الموضوع: تجربتي مع جهة عملي والغرفة التجارية لـ ورقة التعريف لـ تأشيرة الشنقن

بسم الله الرحمن الرحيم

السلام عليكم ورحمة الله وبركاته

كيف حالكم اخواني واخواتي الأعضاء والزوار ..؟ ان شاء الله كلكم طيبين و بـ أتم الصحة والعافية 3


حبيت أطرح لكم تجربتي مع الشركة اللي أشتغل فيها والغرفة التجارية .. من ناحية استخراج الفيزا ..

وأخص بالذكر : فيزا الشنقن عن طريق السفارة الفرنسية ..

لأن كان من ضمن شروطهم .. إحضار تعريف بالراتب والوظيفة من جهة العمل .. وشرط أن يكون مختوم من الغرفة التجارية ..
وما أدري إذا أي سفارة ثانية تطلب هالطلب ..

و لأني والله تمرمرت مرمره مايعلم فيها إلّا الله .. من كثر الرّوحه والجيّه .. فـ ماودّي أحد ياكل الفيلم اللي أنا أكلته ..

المهم نجي للسالفه .. وسامحوني على الإطالة ..

رحت أخذت التعريف بالراتب من الشركة .. ومكتوب فيه إن انا موظف عند الشركة من تاريخ كذا و فيه الراتب والمسمى الوظيفي .. يعني مثل ما طلبوا بالضبط ..

طبعاً مع تقدّم التقنية .. أغلب الشركات حطّت نظام جديد :
يتيح لك طباعة التعريف وأنت جالس بمكتبك من غير ما تروح لـ شئون الموظفين .. ويطلع لك من الطابعة مختوم وجاهز ..

المهم .. بعد ما طبعته .. أخذته و هو مختوم مثل ختم شئون الموظفين بالضبط .. و رحت للغرفة التجارية ..

أخذت رقم وجلست أنتظر دوري ..
شوي و جا رقمي .. ورحت للموظف .. وأعطيته التعريف وقلت له أبي ختم منكم علشان أبي أودّي التعريف للسفارة الفرنسية ..

جلس يناظر بالتعريف .. بعدين قال : هذا مطبوع عن طريق الطابعة..!!!

قلت له : إيه .. وين المشكلة ..؟

قال : هذا الختم اللي بالطابعة غير مقبول عندنا .. أرجع للشركة .. و جيب لنا تعريف مختوم من شئون الموظفين شخصيّاً ..

و آخذ تعريفي المسكين وأرجع للشركة اللي اشتغل فيها .. وأدخل على شئون الموظفين وأعلمهم السالفة ..

وقلت لهم : سووا لي واحد جديد وأختموه أنتم بيدكم .. أو أختموا لي على هذا وخلوني أمشي ..

قال واحد من الموظفين : هذا تعريف مطبوع من نظام الشركة والختم اللي عليه معتمد .. و كل البنوك مُعتمدته والقطاعات الحكومية ..

قلت له : طيب هذاك ردّني ..؟.. إذا رجعت له وقلت له كلامك هذا وردّني مره ثانيه .. وش اسوي ..؟

قال : أدخل على مديرهم وان شاء الله راح يمشي أمورك ..

و أرجع للغرفة التجارية و أقول للموظف نفس كلام خوينا اللي بالشركة ..

قال : انا قايل لك من قبل لا تجيني إلا بختم من الموظف نفسه ..!

قلت له : طيب دام السالفة كذا .. أنا أبي أقابل المدير ..
قال : أدخل عليه وماراح يقول لك غير الكلام اللي علمتك ..

وصدق الرجال .. دخلت على المدير وعلمته السالفة ..

وقال : كثير موظفين شركات يجونّا بنفس التعريف اللي معك ونردّهم ..
حنا مانقبل تعريف مطبوع ومختوم من الطابعة إلّا من شركة وحدة بالمملكة .. وهي شركة أرامكو ..

قلت له : طيب و سابك ..؟ ..
قال : حتى سابك ما نقبلها ..
حنّا نقبل من أرامكو الطريقة هذي بس لأنهم الشركة الوحيدة اللي تواصلوا معنا وأعتمدنا ختمهم هذا ..

وسحبت تعريفي اللي تشحّط بالشموس قصدي اللي تشحطّت أنا بالشموس .. ورجعت للشركة ..
وعلّمت شئون الموظفين بالسالفة مره ثانيه .. وانهبل الموظف يقول مستحيل ومدري ايش ..

قلت ..: أقول أختم لي وخلصني والله ماني ناقص عوار راس زيادة ..
قال : هذا الختم ماتقدر تاخذه إلى عن طريق العلاقات الحكومية بالشركة ..!!

و أدربي راسي وأروح عند العلاقات الحكومية وأعلمهم السالفة وقلت يرحم والديكم أختموا لي هالختم اللي مرمرني رايح جاي وخلوني أخلص ..

جا موظف منهم وختم لي على التعريف حقي اللي مطبوع ومختوم من الطابعة و وقّع وكتب أسمه ..

أخذت التعريف وانا مستانس بعد هالتعب كلّه وقلت ان شاء الله انها بتعدّي على خير .. بس باقي يختم لي موظف الغرفة التجارية وخلاص ..

المهم .. وصلت الغرفة التجارية .. وأخذت رقم وأنتظرت .. جا دوري ورحت للموظف ..
وشاف التعريف وقال : كذا أوكي .. قلت : الحمدلله ..

شوي و هو يطقطق بالكمبيوتر حقّه ..
إلّا يقول ..: معليش أخوي عبدالعزيز .. الموظف اللي خاتم و موقّع لك .. توقيعه غير معتمد عندنا ..!!

قلت ..: وشلون يعني بعد هالتعب كلّه وتقولّي توقيعه غير معتمد..!!!! .. شوف حل يمين ولا يسار الله يرضى عليك ..

قال : مافي حل غير إنك ترجع شركتك وتجيب لنا توقيع موظف يكون توقيعه معتمد عندنا ..
قلت : ياليـــــــــل ما أطولك :""(

تو جيت بطلع من الغرفة التجارية .. و جات على بالي فكرة .. ورجعت للموظف ..

قلت له : ممكن تعطيني أسماء الموظفين اللي في شركتي .. اللي توقيعهم معتمد عندكم ..
لأن مابي أرجع مره ثانيه ولّا ترا بلاها سفره :&

مواضيع عشوائيه ممكن تكون تعجبك اخترناها لك:

• بالنسبة للمطار في باريس
• طلبات استخراج الفيزا الالمانيه يوليو
• اسئلة المقابلة الشخصية بالسفارة الامريكية
• السداد عن طريق بطاقة الفيزا
• الاسئلة المتكررة
• إستفسار ضروري
• لا يوجد مواعيد في السفارة الاسبانية
• تجربتي في التقديم على الشنغن الفرنسية بتاريخ
• السلام عليكم استفسار
• بخصوص سؤال هل يوجد شخص مسافر معك في الاستمارة الامريكية
• قدمت اوراقي في شهر ولم تصلني الموافقة او الرفض الى الان وسفري ب شهر
• فيزا بريطانيا شرح التقديم على الفيزة البريطانية
• استفسار بخصوص الفيزا الي لندن
• تاشيرة الدخول الى الارجنتين
• رد ضرورى جدا على تعديل ف تذكره سفر الى بريطانيا
• سؤال بخصوص الفيزا السويسرية
• فيزا البوسنة لا تحتاج إلى دعوة والإجراءات بسيطة جداً للخليجيين
• سؤال عن صورة الفيزا والجواز
• كيف استخرج فيزا سياحية كوبا وجامايكا!
• بسم الله هل يمكن ان اكتب اسم المقيم في امريكا لا يملك جنسية امريكية

و عليكم السلام

الله يعينك على اللي مريت فيه
كان الاسهل تطبع خطاب التعريف بطابعة ملونة و يطلع الخطاب اورجنال
و تقدمه للسفارة بدون تصديق من الغرفة التجارية
التصديق من الغرفة التجارية خاص بالشركات او المؤسسات الصغيرة
لا شركة بحجم سابك أو ارامكو أو الخطوط السعودية

المشاركة الأصلية كتبت بواسطة آخـــرفـــرصــة
http://www.arabtravelersforum.com/tr...8/#post8194088

و عليكم السلام

الله يعينك على اللي مريت فيه
كان الاسهل تطبع خطاب التعريف بطابعة ملونة و يطلع الخطاب اورجنال
و تقدمه للسفارة بدون تصديق من الغرفة التجارية
التصديق من الغرفة التجارية خاص بالشركات او المؤسسات الصغيرة
لا شركة بحجم سابك أو ارامكو أو الخطوط السعودية

آمين .. و يعين الجميع يارب 3


وهذا اللي صار يالغالي .. الطابعة تطبع لك التعريف مختوم ملون وجاهز .. تشوفه كأنه ختم الموظف نفسه
مثل ماقلت اورجنال .. نفس الأصلي بالضبط وبالتوقيع ..
بس كيف عرف الموظف إنه مطبوع بالطابعة .. الله أعلم ..؟
أو أتوقع انه متعود دايم تمر عليه التعاريف اللي كذا .. فـ متعودين يردّونهم


وبخصوص التصديق .. انا يوم جيت أحجز موعد .. بحثت اول شيء عن الشروط ..
والحمدلله جهزت كل أوراقي .. بعدين حجزت موعد من موقعهم .. وطبعت لي نسخه من الشروط ..
وقرأت من ضمن الشروط إن التعريف لابد يكون مختوم من الغرفة التجاريه ..
مو ذاكرين إذا شركة كبيره عادي واذا صغيره لازم .. علشان كذا تعذّبت رايح جاي :")


الحمدلله ان الأمور عدّت على خير .. وان شاء الله تكون الصورة واضحه لـ باقي الأخوان علشان مايتعرضون لنفس الموقف


مشكور أخوي آخر فرصه على ردك ومشاركتك .. ماقصرت حبيب قلبي

هلا بالغالي

شوف حبيبي أول ما يطالع الموظف أو الموظفة بالمكتب الموحد بخطاب تعريف الراتب
اذا كان الراتب فوق العشرين تحسه وده يختم الجواز بالفيزا قدامك و ابتسامه كبيره تعلو محياه
و يبدأ يقول لك هذي ما نحتاجها و هذي مالها داع لييه تعبت نفسك
و يسألك تبغى كابتشينو ولا ميكاتو و يبدأ يسولف معك و هو يدبس بالاوراق

و لو راتبك حول الـ 15 الف يبدأ يقلب الاوراق و صوت الدباسة يعلى
و يسألك بطيب خاطر عن كشف الحساب و يقوقل فيه و يطلب لنفسه شاهي و لا قهوة ماهو لك
و يبصمك أكثر من مرة و كل شوي يكلم له واحد ما هو ذاك الاهتمام

و لو الراتب من الـ 10 الاف و تحت يبدأ يطلع لك النواقص
هذا ما هو أصل و هذا منتهي و التعهدات ما عبيتها
و تطيح الدباسة من يده اكثر من مرة كنه كان ناوي يضربك فيها
و يطلع لك خانات لازم تعبيها ولو فيه شئ غلط قال لك خذ موعد جديد

عشان كذا فيه ناس هنا يقولوا التقديم أسهل من شرب المويه و كلها دقايق
و ما طلبوا مني هذا و لا هذا و يبدأ يرد على الاستفسارات بنفس مفتوحة
و فيه ناس تجيك مقفلة بعد معاناة في التقديم و يسرد لك قائمة طويلة من الطلبات

كل مازاد الدخل الشهري و وظيفتك مرموقة قلت الطلبات
و كل ما نقص الدخل الشهري و وظيفتك عادية كثرت الطلبات

مجرد رأي شخصي

والله اتوقع هذا الواقع مو رأي شخصي

لأن انا من الفئة الثالثة من التصنيف اللي ذكرته يالغالي

وصار معي تقريباً مثل ماذكرت هههههههههه

مانقول إلا الحمد لله على كل حال .. في ناس والله مو لاقين حتى قوت يومهم

مشكور حبيب قلبي على مشاركتك لي معاناتي هههههههه من الموبايل

علي البركه يا عبدالعزيز ما بغت تطلع الفيزا وانت مضبط احلى جدول للحين
يا اخي بعض الناس يدري ان توقيعه غير معتمد ويوقع

بس تنزل مطار باريس بتنسى كل هالشحططه
سفره موفقه

لو انا كان ممكن لغيت الرحلة ..


عموما رحلة سعيدة .. وباريس تستاهل كل العناء

..


يالله لو مكانك الغي ام السفره .
ما شاء الله عليك طولة بال
احنا تو زوجي مطلع فيزا فرنسيه ومن الخبر
بس مشت الامور تمام واخذ ورقه من عمله ووداها للغرفه التجاريه وبثواني ختم وطلع
الحمدلله ما مرت عليه سالفتك كان شقق الاوراق وجلسنا بدون سفره خخخخ





كان الاسهل تطبع خطاب التعريف بطابعة ملونة و يطلع الخطاب اورجنال
و تقدمه للسفارة بدون تصديق من الغرفة التجارية
التصديق من الغرفة التجارية خاص بالشركات او المؤسسات الصغيرة
لا شركة بحجم سابك أو ارامكو أو الخطوط السعودية



احنا كمان طلب مننا المكتب ختم الغرفه التجاريه والشركه سابك ؟

يلا الحمدلله كل شيء
ومبروك استخراج الفيزا وعقبال السفره والبسطه ع خير .

المشاركة الأصلية كتبت بواسطة oceanus
http://www.arabtravelersforum.com/tr...1/#post8197321

لو انا كان ممكن لغيت الرحلة ..

عموما رحلة سعيدة .. وباريس تستاهل كل العناء

هههههههههههه يعني تحسب هالتفكير ما جا على بالي ^^بس الحمدلله عدّت على خير ..
واللي كان مساعدني .. إني سويت هالسالفه كلها خلال اسبوع كامل
يعني كانوا الغرفة التجارية إذا قالوا روح للشركة و قول لهم توقيع وختم وكذا ..
آخذ التعريف واخليه بالسيارة
واذا جا اليوم الثاني وانا رايح الدوام اسوي الختم بالشركة وانا مداوم ^^
واذا طلعت من الدوام مريت الغرفة التجارية .. وهكذا ^^


مشكور اخوي على مرورك ماقصرت حبيب قلبي






المشاركة الأصلية كتبت بواسطة romh ..
http://www.arabtravelersforum.com/tr...2/#post8197322

..

يالله لو مكانك الغي ام السفره .
ما شاء الله عليك طولة بال
احنا تو زوجي مطلع فيزا فرنسيه ومن الخبر
بس مشت الامور تمام واخذ ورقه من عمله ووداها للغرفه التجاريه وبثواني ختم وطلع
الحمدلله ما مرت عليه سالفتك كان شقق الاوراق وجلسنا بدون سفره خخخخ

احنا كمان طلب مننا المكتب ختم الغرفه التجاريه والشركه سابك ؟

يلا الحمدلله كل شيء
ومبروك استخراج الفيزا وعقبال السفره والبسطه ع خير .







هههههههههه من ناحية إني ألغيها .. قلت فوق إني فكرت ههههههه بس الحمدلله


انا بعد من الخبر مطلعها ومشت كل أموري تمام
إلا ورقة التعريف هي اللي دوّختني


ومن ناحية تعريف زوجك .. اكيد انه اخذها من الموظف دايركت والموظف فاهم الشغله واكيد انه عارف إن توقيعه معتمد عند الغرفه التجاريه
اما انا طحت لي في واحد من شؤون الموظفين جديد وشكله ما يدري وين الله قطّه :")
ومن ناحية الشركة .. لا يكون زوجك معي بنفس المصنع بس ههههههههه


و الله يبارك فيك اختي وماقصرتي على مرورك و ردّك الجميل
وعقبال الوناسه بالرحلة لكم ولنا بعد ^^