الموضوع: بسافر للتشيك في الصيف وابي معلومات عنها

السلام عليكم

احب اشيد بهذا المنتدى الرائع


وكلي امل بأذن الله في الله ثم فيكم انكم تساعدوني

الموضوع ومافيه
اني بسافر للتشيك الصيف هذا علاج للوالد وسياحه
وعندي استفساااااااااااااارات كثيره ومريت على كل المواضيع اللي تخص التشيك
بس اغلبها قديمه فحبيت اطرح استفساراتي في موضوع جديد
وابشرو بالخير لارحت التشيك اسوي تقرير مثلكم :106:

المهم

استفساراتي كالتالي :

1- وش افضل مصحه لعلاج حالات مابعد الجلطه ( اعادة تأهيل ) وفي اي مدينه ؟؟؟؟
وش رايكم في مصحة (ترزاني لازني..tereziny Lazne في مدينه تبليسه))

2- الاستفسار الثاني وش افضل مدينه ممكن نقضي فيها شهرين علاج وسياحه علما اننا 4 اشخاص
الوالد والوالده وانا وطفلي وعمره 3 سنوات ؟؟

ابغى مدينه تكون حلوة وجوها يشرح الصدر ويكون فيها اسواق قريبه ويكون فيها عرب سعودين خليجيين


3- اهم شي طبعا بعد تحديد المدينه والمصحه السكن ابغى شقه سكنيه فندقيه وتكون اقل شي غرفتين نوم وصاله ومطبخ تكون نظيفه ومرتبه وامنه وتكون قريبه من السنتر لاني انا اللي راح اروح واجيب ووو تعرفون الوالد الله يشفيه وكل شي راح يكون علي ..


4- واخر شي ابغى اعرف خطوط جويه تكون دايركت الرياض التشيك لاني مابى ترانزيت وانتظار ..
وايش الوقت المناسب للسفر ؟؟؟

طبعا لاخذيت المعلومات هذي منكم راح يتبقى المعلومات اللي راح احتاجها بعد الوصول للتشيك


يعطيكم العافيه مقدما والله يجزاه خير كل من بيرد علي لاني والله في حاجه لاي معلومه عن التشيك

مواضيع عشوائيه ممكن تكون تعجبك اخترناها لك:

• رحله جورجيا ولطبيعه الخلابه
• باريس بلجيكا
• الفزعه ياخوان اهم المطاعم في بروكسل
• فيزا إلى كرواتيا
• الطيران الأوروبي
• من باريس الي مالمو في السويد
• كرواتيا وسلوفينيا
• السفر الى النرويج مع العائلة
• اش البضائع اللي ممكن الواحد يتسوق في جمهورية التشيك
• استفسار عن ميزانية اليونان لشخصين
• ممكن موقع السفارة البولندية بالرياض؟
• خبراء البوسنه سؤال واحد فقط لا هنتوا
• استفسار
• عاجل وللاهميه
• من هولندا لبلجيكا دلوني
• الاخوة رومي تحسين
• ضروري محتاج مشورتكم بالنسبه لدراستي
• مسافر الي ليتوانيا ولي بعض الاستفسارات
• صور من جدران اوربا
• استفسار بخصوص السفر إلى جورجيامهم

مرحبا اسف على التاخير

الاول ترازيني لازني في دوبي وتبعد 12 كيلو عن تبليتسه فيه اعادة تاهيل بتهووفن والقيصر بتبليتسه

الثاني المدينة فيه كارلوفيفاري سياحية وعلاج بس مافيها مصحات اعادة تاهيل يبيلك تحجزون في ياخيموف
او براغ وتحجزون بمصحة كلادروبي 50 كيلو عن براغ
او تبليتسة هي الانسب لكم
او اوسترافا بس العرب قليلين

الثالث اذا حددتو المدينة انا اساعدكم بالسكن بس للمعلوميه حدد من الان لان شقق تبليتسه الان 40 بالمية محجوز

الرابع للاسف مافيه دايركت ابد حتى لو فتحو دايركت السعوديه تبي توقف بفرانكفورت وقبلها توقف بجنيف صح ماتنزلون من الطياره بس تعب الهبوط والاقلاع

مثل ماقال اخوي سمارت

اذا ودك سياحة وعلاج وبالذات سياحة كارلوف فاري وانتي مغمضة ..مدينة رووعة وراح تلاحظين كثرة السواح فيها وعندك مناطق قريبة حلوة للنقاهه والاستجمام مثل مارينسكي لزني , فرانشسكوفي .

