اليوم السادس

نزلنا نتمشى في المنطقة

زاوية الفندق



السوفنير جنب باب الفندق



فودافون ( عند زاوية الفندق)




يبيع ذرة وابو فروة

خذنا ابو فروة بـ 2 يورو




قران فيا





سوفنير عجيب ومرتب افضل من الباقين


























متحف الشمع

الدخول بـ 8 يورو

متحف للشخصيات السياسية والفنانين والمجرمين والشخصيات العربية + متحف للرعب







بعد ماطلعنا من المتحف اخذنا تاكسي لمجمع اكساندو ( أشهر مجمع في مدريد ) حتى نقضي باقي يومنا فيه

يقع المجمع خارج مدريد ، تقريباً 25 دقيقة بـ 25 يورو

والسواق اللي وصلنا اسمه هنري / انريكي بالاسباني

عطانا بطاقته وهذا رقمه

630417176

قال لنا نتصل له اذا بقينا اي رحلات لطليطة والاماكن القريبة من مدريد

نزلنا المجمع واول مادخلنا لقينا ملاهي صغيرة لعبنا بولنغ

صالة البولنغ



اعتقد الشخص بـ 7 يورو ( ما اتذكر السعر )

لعبنا واستانسنا كثير

بعدها أكلنا في مطعم لبناني في الطابق الارضي

ولاحظت مطاعم عربية وتركية كثير في المجمع ( حلال )

بعد ما أكلنا بدأنا نتسوق ،

كل واحد راح لمكان ، وتسوقت في محل permark

كان عنده تخفيضات وزحمة واسعارة تجنن ، طولت فيه وتسوقت كثير

تمشينا في المجمع وخليت اكياسي عند اخوي لأن قاعد في مقهى وانا ادور

ولقيت كشك يبيع مكواة للسفر جربتها واعجبتني كثير ، تنظف حتى الغبار

بـ 35 يورو

لقيت اخواني مرة ثانية ، وتمشينا في المجمع كله

وصلنا للطابق الثاني ، وانتهينا من جميع المحلات

ورحنا لمكتب الاستفسارات

لأن التكاسي ماتوصل للمجمع ، لازم نطلبها اول

أثناء ماكان اخوي يتكلم مع الموظفة واختي جنبه حطيت اكياسي عندهم

ولقيت كشك يسوي اساور جنب مكتب الاستفسارات

سويت لي سوارة بأسمي بـ 5 يورو واستانست عليها

جاني اخوي وقالي التاكسي بيوصل بعد 10 دقايق لازم ننزل تحت

مشينا وكانت يدي فاضية !

سألني أخوي وين الاكياس !

على بالي انه شال اكياسي معاه !

قالي ماشفت شي !

كان متخرع لأن كاميرته كانت داخل كيسي ، حطها لما خليت الاكياس عنده

وقفت قلوبنا ودورنا في كل الاكياس اللي معانا

مالقيناهم

ركضنااااا لمكتب الاستفسارات نسأأألهم ونقولهم وصف الاكياس !

قالوا ماشفنا شي

ركضنا مررة ثانية وانتشرنا ندور الاكياس في كل الممرات والمحلات اللي دخلناها

وصرت اطالع اي شخص يشيل في يده كيس عليه اسم المحل

رجعنا لمكتب الاستفسارات ونزلنا معاهم مكتب الشرطة في الطابق الارضي

طلع لنا الشرطي وقال انه شاف الشريط ،

وفعلاً كان فيه واحد شاف الكيس بعيد عن اخواني شوي خذاه وراح !

وماكان وجهه واضح في التسجيل ،

اعطيناهم معلوماتنا وارقامنا الاسبانية والقطرية حتى يتصلون علينا اذا لقوه

لكن للآسف راحت علينا

وعلى اخر لحظة اخواني قالوا انسي الموضوع وروحي نفس المحل خذي نفس الاغراض

سمعت كلامهم ورحت اشتريت بعض الاغراض اللي كنت ماخذتها

ماطلعنا من المجمع الا 9 متضايقين !

وتنكدنا وكان يوم سيئ ،

يعني على النصائح اللي قرأتها وقلت بنحرص على اغراضنا

انسرقنا بعد !

حسبي الله ونعم الوكيل

كرهت مدريد وقررت أقعد فالفندق حتى نرجع حبيبتنا برشلونة

ولكن اليوم السابع كان مختلف عن تخطيطاتي ، وحاولنا ننسى اللي صار

انتهى اليوم السادس

مواضيع عشوائيه ممكن تكون تعجبك اخترناها لك: