ماشالله تبارك الرحمن ، كأنك عارف اني أبحث عن معلومات حول الجزر .. ولكن الصورة ماكانت واضحة بما أن المدن أسماءها متشابهة .. جلست ادور عن خريطة واضحة للجزر عشان استوعب الأماكن حتى بغيت أسوي حفلة
كنت قارية عن حديقة لورو بارك و عروضها فحبيت أدور موقعها بالضبط بحيث أحجز بمنتجع قريب لها .. واللي لقطته من معلوماتها انها في مكان اسمه سانتا كروز .. بس لما رحت أشوف مواقع الاوتيلات لقيت سانتا كروزين ولما شيكت مواقع الطيارات لقيت مطارين لتينيريف كل واحد اسم انا لله طيب الحين شلون أنتم بس وصلوني لهالحديقة وان بغيتوا اسكن بمدريد ههههههههه

الله يعافيك كأن الغشاوة بدأت تتلاشى بعد قرائتي لهالموضوع (توها تبدا يعني يبي لك تتحمل شوي الأسئلة)

الشيء الأول ، الصورة هذي خرافية سبحان الخالق




وش اسم المنطقة ؟ وهل فيه اوتيلات مطلة على مناظر زي كذا + بحر ؟


لأن بقية الصور للاوتيل ما حسيت اطلالتها حلوة .. مباني وشاطيء كنه بمصر هههههه وين الخضرة والأناقة؟

الشيء الثاني ، هل تكفيها ليلة نفر الجزيرة كلها ؟ بما أننا شخصين ولا فيه مجال للسباحة مع هالخلق

الشيء الثالث ، برضو بالصور أشوف الجبال سودا .. هل هي فعلاً كذا نظراً لتأثرها بالبراكين .. والا الكاميرا خلت الصورة تطلع غامقة ؟


وألف ألف شكر على موضوعك اللي جاي في وقته لأني في خطوة تحديد وجهات السكن والرحلات الداخلية و قريت من بعض الإخوان انها ما تسوى الزيارة لأنها مو بجمال المالديف وموريسشيوس .. لكن أنا بنظري دامني وصلت حولها ما يمنع أني أزورها اسمها جزر كناري برضو ولها سمعة