السلام عليكم ورحمة الله وبركاته
اليوم كان موعدي الساعه 9:45 بمركز التأشيرات الموحد بالخبر بالراكه
المركز فيه السفاره الفرنسيه والايطاليه والنمساويه والألمانيه والأسبانيه بشكل منظم وجميل
وفيه البريطانيه والكنديه
واذا ماخاب ظني الامريكيه والأستراليه
عموما موعدي كان vip دخلنا الصاله الرئيسيه بوقت مبكر الساعه 8 وامتلأ المكان وجا الموظف وقف عند كاونتر الأستقبال الساعه تقريبا 8:30 ونادى قال اللي موعده 9 يجي
رقم المواعيد يدوي بالقلم ودخلوا عدد لابأس فيه
بعدها بشوي الساعه 9 تقريبا جا موظف ثاني وجلس بالكاونتر وقام يوزع ارقام بالكمبيوتر كل واحد حسب السفاره اللي جاي لها او القسم اللي جاي له
عطاني رقم ودخلت داخل ورحت صالة vip جلست اقل من 5 دقايق لأن كان فيه شخص قدامي وبعدين جا دوري
وكان المكتب فيه بنت جدا محترمه ومتعاونه ما اقول غير الله يحفظها ويستر عليها ويسعدها
الأوراق اللي خذتهم
الأبلكيشن معبأ
صورة من الجواز وموقع في الصفحه الثالثه بنفس التوقيع اللي بالأبلكيشن طبعا هي ماقالت لكني قريت هنا وسويت نفس الشي
الـتأمين الطبي
ايضا لفت نظري وجود مكتب صغير وفيه شخص سعودي محترم مكتوب عليه التامين الطبي واعتقد انه يتبع لشركة معينه لعمل تأمين للي متورط او مايدري والله اعلم لكني ماسألته عن أي شي
حجز السكن
صورة وحدة فقط مقاس 3.5*4.5 خلفيه بيضاء ومكشوف الرأس
كنت مودي معاي كشف حساب ورجعته لي
قالت لي مافي بصمه ولا تصوير لأن الجهاز معطل واعتقد ان الجهاز له اسبوع تقريبا معطل فقط نتكفي بأخذ الأوراق منكم
بعدها جا وقت الحساب واندصمت من المبلغ
قيمة التأشيره او الفيزا 388
وهنا الصدمه قالت لي ان قيمة رسوم ال vip للشخص الواحد 280 ريال وهنا انصدمت انا قريت هنا بالمنتدى ان رسوم ال vip 150 ريال فقط يعني دفعت 560 رسوم خدمه مافي اي فرق غير اني خلصت مبكر واشوفها كثيررررره جدا لكن العوض من الله سبحانه
قالت لي تحب نرسل لك الجواز إذا خلص بإذن الله بالأرامكس فقلت اي وعطتني ورقه عبيت فيها عنواني ورقم جوالي
عموما واخيرا اشكر الأخوان المشرفين بموضوع استفسارات الشنغن على تفاعلهم وإجابتهم على الأستفسارات
و التجربه كانت جميله وموفقه وهذه بتكون بإذن الله اول سفره لأوروبا
ختاما دعواتكم بالتوفيقمواضيع عشوائيه ممكن تكون تعجبك اخترناها لك:
- فيزة رومانيا الشنقن هل تشمل دول اروبا الاخرى
- استفسار بخصوص شروط الفيزا الفرنسية
- تغيير موعد الحجز
- تجربتي الناجحة مع الفيزا البريطانية بالمكتب الموحد بالخبر
- التاشيرة وكيف طلعتها
- استفسار عاجل جدا موعدي غدا ان شاء الله
- تجربتي في الحصول علي تأشيرة شينجن من السفارة الايطالية من المركز الموحد (مصري)
- أسئلة لأهل الخبرة
- لمن سال عن دوام المركز الموحد برمضان الدوام فترة صباحي من الساعه صباحا وحتى عصرا
- سؤال عن السفر إلى دولة أوروبية أخرى في السفرات اللاحقة بعد إصدار تأشيرة الشنغن
- بعد مده طويلة انتهت التاشيرة ولكن عادي اتاخر عليهم
- تحديث شنغن البزنس في ايام
- استخرجت فيزا البرازيل في نصف ساعة
- تغيير حجوزات الطيران بعد الحصول على تأشيرة الشنغن
- فيزا شنغن (موافقة ثم رفض)
- عدة استفسارات عن التأمين الطبي وعن المتطلبات
- استفسار بسيط
- اوراقي ناقصة ورجعوها ابي مساعدة عاجلة
- استخراج الفيزا من الفرنسية والأكثر إقامة في سويسرا
- هل اخذ زوجتي معاي لتقديم على التأشيره
رد مع اقتباس
المفضلات