مرحبا لجميع هذا اول مرة بكتب بهذا الموقع كان الي رغبة من فترة اكتب بس لما الله اراد
بدي اكتب عن سفري الى الاراضي المقدسة برمضان الماضي
كانت بداية الفكرة انو كنا انا واختي جالسين وملل واجت الفكرة انو ليش ما ننزل نقضي العيد ورمضان بفلسطين
وفعلا جهزنا حالنا بنفس اليوم ضبينا اغراضنا من الساعة 12:30 بالليل على الساعة 7 كنا جاهزين لسفر بس كانت المشكلة انو جوازات السفر خالصة يعني بدها تجديد
فنزلنا على الصراف سحبنا لفلوس الازمة ونزلنا على الجوازات وكان معانا صور الجديدة النا فحطينا جوزاتنا ونزلنا حولنا عملة من الدينار الاردني الى شيكل الاسرائيلي واشترينا اشيائات ما خلصنا الا جوازات جاهزة
فأخذنا تكسي لجسر الملك حسين بمنطقة الاغوار الاردني وصلنا الجسر على الساعة 12:30 وطبعا العالم كلها مروحين من العمرة (شهر رمضان) وازمة بشكل مش طبيعي المهم
اطلعنا من جسر الاردن VIP وكانت كتير مريحة وشوفير كان محترم انو سلم شناتينا للعتال الفلسطيني وصاه علينا
اعملنا معاملاتنا وطبعا الجسر اسرائلي غير شكل المهم خلصنا تقريبا على الساعة 4:10 واول ما استقبالنا هو منطقة اريحا واخذنا فرد(باص صغير) من استراحة اريحا منطقة رام الله وانزلنا عند دار عمتي اكيد كأول يوم كانت مفاجأة لجميع الي ما كانوا يعرفوا انو نازلين
قعدنا وسهرنا مع الاهل للصبح
تاني يوم
كان راحة بنسبة النا لانو كنا هلكنين من الجسر وانزلنا فيه على منطقة رام الله وسط البلد كأستطلاع على الوضع وزرنا منطقة المنارة ودوار الاسود واكلنا من هناك كنافة وروحنا
اليوم الثالث
كان اليوم الجمعة فقررت انا واختي ننزل على القدس الشريف بأعتبار انها جمعة برمضان ورغم عدم رغبة الاهل هناك أنه أنروح وقالوا لنا انه ممنوع دخول الاقل من سن 46 للنساء على القدس احنا اصرينا انه نروح وكان من اجمل ايام حياتي الحمدالله .
طلعنا من رام الله على 8:30 ووصلنا المحسوم(الجسر الي بين الضفة والقدس (الجدار)) لقينا شرطي اسرائيلي درزي وطبعا ما شاء الله صرنا نترجى في يدخلنا على القدس وطبعا برفض قاطع منو لانه احنا صغار وخايف نعمل عملية انتحارية هههههههههههههههههههههههههه
المهم تركت الصف الي كان في ورحت على الصف التاني وكان في شاب برضو اسرائلي بس اجنبي قلت له انه بدي افوت اصلي الاني راجعة الاردن ويمكن ارجع بعد فترة طويلة على فلسطين فقتنع ودخلني انا واختي وطبعا لو تشوفوا الحصار الي عاملينوا عليها لغير تبكوا شي مش طبيعي زي كانه داخلين بلد تاني المهم طلعنا من محسوم الرام للقدس الشريف
اول ما استقبلنا هناك كان باب العمود الشامخ مع كل الحروب. دخلنا وبلشت المدينة القديمة وشوارعها المقدسة تظهر امامنا كأنها صورة من العصور الوسطى .
مرينا بطريق الالام (الي بأعتقاد الاخوان المسيحين انه سيدنا عيسى حمل الصليب فى مع تعذيب) ومرنا على مكان ولادة سيدنا مريم العذراء .
وطبعا اذا ضلينا ماشيين للامام في حائط المبكى(البراق) على اليمن القيامة وعلى اليسار الأقصى الشريف .
المهم روحنا يسار عشان نروح على المسجد الاقصى اول شي بقابلك هو بوابة الضخمة الي تخص المسجد
دخلنا فرأينا المسجد مثل التحفة الحزينة التي جثت من الاسر دخلنا وصلينا الجمعة والخطبة وبعد ذلك قررنا ان نستكشف المكان فنزلنا خارج اسوار القدس بأتجاه جبل الزيتون واول ما زرنا قبر مريم لعذراء الذي امتاز برائحة البخور المستنشقة من العبر الى المرقد وهو كهف بدرج فسلمنا عليها وحكونا انو لازم انشعل الشمعة العذارء .
وبعد ذلك طلعنا من هناك عشان انكمل طريقنا بجبل الزيتون فرأينا زيتونة التي كان يتعبد تحتها سيدنا عيسى مسورة وطبعا ما كنت اعرف انها ما زالت موجودة ومبني بجانبها كنسية كبيرة اسمها كنيسة الزيتون وكملنا طريقنا لكنيسة الروسية )
ورجعنا على داخل الاسوار وكان ضايل كتير وقت للعصر فقررنا انو نمشي بأتجاه الاخر من القدس فطلعنا على الدرج ومشينا بشوارع القدس العتيقة الي ان وصلنا كنسية القيامة وهي من ثاني اكبر الكنائس المسيحة من حيث المكانة بعد المهد(( والتي يعتقد اخوانا المسحين انو فيها قبر المسيح وحيث صلب وغسل وبعث ومكان بكاء سيدنا مريم العذراء على فقد ابنها ) وطبعا هي من اروع الكنائس التي زرتهاوعشان نعرف شو الاماكن بضبط اخذنا دليل سياحي من الجالسين بجنب الكنيسة.
المهم كنيسة القيامة بتتكون من اكثر من كنيسة معاًًً فيوجد مكان الغسل ببدايتها وبعد هيك بطلعوا الدرج لمكان الصلب ومكان ما وضع الصليب وبعد هيك بتنزل لمكان الذي وجد فيه الجثة المسيح وكنيسة الشبه دائرية وكنسية الكاثوليكية والقبر و حجر الجلد وغيرها .
واحنا بكنيسة أذن العصر وكان المسجد الاقصى صار بعيد انه نلحق صلاة العصر فيهفقررنا ان نصلي بمسجد عمر بن الخطاب وهو بجانب الكنيسة مباشرة (وبتقول القصة أنه وقت تسليم سيدنا عمر رضي الله عنة مفاتيح القدس وكان موعد الصلاة فدعوه الخوارنة (الرهبان المسحيين) للصلاة داخل القيامة فرفض خوف على القيامة ما تتحول مسجد فصلى بجانبها فبنى مكان ما صلى مسجد هو مسجد عمر بن الخطاب بجانب الكنيسة القيامة )فصلينا في العصر ورجعنا انكمل لف بالكنيسة القيامة بعد ما خلصنا كنا ميتين عطش وبنستنى بأذان المغرب فأشترينا فطور ورجعنا على المسجد الاقصى أفطرنا بساحته وصلينا وبعدها كانت فرصة انه نلف بباحة الاقصى الشريف لانو كان كتير في ناس وقت صلاة الظهر لدرجة اننا صلينا برا مش داخل المسجد .
زرنا متحف الي في داخل الباحة الي كان تقريبا بدو يسكر وطبعا داخله بقايا منبر صلاح الدين ومنجنيق ومصاحف قديمة وغيرها وبعد ذلك طلعنا على درج مدرسة مغلقة داخل الباحة وسألنا عنها فقالونا انه هون مكان ما اجتمعوا بني اسرائيل عشان يتفقوا على صلب سيدنا عيسى عليه السلام وهلا تحول المكان لمدرسة ومرينا على المسجد المرواني بس كان مغلق
ومشينا على سوار القدس وطبعا الها اطلاله رائعة على جبل الزبتون وبهذه الاثناء نادى المأذن لصلاة العشاء فدخلنا المسجد قبة الصخرة عشان نصلى وطبعا شي ملفت يعني شكل الصخرة وهي صخرة معلقة داخل المسجد (هي وقت ما عرج الرسول صلى الله عليه وسلم ) واليهود الان وضعوا تحتها اعمدة عشان يكذبوا معجزة النبي الله بس واضحة انو معلقة فلفينا حولها بين صلاة العشاء وتراويح وتلمسنا بمكان وضع قدمين الرسول صلى الله عليه وسلم (لما تضع يدك مكان وضع قدمة الكريمة وبطلع على ايدك مسك جميل رائحة لحد هذه اللحظة بتذكر راحة ايدي لما شميتها ) وانزلنا تحت الصخر وصلنا ركعتين وبتجد تحيها مكان ما كان جالس ابو هريره رضي الله عنه ومقام للانبياء وقت ما صلى بهم رسول الله صلى الله عليه وسلم
وبعد ما خلصنا الترويح كان لازم نروح وطبعا وانت مروح وماشي بطريق لالام لباب العامود وبتفكر يمكن ما ترجع مرة تانية بحس انو قلبك ضل هناك وانت جسد عم تمشي وكانت هذا ثالث يوم أراضي المقدسة
بتمنى انه يكون عجبكم الموضوع الي اللقاء مع باقي الاجزاء بفلسطين ارض الصمود.مواضيع عشوائيه ممكن تكون تعجبك اخترناها لك:
- أفضل سينما في عمان
- الأردن قريباً دولـــه خليجيـــة
- رحلات صيد الحبارى رحلات الصيد البرى في موريتانيا السياحة العائلية في موريتانيا
- تكفوووووون ترا تكفى تهز الرجااااااجيل
- مطعم على الجبل
- ارجو الافادة بخصوص الجو بشهر اكتوبر
- تكفون تكفون تكفون تكفون ساعدوني
- افتتاح الملتقى الدولي للضيافة والفندقة في الأردن
- الختم اليمني على الجواز والارهاب
- ياهل الاردن ممكن
- ما ايكم بهذه الفنادق وهل من مقترحات أفضل ؟
- تساقط للثلوج مساء الخميس
- وش أهم المعالم في صنعاء ؟
- قررت وبالله المستعان
- مرسى القنظاوي
- سؤال عن مكتبات تونس وأسئلة أخرى
- لدى زيارة للأردن الأسبوع القادم
- السياحة المسائية
- لن أقول وداعاً بل إلى لقاء قريب أعضاء البوابة
- احذروا خدمة عمال مواقف السيارات
رد مع اقتباس
المفضلات