الاخت ريم والله ما انتا مقصرة ما شاء الله عليكي
في مطاعم مرتبة ونظيفة في عمان واسعارها معقولة ، في مطعم سندويشات في الجاردنز اسمو "حجو" سندويشاتو مش معقولة شو زاكية يعني برجر وكبدة وجبنة وما شابه غالي شوي بالنسبة لكونو سندويش واذا جوعانين بدكم كذا سندويشة بس زاكي شغل عشاء او فطور خفيف
وجربي مطعم وكافية تشي تشي الي في شارع المطار قرب نادي الجواد العربي واذا مش برد وبتقدرو تقعدو فوق راح تشوفو الناس بركبو الاحصنة وانتو بتتغدو
في مطعم كان زمان وضعو جيد بس اخر مرة جربتو ما عجبني وهوا مطعم قصر قرية النخيل فما بنصحك تجربي
وفي مطعم اسمو"كان زمان" مطعم تراثي حلو بس بعيد شوي في طريق مادبا يعني بدك نص ساعة توصلي من الدوار السابع في عمان وحسب الازمة.
وفي مطعم سمك بجنن في شارع المدينة المنورة قبل جسر الكيلو يعني اسألى وبدلوكي الناس وبعمل غير السمك مشويات ورز وبط
واذا بتحبي الفوارغ والكرش والروس في مطعم مرتب ونظيف اسمو k & k وهوا في شارع مكة خلف مطعم شاروما عربي افرنجي وقرب مقهى النعماني وفي مطعم اسمو ريا وسكينة في الرابية خلف بنك الاسكان واتذكرت مطعم عقل اخوان الي في الرابية في مجمع ابو العزام قرب بنك الاسكان مطعم مرتب ونظيف وبعمل كبسة اذا اشتقتليها
واذا بدك بيتزا ما الك الا القيصر الصغير وفروعو كثيرة في بشارع مكة وهوا من احسن الفروع بس انتي روحي على الفرع القديم الي في شارع مكة همي الفرعين قريبين على بعض بس القديم كراسي اريح واحلى
بس اوصيكي لا تنسي تجربي الكلحة الي في شارع الجاردنز حمص فول مش معقول جربي الكلحة الي على اليمين في شارع الجاردنز وانتي رايحة على السفيوي راح تحبي خبزو بخبزو قدامك واسعارو ارخص شوي من ابو جبارة حسب ما بتذكر.
وبرضو لا تنسي تجربي مطعم قصر الغابة تاع القدرة الي حكتليك عنها
ولا تنسي كلاج عمر كمان صدقيني راح تنبسطو عليه زاكي في البرد
وصراحة احسنتي مطعم ريم البوادي انا بحبو وخصوصا انو ما بقدم خمور، يعني تنورين وفخر الدين ***** وسعرهم غالي زي ما اتفضلتي
وانزلو يوم على جرش بس يكون يوم مشمس شوي شوفو جرش وجو القرى في كثير مطاعم في داخل مدينة جرش شكلهم تراثي وجميل ، واذا ولادك بحبو الغزلان في محمية غزلان في جرش واذا بتخذو سواق يوصلكم عليها مش غلط الا اذا بتحبو تجربو بس الطرق شوي جبلية وضيقة
ويا عمان اشتقنالك الف صحة وهنا ومحبة للكل

مواضيع عشوائيه ممكن تكون تعجبك اخترناها لك: