احسن فندق وأماكن تمشية
• المشوره أفضل وافخم شقق فندقيه في عمان
• أهل الأردن والخبراء شقق للتملك
• طـهــ ــران
• فندق كمبينسكي قريبا في العقبة
• استفسار عن منطقة البحر الميت
• ترشيح مغارة تونسية للقب أجمل كهف في العالم
• ابو القاسم والاخوان في تونس
• خصخصة الطيران الاردني
• سفر قصير واريد جامعة ال البيت
• السفر برالدمشق
• شقق فندقيه
• ابحث عن غرفه شهري
• تونس تونستونس
• اللي محتاس في الدخول والتسجيل في المنتدى يلحقني
• هل من مفرج كربة عن أخيه المسلم؟
• شمال تونس فى صور
• الامان واماكانه في الاردن
• تكفون يااهل اليمن ومن لديه خبره عن اليمن السعيد؟؟؟

وعليكم السلام

صور جميله كبدايه وننتظر المزيد ,
اجل مارحتوا للنهر اللي على طريق جرش ؟
خصصوا طلعه "كشته" للنهر وماراح تندمون على جمال النهر مع جمال الطبيعه ..
وراح تدعين لي
اذا بغيتي الوصف ابشري ..

بداية موفقة جدا جدا
ماشاء الله ياريم والله الارض مخضرة
سحاب نت
وين هالنهر بعد حيي على كثر روحاتي لعجلون وجرش ماعمري شفته وهل نقدر ننزل لنهر؟؟

ماشاءالله عليك ياريم رحلة موفقه
كيف مريظكم

*******************
نرجوا عدم الخروج عن صلب الموضوع
وترك الاحاديث الجانبية
المراقب
الذيب العربي
*********************

رحلة رائعة وعجل علينا بباقي الرحلة

رحلة موفقة أن شالله

وننتظرررررر البقية

يعطيك العافيه اختي

يعطيك العافية اختي على التقرير

الفهد .. العفو ياخوي
والله يعطيك الصحه والعافيه ..

سحاب نت / كاسترو الشمالي
مشكورين جدا على مروركم
ومشكور على الوصف ياسحاب وانشالله نروح له اذا خفت برودة الجو شوي لان هاليومين برد غير طبيعي ..
يعطيكم الف صحه وعافيه ..

الوسمي الرحال .. الله يعطيك الف عافيه ..
ومريضنا بتحسن باذن الله ..
دعواتكم .

الغيداق .. مشكور جدا على المرور
وانشاءلله اكمل الان الباقي ..
بس لا تقول عجل , قل عجلي هههه
تحياتي ..

هاوي ماني غاوي / ابراهيم
شاكره لكم تكرمكم بالمرور
يعطيكم الف صحه وعافيه ..

الله يعطيك العافية
=ريم=
سحاب نت الوصف واضح جدا يعني النهر قبل جرش بشوين

ماشاء الله عليك اختي ريم

عجلون وجبالها وطريقها وقلعتها ذكريات لا تنسى

كنت هناك بعد عيد الاضحى ولا يفوتك دخول جرش والمدرج ومسرح الجيش الروماني والاعمدة

واصلي ابداعك وفي انتظار بقية التقرير

لك تحياتي

مشكوووووور على صور

السلام عليكم ..
اعزائي اعتذر عن التأخير بس قبل يومين اللي هو يوم الاربعاء بالليل , كنت جالسه اكتب واضبط الموضوع عشان انزله وخلال كتابتي فصل النت من الشقق اللي حنا فيها بسبب الاجواء ( حسب كلامهم ) والى الان مارجع
ويقولون طالما الاجواء مستمره كذا الله اعلم متى يشبك .. ومشاءلله الجو من فجر الخميس امطار وثلوج والارض صارت بيضاء , بصراحه اجواء جميله جدا وبارده جدا ..
المهم اني طلعت لمكه مول ومن هناك جلست على المقهى وشبكته وقدرت ارسل لكم الان
وبحاول ارسل اللي يمديني عليه وانشالله الباقي اذا شبك النت من الشقه باذن الله ..
تحياتي لك ..

وهذه كم صوره للثلج في منطقة الجبيهه ( طبعا الصور من الشقه لان الدنيا برد )

اعزائي اليوم راح اكمل صور باقي الرحله باذن الله ..
وبما ان الصور كثيره مابي اكثر كلام وبخليها تعبر لكم عن المكان اكثر مني ..

وهذه صوره للجسر الصغير اللي يدخلك للقلعه وفيه مرشد سياحي يمشي ويشرح لكم اذا انتم حابين هالشي
وطبعا لطشنا معلومات من خلال شرحه للناس

وهذه صوره ثانيه لزاوية القلعه من الخارج وانا على الجسر صورتها

وهذه لجانب القلعه من الجهه الثانيه وانا على الجسر والحفرتين اللي تشوفونها على اليسار بوسط الزرع هذه كانت خنادق (حسب كلام المرشد)

وهذه الصورتين من داخل القلعه اول ماندخل

وللرحله بقيه بس انشاءلله مره ثانيه لاني الان مضطره اطلع ..
تحياتي ..

ما شاء الله صور ولا اروع

مشكوره ونتظر المزيد

كاسترو لا ياغالي ..

شفت الجسر اللي قبل مركز الشرطه ,؟؟ بعد الجسر مباشره وفوراً يعني ماتاخذ مترين بعد الجسر تجيك نزله "دخله" على اليمين لاتخاف "مزفلت" اول ماتنزل تجد النهر امامك ..

وصراحه انا اليوم جيت من عمان ولأول مره ازور النهر هذا بعد ماوصفه اخوي لي , وايضاً أنصحكم بزيارة السلط البلقاء , وراح تسحركم طبيعتها الخلابه , مثل ماسحرتني وخلتني انسى اصورها هههههه ..

وبالنسبه لرحلتكم ياريم صراحه رائعه جداً جداً , وننتظر المزيد لم نشبع بعد ..

اخوي سحاب نت
مشكور جدا على الوصف , بس اعتقد انه بهالايام صعب الروحه هناك لان اصلا عجلون او الطريق لها صاير صعب جدا عشان الثلوج ..
وبعدين وراك ماصورت يوم انك رحت ؟؟
وثانيا عساك يوم جيت اخذت من زلاطيمو ؟؟
ههههه
انشاءلله تكون انبسطت والرحله موفقه ؟؟
تحياتي لك ويعطيك الف صحه وعافيه ..

ريم بالعكس لما وصلت هناك الجو رائع جداً صح فيه بروده لكن ليست بالبروده القارصه ..

المهم قلت بردي السابق من هول المناظر والطبيعه الخلابه سحرتني ونسيت اصورها هههههه ..
لكن إن شاء الله بالطلعه القادمه راح اصور كل شيء ,
اما زلاطيمو فأكيد اخذت منه هذا شيء اساسي هههههه ..
والحمدلله إنبسطت جداً بالرحله هذي رغم إنها نص يوم فقط ورجعت لديرتنا , لكن طلعه ولا احلى ..

شكراً

صور جميلة خصوصا للثلج
المهم النهر ليس بنهر بل اتوقع انكو بتحكو عن "سد الملك طلال" بكون على يساركم وانتو متجهين لاربد وجرش هذا سد وليس نهر
لا يوجد انهار في الاردن بمعنى انهار الحقيقي بل هي في معظمها جداول

اخواني .. اشكركم جميعا على الرد وتكرمكم بالمرور على الموضوع ..
اختي بنت العجمي .. ولا يهمك حبيبتي انا اعلمك بس اذا فظيتي علميني واجيك اوريك شلون ..
تحياتي لكم ..

