بعد ما خلصنا من مكة قعدنا فيها 3 ليالي رحنا للمدينة وكنت داقة عليهم من مكة بس شقق الأندلس اللي ردوا علي وقالو لي تعالي في مجال تحصلين بدون ما تحجزين واتصلت على طيبة كانوا توهم مستلمين المبنى من الحملة اللي حاجزته حق الحج يعني نظام اسرة عنده مافي صالة وقنفات يعني قاعد يشتغلون بالأدوار رحت شفت طيبة قبل لا نطلع من المدينة بصراحة مو ذاك النظافة ولا ذاك القرب من باب النساء وعلى شنو 500 ريال ما أدري؟! يعني حده مستهلك أول ما رحنا حق أجنحة الروضة الفاخرة على شنو فاخرة !!!!!! لون السجاد كان أسود نمنا فيه ليلة وحدة بس وكانوا قاعد يتشغلون بالأدوار يشيلون الأسرة حق الحجاج وطول اليوم بس قاعدين انظف ونرتب بالشقة عبارة عن 2غ و1ح ومطبخ ونفس اليوم زوجي راح للصلاة ومن عقب الصلاة راح يدور على شقة نظيفة وسعرها مناسب لميزانيتنا راح للأبروي ودار التقوى والهيلتون وغيره ورجع للفندق تعب ولما شافنا بس انظف ظاق خلقه وقالي امشي نرجع نشوف الأندلس ونكلمه يراعينا بالسعر ورحنا عندهم والحمدالله عطونا شقة 2غ 2ح ومطبخ وصالة ب300ريال إهي سعرها 350 شبه مطلة انا لما كلمتهم من مكة قالي الموظف ابشري لج اللي تبينه وما اخذت اسم الموظف ولما رحنا هناك تغير الستاف وطلع لنا واحد مو متعاون الله يهديه من جذي طلعنا ورجعنا لهم بعد العشا الشقة مريحة بس لو يحافظون على نظافته أكثر بتصير 5 نجوم والله ارتحت فيها مع بعض النواقص مني راح اتحاشاها المرة اليايه ان شاء الله وإذا الله كتب لنا بحجزها حق الصيف موقعها مقابل طيبة السكني التجاري بظهر دار التقوى وقريب من باب النساء وطلعت بمنتدانا الأنصار الذهبي ورحت له بصراحة الأستقبال يشرح الصدر وعلى طول ينزلج حق باب النساء ونظام غرف مو شقق. وصج سبحان الله المدينة تختلف عن مكة هدوء وراحة نفسية وحييل تغيرت علي اكثر من 15 سنة من آخر زيارة لي صارت جنها اوروبا نظام ونظافة والشوارع المرتبة صج شغل عدل عسى ربي يتقبل منا ومنكم صالح الأعمال.

مواضيع عشوائيه ممكن تكون تعجبك اخترناها لك: