الموضوع: تعبت واخر شي تحطمت وابي فزعتكم

السلام عليكم ورحمة الله وبركاته ...

اخواني ابارك لكم بالشهر الفضيل .. هاذا اولا ..

ثانيا .. طالب فزعتكم لي ...


انا الصراحه شهرتي في اكتوبر المقبل ..( 16 اكتوبر ) لمدة 12 يوم ...( 2 شباب )

ومن شهرين وانا اجمع معلومات وقريت كل التقااااااارير .. وخططت للرحله كامله .. ولكن !! كنت مخطط اروح للنمسا ..
ونصحووني اخوان ..الله يوفقهم .. ان النمسا ماتنفع شباب .. وتحطمت تحطيم مايعلمه الا ربكم ...

ونصحووني باسبانيا .. واللحين صار لي كم يوم وعجزت ارركب اسبانيا على بعض .. لانها اماكنها كثير كثيره كثيره ...

وهاذي اول سفره لي لدوله اوروبيه ..

ابي مشورتكم وفزعتكم ياهل الخبره .. وارجو من كل شخص يقدم لي نصيحه او معلومه بسيطه ... وله الف شكر ..

................

انا مبدئيا قررت ازور (( مدريد - برشلونه - ملقا او ماربيا ( وما ادري اي وحده اسكن فيها )-سان سبياستيان ..))


نسقوها لي تكفووون وكيف التنقلات

والله العظيم اني اجهل كيف التنقلات بين هالمدن وكيف اتنقل داخلها ( استاجر سياره او بالقطار والميترو .. لاني سمعت ان التاكسي غالي ..)

هاذي اشياء رئيسيه .. اما بالنسبه للأماكن اللي ازورها هاذي عاديه وبسيطه ...

وهل صحيح الكلام اللي يقولون فيه ان اسبانيا ماراح تستمتع فيها اذا صارت الاجواء بارده ..( انا دخلت موقع ولقيت درجة الحراره 17 تقريبا ) في اكتوبر في برشلونه ومدريد

وبالنسبه للشنجن ... عادي اطلعها من اي سفاره !!! اوروبيه مثل ايطاليا ..

وماهي افضل الخطوط اللي اسافر عليها
...
علما ان ميزانيتي تقريبا 30 الف ريال بالتذاكر والفنادق وكل شي ... تكفي
مقدما ....بارك الله بالجميع اللي رد .. او قرا وما رد ..

مواضيع عشوائيه ممكن تكون تعجبك اخترناها لك:

• أرجوا إفادتي مسافر شهر عسل
• اتمنى احد يفيدني
• أرجو المساعده ضرووووووووووووووري
• استفسارات الفيزا ليمني مقيم في المملكه
• مساعدة فيزا شنغن اسبانية من الكويت
• استفسارات الدراسة في اسبانيا
• ارجوووكم ساعدوني في البحث عن فندق
• افرب فندق لمستشفى باركير
• ارجو مساعدتي لتخطيط سفري الى اسبانيا
• إستفسار عن استأجار السياره في اسبانيا
• ترتيب رحلتي إلى أسبانيا ما رأيكم ؟
• ما هى اقرب بلد اوروبى لبرشلونه للسفر
• تكفوون الفزعة في الخطة
• رحلة شهر عسل قصيرة في ديسمبر أرجو المساعدة
• استفسار عن اليكانتي وعن البرفسور ليون بتحديد
• اود السفر من اسبانيا الي باريس
• مدريد ولا برشلونه ؟؟؟
• رحلتنا بأذن الله يوم الخميس باقي يوم فقط
• نموذج السفاره الأسبانيه
• موعد السفر اقترب هل من مسعف

ياخوك لاتتحكم ولا يضيق صدرك وترى الطلعه علشان توسع صدرك وتنبسط مهوب علشان تشيل هم

الامور طيبه وانا اخوك والوضع ركود وكل شي يمشي على هواك

ابدا السفره ببرشلونه او مدريد والمدن الداخليه بالوسط والمغادره من برشلونه او مدريد

وتقدر تروح لمدريد وتغادر من برشلونه والسعر تقريبا نفسه

بالنسبه لخريطة اسبانيا .. روحتك لسان سيباستيان وملقا بنفس الوقت متعبه .. لان وحده شمال ووحده جنوب

لكن مهوب التعب تعب الطيران .. البلد صغير والرحله ماتاخذ ساعتين

اوصل لبرشلونه واجلس 3 ايام ومنها على ملقا 3 ايام ورح ماربيا زياره بنفس اليوم ومن ملقا على سان سيباستيان 3 ايام وبعدين على مدريد 3 ايام

طبعا العب في تنسيق المدن والتواريخ على حسب اسعر ارخاص وتوفر الطيارات .. يعني ممكن سان بعدين ملقا او ممكن توصل مدريد وتغادر برشلونه

طبعا 3 ايام يعتبر شي مناسب لكل مدينه وفرصه تلقي نظره على الكل ومدن اوروبا ان طولت فيها بتمل لانهم صغار

التنقلات بين كل المدن رخيصه جدا وخلها كلها طيران وعندك اكثر من خطوط مثل Spainair و veuling و iberia

وكلهم تقريبا سعر التذكره وجهه وحده حوالي 100 دولار وانت معك 30 في 12 يوم كثير على شخص واحد

انا اقول 20 الف تكفيك بفنادق 4 نجوم نظيفه وعيشه على الراحه ولو رفعت الفنادق وانواع الطيران ممكن تصرف 30

وترى ممكن تخليها 15 الف لو حبيت وبمستوى جيد جدا

تنقلاتك في المدن بسيط .. يعني راح تتفاجا ان فيه مناطق رئيسيه بتقضي فيها اغلب اوقاتك وفيها كل المعالم فبالتالي التاكسي بيوديك مشوار عن 3

واستخدام المترو بسيط ولافيه اي تعقيدات .. عندك خريطه من الفندق ويعلمك مكان هالمعلم .. تشوف الخريطه وتتوجه من مكانك الى المحطه اللي فيها المعلم وانتهينا

ولو كانت المحطه تمشي من شرق لغرب والمعلم بالشمال ,, وقف في نص الطريق وغير قطار متجه للشمال لوجهتك

بسيط جدا ولما تتعلم على واحد منهم راح تعرف تستخدم البقيه في جميع المدن (برشلونه ومدريد خاصه)

ملقا وماربيا تنتقل بينهم بباصات او قطار لو كان فيه وباسعار رمزيه والموضوع سهل

انت علمني من وين اي مدينه مسافر ووش تواريخك بالضبط وان حبيت ساعدناك في التخطيط او وجهناك لمكاتب ممتازه تساعدك باسعار مناسبه

بخصوص الفيزا احرص انك تاخذ من نفس الاسبانيه عن طريق مكاتب تخليص مثل الفيفا بالشرقيه او غيرهم علشان ماتصير اي مشكله لاسمح الله

وفيزا الاسبانيه بسيطه ولو قدمت مبكر راح ترتاح والطيران والفنادق في شهر 10 رخصيه جداااا والسكن في اسبنيا راقي ورخيص بشكل ماراح تصدقه