الموضوع: اخوكم اول مرة يزوركم وعنده استفسارات عن مسقط وصلالة

السلام عليكم اخواني
ان شاء الله راح ازووركم عن قريب انا والعايلة احنا من الكويت وحابين نشوف الطبيعة والجو الحلو في صلالة عندكم علما العايلة مصرين على فندق شنغريللا مسقط وهذا اللي خلاني اسوي خطة يومين في مسقط والباقي في صلالة واتمنى انكم تساعدوني اخواني في عدة استفسارات:

التكاسي كيف احصلها هل مثل الامارات في كل مكان ؟ وهل اقدر ااجر سيارة مع سائق للعايلة من مكاتب معروفة للسياحة عندكم (مسقط وصلالة) وشنو تنصحوني
ابي اعرف الاسواق الشعبية عندكم والمولات ايضا مسقط وصلالة تكون قريبة من شنغريللا (مسقط) وهيلتون (صلالة)
المطاعم الفخمة للسهر العائلي في مسقط وصلالة
وسامحوني يالغالين عالاطالة وشكرا

مواضيع عشوائيه ممكن تكون تعجبك اخترناها لك:

• هل خريف صلالة أفضل
• استفسار عن الشقق الفندقية في مسقط
• سؤال بخصوص جو صلالة
• وين افضل مسقط فندق الشنغرلا او صلاله ؟
• سؤال عن الاتصال بالانترنت عن طريق الجوال
• انا جاي مسقط يوم السبت عندي استفسارات لو سمحتوا
• كيف هي أجواء صلالة الآن؟
• ممكن طريق صلالة من دبي
• صيفنا مع اهلنا احلى
• أبو يوسف في عمــ صحار ــــان ،،، رحلة قصيرة مصورة
• من يفيدني من اهل صلالة واكن له من الشاكرين
• جدول عشر ايام في صلالة يا احباب
• بازور مسقط واحتاج مساعدتكم
• إلى عمان لتصوير فيديو كليبتكفون الأماكن والمسافات
• بليز شباب ابي اسعار الفنادق والشقق المفروشه في مسقط
• وادي دربات ؟؟؟
• جايين عمان بعد ايام ممكن مساعدة
• ابها قريبه وتروح صلاله
• استفسارات عن السكن والمسافة في سلطنة عمان
• اريدجدول في منتجع شانجريلا في مسقط بسكن في فندق الواحة

هلا و غلا بك في مسقط و صلالة و عمان

ردودي تختصر على مسقط طال عمرك لني منها

خلينا نقول

بالنسبه للسياره مع السائق في مكاتب تأجير سيارات بكل فندق تأجر مع السايق و من غير سايق

و في مكاتب اجره توفر لك ( إذا كنت عائلة ) سائق سياره أنثى

نجي حق المكاتب السياحيه في مسقط

طبعاً في و لكن اغلبها للرحلات الخارجية او الاتفاقات من الخارج

و افضلها الزبير للسفر و السياحه و توفر هذي الشركة سيارة بسايق بعد و على اساس جولات سياحية ايضاً

المولات في مسقط
سيتي سنتر - مسقط
سيتي سنتر القرم
البهجه
منطقة المجمعات التجارية بالقرم ( مركز العاصمة التجاري - سابكو - خميس بلازا - العريمي سنتر - الوادي سنتر ) و مقابلهم مجمع الحارثي اللي فيه سلطان سنتر و مطعمهم
و عندك الماسه مول بالصاروج

الاسواق الشعبيه

سوق مطرح ( سوق الظلام ) و عنده سوق السمك و الكورنيش
سوق السيب

التكاسي متوفره بس مو بكثرة الامارات و لكنها متوفره

فنادق شنغرلا روعه بس بعيده عن المراكز التجارية

للاطفال ارشح لك مرح لاند لو انه مو ذاك الزود بس تمام و حديقة القرم الطبيعيه ( و حاسب على الرطوبه و الحر )

