الموضوع: احتاج رأيكم في مخطط رحلة لاسبانيا خبرتكم في الاجابة عن بعض الاستفسارات

بسم الله الرحمن الرحيم
اولا: السلام عليكم ورحمة الله,,
ثانيا: احنا الله يسلمكم قررنا بإذن الله وان تيسرت الامور ان نروح لاسبانيا في اجازة الحج هالسنة وبما اني مسؤولة حاليا عن تجهيز كل المطلوب وبما اني مادريت اننا بنروح الا من كم يوم بس , وبما اني ايضا عارفة ان الاعضاء هنا مايقصرون مع احد فقررت اكتب هالموضوع واحط فيه كل الاستفسارات اللي تدور بمخي وان شاءالله القى عندكم الاجوبة النافعه,, بسم الله نبدأ :

1- موعد الرحلة: 11 نوفمبر الى 22 نوفمبر
2-الوجهة : الدمام-برشلونه-الدمام أو البحرين-برشلونه-البحرين
3-عدد المسافرين: 5 (4 كبار وطفل)

بحثت مبدئيا عن حجز طيران لقيت على القطرية في الوقت المحدد بسعر 3900 (هل ممكن القى سعر افضل, وهل تنصحوني بخطوط ثانية؟)

4- مخطط الرحلة كالتالي:
ايام 11,12,13,14,15 نقضيها في برشلونه (طبعا يوم 11 راح يكون هو يوم السفر ففعليا ماراح نتمكن من الاستفاده منه, ويوم 15 راح يكون يوم الانتقال الى الوجهه التالية)

ايام 15,16,17,18 نقضيها في الجنوب (طبعا 15 يوم الوصول, و18 المغادرة والعودة الى برشلونه)

ايام 18,19,20,21,22 نقضيها في برشلونه

الاسئلة هنا:
- هل هذي الطريقة في تقسيم الايام جيدة والا راح تتعبنا وماتخلينا نستفيد؟
- ايش تقترحون فنادق كويسة للسكن في برشلونه بالنسبة لعددنا؟
- في زيارتنا لمدن الجنوب تنصحونا نسكن في اي مدينة (ماربيا, غرناطة والا قرطبة)؟ مع العلم ان هدف زيارة الجنوب هو زيارة قصر الحمراء والمسجد في قرطبة.
-هل فيه وسيلة نقل بين برشلونه والجنوب غير الطيران الداخلي (مثلا قطار)؟
-في مدن الجنوب تنصحوني اضيف شي غير هالثلاثة او احذف شي؟
-في برشلونه تنصحون بالسكن لمدة ليلة او ليلتين في port aventura ؟

5- الاستفسارات الخاصة بالفيزا:
- ايش احسن اعطي مكتب يخلص لنا الفيز والا اخلصها بنفسي؟
- اذا انا بخلصها: تنصحوني اخذ موعد منهم وانا مابعد خلصت موضوع الحجوزات والا استنى لين اخلص عشان اضمن اوراقي تكون كلها كاملة؟
- اللي راح يسافرون: انا (موظفة), اخوي (موظف) ومعانا 3 اخواني طلبة, ايش الاوراق المطلوبة لهم (هل هي اوراق الوالد والا يكفي كشف حسابي انا واخوي وتعريف من جهات عملنا؟)

وووبس هذا كل اللي مخربطني حاليا واتمنى القى عندكم الاجوبة...
شكرا مقدما والله يعطيكم العافيه ويجزاكم كل خير..

مواضيع عشوائيه ممكن تكون تعجبك اخترناها لك:

• الذهاب الى مايوركا من برشلونه
• تمنى المساعده من اهل الخبره مع الشكر
• الباصات السياحيه في برشلونه و مدريد
• بلييييز ساعدوووني
• محتاج مخطط مناسب لرحلتي
• وين القبلة في برشلونة
• نحتاج خبير مناطق مدريد وأفضل الفنادق
• تخطيط لرحلة من مدريد إلى اليكانتي
• اندورا الساحرة
• برنامج أيام إلى مدريد قرطبة غرناطة إشبيلية
• خبراء فنادق برشلونه
• افضل وقت لزيارة اسبانيا
• جدول سياحي لمايوركا وسانتياغو دي كومبوستيلا
• اخواني ابيكم تكملون معروفكم
• الجو في مدريد نوفمبـر للمسافرين
• ارجوو الرد
• شكر الى الاخ زمان والليل والنهار
• مسافر جديد إلى مدريد الرجاء المساعدة
• مطلوب برنامج اسبانيا و فرنسا لمدة يوم
• أول مره برشلونه

بحثت مبدئيا عن حجز طيران لقيت على القطرية في الوقت المحدد بسعر 3900 (هل ممكن القى سعر افضل, وهل تنصحوني بخطوط ثانية؟)

هل تأكدتي من المصرية؟ الأردنية؟ اللوفتهانزا؟

- ايش تقترحون فنادق كويسة للسكن في برشلونه بالنسبة لعددنا؟

هل فكرتم بالشقق؟ قد تكون أنسب لكم كمجموعة

- ايش احسن اعطي مكتب يخلص لنا الفيز والا اخلصها بنفسي؟

أفضل أن تكون بنفسك

- اذا انا بخلصها: تنصحوني اخذ موعد منهم وانا مابعد خلصت موضوع الحجوزات والا استنى لين اخلص عشان اضمن اوراقي تكون كلها كاملة؟

تأكدي من وقت الموعد، و إذا لم يكن مناسباً بالإمكان تعديله، و غالباً فإن
مواعيدهم تعتمد على تاريخ السفر، حيث تعطى قبل بحوالي 20 يوم.


- اللي راح يسافرون: انا (موظفة), اخوي (موظف) ومعانا 3 اخواني طلبة, ايش الاوراق المطلوبة لهم (هل هي اوراق الوالد والا يكفي كشف حسابي انا واخوي وتعريف من جهات عملنا؟)

* تعبئة نموذج الطلب
* تأمين طبي للسفر
* صور شخصية
* تعريف من جهة العمل برواتبكم (مصدقة)
* إذا لم يكن الأب مسافراً معكم، فلابد من خطاب موافقة موقع منه بالإضافة
لتوقيعه على نماذج طلب التأشيرة

المشاركة الأصلية كتبت بواسطة سعود بن محمد
http://www.arabtravelersforum.com/tr...7/#post4306917

هل تأكدتي من المصرية؟ الأردنية؟ اللوفتهانزا؟

شيكت عليهم الحين المصرية مافيه عوده الا يوم 25 وحنا مانقدر + سعرها اعلى من القطرية والاردنية الذهاب يوم 10 وبرضو مانقدر وبعد سعرها اعلى من القطرية (توقعت يكونون ارخص بس غريبة)
اللوفتهانزا راح اخليها الخيار الثاني (مع ان اجمالي السعر طلع اغلى علي بحوالي 2000 ريال خاصة اذا كان الحجز على القطرية من البحرين مو من الدمام)

هل فكرتم بالشقق؟ قد تكون أنسب لكم كمجموعة

والله ماادري بس احنا مامعنا ناس كبار مرة ولا صغار مرة يعني اصغر شي 11 سنة ومااحس ان الشقق بتنفع لنا بس ليش لا اسالهم واشوف رايهم


أفضل أن تكون بنفسك

انا بس شايله هم الحوسة اللي ممكن تصير لي عشان اخواني الصغار, عشان كذا ودي بمكتب يخلصهم لي وافتك مع ان المكاتب مرة نصابين اجل فيه مكتب بياخذ على الجواز الواحد 850
بس بعد بطلبكم اللي يعرف مكتب زين يقولي اسمه واشوف



* إذا لم يكن الأب مسافراً معكم، فلابد من خطاب موافقة موقع منه بالإضافة
لتوقيعه على نماذج طلب التأشيرة

لا ابوي ماراح يسافر معنا فهل يحتاج نجيب لهم تعريف من العمل حقه وكشف حسابه بعد؟

شكرا لك اخوي والله يجزاك كل خير يارب

بالنسبه للخطوط شيكي على الاتحاد او الاماراتيه ترى القطريه اسعارها تتفاوت فيه اماكن تكون غاليه مقارنه بالشركات الثانيه والعكس امانه مااقدر افيدك في برشلونه لاني مازرتها اما ماربيه احسها بالصيف احلى وقت بعكس الشتا اما بالنسبه للفيزا عن تجربه حنا دايم نعطيها مكتب الفيفا ومره متعاونين
اتمنى اكون افدتك

لي بعض الملاحظات على رحلتكم :
1- توزيع الأيام غير مناسب فأيام برشلونة أكثر من اللازم
2- استبعدتم مدريد وفي رأيي أنها أكثر متعة من أي مدينة أخرى وكذلك رحلات الطيران لمدريد أكثر وأرخص
لو أنا مكانكم وزعت الأيام كالتالي :
3 - مدريد
3- برشلونة
2- فالنسيا أو أليكانتي
2 - غرناطة
1- مدريد
ولو كنت مكانكم أيضا لاستأجرت سيارة وتنقلت بها أرخص وأكثر متعة

المشاركة الأصلية كتبت بواسطة الليل و النهار
http://www.arabtravelersforum.com/tr...3/#post4307373

طريقتكم مريحة جدا



بنسبة لعددكم الأفضل تأجرون غرفتين


الطائرة أفضل وسيلة لو كنتم في مدريد ممكن القطار إلى قرطبة
والافضل تسكنون في غرناطة



مشرفنا ايش قصدك بالطائرة افضل هل تقصد ان القطار موجود بين الاقليمين بس الطائرة احسن منه, والا قصدك انها افضل من وسائل ثانية مثل السيارة؟ لان اذا كان موجود قطار فالاغلبية يفضلونه على الطائرة

وسؤال ثاني اذا سمحت, جاني اقتراح انه يتم الغاء زيارة الجنوب وتنقسم الايام بين برشلونه وباريس, فمااعرف ايش رايكم اخليها مثل ماقسمتها في البداية والا اغير وادخل باريس في الخطة؟

والله يعطيك العافيه ويجزاك خير يارب

المشاركة الأصلية كتبت بواسطة Maha KSA
http://www.arabtravelersforum.com/tr...3/#post4307503

بالنسبه للخطوط شيكي على الاتحاد او الاماراتيه ترى القطريه اسعارها تتفاوت فيه اماكن تكون غاليه مقارنه بالشركات الثانيه والعكس امانه مااقدر افيدك في برشلونه لاني مازرتها اما ماربيه احسها بالصيف احلى وقت بعكس الشتا اما بالنسبه للفيزا عن تجربه حنا دايم نعطيها مكتب الفيفا ومره متعاونين
اتمنى اكون افدتك



شكرا الف شكر عزيزتي مها واكيد افدتيني (يكفي انك اهتميتي ورديتي)
بالنسبة للخطوط شكلها خلاص القطرية بتكون انسب شي, اما بالنسبة للمكتب فالله يعطيك الف عافية على الاقتراح (من جد شايلة هم الفيز لان وقتي مره مزحوم ومضغوطه بالدوام ويمكن ماالحق اخلصهم بنفسي) بس استفسار بسيط عن هالنقطه اذا عندك فكره عنها, مكتب الفيفا اللي تقصدينه هو نفسه اللي يخلص اجراءات الفيز لموظفين ارامكو؟

المشاركة الأصلية كتبت بواسطة zaman99s
http://www.arabtravelersforum.com/tr...5/#post4307545

لي بعض الملاحظات على رحلتكم :
1- توزيع الأيام غير مناسب فأيام برشلونة أكثر من اللازم
2- استبعدتم مدريد وفي رأيي أنها أكثر متعة من أي مدينة أخرى وكذلك رحلات الطيران لمدريد أكثر وأرخص
لو أنا مكانكم وزعت الأيام كالتالي :
3 - مدريد
3- برشلونة
2- فالنسيا أو أليكانتي
2 - غرناطة
1- مدريد
ولو كنت مكانكم أيضا لاستأجرت سيارة وتنقلت بها أرخص وأكثر متعة



الله يعطيك الف عافية اخوي زمان على الرد والاقتراحات بس خلني اقول لك حنا وش سالفتنا:
1- الهدف الاساسي من الرحلة كلها هو حضور مباراة لبرشلونه (اي مباراة ان شاءالله لو نشوفهم وهم يتدربون) وعلى هالاساس لما بحثنا لقينا ان لهم مباراة يوم الاحد اللي هو 14 نوفمبر فقلنا خلاص الحمدلله ان شاءالله الهدف بيتحقق.
2- حسب ماقريت في مواضيع الكثير من الاعضاء الله يعطيهم العافية ان برشلونه جدا ممتعه ويالله يكفيها على الاقل 6 ايام, اما بالنسبة لمدريد فكل اللي سالتهم قالو ما تستاهل تروحون لها خاصة ان مدة رحلتنا قصيرة (تقريبا 12 يوم 2 منهم روحه ورجعه يعني في المطارات) مع العلم ان اخوي قال لي وشلون تبين نودينا اسبانيا وماتودينا مدريد بس قلت له ماعلي منك فهل انت من رايك انها تستحق العنوة بالرغم من قصر مدة الرحلة؟

3- مقترحك والمدن اللي اضفتها جدا رائع بس المشكلة انها راح تتعبنا بالتنقل, اما السيارة فاخوي رافض تماما موضوعها قال عشانكم بس اذا رحتوا المدن الجنوبية افكر وقتها اسوق (يعني حتى بيفكر موب اكيد )
4- سؤال لك بعد مثل ما سالته لمشرفنا, هل اكنسل مدن الجنوب واخلي الرحلة برشلونه وباريس (مع العلم انا مرررره مشتهيه اروح الاندلس) واللي معاي ماعندهم مشكلة بس انهم اقترحو باريس كااقتراح فقط لاغير؟

المشاركة الأصلية كتبت بواسطة any way
http://www.arabtravelersforum.com/tr...5/#post4307585

الله يعطيك الف عافية اخوي زمان على الرد والاقتراحات بس خلني اقول لك حنا وش سالفتنا:
1- الهدف الاساسي من الرحلة كلها هو حضور مباراة لبرشلونه (اي مباراة ان شاءالله لو نشوفهم وهم يتدربون) وعلى هالاساس لما بحثنا لقينا ان لهم مباراة يوم الاحد اللي هو 14 نوفمبر فقلنا خلاص الحمدلله ان شاءالله الهدف بيتحقق.
2- حسب ماقريت في مواضيع الكثير من الاعضاء الله يعطيهم العافية ان برشلونه جدا ممتعه ويالله يكفيها على الاقل 6 ايام, اما بالنسبة لمدريد فكل اللي سالتهم قالو ما تستاهل تروحون لها خاصة ان مدة رحلتنا قصيرة (تقريبا 12 يوم 2 منهم روحه ورجعه يعني في المطارات) مع العلم ان اخوي قال لي وشلون تبين نودينا اسبانيا وماتودينا مدريد بس قلت له ماعلي منك فهل انت من رايك انها تستحق العنوة بالرغم من قصر مدة الرحلة؟

3- مقترحك والمدن اللي اضفتها جدا رائع بس المشكلة انها راح تتعبنا بالتنقل, اما السيارة فاخوي رافض تماما موضوعها قال عشانكم بس اذا رحتوا المدن الجنوبية افكر وقتها اسوق (يعني حتى بيفكر موب اكيد )
4- سؤال لك بعد مثل ما سالته لمشرفنا, هل اكنسل مدن الجنوب واخلي الرحلة برشلونه وباريس (مع العلم انا مرررره مشتهيه اروح الاندلس) واللي معاي ماعندهم مشكلة بس انهم اقترحو باريس كااقتراح فقط لاغير؟

1- أنا أشوف أن مدريد أفضل بكثير من برشلونة فهي تحتاج أسبوع أو أكثر أما برشلونة فبصراحة 3 أيام تكفيها وزيادة وأنا أقول ها الكلام من واقع خبرتي فأنا أقمت في أسبانيا سنوات
2- بالنسبة ليوم 14 فممكن تجلسون في مدريد إلى يوم إلى يوم 13 وبعدها تروحون برشلونة وتجلسون فيها إلى يوم 16 وبعدها تكملون على نفس تخطيطي وتخلون آخر الأيام لمدريد للتسوق لأنها مشهورة بالمراكز التجارية وكذلك زيارة مدينة طليطلة
3- التنقلات ماراح تكون متعبة بالعكس بتكون متعة لكن لو ما تقدرون بالسيارة ممكن تطلعون من مدريد إلى برشلونة بالقطار ومن برشلونة إلى الأندلس بالطائرة وأول ما توصلون الأندلس تستأجرون سيارة وتبقى معاكم حتى تسلمونها في مدريد لأنكم بتحتاجونها في الأخير للذهاب للمجمعات التجارية فمعضمها على أطراف المدينة وليس في الوسط وكذلك بتحتاجونها من شان طليطلة
4- بصراحة كلام أخوك منطقي في زيارة مدريد وكلامك منطقي في زيارة الأندلس لأنها أهم ما في أسبانيا فالأفضل الجمع بين المكانين وعدم التفكير في باريس . لكن لو فكرتوا في باريس واللاقتراح فقط فاحجزوا على باريس بدل برشلونة أرخص
5- يمكنك الاطلاع على تقريري اللي في التوقيع بعنوان ( بعد أربعة أشهر ) بتلاقين فيه بعض الأشياء عن مدريد وبرشلونة والانتقال بالسيارة

المشاركة الأصلية كتبت بواسطة zaman99s
http://www.arabtravelersforum.com/tr...2/#post4307662

1- أنا أشوف أن مدريد أفضل بكثير من برشلونة فهي تحتاج أسبوع أو أكثر أما برشلونة فبصراحة 3 أيام تكفيها وزيادة وأنا أقول ها الكلام من واقع خبرتي فأنا أقمت في أسبانيا سنوات
2- بالنسبة ليوم 14 فممكن تجلسون في مدريد إلى يوم إلى يوم 13 وبعدها تروحون برشلونة وتجلسون فيها إلى يوم 16 وبعدها تكملون على نفس تخطيطي وتخلون آخر الأيام لمدريد للتسوق لأنها مشهورة بالمراكز التجارية وكذلك زيارة مدينة طليطلة
3- التنقلات ماراح تكون متعبة بالعكس بتكون متعة لكن لو ما تقدرون بالسيارة ممكن تطلعون من مدريد إلى برشلونة بالقطار ومن برشلونة إلى الأندلس بالطائرة وأول ما توصلون الأندلس تستأجرون سيارة وتبقى معاكم حتى تسلمونها في مدريد لأنكم بتحتاجونها في الأخير للذهاب للمجمعات التجارية فمعضمها على أطراف المدينة وليس في الوسط وكذلك بتحتاجونها من شان طليطلة
4- بصراحة كلام أخوك منطقي في زيارة مدريد وكلامك منطقي في زيارة الأندلس لأنها أهم ما في أسبانيا فالأفضل الجمع بين المكانين وعدم التفكير في باريس . لكن لو فكرتوا في باريس واللاقتراح فقط فاحجزوا على باريس بدل برشلونة أرخص
5- يمكنك الاطلاع على تقريري اللي في التوقيع بعنوان ( بعد أربعة أشهر ) بتلاقين فيه بعض الأشياء عن مدريد وبرشلونة والانتقال بالسيارة



الله يعطيك العافية وماقصرت, شاكرة جدا لتعاونك وردودك...
ان شاءالله راح احاول ارتب الامور بطريقة تخلينا نستمتع على قد مانقدر وباذن الله راح اعرض المخطط النهائي بعد اتمام الحجوزات وانهاء كافة الاجراءات...

شكرا لكم جميعا

بالنسبة لأسعار التذاكر غالية لانها الى برشلونه

غيروا الوجهة الى مدريد وبتلقون ارخص بكثير

المشاركة الأصلية كتبت بواسطة ابو لولو
http://www.arabtravelersforum.com/tr...7/#post4307877

بالنسبة لأسعار التذاكر غالية لانها الى برشلونه

غيروا الوجهة الى مدريد وبتلقون ارخص بكثير



شكرا اخوي...
بس سؤال يعني ممكن تطلع لنا ارخص اذا حجزنا على مدريد وبعدين من مدريد الى برشلونه بالقطار مثلا؟
لان حنا وجهتنا برشلونه ومانبغى مدريد...

هلا والله حبيبتي بالنسبه لمكتب الفيفا موقعه في برج الدمام الي جنب مجمع الواحه بس والله ماعندي فكره اذا يخلص حق ارامكو اولا
واي استفسار انا حاضره

KLM from 9/11 to 22/11 one adult 2665 riyal from Dammam

المشاركة الأصلية كتبت بواسطة Allah is One
http://www.arabtravelersforum.com/tr...9/#post4309919

KLM from 9/11 to 22/11 one adult 2665 riyal from Dammam



الله يعطيك العافية اخوي.. شيكت عليهم هذا السعر اذا كنا بنسافر الاثنين,الثلاثاء,السبت او الاحد اما ايام الويك اند فالاسعار تختلف يعني مثلا حنا نبغى الخميس يطلع لي الكبير ب 5080 ريال
والله قهر المشكله مانقدر قبل الخميس ابدا
شكرا على اهتمامك مره ثانية..

اخواني الاعزاء....

انا محتاجه مساعدتكم بشكل طارئ جداااااااااااااااااااااا...

المكتب اللي نتعامل معاه عمل لنا حجز السكن في فندق H10 Univeritate عملت عنه بحث ولقيت اراء الناس فيه جيدة, ولكن المكتب مايعمل تأكيد للحجز الى اذا طلعت الفيز,,, واليوم طلعت فيزنا (ورحلتنا الجمعه)
فلما طلبنا منه يعمل تاكيد للحجز قال ان الحجز الان غير متوفر وعطانا اقتراح ثاني اللي هو HCC REGENTE ووالله جالسه من الظهر اقرأ عنه وابحث عن غيره والمشكله الكل يقول ان موقعه مش كويس وانه مش مرره امان

الزبدة انا الحين محتااااره المكتب لازم يحجز لي اليوم وانا خايفه اوافق على هالفندق... فرجاااااااء اللي عنده فكرة عن الفندق هذا يرد علي وبسررررررررعه...

شكررا للكل...