الموضوع: طلب مساعدة من الخبراء هنا وخصوصا ارسنال

السلام عليكم ورحمة الله وبركاتة ..

محتار جدا يااخوان وابي المساعدة منكم .. وماتقصرون ان شاءالله

نزلت موضوع من فترة في بوابة النمسا وماقصرت الاخت طمطم بمساعدتي جزاها الله كل خير .. ولكن لازلت متشتت وموقادر اقرر قرار نهائي . ولازلت افكر بتخطيط الاخت طمطم ولكن هناك معارضون :110:

الموضوع \\ اني بسافر لأووروبا .. شخصين وطفلتين 4 سنوات و9 اشهر ..

1) أي دولة تكون المحطة الاولى لي .. خصوصا اني ابيها الارخص عشان تذاكر الطيران ؟؟
2) ابي تسلسل بين المدن مريح وتكون الطريقة للتنقل فيه عن طريق القطار ؟

المدن اللي بخاطري ازورها هي . التشيك , النمسا , ميلانو , جنيف , باريس , لندن , بلجيكا , هولندا

ممكن زيارة كل هالاماكن ولا لأ ؟؟ المدة بتكون شهر ان شاءالله او 25 يوم ..

جاوبوني على هالاسئلة .. :24: عشان اطرح باقي اسئلتي :114:


شكرا لكم مقدما ً ..

مواضيع عشوائيه ممكن تكون تعجبك اخترناها لك:

• إستخراج الفيزا لبلغاريا للسعودين
• محتارة بين ها الفندقين في بروكسل بليز ساعدوني
• تقرير الدنمارك
• اسألة لأهل الخبرة عن السياحة في بولندا
• استفسار مهم جدا جدا جدا ويرجي الرد من الخبراء
• التشيك أم بولندا
• اريد بعض المعلومات عن اليونان تشمل الطيران والسكن والتنقل
• الله الله على سموغن السويد Smögen ما احلاها ولا تنسوا دعاء السفر
• جورجيا اسئل ونحن نجيب صور
• زيارتي العائلية ارمينيا يوليو 2016
• مالدوفا
• تبليسي معلومات بالصور حصريه
• ايقاف طالب عن الدراسه في اوكرانيا بسبب ضعف نظامها التعليمي
• نرجو من المساعدة من الاخوة الاعضاء
• فندق ومنتجع رائع
• تقرير رحلتي لبراغ التشيكيه
• الله يخليكم لا تطنشون كالعاده
• ماهي متطلبات الحصول على فيزا الشنغن من سفارة اليونان في الرياض
• احتاج مترجم في هنغاريا ضروري
• الاستفسار عن دول البلطيق

1) أي دولة تكون المحطة الاولى لي .. خصوصا اني ابيها الارخص عشان تذاكر الطيران ؟؟



ابدأ بمحطات المباشرة تكون أرخص





) ابي تسلسل بين المدن مريح وتكون الطريقة للتنقل فيه عن طريق القطار ؟

المدن اللي بخاطري ازورها هي . التشيك , النمسا , ميلانو , جنيف , باريس , لندن , بلجيكا , هولندا

ممكن زيارة كل هالاماكن ولا لأ ؟؟ المدة بتكون شهر ان شاءالله او 25 يوم ..



تنقلات كثيرة و مدة قليلة و خاصة أنكم عائلة
احذف التشيك , ميلان و جنيف و هولندا

تبدأ فيينا - زي لام سي - ميونخ - باريس - بروكسيل - لندن ... لو قعدت كل مدينة 4 ايام ... يصير المجموع 24 يوم

شرفني مرروك الغالي ليل ونهار .. //

ممكن افهم شنو قصدك بمحطات المباشره ؟؟ هل قصدك الدايركت موالترانزيت يعني ..؟؟

والله يااخوان انا اول مرة بروح لأوروبا يعني ماشفت منها قبل ولا شي .

التشيك ابيها عشان التسوق ..
وجنيف ابيها عشان المهرجان ..
باريس ابيها عشان الشانزليزيه ..
ميلان ولندن وهولندا مافيه مشكلة نلغيهم ..
بركسل وسويسرا يبونها الاهل ..
النمسا ابيها عشان الطبيعه الخلابة ..

مع العلم اني احب الدول الي طبيعتها يتأخرون بالليل شوي موينامون مبجر من الساعه 7

اتمنى تساعدوني بترتيب جدول منطقي بالترتيب وحلو ازور فيه كل هالمدن .. ويكون التنقل بالقطار ..

بانتظاركم لاتتاخرون علي

التشيك ابيها عشان التسوق ..
وجنيف ابيها عشان المهرجان ..
باريس ابيها عشان الشانزليزيه ..
ميلان ولندن وهولندا مافيه مشكلة نلغيهم ..
بركسل وسويسرا يبونها الاهل ..
النمسا ابيها عشان الطبيعه الخلابة ..




