الموضوع: الحرمة الا تبي اوروبا

السلام عليكم

فزعتكم يا اهل الخير الحرمة تبي تسافر و الا اوروبا
و الميزانية مو لهناك

و بالموت رضت انه نأجل السفر الى نوفمبر
اجازة الاضحى لانه مو موسم زي الصيف

انا ميزانيتي من 12 الى 15 الف اقصاها
شاملة تذاكر سكن و صرف

فكرت ادور الشقق الفندقية

مافي الا انا و زوجتي

شنو اقتراحاتكم الدول المناسبة قريت عن التشيك و بولندا
بس للحين محتار و مدري هالفلوس كم يوم تكفيني؟؟

ابي معلومات عن حجوز الطيران و الشقق الفندقية و معدل الصرف لا هنتوا

الله يقضي حاجتكم دلوني يا اهل الخبرة
و سلامتكم

مواضيع عشوائيه ممكن تكون تعجبك اخترناها لك:

• ミ★ミ دبي الشيـكミ★ミ علي مسموح بدون العبور من خلال المانيا
• بغيت استفسر عن ارقى وافخم الفنادق في بلجيكا
• بولندآ التشيك البرتغال البوسنه والهرسك
• روسيا تطمح لاجتذاب مليون سائح أجنبي في العام
• العلاج فى سلوفاكيا
• واحدة من أجمل بقاع الأرض قبرص أرض الأساطير والحكايات الساحرة
• أمستردام بميزانية معقولةكيف تقضي إجازتك من دون هدر أموالك؟
• فيديو عن السياحة في النرويج
• ارخص منتجع او فندق في بولندا ؟ ارجوا المساعده ضروري
• اي معلومات عن اسكتلندا
• واخيييييييييييرا لقيت الموقع الرسمي للسياحة في كوسوفو
• استفسار عن مصحات التشيك
• ممكن فيزا مضمونة لاوروبا او كندا في السعودية
• استفسار عن تذكرة الطيران الي هولندا والمتاحف في هولندا
• ارجو مساعدتي حاه اسافر لتركيا ومن اسطنبول لليونان عن طريق البحر
• ساعدوني في تنظيم جدول لـ ايام في أمستردام
• استفسار بسيط وانشاء الله القى الحل عندكم التشيك
• بلغاريا ورومانيا فقط للخبراء
• عملة اليورو ثاني أهم عملة على مستوى النقد الدولي وكل ما يتعلق بها
• رحله السعاده الى تشيك بـراغا

مشكلة بولندا والتشيك باردة شوي في نوفمبر .

أنا أشوف الميزانية تعتمد على حسب الأيام ,, لكن ممكن 15000 الف تكفيك أسبوعين في بولندا بس التشيك غالية مايكفيك هالمبلغ .

بولندا على حسب ما اعرف انها الارخص في اوروبا ,, وتعتبر ممتازة ومتقدمة في كثير من الامور وممكن تكون احلى من التشيك ,, انا مازرتها لكن حسب ما سمعت وشفت في الانترنت .

أنا ارى بولندا خيار ممتاز ,, بس عطني الوقت والمدة .

اذا كانت التذاكر ب3500 للنفر وانت احكم
7 الاف للتذاكر
و1 الف للفيزا
باقي اربع الاف الى 7
طبعا تكفيك اسبوعين على ماقال ارسنال او اقل هالكلام مايشمل دول الشنغن يعني روح لبلغاريا او رومانيا

يعطيكم العافية اخواني

سمارت: احس السعر اللي قلته وايد ع التذاكر يعني 7000 ؟؟
انا شفت بالطيران التركي ب 4800 لشخصين لانه فنوفمبر

الفيزا بألف؟؟ كاني قريت ب 110؟؟ و لازم اروح مقابلة للرياض؟؟ انا من الشرقية

ارسنال : انا عارف انه برد بس كم يعني درجة الحرارة ثلوج؟؟
يعني ما ينفع السفر بيروح علينا شئ؟؟

انا ناوي اسافر من 11 الى 21 نوفمبر

شدعوة يا شباب وينكم وين الردود؟؟
صرت افكر اغير سفرتي الى جولاي
او او غست
اشريكم؟؟

أخوي أذا تبغي بولندا عندك المعلومات في هذا الموضوع كتبته في صيف 2007

http://www.arabtravelersforum.com/travel149466/

وهذي مواضيع الأخوان في صيف 2009

http://www.arabtravelersforum.com/travel297077/

http://www.arabtravelersforum.com/travel309124/

أخذ ورقة وقلم وأحسب التكاليف بنفسك أنا كاتبه جميع الاسعار بالتقرير

بس لازم تتصل بالطيران وتسأل عن الأسعار حالياً وتتصل بالسفارة تسأل عن سعر الفيزا

والفنادق رخيصة في بولندا والاكل والمواصلات كذلك.
توكل على الله وأقرا التقرير وحدد المدن اللي بتزورها بس أعتقد أن الميزانية تكون 17 ألف بتكفيكم تذاكر وسكن ومواصلات وأكل لمدة أسبوعين.

بس ترا بولندا ما تصلح ألا بشهر 7 و8
يعني يوليو وأغسطس
ويفضل في بداية أغسطس لأن عندهم أحتفالات وطنية ويكون فيها عروض

أنا أرشح لك زيارة

3مدن

العاصمة وارسو

قرية زاكوبانا

مدينة كراكوفا العاصمة السابقة لبولندا

وتمنياتي برحلة سعيدة

شكرا اختي حتشبسوت
انا كنت متردد على الصيف لاني خفت يكون حر
بس اذا في احتفالات حلوو اهم شئ مايكون فرمضان

بس اذا ممكن رقم السفارة؟؟