الموضوع: الفيزا التشيكية بالكويت

السلام عليكم

شباب انا تعبت وانا اسئل عن الفيزا التشيكية فقلت خلني اروح للسفارة افضل وأخذ الجواب منهم

المهم

1- المكاتب يأخذون تقريبا 45 دينار على كل جواز ؟؟؟:108:
اما بالسفارة 24 دينار على كل جواز --------------------قارن بالسعر وشوف الفرق الكبير :24:

2- اذا كلمت اي مكتب راح يقولك انه رسوم الفيزا على كل الاعمار حتي الرضيع عليه رسوم ؟؟؟:114:
اما بالسفارة مايأخذون رسوم من اللي عمره 6 سنوات وتحت :101:


3- فوق النصب اللي بالمكاتب يقولك اخذ على كل جواز 5 دنانير ماكفتهم اللي مأخذينه من الناس ؟؟:112:

لاحول ولا قوة الا بالله


وبخصوص الخدم انا سئلتهم وقالوا الفيزا تأخذ اسبوعين علشان تطلع :bounce8:


واسف على الاطاله

مواضيع عشوائيه ممكن تكون تعجبك اخترناها لك:

• استفسار عن الشينجن التشيك
• كم سعر فيزا لروسيا
• سؤاااااااال
• ممكن المساعدة حول سفر الى اوربا
• ابي نصيحتكم تكفوون قبرص
• استفسار عن النقاب في بلغاريا
• ماهي متطلبات فيزا سياحة الى روسيا للسعوديين؟
• استفسار عاجل هولندا
• إذا كنت تبحث عن السكن في بخارست رومانيا هنا
• جورجيا_بسطور
• هولندا استفسار عن اجمل الاماكن بها
• تنصحونى اروح اى جزيرة باليونان؟
• بعض الصور عن روسيا السياحة المنسية
• معرض لأجمل مجموعات متحف بودابست للفنون الجميلة فى موسكو
• ابا مساعده من الناس المتخصصين في السفر الا اوروبا
• استفسار عن تذكرة الطيران الي هولندا والمتاحف في هولندا
• البوسنة وجه آخر
• الجزيرة اليونانية من أروع بقاع الأرض
• استفسار عن الفنادق
• الدنمارك

صباح الخير

بصراحة انا ما اشوف فيه ارقام مبالغ فيها اذا السفارة تاخذ 24 وهم ياخذون 45 هذا مايعني انه مدبل عليك السعر

اول شي هو راح يجيب لك الفيزا وانت حاط رجل على رجل

ثاني شي هو راح يشتري لك تذاكر وهميه ويكنسلها وياخذ سستم الاياتا عليها عموله

ثالث شي هو راح يحجز لك فنادق ويكنسلها وبرضه ياخذ عليها النظام عموله

رابع شي هو راح يسوي لك تامين سفر اذا كان السعر يشمل التامين

خامس شي وهو الاهم انت ماراح توقف سراء وتجلس تعبي الابليكيشن ويرجعونك وتعبي ويرجعونك ومدري شنو

يعني بالعربي ... الله يرزقهم ويعطيهم العافيه .. واذا انت مستكثر هالمبلغ على راحتك روح قدمها بنفسك والله يعينك

تحياتي .. معالم التشيك

اخي العزيز شكراا على ردك

اذا انت اتشوف انه المبلغ عادي انا اعتقد اذا كان عندك عائله من 6 او8 اشخاص راح يفرق معاك:114:

وبعدين على كلامك ان :bounce8:

طوابير بالسفاره انا رحت السفارة مافيها الا انا والحارس بس فاضيه

بعدين التأمين اي مكتب سفريات يقدر يسويه لك

وبعدين انت مارديت اذا كان عندك اطفال ترضي يأخذ منك على الشخص 45 دينار وهم بالسفاره ماعليهم

رسوم

احسب معاي

انا معاي 8 اشخاص 45 دينار بالمكتب و24 دينار اذا انت تروح بنفسك

45 *8= 360دينار ------------- سعر المكتب:112:

24*8= 192 دينار ------------- سعر السفاره:24:

فرق مأخذ زياده من غير حق وانا اسميها نصب بواح 168 دينار

هل احط رجل على رجل واخليه ينصب على ((( ما أعتقد :108: )))