طيب أذا حذفت ميلان و لندن و هولندا .... و احذف النمسا بعد .. طبيعتها مثل سويسرا

بس يبقى مشكلة التشيك تكون بعيدة ... و ما أعرف وش ميزتها بالتسوق ... على العموم ميونخ أحسن بالتسوق ... وانت بكيفك


تكون الخطة ... باريس - بروكسل - جنيف - انترلاكن - ميونخ (أو براغ لو تبي التشيك )

طيب ياخوي ماقلت لي شنو قصدك بالرحلات المباشره اللي بتكون ارخص لي ..

ولو اعتمدنا المخطط اللي اقترحته لي مشكوراً كيف بيكون الترتيب ؟؟ يعني منو الاول ومنو التالي . ولو كان التنقل بالقطار ممكن اعرف بين كل مدينة ومدينة جم ساعه بالقطار ؟؟ ..

الله يعطيك العافيه على مساعدتي ..

وين باقي الخبراء عشان يشاركونا ..؟؟؟؟؟؟؟؟؟؟؟؟؟؟؟؟؟؟؟

السلام عليكم

من قالك ان التشيك فيها تسوق باريس افضل منها وميونيخ وجنيف وبروكسل كلهن افضل

طبعا انا اقولك

من بلدك الى بروكسل رحلة دايركت

من 3 ايام الى اربعه ايام في بروكسل وتزور بروج ونصايح الاخوان خبراء بلجيكا ومنهم خبيرتنا الريم

تنزل اليوم الرابع على باريس وان كان بتزور لوكسمبورغ يوم وبعدها باريس

باريس تقصي بها من 7 ايام الى 8 ايام تروح لدزني ولا تستغني من نصائح خبراء باريس وفرنسا زور تقارير الاخت بنت الصقور

بعدها تنزل لاالمانيا بون او كولون او اخن او فرانكفورت استريح في اي مدينة من هالمدن يوم او يومين وبعدها اتجه لميونيخ

ميونيخ تقضي بها 5 ايام او اكثر لا تستغني من تقارير وخبراء البوابة الالمانيه

انطلق بعدها الى جنيف طبعا جنيف بتكون غاليه وماتتحمل مصاريفها بس اشبغ رغبتك واقعد لو يومين

بعدها توجه للطبيعه انترلاكن طبيعة انتلاكن نفس زي لامسي

طبعا يلزمك نصائح خبراء سويسرا ومشرفنا القدير ابو عزيز

ومحطه العوده ميونيخ او مطار زيوريخ دايركت لبلدك

انا اقولك بروكسل وميلا بعيدات جدا عن بعض

كما ان معك عائلة يعني التنقل بيكون صعب ومكلف

التشيك مااقدر اضمها مع خط سيرك وبما انك تقول علشان التسوق عطيتك خيارات


النمسا نفس سويسرا وحنا اخترنا لك الانسب والاقرب

لندن بعيدة جدا ولكن لو تحب تزورها يوم زياره خطافيه من باريس يوم او يومين

هولندا لو اخترت كولون من المانيا تقدر تطلع لهولندا حق يوم

كمان اخن على الحدود الهولندية

بس اذا تبي امستردام فا يختلف التخطيط

بس لا تسى الكاميرا والتقرير هههههههههههههههههه والهدايا

هلا والله بمشرفنا سمارت .. ابشر يالغالي بالهدايا والتقرير الطيب ان شاءالله .

الله يجزاك خير .. وماقصرت .. بس ماذكرت لي هل ممكن التنقل بالقطار .. وبين كل مدينة ومدينة كم ساعه تقريباً بالقطار ..

والله ياخوي احترت بما اني اول مرة اروح اوروبا .. وبما ان معاي عائلة اتمنى تكون المسافات بين المدن اللي اختارها قريبة نسبياً يعني بالقطار على الاكثر اربع او خمس ساعات ...

مافيه مشكلة نغير بعض المدن اللي ممكن تعيقنا مثل التشيك والنمسا ..

التنقلات بالقطار

لو اختر على اللي اقترحت عليك بالاول بروكسل الاخير زيوريخ او ميونخ اكثر مسافه بالقطار ماتتعدى 3 ساعات

مشكورين وماقصرتوا واسف جداً على تأخري بالرد ..

بس للأسف كنسلت الحجز لتخوف الاهل من انفلونزا الخنازير .. وبنغير الوجهه من اوروربا .. الى تايلند ..

اذا الله كتب لنا حياة بنروح لأوروبا السنة الجاية على خير ..

مشكورين والله يعطيكم العافية

شي جميل تايلند مافيها افلونزا الخنازير