الموضوع: خبراء اوروباااااالفزعه

السلام عليكم اخواني ....أسعد الله اوقاتكم ....


بإذن الله ناوي آخذ الاهل ونروح براغ لمدة 5 ايام ....وودي اني اروح المانيا بما انها قريبه منها ...
أو اروح النمسا...لمدة 8 ايام

مع العلم انه حجزي على طيران لوفتانزا (بحرين - فرانكفورت- براغ)
العوده (براغ - فرانكفورت- بحرين)
طبعا الحجز مافيه مجال اكنسل او ابدل لانه غير مسترجع...ودي انكم تسوون لي جدول مرتب مناسب ومهو متعب ...
عدد افراد الاسره 4 بالوالده والوالد الله يحفظهم ...
ياريت تساعدوني جزاكم الله خير.

مواضيع عشوائيه ممكن تكون تعجبك اخترناها لك:

• التخطيط لرحله صيف
• اليونان
• استفسار مهم عن البوسنه
• فيزا شنقل شنغن الاوربيه
• حليقو رؤوس في أوكرانيا يهاجمون كويتيا
• شهر العسل اخر ديسمبر اول جانيوري اوروبا
• المصحات الطبية في التشيــك
• شكري وتقدير لأخر فرصه
• عندي فيزا من السفارة الألمانيه وراح أروح للنمسا أول محطه
• عاجل استفسار يخص هولندا وبلجيكا
• ابي اسافر دوله اوروبيه رخيصه مثل سلوفاكيا بيشتني احد عنده فكره؟
• الفيزا الرومانية وطلعت والتذكرة في الجيب لكن النفس مش مرتاحة
• منع التدخين في الأماكن السياحية
• ما وضع النقاب في أوروبا ؟؟؟؟
• مـحـتــار أيــهـمـا اخـتـار أوكرانيا بلاروسيا
• للخبراء ماهي أقرب منطقة من سلوفاكيا إلى بولندا؟واستفسار عن براتسلافا وبراغ؟ضروري
• استفسار عن السياحة في رومانـــيـــا
• الفزعة يا رواد وخبراء بلجيكا
• للأستفسار عن رومانيا تفضلوو
• أستفسار مصيري لأصحاب الخبرة للدراسة بالخارج

وعليكم السلام ,, هلا والله

انا مافهمت بالضبط مدة السفرة كلها 5 ايام او المدة اللي مقرر تقضيها ببراغ ؟

على كل ما اعتقد ان المدة 5 ايام لأنها قليلة وخاصة انك ودك تزور مناطق ثانية ,

عندك مدينة دردسن جميلة جداً وراح تفاجئك انصحك تزورها وبقوة بحكم انها قريبة , اما بالنسبة للنمسا بعيدة شوي وتحتاج تخطيط جيد وموازنة بعدد الايام .

لذلك ودي تعطيني المدة كلها وانسق لك الرحلة بطريقة معينة , وياليت اعرف اي شهر طالعين ؟

يعطيك الف عافيه اخوي ...


احنا راح تكون رحلتنا من تاريخ 13 ابريل الى تاريخ 29 ابريل ..
يعني تقريبا 15 يوم


ودي اقسمها بحيث اني اروح النمسا والمانيا .. وياليت تفيدني بامكان التسوق والاوت لت والاماكن الي تستحق الزياره..
وياليت تفيدني لانه كثير يقولون لي زلامسي ماتنفع في شهر ابريل ؟؟؟
وايش انسب المواصلات للتنقل من دوله الى دوله

واكون شاكره اخي الغالي

ان شاء الله شهر ابريل يكون الجو معقول ومافيه ثلوج في المدن .


من ناحية المناطق المرتفعة مثل زيلامسي ممكن تكون مزعجة في وقت سفرك وانت هناك , والخيار يرجع لك ومن هناك تقدر تحكم على الجو هل مناسب لك اولا .


عندك براغ وعندك كارلوفي فاري هذي يومين للآولى واربع ايام للثانية .

فيه مناطق قريبة من كارلوفي فاري حلوة مثل خب ومارينسكي وعندك درسدن في المانيا ضروري تزورها تبعد عنك 180 كيلو تقريباً وفيه مدينة اسمها لايبزج في المانيا قريبة كذلك من كارلوفي فاري .

طيب باقي عندك 9 ايام مع يومين لبراغ آخر المدة بحكم رحلة العودة من براغ صارت 7 ايام .

من كارلوفي فاري لميونخ تقريبا 315 كيلو .. مسافة معقولة .


اذا لك رغبة بالتسوق اسكن في ميونخ , لكن اذا ماعندك رغبة اسكن في سالزبورغ اجمل وطبعاً بين ميونخ وسالزبورغ نص ساعة بس .

من سالزبورغ تفرق الامور.. اذا حسيت ان الجو مهيأ انك تنزل جنوب جهة البحيرات السبع المشهورة في النمسا فـ اقضي السبع ايام كلها هناك .

لكن اذا كان غير مهيأ ,, اسكن لك 5 ايام في سالزبورغ او ميونخ وانزل على مدينة اسمها لينز شرق النمسا على حدود التشيك واسكن يومين هناك والمدينة حلوة , واطلع لبراغ آخر يومين .


طبعاً التنقل سيارة وبقوة ,, استأجرك سكودا من التشيك اسعارها رخيصة , استلمها ثالث يوم اللي هو اليوم اللي بتطلع فيه كارلوفي فاري , وتأكد ان الفندق اللي في كارلوفي فاري يكون فيه باركينج ولابتاكلها .

وهذا مشكلة السيارةفي اوروبا المواقف بفلوس .. بس اشوف تعبها يسوى .

يعطيك الف عافيه اخوي ادري اني ازعجتكم كثير

بس ودي اعرف زلامسي مزعجه من اي ناحيه ؟؟

وبحكم تصفحي بالمنتدي ياليت تقولي رايك في مدينه برنو هل تسوى الواحد يروح لها ام لأ ؟؟
وبعدين برايك اني اخذ ليلتين في براغ والباقي اكملها كارلوفي فاري ومنها انزل علي المانيا والنمسا الى براغ ؟؟

وللمعلوميه راح يكون التنقل بالقطارات ؟!!

التنقل مو مشكلة لو كان بالقطار .. مع أنك ماذكرت القطار من قبل وشرت علينا ندلك أحسن وسيلة نقل وأنا نصحتك بالسيارة ولازلت انصحك فيها .

بس لازم تعرف ان القطار اولاً مكلف ثانياً متعب لأنه يوقف كثير حسب ما أعرف خاصة اذا مثلاً بتروح من كارلوفي فاري لـ ميونخ بتوقف في أكثر من محطة هذا أكيد .


بالنسبة لـ زيلامسي ,, أنت شكلك مو مركز معي .

أنا ذكرت أن الأماكن الريفية في النمسا أكيد بتكون ابرد من المدن وانت رايح في شهر 4 يعني لسى الجو مابعد يدفى صح ويمكن البرد يزعجكم شوي , وانت من هناك تقدر تحكم .


بخصوص برنو ,, بشكل عام في التشيك ماعندك الا براغ وكارلوفي فاري ,, صدقني لو رحت برنو بتضيع وقت على الفاضي ما اعتقد بتلاقي فيها شي مميز .
طبعاً ابداً ماقصد انها مو حلوة ’’لا بالعكس سنترها حلو وفيها كم مجمع مرتب والمدينة مرتبة حسب ما اعرف .


لكن اعتقد ان كارلوفي فاري اجمل وتساهل اكثر من برنو ,, ولاتقدر تجمع بين الثنتين .

مع العلم انه بإمكانك تغير خطتك وتخليها نزول من براغ لبرنو وبعدها تروح فيينا وتطلع سالزبورغ وترجع براغ .

بس المسافات طويلة عليك , وانت براحتك .