و اي شي انت تامر

(وين رايح - سالم بن سيف - عظيم الشأن)
اشكركم وااااايد وتسلمووون والله يوفقكم بصراحة افدتوني كفيتوا و وفيتوا يعطيكم العافية

نسيت يا ابو ضاري

بالنسبة للمطاعم

اي نوع من المطاعم تبغي

في عندنا مطاعم سياحية درجة اولى ( [blink] الرجاء الإلتزام بقوانيين المنتدى وعدم ذكر هذه الأمور[/blink])

في مطاعم سياحيه سريعه ( كنتاكي - هارديز - دجاج تكا - ماك - بريجو -بيتزا هت - دومينيز بيتزا - بابا جونز - ناندوز )

في مطاعم راقيه جداً ( طريق الحرير - بمدينة السلطان قابوس )

مطاعم 4 نجوم ( عمر الخيام السيب - عمر الخيام مدينة السلطان - الملعقة الذهبية - الاكثم - شمس بغداد بالسيب )

مطاعم العوفي درجة -5 موجودين بعد

انت حدد مبتغاك و الرد عندك بيوصل ان شاء الله

كل اللي فوق عن مسقط فقط

نسيت اقول المطاعم الشعبيه صارت بكثرة

بو ضاري
صلالة جنة الله في الارض
أنا زرتها وقت الاعصار وللأسف ما تمتعت !!
بس فيه مطعم بصلالة يذبح لك التيس ويشويه قدامك نسيت اسمه :|

وين رايح،، غريبة!! ودي اعرف شوووو كاتب هههههه



المهم اخ بوضاري شانغريلا اختيار موفق جدا

بالنسبة للتكاسي مش مثل تكاسي دبي بالعداد، تتفق على المبلغ ويلا، هذا طبعا بالشارع لكن من الفندق او المطار شوي تكون السالفة مختلفة من ناحية السعر
ونصيحتي قبل لا تتعامل مع اي تكسي تسأل اي حد من المنطقة الفلانية الا الفلانية كم عادة التكسي؟ ولما توقف تكسي تخليك واثق من نفسك وتبين له انك عارف السعر

بس طبعا انصح تأجر سيارة وتتمشى فيها بروحك وترى في مسقط ما توه ان شاء الله وهذا موقع يروج للسياحة في عمان وفيه اقتراحات لتأجير السيارات

http://www.omanaccess.com/explore_oman/rentacar.asp


بالنسبة للأسواق الشعبية فأقرب شي لشانغريلا سوق مطرح وانتبه عادة الفندق يعطوك رحلة مجانية بسياراتهم لسوق مطرح وبالمرة لف لك عالكورنيش وقصر العلم والقلعتين (الجلالي والميراني)

مولات!!!!! انت والله تحرني لما تتكلم عن المولات، جاي من الكويت وتسأل عن مولات عمان؟ لكن يلا اذا تريد تشوف الحركة والشعب روح سيتي سنتر ومركز البهجة

بس يومين فمسقط ما راح تقدر تلف كل هاللفات يا دوب يوم تمسح فيه الفندق كله ويوم ثاني لفة سريعة


بالنسبة للسهرات العائلية اذا قصدك مثل لبنان وكذا فمافيييييش،

بس مطاعم ممكن تقضو فيها تجربة حلوة هو مطعم اوبار للمأكولات العمانية وهو في شاطئ القرم وانصحكم تتمشو في شاطئ القرم وتختارو لنفسكم مطعم هناك تجلسون فيه


وممكن تسالو الفندق اذا عندهم اي انشطة للسهر لأنه عادة الانشطة في الشتا ومش في عز الصيف

تحياتي

مسقطيه

كاتب ان بعض المطاعم الدرجة الاولى بها كافة انواع المشروبات ( و حددت انواع المشروبات ما ابغي اذكرها لا يعدلون )