الموضوع: تنبيه للي بيقدمون شنغن او لبريطانيا ، اشياء تافهه ممكن تؤدي الى رفض تاشيرتك

السلام عليكم
قدمنا هالسنة شنغن بايطاليا وشاء الله جانا رفض
السبب كان سخيف جدا ويقهر
المعلومات المختصة بسبب الزيارة غير موثوقة
والمقصد ان المكتب اللي قدمنا عن طريقه قدم حجوزات طيران وفنادق مزيفه
لو انا وقتها ماكنت مشغولة بالاختبارات كان مدانا الحين نتمشى باوروبا
عشان كذا اعتمدوا على انفسكم ثم انفسكم ثم انفسكم
والنت ما قصر
وهالمنتدى فيه كل شي ماشاء الله من النماذج للطريقة لحجوزات السفر والفنادق وحتى جداول سياحية بعد كل هذا مو حرام فلوسكم تضيع على مكاتب ؟
ابذلو شوية جهد في البحث احسن من تعتمدون ع المكاتب ماراح يكونون احرص عليكم من انفسكم
ولا بيفهمون انتو وش تبون برحلاتكم اكثر منكم
يعني كل انسان وله اسلوب معين فيه ناس تحب الطبيعه وناس تحب حياة المدن والسهر
كلن ومزاجه لا تخلي احد يتحكم بمزاجك
انا الى الآن ست سفرات كلها رتبتها بجدول يومي دقيق ابتداء من وصولنا بالمطار الى حتى اسماء المطاعم ومحطات المترو من الف للياء بناء على معلومات هالمنتدى وكلها فوق الناجحة
ولله الحمد
ثاني شي
فيزا بريطانيا
انرفضت بسبب الحساب البنكي
السنة اللي فاتت انا سويت الابلكيشن لحالي
وكسلنا نكتب انو عندنا املاك ويجينا منها دخل عشان عشان ما نضطر نجيب اثباتات
وهم استغربوا من المبالغ الداخله للحساب والطالعه منه
يعني كانوا يبون شرح مفصل لتاريخك الحياتي والمالي
البريطانين بالعربي كذا تبي فيزا لازم تصير قدامهم ورقة مكشوفة
عاد الحمدلله رحنا تركيا بدل بريطانيا
وماليزيا بدل فرنسا
ورايحين الصين بدل ايطاليا
أشكو إليك يا عالم الحال عاد من جوازاتنا الفاتنة اللي تفتح النفس

مواضيع عشوائيه ممكن تكون تعجبك اخترناها لك:

• استفسار بخصوص تأشيرة الامارات
• مشكلتي بخصوص موعد التأشيرة
• رحلتي يوم سبتمبر
• بالنسبة للسفارة الفرنسية
• الفززعه يالأخوان مابقى علي شئ
• رسوم التأشيرة الاسبانيه
• استفسار بخصوص تأشيرة النمسا
• تجربتي في استخراج فيزا شنغن المانيا طالب غير موظف الرياض
• استخراج شنجن من بلد والنزول الى بلد آخر ؟
• هل أحتاج لتأشيرة ترانزيت
• شنجن فرنسا من مكتب التأشيرات بالخبر.... أرجو الإفادة.....
• ساعدوني رجاااااااااء للسفر لتركيا من مصر ترانزيت يحتاج الي تصريح امني ؟؟
• عندي استفسار بخصوص الفيزه الهنديه
• افيدوني يا اخواني العرب
• ضروري لضيق الوقت أرجوكم
• تم التقديم اليوم على السفارة الالمانية وعندي ملاحظة مهمه
• استفسارات فيزا بريطـانيـا مرجع
• تجربتي مع الفيزا الاسبانية في المكتب الموحد
• أنا مصري أريد الجواب للي يفهم في ترانزيت اوروبا ؟
• تحويل الفيزا السياحية الامريكية من اجراءات ادارية الي رفض

المقصد من هالموضوع ان التقديم للفيز سهل جدا جدا جدا
كل اللي يحتاجه شوية بحث ودقه
والله العظيم ما تاخذ منك يوم
يعني الواحد يتعب نفسه شوي و يقدم بنفسه وينتبه لكل التفاصيل
لان يا اخواني وماتحلفوني ما تتخيلون كيف شكل شعور خيبة الامل والصياح اللي صحته وانا اشوف الـ refusal مصكوك في وجهي

شعور ما ادري كيف أوصفه .. عشان كذا انتبهو للاشياء الصغيرة اللي ممكن تتفادونها بشوية انتباه وتركيز
لانها ممكن تصير سبب لرفض تاشيراتكم
يعني بالله عليكم تخيلو ولد خالتي وبنت خالتي عايشين في بلدين مختلفين وكل واحد فيهم مايدري ان الثاني مقدم لبريطانيا وانرفصت لهم اثنينهم عشان كل واحد فيهم ما قال في النموذج ان الثاني مقدم من سفارة بلد ثاني... متخييييليييييين حجم الدقة عند البريطانيين؟؟؟؟
ياريت اللي جاهم رفض من قبل يقولنا سبب الرفض عشان الباقين يستفيدون في المرات القادمة
في النهاية اتمنالكم سفرات سعيدة و لو هالموضوع جاي متاخر بعد ماجاكم ريفوسال لا قدر الله ترا ماليزيا مهيب شينه ورب الكون

عليكم السﻻم
أحسك مقهوره 004
ما تﻻمين كلها رفض من السفارتين ..
عموماً أشوف بأن ماله داعي المكاتب أبداً البتة
بما أن الوضع اﻵن ﻵزم ذهاب المتقدم للتبصيم ..
مثل سابقاً أكثر من مره سلمت جوازي لمكتب
واﻵن بعد التبصيم وﻻ مره أعطيت جوازي لمكاتب وشوله ..

ما فكرتم بأميركا بدال وأنتي مضيقه صدرك على القاره العجوز أوروبا كل شيء قديم وأثري ،،

على قولك
ماليزيا مش بطالة ..
بالتوفيق برحلتكم وإن شاءلله تستمتعون وتنبسطووون ،،

خيرها بغيرها
المرة الجاية ان شاء الله تنقبلون
المكاتب مثل ما قلت تاخذ عمولتها و لا يهمها اللي يصير بعدين

شكراً على التنبيه الهام للجميع

انتظر الفيزا بأحر من الجمر
دعواتكم

غريب؟؟
بحياتي مافكرت اقدم عن طريق مكتب
وبالنسبة لبريطانيا انا عام 2013 طلعت تاشيرة سياحية جبت لهم بس تعريف وكشف حساب يبين الراتب وبيانات الفندق
ورصيد الحساب كان بس 9000 ريال والراتب 25 الف من الموبايل

المشاركة الأصلية كتبت بواسطة تيمو النجداوي
http://www.arabtravelersforum.com/tr...4/#post8256384

الله يستر ماتنرفض فيزتي اللي للحين ماقدمت عليها
انا اقدم عن طريق المكاتب لأن ماعندي بطاقة فيزا ماحبيتها بس شكلي بقدم بطاقة مداد البلاد
فعلا مو كل مره المكاتب تلهفني لهف
مع انو احيانا احس المكاتب ارخص من بوكينق من الموبايل



اخوي جرب ماستر كارد الأهلي مسبقة الدفع .. سهلة
انا ما استخدم غيرها في السفروالدفع الإلكتروني ..مضمونة ومحمية