المشاركة الأصلية كتبت بواسطة يكفيني هواها
http://www.arabtravelersforum.com/tr...4/#post3836424

السفره عائليه زوج وزوجته فقط بعد شهر تقريبآ اذا الله سهل .. محطة الوصول والمغادره على حسب الجدول ومدريد ماشلتها من البال بس سمعت يكفيها يومين فقط اذا كذا ممكن نضيفها وتصير مدريد محطة الوصول مثلا وياليت ترتب لي المدن بعدها الاقرب فالاقرب وكيفية التنقل وبالنسبه للمدن التاريخيه غرناطه واشبيليه لاافضل ان اقيم فيها يكفي ان ازورها يوم واحد من ماربيا ... الله يعطيك العافيه ويسهل لك ياارب واذا عندك اي سؤال بعد اناا حاضره



هلا اخوي ... الله يعينك .. اذا شهر بس باقي يبغالك تشد الهمة ... يعني بتحكمك الرحلة والخطوط ... اذا بيصير برنامجك الوصول لملقا والمغادرة من برشلونة حلو كثير ... بس يمكن ما تحصل ... عشان كذا يعتمد الوضوع على حجوزاتك للسفر... اذا زي ما قلت لك بتبدا من ملقا يصير الجدول زي كذا :-
ستة ايام السكن بملقا او فنخرويلا او ميخاس ( اذا ميزانيتك حلوه ماربيا خيار افضل والافضل بقوووة خلك بالبارتوبانوس) برضو فيه منطقة ثانيه اسمها سان بيدرو قريبة من البارتوبانوس ...هذا خيارات السكن ... طبعاً الافضل تكون معاك سياره وضروري ... عندك يومين الى ثلاثة بالمدن القريبة ونشاطاتها واسواقها ( ماربيا , بنا . رواندا , ملقا , فنخرويلا , ...الخ) وتكون مرتب نفسك وحاجز تذاكر لقصر الحمراء بغرناطه اول ما توصل .. وابدا ادهر ..يوم غرناطه .. يوم قرطبه .. يوم اشبيليه ... ... وبكذا انتهينا من اول ستة ايام ... تروح لمطار ملقا وتسلم السيارة وتكون حاجز على برشلونه .. وصلت برشلونه على شارع الرامبلا يكون سكنك وتفرج فيه واجلس اربع ايام بعدها مدريد طيران داخلي يومين وارجع لبلدك سالماً غانماً ... هذا جهدي يمكن يناسبك او لا ما ادري....بس فيه ملاحظة مهمة ترى الجنوب ما فيه طبيعه وحررررر لازم تكون هالنقطة في تصورك .. بس بصراحه منطقة ترتاح نفسياً فيها
اذا تبي برنامج سان سبيستيان .. اقلب الموجه وخلك بفرنسا ولا بالشمال الاسباني ومعاه برشلونه ... بس انا بالنسبة لي صعبة تجمع شمال اسبانيا مع جنوبه مع شرقه .. مررره متعب .. وبالاخير الراي لك ... والمشرف وزمان وباقي الاخوان خبرتهم افضل يمكن يساعدونك افضل مني ... بس انبهك ترى سفرك قريب يعني لازم تكون حاجز طيران ومطلع الفيزا ولا امورك ما تمشي تمام

مواضيع عشوائيه ممكن تكون تعجبك اخترناها لك: