اخوي الجنيبي ..
مثل ما تفضلت نحن اخوان والحقيقة انا من السعودية وبالتحديد من الدمام بس ربيعي من عيمان ونعم فيهم ونعم فيك ..

بالنسبة للسفارة البلغارية في السعودية ما هي موجودة ولا حتى قنصلية للأسف ..
حتى في البحرين ما هي موجودة يعني عندي احد الخيارات يا اني استخرجها من الكويت او من الإمارات او من اسطنبول وانت تنصحني اني ما آخذها من اسطنبول ..
طيب السفارة اللي بالإمارات ممكن يستخرجون لي الفيزة لو اقدم عليها ؟
وبعدين انت قلت من شروط الفيزة حجز طيران ذهاب وعودة وحجز فندق لمدة لاتقل عن ليلة واحدة كيف وحجزي راح يكون البحرين اسطنبول البحرين وراح ادخل بلغاريا من اسطنبول بالباص ..؟
عموما ربيعي اللي ناوين يروحون معي واحد منهم راح يقرر بعد تاريخ 16 من هالشهر يا يروح يا مايروح وربيعنا الثالث معلق روحته بروحة ربيعنا الثاني يقول يا نسير ثلاثة ولا ما تصلح السفرة ..!!
بالنسبة لي انا ان شاء الله رايح رايح بهم ولا بلياهم بس افكر اني انزل اسطنبول لمدة يومين او ثلاثة منها اشوف اسطنبول ومنها اجرآت الفيزة مدري تنصحني ولا لا ..؟
ومثل ما قلت راح تكون الرحلة ان شاء الله بعد انتهاء نهائي كاس العالم ..
واسمح لي ثقلت عليك ..

اشكرك ..

مواضيع عشوائيه ممكن تكون تعجبك اخترناها لك: