الموضوع: عضوة جديدة وتسأل عن التشيك ضروري لو سمحتو

السلام عليكم ورحمة الله وبركاته

انا عضوة يديده وبصراحه شفت تجاوبكم مع بعض ومساعداتكم

فتشجعت اسجل معاكم



و بأذن الله ماسافرة التشيك في بداية شهر 7 القادم

وتحديدا براغ

وعندي بعض الاستفسارات

بالنسبة للفيزا من وين احصلها مع العلم اني قطرية**************** خير ياطير

يعني اروح وين بالضبط عشان اقدم عليها وكم المدة المستغرقة


واذا ممكن تفيدوني اخذ معاي اي عملة افضل اليورو ولا عملة البلد نفسها

انا حاطه في بالي اخذ كاش واحتياطي فيزا

بس الكاش دايما اثق فيه اكثر

وبغيت استفيد من خبراتكم وين احسن مكان للسكن

مع العلم ان العائلة مكونة من 7 اشخاص كلهم كبار

الوالد الله يحفظه والوالدة و5 شباب بنات واولاد

ونبي شقة يكون فيه 4 غرف

او شقتين كل شقة فيها غرفتين واهم شي النظافه والامان

ويكون الموقع فيه حياة تسوق مطاعم وهالسوالف العائلة كلها تحب الوناسه والتجمعات

واي معلومة اضافيه راح تكون موضع تقديري وشكري

اسمحولي على الاطالة

وشكرا مقدما

مواضيع عشوائيه ممكن تكون تعجبك اخترناها لك:

• انطاليا والانيا .. ارجو المساعدة
• استفساري عن تأشيرة بلغاريا من وين ممكن أحصل عليها في السعودية
• الفزعه ياخوان اهم المطاعم في بروكسل
• فيزا شنقن من الهولنديه
• التشيكسؤال عن ساحة ؟؟
• سؤال بسيط وارجو الرد؟
• المساعده في تخطيط رحلة لبروكسل وماحولها
• سؤال عن المصحات في البوسنة وكرواتيا
• ضروري قبرص
• اعشق اوكرانيا وربيعها
• أريد التعرف أكثر عن النرويج، فمن منكم لديه معرفة واسعة عنها
• شوركم ونصيحتكم
• ساعة في لشبونة
• شهر عسل بروكسل
• عطني هدية للسفر منك إرشاد واعطيك عيني لك عطيه بلا دين
• موقف لن انساه من اوربا وفيزتهم مساعده
• طلبتكم يا أهل الفزعة لاتردوني
• إستفسار بشأن السفر إلى هولندا
• السلام عليكم
• أرجو المساعدة عاجلاً آيسلندا

بما انه للحين ماحد رد علي وعبرني

عندي بعد كم سؤال

ايش افضل احجز السكن من الدوحة

والا اخذ السكن لوصلت المطار

بصراحة العائلة وايد مزاجية ومايعجبهم العجب

احنا حطين للسكن 40000 الف ريال

ماادري بتكفي لسكن على مزاجهم

اخاف احجز لهم من الحين لوصلو مايعجبهم واتوهق بنفسي


وسؤال ثاني كم تبعد براغ عن فينا

وفيه رحلات جوية او لا

مافينا على المسافات الطويلة

عائلة تعقد لها بلد وربي

واسفه مرة ثانيه

ويارب احد يعبرني ولا برجع اسأل مرة ثانيه

نسيت احدد المدة

ناوين ان شاء الله نقعد 35 يوم

اجازتي كلها مابي اضيع يوم

الوالد والوالدة مقرهم بيكون براغ

انا واخواني وخواتي نبي نتجول فيينا باريس المانيا

وطبعا بتكون معانا فيزة الشنغن

بس شنهي اقرب بلد الى براغ

وبث خلاص

وعليكم السلام ورحمة الله وبركاته ...

بالنسبة للفيزا ,, من السفارة التشيكية في قطر مع العلم ان الفيزا التشيكية هي فيزا شينجين وتنطبق عليها نفس شروط للفيزا الشينجين لأي بلد أوروبي , وأكيد المكاتب السياحية ممكن تقوم بإجرائاتها نيابة عن المسافر برسوم إضافية .

المبلغ يفضل وبقوة يكون إستخدام الفيزا هو السائد لأن اوروبا عموماً في أي مكان الفيزا موجودة , ولكن لابد طبعاً يكون فيه مبلغ كاش حوالي 25% من الميزانية والأفضل يورو طبعاً .

لأن في التشيك إستخدام اليورو امر طبيعي جداً ومتداول,, وكشكات الصرافة في كل زاوية لو احتجتي الكرونة .

السكن امره صعب شوي إلا إذا كانت الميزانية تساعد , لأن الععدد ماشاء الله كبير وصعب في أوروبا تلقين شقة بـ 4 غرف نوم حتى 3 قليل جداً .

أنا أنصحكم بالسكن في منطقة براغ 5 شقق اسمها آندل مريحة ونظيفة والمنطقة آمنة .
مع العلم انها تعتبر خارج السنتر لكن قريبة مو بعيدة ,, وممكن استخدام المترو او الترام لأن الشقق جنبها مجمع اندل وفيه محطة مترو وموقف ترام .


السكن أفضل طبعاً الحجز يكون من الأنترنت يعني من الدوحة , حتى أريح نفسياً .

براغ تعتبر بعيدة عن فيينا ,, المسافة حوالي 300 كيلو بمايقرب 3 ساعات ونص مشوار طريق والرحلات فيه بريه قطار , او باصات , وفيه جوية .

المدة طويلة ,, ومسألة التنقل لاتتخيلينها سهلة ,,فيها مصاريف وتعب ومسافات ,, وباريس جداً بعيدة من براغ الا اذا تتكلمين عن طيران هذا شي ثاني .
المانيا من براغ ,, درسدن جداً جميلة وقريبة تبعد 150 كيلو بس وميونخ 400 وبرلين 350 كيلو شمال درسدن وفرانكفورت 400 تقريباً وميزة المانيا كلها طرق سريعة .

في التشيك ممكن تسكنون في كارلوفي فاري كـ منطقة ثانية جميلة جداً , وبرنو نوعاً ما مقبولة , والريف التشيكي جهة بولندا جميل جداً .

بما أن العائلة فيها رجال كبار أنصح بإستئجار سيارة كبيرة والتنقل فيها أمتع .

اشكرك اخوي ماقصرت

ويعطيك العافيه

واذا ممكن تعطيني عنوان الشقة اللي اسمها آندل

واكون شاكرة لك


احترامي وتقديري

http://www.andelshotel.com/en/home/

هذا عنوان الشقق ,, وعلى فكرة الاسعار الان زلت شوي في براغ من ناحية السكن .

ادخلي الموقع هذا http://www.HOTELS.COM وشوفي اسعار براغ .

مشكور ارسنال علي المعلومات القيمه
شو افضل المصحات العلاجيه قريبه من ميونخ
وكيف الاسعار والامان

شكرا اخوي على اهتمامك

ويعطيك العافيه