الموضوع: تجربتي مع التأشيرة الامريكية م

اسعد الله مساءكم جميعاً
بعد ترتيب واستكمال اجراءات التأشيرة تم الحمد لله مراجعتهم اليوم وسئلني القنصل الأسئلة التالية
س1/ لماذا تريد الذهاب لأمريكا؟
س2/ أين ستذهب في أمريكا؟
س3/ هل سافرت لأمريكا قبل هذه المرة ؟
بعد الأسئلة الثلاثة هذي قال وافقنا خنقتني العبره لو ما فيه قزازة بيننا حبيت خشمه
لم يسئل عن تذاكر السفر ولا حجوزات الفنادق ولا الجواز القديم
حتى الصور احلف عليه ياخذهن عيا واكتفى بالصورة التي تم تحميلها في الابلكيشن
الحمد لله تم تعبئة الابلكيشن بالنت يوم الثلاثاء 26 فبراير وموعد المقابلةالاحد 3 مارس وصدور التأشيرة الاربعاء 6 مارس بحد اقصى
اشوا ما سئل عن الجواز القديم فيه مليون ختم لسوريا خخخخ
لو سئلني كنت مجهز نصبه انني من النوع الذي لا يحتفظ بالوثائق الغير ضرورية !!
وعندي دفاتر من أيام الإبتدائي تحت بيت الدرجه ما تخلصت منها ههههههه
بالتوفيق للجميع

مواضيع عشوائيه ممكن تكون تعجبك اخترناها لك:

• يا اهل الخير مساعدة...استخراج فيزا الدراسة في اوكرانيا
• فيزا بريطانيا
• لا يوجد مواعيد في السفارة الاسبانية
• مالحل في تأشيره سنغافوره ؟؟؟؟
• المركز الموحد واللعب في نظام المواعيد
• مطلوب خدمتكم بشكل عاجل بخصوص تعبئة نموذج فيزا اسبانيا
• تـجـربـتـي في استخراج فـيـزا اسبانية
• شنغن المانيا المتطلبات والموعد
• هام لكل العوائلاليوم قدمت طلب الشنغن من السفارة الألمانية وألـًفنا رواية ألمانية
• كيف احدد اي فيزا استخرج وكيف الاجراءات
• تأشيرة بريطانيا أو الشنجن من مصر
• استفسار جوازي امريكي وأريد تأشيرة لاستراليا
• تأشيرة كندا لمن انهى دراسته
• فيزا اليابان من دبي
• تأشيره سنغافوره ... سؤال
• مساعدتكم في التأشيرة سؤال مهم جدا
• شنغن لغير الموظف. وكفالة الاب الغير موظف
• استفسار بخصوص رفض فيزة أمريكا
• كيف يمكن السفر للاكوادور
• استفسار سررييع

ألف شكر لك على طرح تجربتك
ومبروك التأشيرة

انت من الرياض ؟؟ يعني ماتطول اذا كنا برياض ؟

الله يبارك فيك اخوي وسيم
بالنسبة لسؤال الاخت سارة
نعم انا بالرياض
وبتتبع خطوات تعبئة الابلكيشن بتجيك صفحة اختيار الموعد
وتختار الموعد المناسب لك

والله مقابلتهم تخوف ..

اخاف نتعرف بشي ما عملناه ..

===

الف مبروك ع التأشيرة ..

رحلة سعيدة ان شاء الله

مبروك حصولك على التأشيرة

رحلة موفقة

الله يجزاكم خير ويفقكم
اخذت معي للمقابلة
- صفحة الموعد ( تتطبعها بعد اختيار موعدك ).
- الابلكيشن اللي عبيته بالنت ( ما يفرق ملون والا عادي ).
- خطاب تعريف من العمل.
- كشف حساب لثلاثة أشهر (45ريال) + شهادة بنكية بتاريخ افتتاح الحساب وآخر رصيد (50ريال) " مصرف الراجحي "
- ايصالات التأشيرة من " بنك سامبا " قيمة التأشيرة الواحدة (608ريال) مهما كان السن.
- حجوزات الفنادق من بوكينج ( لم تتطلب في المقابلة ).
- تذاكر الطيران ( لم تتطلب في المقابلة ).
- صورتين مقاس 5*5 سم ( هم طلبوا واحدة وفي المقابلة ما طلبوها نهائياً ).
- مبلغ (65ريال) رسوم (FedEx) لجميع الجوازات ( لكل طلب 65 ريال مهما كانت عدد الجوازات ).
وصف السفارة :
بالنسبة لي دخلت مع طريق عبدالله بن حذافة السهمي اول دوار(Circlre 7) تركته الدوار الثاني (Circlre 8) رحت يمين جاني دوار (Circlre 4) رحت يسار بعدها جاني دوار (Circlre 3) رحت يسار وبعدها يجيك دوار(Circlre 9) طلعت طوالي جتني المواقف على يساري انزل واتجه لمدخل السفارة من جهة الشارع يجيك المدخل على يمينك يأخذون منك ورقة الموعد والأجهزة اللي معك ومفاتيح الريموت ويعطونك ورقة حمراء صغيرة لمتعلقاتك اللي عندهم بعدها تدخل من الباب اللي يمين الشباك تمر على جهاز كشف المعادن بعدها اتجه يمين للدخول للمبنى يقابلك موظف جالس على مكتب صغير وقدامه لاب توب يحط على جوازك ورقة صغيرة فيها بار كود يخص طلبك ويعطيك رقم انتظار اتركه على يمينك وادخل مع الباب الاول يمين وانتظر رقمك وفي هذه الصالة يتم التأكد من أوراقك وفرز المهم منها بعدين اطلع من هذه الصالة واتجه يمين وأجلس بالاستراحة لإنتظار مقابلة القنصل وهي الفيصل في التقديم ويقولك اذا كان طلبك مقبول والا لا بعد مايسئلك كم سؤال صراحة مقابلتي الحمد لله ما تجاوزت 3 اسئلة لكن اسمع الشبابيك اللي جمبي اسئلة تفصيلية بعدها خل الموظف الاول ( أبو لاب توب ) اللي قابلته اول شيء على يسارك وابتل يجيك مكتب (FedEx) على يسارك تحدد لهم عنوان الفيدكس القريب منك ويأخذون (65ريال) لداخل الرياض و(125ريال) لخارجها وبعدها اجلس طقطق اصابعك الين تجيك رسالة فيدكس لاستلام الجوازات منهم ... وبالتوفيق.
ملاحظة : إذا كنت تجيد الانجليزية يمكنك اجراء المقابلة بشكل اسرع لأن القناصل بعضهم ما يتكلم عربي.

مبروك التأشيرة , والله يوفقك اخوي , , ,

المشاركة الأصلية كتبت بواسطة waleed8818
http://www.arabtravelersforum.com/tr...6/#post7612646

مبروك التأشيرة , والله يوفقك اخوي , , ,

الله يبارك فيك اخوي waleed
وما نستغني عن النصائح

رحلة موفقة إن شاء الله

الله يوفقنا وياك اخوي الحوسني
شاكر لك دعوتك

ماشاء الله زين الله يسهل لنا اذا ربي كتب لنا زيارة امريكا
طيب انا قريت موضوع الفيزة وكاامل الله يجزاهم خير لكن فيه رابط اعرف مدالمواعيد المتاحة ؟ لان ماعبيت النموذج
واذا كانت السفرة امريكا بشهر اغسطس
عشان اعرف اذا فيه موعد قريب او لا من الموبايل

بصراحة من كثر ما خوفونا من اجراءات الفيزا صار لي كم سنة مأجل امريكا بسبب هالموضوع لكن الحق يقال يوم قدمت الموضوع سهل جداً والمقابلة جداً سهلة وخلال يومين جتني الجوازات بالفيديكس يعني اسهل من الشينغن ومن دول كثير، اللهم الطلب اللي تعبيه عن طريق الموقع طويل و يحتاج تقريباً نص ساعة وانت تعبيه واللي ماله خلق فيه مكاتب في حي السفارات تضبط جميع امورك ويبقى عليك المقابلة الشخصية.

