المشاركة الأصلية كتبت بواسطة sniper 1
http://www.arabtravelersforum.com/tr...0/#post3910040
والله يا اخوي ما ادري وش اقول لك! حاولت اعرف كيف طريقة الرسائل الخاصة دون جدوى ..
بالنسبة لسؤالك انا من وين انت تخير ان بغيت من عيمان او من الدمام كلهم دياري ..
عزيزي انا ناوي اروح لفارنا وحجوزات الطيران تقريبا على الطيران التركي من البحرين على اسطنبول ومن اسطنبول نفس الحركة اللي قلت عنها بالباص على فارنا ..
لكن المشكلة في الفيزا حاولت أراسل السفارة اللي بالكويت على الإيميل اكثر من مرة لكن ما حد رد علي ابي اعرف انت كيف طريقتك في استخراجها ولو نوينا انتم في اسطنبول يومين او ثلاثة ونستخرج فيزة رومانيا من تركيا نقدر ..؟
انا ناوي مع ربيعي نسافر على اول اوثاني اسبوع من جولاي بس تنقصنا واجد معلومات منها وين تصير محطة الباصات في اسطنبول وكيف الطريق من اسطنبول على فارنا مريح وواسع ولا ضيق يخوف طلعات ونزلات ..؟
ولو حبينا نرجع من فارنا على اسطنبول طيران نقدر ..؟
وفيه اسئلة كثيرة بس راح ااجلها لين اقدر اتواصل وياك ..
اعتقد انت من الإمارات من وين بالضبط ..؟
ومتى راح تكون سفرتك هالسنة لفارنا ..؟
الشكر والتقدير لك ..
هلا اخوية اول شي طبعا انت من وين ما اتكون كلنا اخوان وانا اتشرف بمعرفتك من وين ما اتكون بس انا اسأل من وين علشان نختصر بعض الاسئلة لانك اذا من الامارات راح اقولك اتروح مكتب معين تقدر اطلع فية فيزة بلغاريا وتحجز فنادق لفارنا,,,,,,,,,,,,,,,,,,,,,, عالعموم انا من العين والشي اللي ابصراحة اتبهدلت فيه هو كيف اول لفارنا انا آخذ الباص من اسطنبول روح الطيران التركي ولا السنغافوري اذا انتة من دبي لان رحلاتهم توصل الصبح تقريبا قبل 7 والباص يتحرك الساعة 9 تقريبا لفارنا والرحلة ابصراحة هي تختلف من شخص لآخر انا ابصراحة عادي عندي 10 ساعات الشباب اللي سافرو عندي ما عجبهم الوضع بس الطريق آمن الحمد الله موب وعر وبالنسبة لاستخراج فيزة بلغاريا من تركيا ما انصحك لاني ما جربت وما احب اغامر يمكن ما يعطوني غير من دولتي وانا احتمال اسافر بعد تاريخ 10 جولاي موب متأكد وبالنسبة للأسئلة اسأل ولا تتردد انا حاضر لاي استفسار
مواضيع عشوائيه ممكن تكون تعجبك اخترناها لك:
رد مع اقتباس
المفضلات