الموضوع: ما تلاحظون ان الشنجن صارت أصعب تأشيرة في العالم على السعوديين ليش؟

مهم
كان عندنا موعد امس انا والعائلة
وكل اوراقنا سليمه وحسب المطلوب
طلع لنا شي ما كان في الحسبان
ان المرافق في الجواز يجب ان لايتعدى عمره 15 سنة
ورفضوا استلام الاوراق
وقالوا لازم جواز مستقل لكل من يبلغ عمره 15 سنه اثناء التقديم لطلب الفيزا
والحين في مرمطة زحمة المركز الوحيد في الرياض لاصدار الجوازات في الوشم
والزحمة والانفاس الله لا يوريكم مكروه
رقمي 770
حسبي الله على مكتب التأشيرات الاوربيه
المشكلة ان داخل موقع التأشيرات ولا أحد قال عن هذي الملاحظة بخصوص العمر.
ما أقول الا الله يخلف علينا
اصعب تأشيرة على السعوديين حالياً هي الشنغن
أصعب من الامريكية والبريطانية
ما أدري ليش هالمعاملة الجافة واحنا رايحين ندعم سياحتهم.
بغيت انبه الجميع ودمتم.

مواضيع عشوائيه ممكن تكون تعجبك اخترناها لك:

• الموظفه بالقنصلية الامريكية بالظهران رجعت الجواز
• استفسار بخصوص التأشيرة.
• نماذج فيز دول اوروبا غير الشنغن
• استخرجت فيزا البرازيل في نصف ساعة
• دفعت المبلغ قبل أكثر من ساعة وحتى الأن يصلني بريد إلكتروني
• الغاء المقابله الشخصيه في السفاره الالمانيه للسعودين
• رصيد كشف الحساب ضروري يا اخوان
• الفيزا البريطانية السياحية للطلاب الرجاء المساعدة
• عاجل استفسار عن نظام السفاره الالمانيه فيزا
• فاتنى معاد المقابلة الشخصية فى سفارة بولندا
• فيزة دراسة اي نوع
• تجربه سيئه مع المكتب الموحد بالرياض
• الشنجن للمتقاعد او من لا عمل له
• خلصت موعد الألمانية الرسوم والأوراق المطلوبه هي
• تجديد فيزا سياحه لامريكا من مصر
• ارجو افادتي في ترتيبات رحلة علاج للوالد
• تحويل الفيزا السياحية اليابان
• استفسار هام يا شباب عن فيزا بريطانيا ارجو الافاده من اصحاب الخبره
• تأشيرة الترانزيت
• استلمت الفيز اليوم

لان اللي يستقبلك بالشباك ويستلم اوراقك كلهم وافدين من هونيك من هيديك الضيعات وانواع التطفيش يبونك تروح لمكاتب السياحه علشان يستنفع ابناء جلدتهم او على الاقل يفشون غلهم بصراحه البلد لازم تتنظف الى متى وحنا ماكول مذموم ؟؟؟!!!!!!!!

اجل لو لحقت عليهم يوم كان مكتبهم على طريق الملك فهد شقه في عمار ولو تشوف الطقاق والصيحه والفوضى اتذكر دخلت مره وكااان مزحوووم الساعه 9 توه فاتح وكاتبين لسته طويله عريضه المهم قلت بكره ابجي بدري علشان اسجل اسمي الساعه 7 وانا مسنتر حتى العماره اللي فيها الشقه السيكورتي ما يدخلك قلت له وين اللي يسجلون اسمائهم علشان مكتب السفاره قال تحصلهم بالكوفي دخلت الكوفي قلت وين اللي يسجل الاسماء قام معقب من احد المكاتب وجاب لي ورقه طلع ترتيبي 70 خخخخخخخخخخخخ قلت معصي لابوك لابو من جابك الخمسين هذولا وينهم متى جو قال من بدري قلت وش غير الساعه 7 قال بعضهم من الساعه4 خخخخخخخخخ قلت انا اليوم جيت وبخلص اموري لكن سجل ولد عمي بكره الصباح واعتبره اول واحد جاء هههههههه قلت اقولك خل عني الاستهبال هذولا ربعك المعقبين وحقين المكاتب ومن وكلك اصلا تسوي ورقه وتكتب الاسماء ودام الشغل فوضى بل ورقتك واشرب مويتها وامعط لي ورقه واطلب كوفي واتكي قلت الورقه عندي وانا ابن البلد وملكف بتنظيم الفوضى هذي اللي يبي يدخل للسفار ه يجي يسجل اسمه واحقاقا للحق ما راح اسجل اسمي قبل اي واحد موجود طمر الزول وقال داخل على الله ثم عليك ياراجل خلي الامور تمشي واللي تبيه نسويه قلت ابغى اسمي بعد الموجودين هذولا عددهم 10 انا ترتيب 11 غيرها لا تكلمني قال ولا يهمك ترتيبك 11 وطمر وجاب لي كوفي المهم يوم جلسنا ساعه قالوا ترى فيه مصري جالس يكتب اسامي هناك عند مدخل العماره خخخخخخخخخخ ونتطامر طلعت كني منهم ونهجم على المصري ونمزع ورقته قلت تبي تسجل سجل هنا المهم ما صدقت انتهي والحين مكتب ام الحمام يعتبر دلع وفخامه هههههههههههه ومواعيد صحيح انه ملعوب في المواعيد من حقين المكاتب ومعارف المكتب ومواعيد وهميه مخزنينها حقين المكاتب علشان كذا الموعد ياخذ بالسفاره شهرين ولو تروح لمكتب سياحي لقيت عنده موعد من بكره لانه مدخل اسماء وهميه والمعقب مسلك اموره عند المكتب ويدخلون وانت يالسعودي تمشي على النظام غصب وتجلس في اخر الطااابور والله لو مفتكين منهم كان تحصل الموعد ما ياخذ بالكثير اسبوع او اسبوعين في الزحمه بس يبون يستغلونك هالمكاتب ويطفشونك بالمواعيد علشان ترجع لهم في الاخير ويضحك عليك الجواز 1000 ريال حتى الطفل مجاننا زياخذون 1000 ريال ؟؟؟؟؟؟؟؟!!!!!!!!!!1 ويا بلااااااااااااااااااادي واااااااااااااااااااااااااااصلي