وشكراا لك على الرد

معليش يا عزيزي اذا انت شايف انه نصاب صدقني لو كنت انت في محلة ماراح ترضى احد يقول لك نصاب

انت معك حق المفروض ما ياخذ رسو كاملة على الاطفال اللي اعمارهم اقل من 6 سنوات ولكن ياخذ شي رمزي او يحسبهم مجانا اذا كان فيه عدد كبير من الجوازات .. ولكن لو كنت مكانة ماراح تقول عنه نصاب والسبب لانه طول السنه مافيه شغل وفقط فترة الصيف يشتغل فيها ويغطي اجار ورواتب موظفين

عموماً حبيت فقط ابين لك انك اذا جيت تبي تحكم على شي حاول انك تشوفه من اكثر من زاوية صحيح هو طالب مبلغ كبيرة لكن في نفس الوقت هو يستاهل هالمبلغ

تحياتي

وجهة نظر ياكات ولازم نجترمها ايضا اخونا معالم التشيك وضح لك الصوره

اللي ابفيدك انا سفرت لاوربا ومره تابعت الفيزا بنفسي كانت سفرتي لالمانيا وتعبت بطلباتهم وبالاخير عطيتها مكتب ومن بعدها بديت اعطي المكتب على طول ويستاهلون اللي ياخذونه

اذا مستكثر المبلغ روح وتابعها انت وماله داعي كلمة نصب لانه ماحد جبرك تروح له

انا اخر فيزا طلعتها من مكتب كلفتني 1000 ريال وانا مارحت للمكتب وخلصها لي وانا مرتاح بالبيت

تبقى وجهت نظرك وحنا نحترمها

شكرا

كلامك صحيح
واسعارهم غاليه بس في مكاتب ارخص من جذيه
انا اعرف مكتب يسويها ب 30 دينار

ولا ننسى ان بعض السفارات حاليا لا تستبل المسافرين ! وتجبرهم بالاتجاه للمكاتب

زين بما انك ذكرت السفارة التشيكية ..

انا اللي اعرفهم مكانهم بمنطقة النزهة بس وين بالضبط مادري

وانا ان شاء الله رايح هناك تاريخ 10 اغسطس .. وللحين ما سويت الفيزا .. بروح اسويها باجر او اللي بعده بأذن الله .. هل تاخذ وقت طويل ولا اقل من اسبوع .. وغير الفلوس اللي ياخذونها شنو طلباتهم .. طبعا غير التأمين الصحي والتذاكر وحجز الفندق .. وايضا اذا كنت راح انزل في مطار فرانكفورت على اللوفتهانزا هل احتاج شي ثاني غير الفيزا اللي تطلع من السفارة التشيكية ؟

فيزة التشيك هي الشنغن يعني عندك 36 سفاره تقدم من عندها

تنزل لالمانيا او اي دولة تبع الاتحاد الاوربي بنفس الفيزا

المتطلبات بالكويت مادري بس بالسعودية موضوع التشيك 2009 موجود الوصف والطلبات وكل شي

تحياتي

قدمت عليها وناطر ردهم ..

بس يلوعون جبدك ..

اولا قدمت كل شي .. وحاجز فندق من النت .. قالوا لا ما ينفع لازم فاكس من الفندق .. طيب دقيني على الفندق ودز فاكس .. وانا ممسافر فترة 10 ايام وحجزت الفندق 8 ايام قلت يمكن اخر ليلتين اتدلع واحجز شي افضل .. قالوا لا لازم اتييب حجز بالفترة كلها اللي مسافر فيها .. يبت حجز .. قالوا لا لازم الفاكس فس اسمك واسم اللي مسافر معاك ورقم جوازاتكم .. اربع ايام يالله رضوا ياخذون الاورق .. والحين على كلامهم 5 ايام وتنتهي الفيزا ان شاء الله

التكلفة 24 دينار

المتطلبات بالضبط .. جواز السفر وصورة عنه
صورة مع خلفية بيضاء
24 دينار
تذاكر السفر
حجوزات الفنادق للفترة كلها
تأمين سفر ساري المفعول
هذا بالنسبة للكويتيين .. لغير الكويتين لازم شهادة راتب وكشف حساب ودعوة من دولة التشيك وشهادة امنية اعتقد

العنوان النزهة قطعة 3 شارع 34