المشاركة الأصلية كتبت بواسطة ahmedo0o
http://www.arabtravelersforum.com/tr...0/#post3239400

السلام عليكم اخوي محمد
عندي عدة اسئله بسالك اياها واتمنا تجاوبني عليها بالتفصيل

انا مسافر على قبرص للدراسه بتاريخ 25 سبتمبر والاقامه راح تكون بلارنكا
ابيك تعطيني معلومات عن المعيشه بلارنكا خصوصا هذي اول مره بسافر قبرص
وبخصوص الاكل والشرب كيف الاسعار وشنو الاوفر
والسكن وين الافضل والاوفر اما بخصوص التوصيل مافي مشكله الطلاب يركبون مجانا بالباصات
وابيك تنصحني شنو اخذ معاي
وبخصوص الجو بشهر سبتمبر بارد ولا عادي

واسف على الاطاله بالاسئله



انا اسف جدا اخي الكريم على الاطالة .. ولكني كنت مسافر وتوي راجع
لارنكا مدينة جميلة كل مافيها رائع بصراحة .. اسواقها طرقها والاجمل طبعا كسياح الكورنيش .. والبحر المقابل الجميل..
بصراحة السيئ في قبرص كلها .. هي انها غالية جدا .. من ناحية الاكل والبقالات والاسعار .. هي دخلت على الاتحاد الاوروبي ونقلت عملتها الكبيرة البوند القبرصي إلى اليورو .. ولا يوجد فيها حماية مستهلك .. بمعنى انك قد تجد اسعار الشي الواحد تختلف من مكان لاخر .. افضل ان تشتري من مراكز التسوق الكبيرة مثل كارفور وهو موجود في لارنكا ..
مافضل تاكل من مطاعم قبرصية شعبية .. افضل الفاست فوود وخصوصا ماكدونلز . اسف اني اقولك انه مافيها اكل حلال الا قليل وغالي .. بس المضمون انه مو لحم خنزير اعتقد ماكدونلز وبرجر كنج ..
نصيحة لا تجرب من بيتزا هت لانه غالي واكثره لحم خنزير والحال نفسه ينطبق على فرايدز..
افضل انك تاخذ كل مستلزماتك من بلدك من حاجيات النظافة وغيرها .. وايضا خذ لك ملابسك كلها ولا تفكر تشتري ملابس من عندهم لانها سيئة جدا كأسواق .. بما انك رايح لدراسة...
الجو في سبتمبر حار صباحا ويميل للاعتدال بعد المغرب لكن البرد عندهم يبدأ من أكتوبر ..
الشعب القبرصي شعب طيب جدا .. يتعاملون باللطف مع الجميع .. الديرة آمنه الى حد كبير .. وبصراحة ما يطيح عليها تكون دولة اوروبية ابدا ..
اللغة الانجليزية ضرورية في التعامل .. كن حذر في التعامل مع الشرطة ..
لو كنت من محبي كرة القدم ترى فريق لارنكا ماهو بالفريق الممتاز لانه الفرق الممتازة متواجدة في نيقوسيا العاصمة.
تحياتي لك واسف على التأخير :113:

مواضيع عشوائيه ممكن تكون تعجبك اخترناها لك: