الموضوع: من يساعدني في ايجاد حملة مناسبة مهم جدا

السلام عليكم ورحمة الله وبركاته

ان شاء الله اني نويت احج هالسنة واحجج الوالدة الكريمة معاي

سؤالي يااخواني الله يجزاكم الف خييير

ماهي افضل حملة حج

الميزانية مابين 6000 و 8000 ريال

اتمنى الحملة تكون مجربه ولو فيه صور احسن

وياليت انطباعاتكم

وماادري يقولون حملات فئة الف وباء وانه فيه قائمة بس ماادري وين احصل القائمة

وشكرا يالطيبين

مواضيع عشوائيه ممكن تكون تعجبك اخترناها لك:

• استفسار مهم
• مطعم شهرزاد
• آمــــي ♥ نظر عيني وبسمة شفايــــــــــاي ♥ ‬
• باركوا لاخواننا حساس و ابن التاجر
• طلب مساعدة من أهل جدة الكرام
• يا اخوان من كان عنده علم يرشدني جزاه الله خير
• ô
• أجواء جده اليوم الثلاثاء هــ صور
• كبابجي الحسين تصوير احترافي
• أريد وصفاً للطريق إلى مكة من منطقة القصيم
• خبراء جدة مساعدتكم؟؟
• المطعم الاندونيسي دنــــدن
• من فين نحرم هل بمطار الدمام ام جدة
• مرشد سياحي بالمدينة النبوية
• زيارتي للحرم النبوي من تاريخ الى
• دعـ ـوة لـمائـ ـدة الحجازية
• شباب وبنات جدة تعالوا نرتب أحلى اسبوع عسل في جده فنادقمطاعممولات
• اخواني واخواتي اعضاء العرب المسافرون ابي مساعدتكم وهذي اول مشاركه لي
• ممكن أعرف تكلفة الإنتقال بالتاكسي من مطار المدينة المنورة إلى فندق الهيلتون ؟
• استفسار

اولا الله يوفقك ويسهل لك امورك. ياليت لو توضح من اي مدينة انت لكي يسهل اختيار الحملة

عليكم السلام ورحمة الله وبركاته

كثيرة الحملات المميزة ، وخصوصا إلي في فئة أ ، الأفضل تنتظر إلى شهر ذو القعدة يكون إتضحت الرؤيا بالنسبة لمواقع الحملات في (( مشعر منى )) وعلى أساسها ممكن تقرر أي حملة إذا يهمك القرب والبعد عن الجمرات

وياربي لك الحمد والشكر فيه سهوله في رمي الجمرات

صحيح فئات وحتى داخل الفئات فيه تقييم بالدرجات بحسب حج العام الماضي وكل ما ارتفعت درجة التقييم يكون لهم الاولويه باختيار موقع أقرب للجمرات

زميلي يعمل في حمله مقرها القصيم ولها فرع في الرياض ويمدح نفسه تقييمهم أ ودرجتهم اظنها 98 من 100
وعندهم باصات وطائرة والاكل بوفيه وقهوه وتمر سكري كنيز يحبه قلبك هههههه
وعندهم حركه حلوه كل حاج له كنبه يجلس عليها و في الليل تسحبها من تحت وتصير سرير

اسم الحمله حملة الجليس الصالح

الله يجزاك الف خير اخوي

والله بدعيلكم بالحج ان قاله الله

طيب كيف اجيهم الجليس الصالح

مقرهم او رقمهم !!

وشكرا

حياك الله اخوي
شوي بس يرسل لي صديقي الرقم واعطيك اياه بالخاص

عموما الحمله سمعتها عندنا في القصيم ممتازه وتاكدت من التقييم يقول تقييمهم العام الماضي 97
بس ترا للحين السنه هذي ما اتضح الموقع ولا الاسعار

وعلى فكرة اغلب حجاج الحمله قصمان يعني اذا ما ترتاح لهذي النقطه يمديك تهج هههههه

وبالنسبه للاكل يرافق الحمله طباخ متخصص بالرز وطباخين للمشويات والبوفيه وقهوجي خابره سعودي ومادري بيروح معهم ذي السنه ولا لا

وانت اتصل بهم وخذ من المعلومات من راسهم

العنوان اخوي

العليا - مجمع شهد

وفعل خاصية الرسائل الخاصه علشان ارسل لك الرقم

الاخوان الكرام الاعزاء الغالين على قلوبنايا حبذا ان تجعلوا الفائدة عامة على جميع الاعضاء ولا تقتصر على فلان وعلانلان الامر يهمنا جميعا وانا منزل موضوع كامل علشان امور حملات الحج والعمرة واطلب من جميع الاعضاءان لا يبخلوا علينا وان يعلموا ان خير الناس انفعهم للناس والدال على الخير كفاعلهفلذلك اخي الحبي الاجودي انك والله اجودي ونشمي وتحب العلوم الغانمة بس الله يعافيك يا لييت تخلي المعلومة عامة للجميع وان تحط رقم هاتفهم ومعلومات اخرى عن حملات مميزة اخرى على العام وليس على الخاص لكي يستفيد الجميع من نبع حكمتك وصفاء معلوماتك وحسن فوائدكارجوا ان تتفهم امري وتقبل اقتراحاتي تكرما وتفضلا منكدالله لا يحرمك الاجر والمثوبة والخير والصلاحدمتم في حفظ الله ورعايتهوبالله التوفيقوالسلام ختام الكلام

تامر امر يا ولد العم

السلام عليكم ياخواني

انا كلمتهم الجليس الصالح

قالوا لسى مافتحوا التسجيل وان الامور مااتضحت

ومقرهم بشارع السويدي !!!

هل فيه حملات اخرى يااخوان !!

بالنسبه للجليس الصالح
انا حجزت فيها وزوجي
من الرياض لكن تفاجات انه ممنوع جوالات الكاميرا بالنسبه للنساء
واالاكل الغداء والعشاء سفره؟؟؟؟؟؟؟؟

والفطور بوفيه؟؟

http://www.arabtravelersforum.com/travel235328/

ان نتسبتك هالحمله
وتراها حققت المركز الاول العام الماضي ونسبتهم 99.64%
ومكانهم اقرب مكان للجمرات ومافيه درج ابد

8888888888888

نعم حجزت على حملة الجليس الصالح

السعر 7500 ريال

المكان فئة أ

التنقل بالطائرة

واذا فيه سؤال ماراح اقصر انشالله

طيب من جرب تعاملهم اقصد حمله الجليس الصالح
استغربت شرطهم ممنوع جوال كاميرا
والعشاء والغداء سفره غير الحملات الثانيه حبيت اعرف وش السبب رغم انهم العام الماضي كان بوفيه
بعدين يبعدون عن االجمرات 300 متر
حبيت اعرف هل فيه درج وكم درجه؟؟

انا رايح لهم اليوم اسدد باقي المبلغ

راح اسالهم ان شاء الله عن هالامور

بس ماادري وش فرق اكل السفره عن البوفيه !

اول مره اسمع عن موضوع الدرج وكم درجه !! ليه هم واجد !

وشكرا

ننتظر ردك

والله انا أسال من يعلم عن حملة عبدالله الدغيم ومن سبق وحج معاهم

حمله الجليس الصالح حجيت معهم هالسنه اكثر من رائعه في المواصلات وفي الاكل وفي الخدمه والتعامل جزاهم الله خير الجزاء

السلام عليكم انا حجيت مع الجليس الصالح هالسنه الحمدلله حج موفق وميسر لله الشكر

انا كنت في باص 15

ملاحظاتي الايجابيه على الحمله

التنقل بين المشاعر كان موفق في اوقاتهم

الاكل والشرب كان متوفر بشكل ممتاز

الشيخ احمد القاضي موجود طوال الوقت للاجابه على التساؤلات

الارشاد والتوجيه ممتاز

الملاحظات السلبيه

الموقع كان فئة أ ولكن كأنك فئة ج او د وذلك لوجود درج متعب جداااا وموقع الحملة كان عكس اتجاه الجمرات

فكان يلزمك الذهاب والعوده مرتين كما قلت كانك فئة ج او د ولكن فيه كوبري يودي للجمرات يبنونه قريب منهم ولسى ماخلصوه

ممكن السنه الجايه يكون جهز فيكون موقع الحمله ممتاز جدااااا مع العلم انهم كل سنه لهم موقع مختلف

الاكل كميته جيده ولكن نوعية الاكل كانت مقبوله الى ضعيفه الاكل بارد ومو ذاك الجوده ابد صراحه

التنقل بين المشاعر ممتاز ولكن العوده من الحرم كانت مشكله كبيره كنا ننلطع الى 4 او 5 ساعات لين يجي الباص حنا باص 15 مدري عن الباقيين

الخيام كانت خيمه 8 في 8 بس فيها 36 الى 40 شخص وكانت زحمه وازعاج بس يقولوا كثير حملات كذا مدري

التنقل بالطائرة كان مريح ومنظم

التنظيم كان ضعيف وكثير اشياء تجي متاخره بس ماكانت ذاك الضروره

وفي النهايه الله يجزاهم خير ويوفقهم ويعني المسلمين يارب

وشكرا

هلا بك دكتور ناصر
وانا كنت في باص 15 وذكرت شكلك


سلمني على الوالده ام ناصر سلام كثير كانت معي في الباص ماشالله عليها

الحمله تعد رائعه نظير للحملات الاخرى
مقارنه باللي سمعت بالحملات الاخرى انها ماتوديهم ولاتججيبهم للحرم دبر نفسك