عفيه لا تردوني ابي مساعده بسيطه ويمكن كبيره

**alifun** · 01-15-2015, 01:25 PM

السلام عليكم ورحمة الله وبركاته

مرحبا اخواني العرب اللي بس يسافروون

))

اخواني انا محتاجه مساعدتكمممم .. هذي اول مشاركه لي ولو ما ثقتي فيكم جان ما طلبت هالاستشاره منكم

بإذن الله .. أنا والوالد قررنا نروح اليونان .. بالاصح اهو اللي قرر مو انا .. لان لما قالها لي توهقت شنوووووو وين نروح شنسوي اسلم على ارسطو ولا فلاطون شبي فيها كافي علي ادرس تاريخها لا وبالانجلش بعد يعني حياتي مع هالدولة ماساه بس كل هذا مجرد كتب وقراءه .. هالمره بروح اشوفها بعيوني الثنتين .. فقلت عصفور باليد ولا عشرة عالشجره .. خل اروح واتوكل على الله

فعاد هني يجي دوركم

.. أبي اروح استانس ابي اغير جو ابي احس باسترخاء وراحة اب ارد اقول اليونان وااااااااو ..فطلبتكم ما طلب غيركم .. ساعدوني .. أبي خطه حلوه للسفرة بحدود 8 ايام .. أبي اماكن سياحه مابي تعطوني مواقع ومدري شنوو .. أبي شي دايركت وسريت روحي جذي وجذي وجذي .. عرفتو علي؟ وماكو مانع اروح جزيرة وحده يومين عالاقل ..

الله يعافيكم لا تردوووني .. وسؤال؟؟ شنو الكرووز ؟؟ خبري فيها سيارتي غير هذا ماعرف ؟؟ قالولي باخره حلوه وشحلاتها توديج وتفر فيج .. عاد انتو قولولي يمدي اسويها باليونان؟ ولا مايصير؟

ووو مابي اماكن مراقص وبارات

الله يعافيكم معاي الوالد والوالد معاه انا يعني ملتزمين بالاخلاقيات

) لا باجر اوديه وتجي الوالده الله يحفظها وتقولي انتيييييييي ويين مموديه ابوج .. فهتموني فمابي مشاكل .. خلوني ارد وانا متهنيه بسفرتي .. يالله ما تقصرون ولا بتخيبون ظني ..

الفنندق وما فندق محجوز وخالصين منه ..

وراح ننزل على اثينا ..

ناطرتكم

واللي مو عارف شي عن هالديره يكتبلي دعوه حلوه يرفع فيها الموضوع ويرفع فيها فرحتي

ومشكورين
اختكم سيليزيا