المانيا كذلك قريبة درسدن 50 كيلو من تبليتسة ممكن تتسوقين وتتمشين هناك لان بصراحة تبليتسة مافيها شي ابداً وراح تتذكرين كلامي مملة الى ابعد الحدود ..اتكلم كـ سياحية فقط طبعاً براغ مايحتاج اتكلم عنها .

بالتوفيق إن شاء الله ونصيحتي من الان لاتتعاملين مع احد الا وانتي واثقه فيه 100% , لأن مع احترامي ماخرب التشيك الا العر....)

المشاركة الأصلية كتبت بواسطة smart82
http://www.arabtravelersforum.com/tr...3/#post2788562

مرحبا اسف على التاخير

هلا اخوي والف شكر على ردك..

الاول ترازيني لازني في دوبي وتبعد 12 كيلو عن تبليتسه فيه اعادة تاهيل بتهووفن والقيصر بتبليتسه

طيب اخوي ابوي جايه امر للعلاج على ترزاني لازني هل ممكن نغير المصحه لمصحه ثانيه ولا لا ؟؟
وكيف بأمكاننا التواصل مع المصحه اللي نبي نروح لها ؟؟ عشان موضوع الفيز
الثاني المدينة فيه كارلوفيفاري سياحية وعلاج بس مافيها مصحات اعادة تاهيل يبيلك تحجزون في ياخيموف
او براغ وتحجزون بمصحة كلادروبي 50 كيلو عن براغ

اخوي مثل ماقلت لك صعبه علينا 50 كيلو واجد ابي مصحه لاعادة التأهيل في مدينه مناسبه وغير ممله والمصحه تكون قريبه من السكن ..

او تبليتسة هي الانسب لكم

من كلامك الظاهر ان تبليسه هي الانسب .. وياليت توضح لي المصحات اللي فيها وكيف السكن والحياة بصفه عامه


او اوسترافا بس العرب قليلين

الثالث اذا حددتو المدينة انا اساعدكم بالسكن بس للمعلوميه حدد من الان لان شقق تبليتسه الان 40 بالمية محجوز

ان شاء الله هاليومين ارد عليك بس ننتظر اللجنه الطبيه وش تقرر عليه ..

الرابع للاسف مافيه دايركت ابد حتى لو فتحو دايركت السعوديه تبي توقف بفرانكفورت وقبلها توقف بجنيف صح ماتنزلون من الطياره بس تعب الهبوط والاقلاع

والله ودي يفتحون خط على الخطوط السعوديه نقعد بالطياره ولا نتوهق بالمطارات ماندري وين نروح ولا وش السالفه

الله يجزاك خير ويوفقك دنيا واخره ويستر عليك ... الف شكر على ردك اخوي

المشاركة الأصلية كتبت بواسطة Arsenal-R7
http://www.arabtravelersforum.com/tr...3/#post2788803

مثل ماقال اخوي سمارت

اذا ودك سياحة وعلاج وبالذات سياحة كارلوف فاري وانتي مغمضة ..مدينة رووعة وراح تلاحظين كثرة السواح فيها وعندك مناطق قريبة حلوة للنقاهه والاستجمام مثل مارينسكي لزني , فرانشسكوفي .

اخوي حنا نروحتنا بالاساس علاج (اعادة تأهيل ) بالدرجه الاولى , ومنها سياحه
المانيا كذلك قريبة درسدن 50 كيلو من تبليتسة ممكن تتسوقين وتتمشين هناك لان بصراحة تبليتسة مافيها شي ابداً وراح تتذكرين كلامي مملة الى ابعد الحدود ..

احس اني مليت من تبليسه وانا مابعد رحت لها :110:
طيب وش الحل ؟؟ اول شي لازم نحدد المصحه الللي فيها علاج طبيعي وفي نفس الوقت لازم نأخذ بعين الاعتبار المدينه من حيث انها ممله او لا !!

