الموضوع: الشقة والبنزين؟

السلام عليكم ورحمة الله وبركاته:-
**هل يستطيع السعودي أن يتملك شقة أو عقار بالاردن؟؟
أذا كان الجواب نعم
**ماهي الشروط والاوراق المطلوبة لذالك؟؟
ســؤال أخــــر:-
**أذا ممكن أحـــد يعطينا أسعار النزين 95بالآردن؟؟

مواضيع عشوائيه ممكن تكون تعجبك اخترناها لك:

• استفسار بسيطجداً
• ناطحات السحاب الطينية شبام حضرموت
• طلب
• أرجوكم ساعدوني باأسرع وقت
• اليوم عدت من اليمن براً واب فنادقها الفاخرة لا يوجد غرف محجوزة
• فوز الأمير علي ابن الحسين بمنصب نائب رئيس الفيفا
• حـلــــــويات جــــــــزائرية ألبوم خاص
• مساعدة عاجلة فنادق البحر الميت
• احلى اربع ايام باليمن السعيد من جولاي
• متوسط اسعار السيارات الإقتصادية في عمان
• بحاجة للمساعدة بشأن تحويل أموال
• يامصــور صـــور عــمان ؟؟؟
• جامع البكيرية في صنعاء أكثر من عام من الشموخ بعدسة عسل
• عندي مهمة عمل في سوسه وابي معلومات
• رحلتي للسودان
• هنا جميع المواضيع التي عن اليمن
• منطقة في ليبيا تشبه سطح القمر
• استفسار عن السفر برا بالسيارة الصغيرة
• الاخوان في تونس
• مسافر الي الاردن

اخوي كاسترو
من ناحية ان السعودي قدر يتملك , نعم يقدر ..
بس وش الشروط والاوراق المطلوبه بصراحه لا علم لي
ومن ناحية اسعار البنزين تقريبا اللتر 600 فلس أو 60 من الدينار الواحد هههه
مدري شلون فلوسهم الى الان ما عرفت اضبطها
تحياتي وانشاءلله اكون افدتك ..
بس ليش جايزة لك الاردن لدرجة انك تبي تتملك فيها !!!

الله اللتر ب600فلس يعني اللتر ب 3ريال تقريبا الله يعين قلبي على هالبنزين
والله أذا العقار رخيص نعم أتملك ليش لا,,,
شكلك =ياريم=ماجربتي عمان بالصيف خاصة بالجبيهة(عالم ثاني) ماتحتاجين لاأي وسيلة تهوية
وبعدين عمان ماهي بعيدة مني كله 5 أو 6 ساعات...

مشاءلله عليك
هي صح جميله وزينه واعجبتني جدا بس مو لدرجة اني افكر اتملك فيها لانها تغلب عليها حياة المدينه
انا لو افكر اتملك بغير السعوديه بفكر بمكان ارياف اكثر لاني احب المزارع والطبيعه ..
بس فعلا الجبيهه جميله ويقولون بالصيف ماتحتاج تكيف , لكن وش تختلف عن مدينه بالشمال مثلا ؟؟
خاصة انه عندكم براد وطبيعه مو مثل الرياض جفاف وغبره هههه

الرياض أعوذ بالله حر وجفاف وغبار ووو
المشوار الي لرياض أضرب له الف هم
لكن
(الله يعز الوطن ومن فيه)
آمــــــــــــــــــــــــــــــــين

طيب وانا وش اقولك ؟؟
اقولك اهل الرياض معذروين لو يتملكون بالاردن لانهم مساكين حر وجفاف وغبره
بس انتم يا اهل الشمال مشالله ماتفرقون عن جو الاردن
لذلك وش الفايده تتملك فيها وهي نفس المكان اللي انت فيه
وغير كذا مثل ماتفضلت وقلت انها قريبه حتى اقرب من الرياض ومتى مابغيت رحت لها بسهوله

كاسترو مسألة التملك هناك ماهي شينه خاصه اذا كنت من المسافرين للأردن بكثره , راح تستغني عن الشقق والميزانيه الخاصه اللي تصرفها على الشقق اليوميه , لذلك التملك حلو وتوفر الشيء الكثير , اما البنزين فحدث ولا حرج , صراحه العام عبيت السياره بـ 10 دنانير يعني بحدود 55 ريال يارجال ماتعدى الربع ..!!
يعني لو تبي تفللها يبي لك 150 - 200 ريال ههههه ..

لكن انا ألحين أفللها من محطة الحديثه وتوصلني عمان واتمشى فيها وارجع للسعوديه والبنزين على الربع ..

ياراعي الجوف سكاكا
أنا سيارتي فورد وين الحديثة ماتكفي نعبي منها مرة واحدة
لاحد الان مااستفدنا من مسألة التملك بعمان

كاسترو , انا بشهر 8 الماضي كانت معي فورد قراند ماركيز موديل 96 وتعرف العداد الإلكتروني يبين لك بنزين السياره بالارقام , لما أفللها بالحديثه يطلع لي بالارقام 620 تقريباً وأروح فيها لعمان واتمشى فيها وايضاً كان لي مشوار لمسافة 70 كيلو على طريق المطار المهم رجعت للأزرق والبنزين بقى منه بالارقام 50 .. يعني تكفي إن شاء الله بس لأخذ الحيطه والحذر خذ لك جركل ابو 10 لتر وعبه بنزين وحطه بالشنطه "الدبه" معك وماراح ينتبهون له حدود الاردن ..
آسف البنزين صارت سالفته طويله ههههههه ,
وبالنسبه لمسألة التملك فهي حلوه جداً اذا كانت بالجبيهه او بالاحياء اللي خلف جبري القاردنز ..

موفق خير عزيزي

والله ياسحاب نت

ذكرتني يعني لو أخذ جركل وأحطه بالشنطة عادي والا ممنوع؟؟؟
لاني هالمرة أبجلس أسبوعين بعمان عندي تركيب عدسات بعيوني(الشوف شجر) يابعد حيي
** تدري ليش يخلص معي البنزين بسرعة لاني أروح لعجلون وأرجع لعمان وأمشي كثير بالاردن!!!

الاخ كاسترو
تستطيع التملك ولكن تحتاج موافقة امنية الموضوع سهل وليس صعب، عندما تكون في عمان راجع اي دائرة اراضي وسيعطوك التفاصيل
وارفق الخبر التالي هو قديم اول 2009 لكن لا يزال ساري
بدأت دائرة الأراضي والمساحة في الأردن بتقديم تسهيلات جديدة للمستثمرين العرب والأجانب الراغبين في تملك العقار في البلاد تشجيعا للتداول في هذا القطاع الذي تأثر بتداعيات الأزمة المالية العالمية. وقررت الموافقة على تملك العقارات من قبل المستثمرين بعد الحصول على الموافقة الأمنية فقط، من دون الحاجة الى موافقات الجهات الأخرى المعتمدة من قبل، وذلك بهدف تقصير الفترة الزمنية التي تستغرقها اجراءات التسجيل من خلال تلافي الازدواج في تحصيل الموافقات خصوصا عند الشراء وعند ترخيص المشروع. وكانت اجراءات تملك الأجنبي للعقار في المملكة تشترط ان يحتفظ به لمدة ثلاث سنوات قبل ان يحق له بيعه لضمان ان تكون الغاية من امتلاك العقار للاستثمار لا للمتاجرة أو المضاربة وهو ما حدث خلال السنوات الماضية

ياااامال العافية ياسحاب نت
طيب ماتخبرررون مكاتب عقار؟؟؟

جميع المباني المعروض بها شقق للبيع عليها لوحات اعلانية للبيع

مثل اسكان خلف واتشي وغيرها في جميع الاحياء

يعني من راسك لراسه بدون وسيط

البنزين كل بعد يوم عبي ب 20 او 25 دينار
او استخدم داخل عمان التاكسي

بالتوفيق ولك تحياتي

advocatez
الله يعافيك
بس كيف أتواصل معك(ممكن وسيلة تواصل معك)
هه
يالله حي الشمالي الغربي
هلا وغلا هلا بك بعد حيي

المشاركة الأصلية كتبت بواسطة كاسترو الشمالي
http://www.arabtravelersforum.com/tr...7/#post3579147

advocatez
الله يعافيك
بس كيف أتواصل معك(ممكن وسيلة تواصل معك)
هه
يالله حي الشمالي الغربي
هلا وغلا هلا بك بعد حيي



اخ كاسترو انا حاليا مقيم في الامارات بس ممكن التواصل عبر الرسائل الخاصة واي خدمة حاضرين
يعني صدقا عن تجربة وخبرة لا تثق بمكاتب العقار ودايما خليهم الحل الاخير
واذا بتحب اي استفسار جاهزين

advocatez
أنت عسل صافي ومعدنك طيب ياطيب