السلام عليكم ورحمة الله وبركاته
بداية أشكر الاخوان الي جاوبوا على استفساري في قسم الاستفسارات عن الفيزا الأمريكيه, والله يجعلها حسنات في ميزان أعمالكم باذن الله.
دخلت موقع السفاره الأمريكيه الي هو
http://abudhabi.usembassy.gov/niv/main.html
الفورم من موقع http://usvisa-info.com
والأفضل اتسوون لكم حساب من الموقع نفسه علشان تقدرون تدفعون الرسوم بدون جهد أو أي تعب.
وفعلا تم التسجيل ودفع الرسوم واخترنا موعد يوم 8/5/2014 أي بعد التسجيل بأسبوعين في السفارة الأمريكية في أبوظبي.
طبعا وصلنا وتفاجانا بالاجراءات الأمنية الي هناك , ممنوع الموبايل وممنوع تدخل اي شنطه او اي شي معك, انت وجوازك فقط وطبعا الي ماخذ معاه مستندات.
المهم دخلنا واول شي ايشوفون الطلب الي نحن امسوينه بعدين انروح للمقابله وكانت روتينيه وسهله جدا والي كانت عالكاونتر روووووعه ومبتسمه وبنفس الوقت قالتلي مبروووووووك وافقنا على تأشيرتكم وبيوصلكم ايميل انا ارسلنا جوازاتكم بالامبوست والجوازات بتوصلكم بعد يومين.
استانست واااااايد لأني ماتوقعت بالسرعه هاذي على حسب ماسمعت من البعض انهم معقدين وبتتاخر الفيزا ولا تذكرين ان عندك احد هناك الخ الخ الخ ,, الحمدلله الله سهلها وخلصنا وطلعنا.
وفعلا الجوازات وصلتني بعد يومين مع اني ساكنه بالامارات الشماليه ولاتاخرت.
حبيت اخبركم بالنسبه لمواطنين دولة الامارات مافي داعي تاخذون كشف من البنك ولا اي اوراق رسميه ولا مستندات غير جوازاتكم.
لأنهم مااطلبوا علينا أي شئ,,, وبالنسبه للفيزا عطونا اياها لمدة 10 سنوات .
حبيت كذلك الفت انتباهكم الى ان الحجز على طيران الاتحاد يسوون شيك أب لمطار نيويورك من مطار ابوظبي , فبتخلص اجراءاتك من مطار ابوظبي اقصد الاجراءات الامنيه الي ياخذونها عادة في امريكا , فبتكسب الوقت وبترتاح نفسيا وبتوصل هناك اجراءات عاديه وبس.
انا شخصيا كنت حاجزه على طيران الامارات ويوم عرفت هاي الميزه على طيران الاتحاد غيرت الحجز وحجزت على طيران الاتحاد....
ممتنه لطيران الاتحاد على هالخدمه الرائعة,,,
وشكرا لكم
مواضيع عشوائيه ممكن تكون تعجبك اخترناها لك:
- تم افتتاح مواعيد الحجز للسفارة الآن
- أول مرة أقدم على الشنجن الفرنسية ومحتاج بعض المساعدة في كتابة نموزج الفيزا
- تم افتتاح مواعيد حجز الفيزا للسفارة الأسبانية
- لدي فيزا شنغن الفرنسيه وارغب بالذهاب الى البوسنه
- حصلت على فيزا استراليا سياحيه بجواز سعودي ولكن وضعت مثلا مكان الميلاد أمريكا
- بأي لغة نعبي شنقن المانيا ؟ ومن فين نحصل على الابلاكيشن ؟
- تجربتي مع الفيزا الفرنسية بجدة اليوم الصباح
- فيزا البرزيل كيف لاجراءات
- مساعدة من فضلكم التحاق بزوج يدرس في كندا
- عاجل بكره رايح للرياض واوراقي جاهزه وابي نصيحتكم الله يسعدكم
- ما عاد اعرف وش تبي مني السفارة الفرنسية ؟؟
- استفسار عن فيزا الشنغن
- تجربتي مع الفيزا البريطانية
- أستفسار بالنسبة للفيز الفلبينية
- تقليص مدة تأشيرات شنجن للسعوديين إلى أيام
- أريد تأشيرة معلم لغة عربية لابناء الجاليات
- موعدي في السفارة الهولندية
- الله يوفقكم استفسار بسيط
- فيزا امريكية
- ساعدوني بالنسبه لفيزا ايطاليا ضروووري
رد مع اقتباس
المشاركة الأصلية كتبت بواسطة anthony777
المفضلات