فعلا صارت مره صعبه احنا مقدمين عددنا 9 كلنا طلعت في خمس ايام وامي للحين ماطلعت كملت 10 ايام اليوم هذا غير انهم سوو لنا ازمه عشان ولد خالتي الي عمره اقل من 18 يقولون لازم ابوه يحضر ويوقع مع انه بيسافر مع امه واختي نفس وضعه بتسافر مع انها بس بدون ابوها وماقالو شي!! ماعرف ليش علقو على الولد بس? من الموبايل

السلام عليكم ورحمة الله وبركاته
والله انك صدقت انا اول مارحت للسفاره بالخبر ماحد معطيني وجه طلبت موعد من الأستقبال وبدون نفس قال لي خذ ورقه وفيها الموقع واحجز لك رقم بكل سهوله وانا سفرتي في اغسطس بعدها سكرت الابواب في وجهي وانا نازل سألت شخص وقلت له فيه احد هنا يخلص لي الفيزا قال لي نعم فيه مكتب وكله من الجنسية الأسيويه وشكلهم متعاملين مع الموظفين الي بالشنقن بكل سهوله خلصني في نفس اليوم مقابل 3 الآف ريال دفعتها وانا اضحك موحرام ياناس ياريت احد من المسؤلين يشوف لنا حل انذلينا والله ماسوت علينا هاالسفره.

يا اخوان الواحد يجب ان يسأل قبل ان يذهب

وشروط عمر الجواز ليست من السفارات بل هي من وزارة الداخلية السعودية حيث يجب على الابناء استخراج بطاقة هوية وطنية




ابومعن

المشاركة الأصلية كتبت بواسطة aburefan05
http://www.arabtravelersforum.com/tr...3/#post7882113

السلام عليكم ورحمة الله وبركاته


والله انك صدقت انا اول مارحت للسفاره بالخبر ماحد معطيني وجه طلبت موعد من الأستقبال وبدون نفس قال لي خذ ورقه وفيها الموقع واحجز لك رقم بكل سهوله وانا سفرتي في اغسطس بعدها سكرت الابواب في وجهي وانا نازل سألت شخص وقلت له فيه احد هنا يخلص لي الفيزا قال لي نعم فيه مكتب وكله من الجنسية الأسيويه وشكلهم متعاملين مع الموظفين الي بالشنقن بكل سهوله خلصني في نفس اليوم مقابل 3 الآف ريال دفعتها وانا اضحك موحرام ياناس ياريت احد من المسؤلين يشوف لنا حل انذلينا والله ماسوت علينا هاالسفره.

غلطان اخوي مفروض اخذت موعد vip
3000ريال
هذا الي مخليهم يسوون هذي التجاوزات
عيبنا السعوديين خاصه عجلين
ما ادري يمكن الحر هو السبب
لكن لاحظت قله الي عندهم قدره تحمل
والله لما رحت المكتب انهم بهذلوني
وبشكل متعمد وواضح
ويدورون ويلفون مع اني جايبه كل اوراقي
بس يوم شافني ملزمه وجالسه ماعندي نيه اطلع لاني كنت عنده امس بموعد
وقالي ناقص اوراق رجعت لهم من بكره لاني مالقيت موعد واستهبل الباكستاني كثير عشان
يخلصها لي لكن دخلت على المدير ووقع لي انها تمشي
وخلصها لي الباكستاني والله انه كان يحاول يستفزني كل دقيقه يدق بالتلفون يسولف ولا يترك الاوراق ويسولف مع الي جنبه
ومجرد مايدخلون اصحاب المكاتب السياحيه
بدقيقه يخلصونهم
لكن تحملت وجلست لحد ماخلصتهم
ولا اعطيهم الدبل
انا احق فيها
الحين لو ياخذون مبلغ معقول كان اقول الله يرزقهم بيسهلون علي الموضوع الله يرزقهم
لكن انهم يستنزفون جيوبنا بهذي الطريقه
فهذا يدل اننا عجازين ولاعندنا صبر
وهالشي هو الي طمع هالاشكال

الا تعقيد ما له داعي...

احنا رايحين سياحه ولا شحاذه؟
وليش نتقابل بهالمعامله الغير لائقه ليش؟

انا ودي اعرف كم يصرف الخليجيين في اوروبا كل سنه.
عشان اضمنها الشكوى اللي بكتبها للسفاره.

الخلاصة:
ألا يستحق السائحين الخليجيين العرب معاملة أفضل من مكاتب التأشيرات الأوروبية في الخليج العربي؟
ودمتم.


. من الموبايل

افضل حل كل واحد يروح موقع السفارة على النت و يقدم شكوى
بالوضع اللي صاير و راح يردون عليك
لو زادت الشكاوى اضمن لكم الوضع يتغير

100/100

المشاركة الأصلية كتبت بواسطة ][نبع العطاء][
http://www.arabtravelersforum.com/tr...5/#post7887145

بصراحه تعاملت مع مكتب التأشيرات الموحده بالرياض وبالخبر هالعام والعام الماضي وأنجزت أوراقنا بكل سهوله ويسر،، ليس لي فقط ولكن أيضاً لبعض أقاربي،، بالعكس آخر مره قدمت أوراقي الأحد والأربعاء أرسلوا لي أن الجوازات تم شحنها بأرامكس وفي طريقها لي للدمام،، 3 أيام بالضبط يعني

لا أعلم عن مشكلتك ولكن وددت أن أذكر تجربتي وأنا أرى أن المركز أفضل من المرمطه اللي كنا نعيشها بالسفارات



نقول يا رب
الله كريم
يسهل امرنا و امر كل مسلم
تحياتي

السلام عليكم

انا جربت الاوروبية والامريكية. والله مافي اعقد من الامريكيه

وددت التنبيه الى شرط جديد للسفارة الالمانية وهو:

كشف حساب لثلاث شهور أو صورة بطاقات الائتمان



حتى لو كنت موظف حكومي و اصطحبت شهادة بالراتب.

وفق الله الجميع واسعدهم.

والمشكله لما يجون بلداننا تأشيرتهم ياخذونها لما يوصلون ما تجي 100 ريال وبدون تعقيد !!

المشاركة الأصلية كتبت بواسطة رحال المنتدى
http://www.arabtravelersforum.com/tr...1/#post7912091

اخي الكريم
ردوا علي صورة البطاقة الائتمانية وردوا علي كشف الحساب واكتفوا بورقة العمل المترجمة
يمكن يختلف من موظف لاخر انا عملتها بجدة وكانت اجراءتهم سهلة ويدققوا فقط على الموعد
اما بالنسبة للعمر قرات في مواضيع كثيرة اكبرعمر لمرافق هو 14 عام
وصلنا البارحة من مطار ميونيخ واثناء عمل ختم الجوازات للخروج نبهت على الضابط انه هناك خمس
مسافرين بجواز واحد (اربع وامهم ) الرجال فتح فمه من الاستغراب واستاذني بلطف بالاتصال برئيسه
لانه اول مره يمر عليه الموضوع واتصل وقالهم انه كل واحد له فيزا قالوا له اوكي
قال اوكي واعتذر وختم الجوازات ومشانا
الله يعينك ويصبرك وفالك تاشيرة سنة
تحياتي



ألف شكر
والله انا واللي معي كلهم في المواعيد طلبوا منا كشوف حساب
أو صورة كرت كارد
اتمنى للجميع سفرات موفقه
تحياتي

أنا جربت مركز التأشيرات الموحد في أم الحمام للفيزة البريطانية .. في شهر 9 / 2013 وكان جداً مرتب ومريح .. ولكن بشرط تكون حاجز موعد عن طريق النت وطريقة الحجز سهلة جداً جداً حتى للي ماعنده لغة .. وتمر عليهم بالموعد تبصم ما تآخذ نص ساعة ، ثم بعد كم يوم يرسلون لك رسالة على الجوال بجاهزية التأشيرة .. وتستطيع متابعتها أيضاً عن طريق النت بطريقة سهلة ..