الموضوع: برج زمزم رأي في الفندق

فندق برج زمزم جراند

تديره مجموعة الفرنسية

و اعتقد ان فنادق هذه المجموعة لا ترقى لمستوى الخمس نجوم ..

:::

موقع الفندق متميز .. حيث ان الفنادق المحيطة في الحرم هي اربعة فقط - التعمير ، الابراج ، التوحيد ، الصفوة ..

عندما وقع اختيارنا على زمزم كان اهم الاسباب لاعتقادنا بانه جديد و يستحق ..

ولكن للاسف تفاجأنا بعدة امور ..


اولها ..

ان افخم مافي الفندق .. هو اللوبي الذي يقع في الدور الحادي عشر ..

صور للوبي ..








::


ثانيا ..

لم يكن اثاث الفندف جديد و لم يكن نظيفا .. و دورات المياة - اجلكم الله - ضيقة و لا يوجد اطلالة مميزة و يخبرنا الموظف ان الغرف المطلة كلها للتمليك فقط .. ومع هذا اخذنا غرفه مطلة ولكن اطلالتها جانبية و الزجاج متسخ و ما تستاهل ..!

صورة مشابهة للغرفة - (ليست من تصويري)




::

ثالثا ..

انصح الجميع بان لا يسكن في فندق لم ينتهي .. حيث ان المنطقة فيها بناء و اصوات المعدات مزعجة جدا .. و في فترة اقامتنا كان الجو غائم و هواء .. فتسمع الاصوات لا تدري هل هي رعد ام هي من الالات و من الهواء تتساقط بعض الاشياء من الابنية العالية .. كالبلاستيك و الخشب الخفيف ..!!


::

هذي ابرز الملاحظات على الفندق .. كما انهم لا يوفرون ابسط الامور ..

تكلفة الاقامة ..

الليلة بـ 500 ريال

و موقف السيارات بـ 120 ريال ..


اعتقد اننا سنجد الافضل بهذا السعر ..


في عموم الاحوال


تبقى هناك ايجابية ان الافطار ممتاز ..



ولكم التحية ..



اختكم ..

مواضيع عشوائيه ممكن تكون تعجبك اخترناها لك:

• فندق السرايا إيمان مكة حجزت بس كم سؤال
• زيارة نسايم النور للشقق المفروشة جدة
• طلب عروض الشاليهات في جدة
• فندق خمس نجوم قريب من الحرم
• بيت في الحاره يناديكم والباب مفتوح والله يحييكم
• جدة برمضان
• شقق فندقية بجدة جنب فندق الماريوت
• استفسار عن فندق ميركوري
• تكفون يا اهل الغربيه
• كيفية الحجز في فندق رتاج البيتمكة المكرمة
• فلاي دبي من والى الطائف
• ماهي افضل الفنادق في جده
• فتوى تُجيز للحاج ان يحول مبلغ أضحيته لمصرف الراجحي وهو يتكفل بذبحها
• كم تبعد العزيزية عن منطقة الحرم المكي ؟؟
• تجربتي مع وكن الخالدية وفندق رمادا بجدة
• مطلوب مساعدة من اهل مكة و الطايف
• أرجوكم استفسار عن غرف هيلتون مكه وغرف أبراجها
• بروح عمرة يوم رمضان افيدوني تكفون
• استفسار شقق المدينه المنوره
• عريس جديد وجاي لجدة اربع ليالي أحتاج رايكم

ياساتر وش هذا كله

مافيه ولا ميزه ياكثر عيوبه

الف شكر لك على التحذير

صحيح كلالام الاخ 100% انا بعد توني رادة من مكة سكنت ببرج زمزم وكانت اصوات البناء مختلطة مع اصوات الرعد والمطر

بعدين ما في بالغرفة غلاية ماء اذا تبون اطلبوو ؟!! معروف ان الفنادق 5 نجوم يكون فيها غلاية وايضا الثلاجة فاضية ما فيها شي بالمرة

وبعدين السرير الاضافي واايد صغير ولما طلبنا نغيرة ما جابو السرير الثاني الا بطلعت الروح يقولون ان شاء الله الحين نصعدلكم السرير وما يردون علينا

بس الاثاث انا بالنسبة لي اشوفا انه نظيف والحلو فيه انه تحتك على طول المجمع التجاري

من اسوء عيوبه انا داخل طالع تمر على المول وبصراحه لكلك مقام مقال

المشاركة الأصلية كتبت بواسطة *ايطاليه*
http://www.arabtravelersforum.com/tr...4/#post2478494

من اسوء عيوبه انا داخل طالع تمر على المول وبصراحه لكلك مقام مقال



من جد هذا اشوفه اسوء شي

قلق

وقد لاحظت من مساوئه أيضا أن موظفي الاستقبال غير مهذبين ويتعاملون بطريقة فظة

جزاكم الله خير على الافاده

برمضان رحت مع الوالده وخالتي نفطر هناك وكان هالشيء بعد صلاة العشاء

لكن الزحمه كااااااااااااااانت تخليني اندم اني ماكليت بغرفتي بابراج مكه

وثاني شي شفت هوووشه كبيره بسبب قلت ادب الموظف المصري ,,

وزين سوى فيه الشايب السعودي صراحه والله كانت بتصير دم لولا تدخل العقلاء

المشكله حاولت اهدي الشايب لكن زين ماضربني مع المصري ههههههه

الحين الشايب يكلم الموظف المصري حق المطعم وهذاك ماحشم شيباته وحقر الشايب ولا رد عليه ؟؟

والله قلت ادب

طيب وش رايكم بفندق الديوان ؟؟
راح يكون نفس الشي ازعاج
ولسى جديد

أشكرج على الملاحظات المهمة

بس انا في رأيي .. بما انج في مكة .. فتحي عيب وغطي عين .. بتشوفين عيوب للصبح

شكرا ملاحظات طيبة من عين تطمح للافضل دائما
والافضل لن يتحقق الا اذا كانت هناك عيون ترقب الخطأ وتقومه
شكرا لك ...صديقتي تفكر تسكنه وعايلته بعمرتها الجاية اجل ابلغها وجه نظرك
وان شاء الله الادارة تدارك الاخطاء

ملاحظات جداً قيمة وواقعية
وأبرز العيوب كما أراها ضيق الغرفة ، فحتى الصلاة فيها صعبة !
ثم الدخول والخروج على المول في كل وقت صلاة يجعلك تتضايق من كثير من المناظر التي
تراها ! والكل يعرفها ، خاصة وأنها تحصل أمام أطهر بقعة على وجه الأرض

الصراحه كل فندق فيه عيوب ومزايا

وانا احب ازيد ان موظفين الفندق ما عندهم جدية بالتعامل يعني مرة كنا حاجزين من الكويت ويوم وصلنا قالولنا اسفين حجزكم ملغي ما هو موجود ....واحنا معانا ورقة الحجز من المكتب بس الموظف اصر ان الغرف ملغي حجزهم وتعاونا من الفندق قالولنا ما عندنا الحين الا سويت وغرفة تقدرون تاخذونهم الليلة وباجر الصبح تتصلون على مكتبكم وتشوفون شنو المشلكة ولازم الحين تدفعون ثمن الليلة في سويت والغرفة واحنا كنا دافعين من الكويت فلوس الاقامة بالفندق واضطرينا ان ندفع من جديد 210 دنانير بعد كل هالبهذلة كلمنا المكتب الصبح وقالنا انا ما علي شي وعندي اثبات ان الفندق استلم الفلوس ويوم رجعنا للفندق قالو صح احنا وبكل بساطة غلطانين الحجز موجود وهذي غلطة موظف [/b]

كنت فيه هذا الأسبوع .... حجزت سويت غرفتين و صاله

فعلا مافيه غلايه و الثلاجه فاضيه ....

و الاطلاله جانبيه و الزجاج متسخ ....

لكن يكفي أنك تخرج من الفندق على الحرم مباشره ....

عجبني أنا و الأولاد كثير .....

و اذا أراد الله يمكن انزل فيه هذا الأسبوع ...