تحياتي للجميع

طيب الله يخليك ممكن تفيدني بنسبه للكشف الحساب والشهاده البنكيه الي يطلبوه هل اي بنك اولزم يكون بنك سامبا

عن نفسي ما طلبو كشف الحساب مع اني كنت جايبه معي واكتفو بتعرف الراتب ولكن اكيد ماراح يطلبون منك كشف حساب من بنك سامبا وانت ماعندك حساب فيه يعني اذا تبغى تجيب كشف جيب من البنك اللي تتعامل معاه باستمرار هم بالعربي يبون يتاكدون من وضعك المالي هل يسمح بالسفر ومصاريفه واﻻ ﻻ







تحياتي

مبروك التاشيره
الله يوفقك
بالنسبه لي عبّيت البليكيشن الاسبوع الماضي حق جوازات الاولاد وارسلت لهم بالفيدكس مع كامل الاوراق المطلوبه والجوازات وبعد يومين جات التاشيرات..بالفيدكس

المشاركة الأصلية كتبت بواسطة فؤاد الحسيني
http://www.arabtravelersforum.com/tr...8/#post7687628

طيب الله يخليك ممكن تفيدني بنسبه للكشف الحساب والشهاده البنكيه الي يطلبوه هل اي بنك اولزم يكون بنك سامبا



من أي بنك ما يفرق
والشهادة البنكية اخذتها احتياط

مبروك ياغالي التأشيرة وسفرة سعيدة وجميلة وموفقه ان شاء الله ..
عندي استفسار بالنسبة لي قدمت واجريت المقابلة انا وزوجتي واولادي وخلال خمس ايام جت جوازاتهم وانا قال لي القنصل تمت الموافقة ولكن تحتاج الى اربع اسابيع والى الان ماجاني شي وكملت شهر وعشرين يوم وماني عارف كيف اتواصل معهم الا عن طريق صفحة المتابعة للفيزا فقط وهذه لاجديد فيها نفس الكلام ياليت تفيدونا ياشباب الله يرضى عليكم انا بالرياض..

ممكن تراسلهم عالايميل
mailto:[email protected]

اكتب اسمك ورقم جوازك وتاريخ الميلاد وتاريخ المقابله
الله يسهل لنا ولك فيزة زوجي بتكمل شهرين ونص ولا حس ولاخبر

مشكور و ماقصرت

السلام عليكم ....يعني لو سألوك على وين سفرت من قبل ...... ممكن يعرفو كل شيء عليك ؟؟؟؟؟؟؟؟؟

والله اني حايس مدري وش اسوي الله يستر

السلام عليكم
مبروك الاصدار

لو انها متأخره

انا لي اكثر من 10 اسابيع ما طلعت

وانا الان انتظر خروجها

المشكلة كثير اشياء ضاعت

ولا لك غير الانتظار

راسلتهم على

Cons, Riyadh - (Visitors Visas) Dear Sir,Case is still underadministrative processing.Thank You,

الله يستر ما يكون فيه حجره لو رحت

متخوف والله

وش رايكم

مبرووك اخوي

عندي سؤال انا طالع ادرس لغة لمدة شهر او شهرين


السؤال انا رايح بضمان مالي وشهادة بنكية اجيبهم معي وازود كشف الحساب


ولا الشهادة والضمان يكفو ؟!

تم التقديم و المقابلة .. و رفض طلب التاشيرة -_-

المشاركة الأصلية كتبت بواسطة Mohasa
http://www.arabtravelersforum.com/tr...3/#post8175113

تم التقديم و المقابلة .. و رفض طلب التاشيرة -_-



السلام عليكم
عسي في الامر خيره
وجرب مره ثانيه
الله يكتب لك الخير

صار لي 26 يوم ولافيه جديدوالسفر الشهر الجاي
للاسف راسلتهم مرتين ومافيه فايدة رغم انها فيزة عمل

مبروك حصولك على التأشيرة ورحلة موفقة
ياريت انعرف مخطط الرحلة

شكرا للمشاركة القيمة

تروح وترجع بالسلامة أخوياستفسار بخصوص اخر ثلاثة اشهر للحساب البنكي ؟ وش القصد منه ؟ وليش ما يطلبون رصيدك النهائي ؟هل معنى كذا أنه لازم أكون محتفظ بمبلغ مثلا لايقل عن 10 الاف ريال طيلة الثلاثة أشهر الاخيرة ؟ ولو كنت محتفظ بكل شهر الف ريال رصيد واخر شي اودعت 10 الاف وسحبت كشف للثلاثة اشهر ؟؟ ما ينفع ؟المقابلة كانت بالعربي صح ؟؟ لكن هو امريكاني ؟ يعني لازم تكلمه بالفصحى وإلا ؟

مبروك التأشيرة

سؤالي اغالي


هل كشف الحساب 3 اشهر يكفي


ام الشهادة البنكية لابد منها ؟؟


وهل لازم تكون بالانجليزية ؟