وهنا طالعين لاعلي شوي

وهذا منظر من الطابق الوسطي , يعني مثل البلكونه وصورت المنظر اللي قدامي وكان جميل جدا

وهنا كنا طالعين لاعلى القلعه

وبالطريق لاعلى القلعه قال المرشد ان هذا المكان اللي كان يجلس فيه القاضي عشان ينطق بالحكم

وهذا بصراحه مدري وشو بس شفته وحنا بطريقنا لاعلى القلعه وصورته

وهذه صور للطبيعه على مد النظر من اعلى القلعه ( وبصراحه كانت ساحره جدا لما احسسته فيها من تاريخ عظيم )

وهذه صوره لعجوز كانت مع قروب اجنبي وكنت اشوفها نشيطه واقول (ماتعبت وهي ترقى كل هالدرج والله اللي مهيب عجزنا) يوم جينا نطلع للسطح بالاخير تعبت وجلست ولا قدرت تكمل مع القروب

وهذه الصور للمتحف اللي بوسط القلعه وهذه الحجاره كذلك للمنجنيق

وبالنهايه هذه صور للقلعه وحنا طالعين منها من الخارج

وهنا فيه قهوجي يبيع كوب الشاي او القهوه الصغير بنص دينار (وبصراحه يستاهل) لان قهوته تعدل الراس , تاخذ فنجال القهوه وتجلس على الجلسات الخارجيه تتفرج على الطبيعه الخلابه مع نهاية اليوم

واخر شي توكلنا على الله ومشينا ندور مطعم نتغداء ونتعشاء فيه مره وحده لانه قربت تظلم , وبالطريق وحنا نازلين على جرش كان مطعم البيت اللبناني , لفينا عليه وكلنا فيه وهذه صوره للفه المؤديه للمطعم ..
وانشاءلله بنزل تقرير عن المطعم في موضوع المطاعم ..

وهذه كانت نهاية رحلتي لقلعة صلاح الدين ,, اتمنى اكون نقلتها لكم بشكل واضح واتمنى انها تكون اعجبتكم ..
تحياتي لكم .

al fahad77

تسلم على ردك
ومشكور جدا ..

مشكورة اختي تابعي بالفعل الاردن في الشتاء والربيع جميلة

صراحة مناظر تغرق الغرقان اكثر خخخ

لاقصدي اجوائها تهيض لسفر وراح اظم هالقلعة لرحلتي المنتظرة


مبدعة دائما بتقاريركـ ..

اخي كل يوم دبي
مشكور جدا على المرور
ويعطيك الف صحه وعافيه ..

اخوي The 7 day
يعطيك العافيه
وتاصل بالسلامه انشاءلله ..

المشاركة الأصلية كتبت بواسطة advocatez
http://www.arabtravelersforum.com/tr...6/#post3591056

صور جميلة خصوصا للثلج
المهم النهر ليس بنهر بل اتوقع انكو بتحكو عن "سد الملك طلال" بكون على يساركم وانتو متجهين لاربد وجرش هذا سد وليس نهر
لا يوجد انهار في الاردن بمعنى انهار الحقيقي بل هي في معظمها جداول



أبتداء اشكر الأخت ريم علىالموضوع وزيارتها لقلعة صلاح الدين في عجلون وتلك الصور الجميلة .... بالنسبة لنهر قبل دخولكم الى مدينة جرش هو في حقيقة الأمر يسمى سيل الزرقا وينتهي المطاف به في سد الملك طلال الذي يشاهد بوضوح من طريق جرش عمان منطقة مرتفعات الرمان المقابلة لجامعة فلدليفيا او جهات مطعم الأسراء حيث يظهر السد بوضوح .

الاخت ريم الصور رائعة لكنها ضلمت عجلون ، عجلون اجمل بكثير وفيها مناظر بتاخذ العقل بتمنى في المرات القادمة تكون الصور اقوى شكرا على مجهودك

ماشاء الله ريم

تقرير مرتب وصور احلى

يعطيكي العافية بس وين نزلتي تقرير المطعم؟؟

تقرير قديم ورهيب
والله يذكرك بالخير يا =ريم=