مساعدتكم ياخبراء

**alifun** · 01-15-2015, 01:04 PM

ممكن تساعدوني رحلتي بعد 12 يوم
بسال اذا وصلت للمطار كيف اوصل للفندق ابي بباص كيف كل باص مكتوب عليه وين يودي في مدريد ؟

وكيف انتقل من مدريد لبرشلونه بالقطار كم الوقت وكم التكلفه ؟؟؟

مواعيد الصلاة كيف اعرفها الاتجاه عندي بوصله لكن المواقيت كيف ؟؟

والانتقال من برشلونه لباريس بالخطوط الايبيريه كم يكلف وكيف احجزه من هنا لاتقولون نت اب تقولون لي مكان يحجز رحت للصرح وقالو مانحجز ؟ وكم الكيلوات المسموحه

كم يعادل الريال باليورو حاليا

وكيف الجو عسى مو ثلج لاني بردنا اللي مايذكر عندهم متعبني
وجوى الفندق دافي احسب على بيجامات صيفيه والا تجمد بعد

وش الاكله المشهوره بها اسبانيا والمطعم اللي يضبطها احب التغيير

انتظر ردودكو وشكرا مقدما

مواضيع عشوائيه ممكن تكون تعجبك اخترناها لك:

**ahmed3** · 01-15-2015, 01:04 PM

اذا وصلت للمطار كيف اوصل للفندق ابي بباص كيف كل باص مكتوب عليه وين يودي في مدريد

الباصات بالأرقام بس ما أنصح فيها لأن التاكسي ما يعتبر غالي في أسبانيا

وكيف انتقل من مدريد لبرشلونه بالقطار كم الوقت وكم التكلفه

أبدا تتوجهون لمحطة أتوتشا للقطارات ومن هناك تحجزون على القطار السريع لبرشلونة والوقت في حدود 3 ساعات ( بعض الرحلات أقل شوي وبعضها أكثر شوي على حسب التوقفات ) والسعر في حدود 70 يورو للشخص ( ممكن تلاقون أقل على بعض الرحلات , وأكثر على بعضها )

مواعيد الصلاة كيف اعرفها الاتجاه عندي بوصله لكن المواقيت كيف

مواقيت الصلاة فيه مواقع كثيرة تعطيكم إياها وممكن تأخذونها من المركز الإسلامي في مدريد

والانتقال من برشلونه لباريس بالخطوط الايبيريه كم يكلف وكيف احجزه من هنا لاتقولون نت اب تقولون لي مكان يحجز رحت للصرح وقالو مانحجز ؟ وكم الكيلوات المسموحه

ليش الخطوط الأيبيرية فالخطوط الجوية داخل أوربا كلها متشابهة فابحثوا عن الأرخص ولو ما تبغون من النت فيه مكتب ريكسون في جدة يحجز لكم أو ممكن تحجزون إذا وصلتوا مدريد والكيلوات عادة تكون 20 كيلو في الشحن و7 كيلو داخل الطيارة

كم يعادل الريال باليورو حاليا

ما بين 5 و 5,5 ريال

وكيف الجو عسى مو ثلج لاني بردنا اللي مايذكر عندهم متعبني
وجوى الفندق دافي احسب على بيجامات صيفيه والا تجمد بعد

أكيد الجو بارد جدا ( ثلج ) أما جوى الفندق فالجو يكون دافئ

وش الاكله المشهوره بها اسبانيا والمطعم اللي يضبطها احب التغيير

أكلتهم المشهورة هي الباييا وفي تقريري اللي بالتوقيع مطعم يضبطها

**ahmed1** · 01-15-2015, 01:04 PM

ليش الخطوط الأيبيرية فالخطوط الجوية داخل أوربا كلها متشابهة فابحثوا عن الأرخص ولو ما تبغون من النت فيه مكتب ريكسون في جدة يحجز لكم أو ممكن تحجزون إذا وصلتوا مدريد والكيلوات عادة تكون 20 كيلو في الشحن و7 كيلو داخل الطيارة

ماقصرت اخوي الله يخليك بس ليش الخطوط الايبيريه ماتنصح فيها وش افضل وانا في الرياض وش المكاتب اللي تحجز

ماقصرت على الاجابات بس ضاق صدري لما قلت بررررد وش اسوي يعني نجلس بالفندق مكتفين يدينا ههههههههه

**ahmed1** · 01-15-2015, 01:05 PM

المشاركة الأصلية كتبت بواسطة امون 69
http://www.arabtravelersforum.com/tr...4/#post4555100

ماقصرت اخوي الله يخليك بس ليش الخطوط الايبيريه ماتنصح فيها وش افضل وانا في الرياض وش المكاتب اللي تحجز

ماقصرت على الاجابات بس ضاق صدري لما قلت بررررد وش اسوي يعني نجلس بالفندق مكتفين يدينا ههههههههه

بالنسبة للخطوط الأيبيرية خطوط ممتازة بس انتي ما فهمتي قصدي
أنا أقصد أن الخطوط الجوية داخل أوربا كلها متشابهة ( من واقع تجربة ) فليش نربط أنفسنا بالخطوط الأيبيرية والمفروض ندور الأرخص , وعلى فكرة ممكن تحجزون على خطوط وتتفاجؤون إنكم راكبين خطوط ثانية لأن بينهم اتفاقيات
في الرياض ما أعرف بس ريكسون في موقعه على النت حاط رقم في الرياض وممكن تتصلون عليه وحتى لو كان في جدة بس يحجز حتى وأنتم في الرياض ترسلون له الأسماء والوقت ويبلغكم بالسعر وتحولونه له عادي
وهذا موقع ريكسون على النت والأرقام في أعلى الصفحة يسار
http://www.myrtn.com/?gclid=CNWq2tWA1KUCFUULfAod3CeOlA
وهذا موقع إجازتي ممكن تتصلون عليه وله مكتب في الرياض
http://www.myholiday.com.sa/
بالنسبة للبرد فصحيح برد شديد لكن الحياة ما تتوقف وممكن الواحد يلبس لبس ثقيل ويستمتع