بسـم الله الرحمن الرحيـــم
اول تقرير لي فالمنتدى رحبوووووا فيني

خخخخخخخخخ
طولي الله بعمــاركم بنبتدي تقريرنا اليــــوم من مديـــنة بـــومباي
اللي البعض يحبها مثلي

والبعض الآخـــر مايحبها

هم حريــــــــن كيفهم
فكرة السفر لبـــومباي عـــــــلاج
عسب اختي عندها قصر نظر

وبعد المشاورات والمناورات والاستخارات
قررت اتسوي عمليــــتها عند احسن بروفسور فالهند اسمه كيكي ميهتا
طبعـــا من قرروا السفر ما جذبت خبر زهبت شنطتي
واحلـــى
PING!!! لعيـــــــــونكم

حجزنا على طيران الامارات وخدمة مرحبا بـ المبنى رقم 3
نزلت سوق الحره وما اشتريت غير كاكاو

مب حقي والله
حق اختي ميمو صاحبة عملية الليزك
دخلنا صالة مـــرحبــــــا بصراحه آخر روقـــــــــــان
كــــــراسي مريــــحه وشاشه كبيره وبــوفيه وخدمة النت شغاله

وهذي صورة اقرب شوي للبوفيه
وهذا صحني الاوضاع مستتبه لين الحين
وفجـــأه تعكر ابو ابو ابو المـــــــــزاج

يخربيتهم عرضوا مباراة الارجنتين مع المانيا الاعـــاده

وانا قبلها بيوووم معايريني وسامعه كل انواع الاستهزاء على الارجنتين

ارجنتيـــــــــــــنيه حـــــــــتى النخــــــــــاع

والقهر ان اختي ميمو تشجع المـــــانيا

المهم ماعلينا نرجع لموضوع التقرير
طلعنا من صالة مرحــــبا واتوجهنا لبوابة المغادره
وهذي طيارتنا العزيزه من طراز بوينغ
من ركبــوا خرطوم الطياره صار ويهي جذي

وماتم دعاء مادعيته
بيني وبينكم اخاف من الطياره بس ماخبرت حد بخصوص هالموضوع
ركبنا الطياره وبعد مناورات وتهديدات من قبلي لخواتي

حشا زعيمة عصابه
خذت الكرسي اللي حذال الدريشه
والمنظر ياســـــــــلام فديـــــــــت علـــــم بــــــــــلادي

الطياره اتحركت وردت ريوس ريـــوس ريـــــــوس
وانا قلبي يرقع يرقع يرقع يرقع

وارتفعت الطيـــاره فوق دبي
دام عــــــــزج يا دبــــــــــــــي
لو ادققون فالصور بتشوفون خور دبي (شريان دبــي) يفصر بين منطقتين ديره وبر دبي
من أعلى فندق حياة ريجنسي دبي (الكورنيش)
حاولت اخفف من حدة التوتر اللي فيني ويلست اتابع فيلم
H دبــــور احلى شي يوم يقووول بيوووووتي فووول

شوي ووزعوا عليـــــــــنا منيو الغدا
وهذي وجبتي كانت تشيكن كاري بس انا من طبعي ما احب اكل الطيايير

بعد ما زحرنا الغدا يلست اختي الكبيره ام عبادي تكتب اوراق الهجره والجوازات لمطار الهند واساله سخيفه مثل ويهم
تميت اطالع الشاشه اللي فيها الخريطه وشوي تتبدل الشاشه
وحطوا BBC SPORT
بعد فالاخبـــار كاتبين عن الارجنتين وعن دييغو مارادونا

لاااااا الكل متفق عليه اليوووم

ما ارضى ولا كلمه عن مارادونااااااااااااااااااااااااااا
نرجع لمحور حديثنا
تميت اطالع من الدريشه
بدينا شيئا فشيئا ندخل في مجال الغيووووم
بدت الدريشه تغبش من الغيم
خلاص صرنا من بين الغيوووووووووووووووووم سبحان الله الغيم شكله رووووووووعـه
بدت تتضح مـــــــلامح الهند من اعـــــــلى
دققوا ويايه على الجبـــال والمرتفعات الهنديه خضــــــــار في خضــــــــار
بــــــــــومباي تتضح شيئاً فشيئاً
وصلنا مطار الهند وخلصنا الاجراءات ولله الحمد بسرعه واستلمنا الشنط وكان في انتظارنا السواق
دوبي والمشهور عند العرب وبالاخص عند الاماراتيين
مواضيع عشوائيه ممكن تكون تعجبك اخترناها لك:
المفضلات