ابي مدينه ماحس في الممل فيها لان مثل ماوضحت لكم ان الرحله راح تكوون علاجيه بالدرجه الاولى والمرافقين راح يكونو فاضين فمابي مدينه نحس بالممل فيها

اتكلم كـ سياحية فقط طبعاً براغ مايحتاج اتكلم عنها .

بالتوفيق إن شاء الله ونصيحتي من الان لاتتعاملين مع احد الا وانتي واثقه فيه 100% , لأن مع احترامي ماخرب التشيك الا العر....)

مشكور اخوي على النصيحه وباخذ بها ان شاء الله .. ولكن كيف ممكن نتعامل مع السواقين او المترجمين هل السفاره السعوديه عندها من نستطيع الاستعانه به ؟؟



الله يجزاك خير ويستر عليك ويوفقك يااارب .. مشكور ماقصرت

انا مع كلام اخوي اللي فوووق
انا الصيف اللي طاف كنا اخير دفعه علاج بدوبي سمعت من اللي يشتغلون اهناك انه هذا اخير صيف وتسكر راح يخلونها دار العجزه والسكن سكنا بتلبيسه جدام الحجري فوق الانتر نت حسين اول ودينا ابوي الحجري قالو مانستقبل حالت ابوي ((جلطه)) فاودونا لدوبي
وتبليسه يكثر فيها العرب والخليجين يعني ماتمل بس المهم شوفي المصح اللي يبي يتعالج فيه الولد
والصيف هذا رايح اهناك لان صج حبيتها :$

اولا جاي امر علاج للتبليتسه طبعا كل مصحات تبليتسه تحت اداره وحده وتقدرون تغريرون من مصح لمصح مافي اي مشكلة

مصحات تبليتسة خمس ولحجري والقيصر والاطفال وبتهوفن وترازيني طبعا زي ماقالو الاخوان دوبي تقفل انا سمعت بس وش السبب لااعلم

كل مدينة تبليتسة صغيره بس حلوه ترا

من ناحية مملة كل اوربا ممله ترا مو زي مصر 24 ساعه اللي عارف النظام الاوربي صدقيني انه بتكون تبليتسه خياره الاول اولا تجمع السياحة والعلاج والعرب والتسوق قريبه منها

ثانيا السكن عباره عن شقق بالسنتر وتكون قريبه للمصحات ويتراوح السعر مابين 35 الى 90 يورو باليوم
او فلل وتكون برا تبليتسه او اطراف تبليتسه ويتراوح الاسعار مابين 40 الى 120 يورو باليوم اختلاف السعر يكون حسب المنطقة والوقت اللي تروحون فيه

الامان ان شاء الله ان الديره وكل الدولة امان والناس جدا بسطاء والمواقف اللي تسمعون عنها ماتجي ولا لخمسة بالمية من السواح الخليجيين

من ناحية اللغه يتكلمون تشيكي والجيل الجديد يتكلم انجليزي بس تبليتسه التشيكين يتكلمون عربي بعد لانه العرب كثار هناك يعني الاغلب يفهمون وش تبون من دون مترجم

المشاركة الأصلية كتبت بواسطة smart82
http://www.arabtravelersforum.com/tr...3/#post2803409

اولا جاي امر علاج للتبليتسه طبعا كل مصحات تبليتسه تحت اداره وحده وتقدرون تغريرون من مصح لمصح مافي اي مشكلة

مصحات تبليتسة خمس ولحجري والقيصر والاطفال وبتهوفن وترازيني طبعا زي ماقالو الاخوان دوبي تقفل انا سمعت بس وش السبب لااعلم

كل مدينة تبليتسة صغيره بس حلوه ترا

من ناحية مملة كل اوربا ممله ترا مو زي مصر 24 ساعه اللي عارف النظام الاوربي صدقيني انه بتكون تبليتسه خياره الاول اولا تجمع السياحة والعلاج والعرب والتسوق قريبه منها

ثانيا السكن عباره عن شقق بالسنتر وتكون قريبه للمصحات ويتراوح السعر مابين 35 الى 90 يورو باليوم
او فلل وتكون برا تبليتسه او اطراف تبليتسه ويتراوح الاسعار مابين 40 الى 120 يورو باليوم اختلاف السعر يكون حسب المنطقة والوقت اللي تروحون فيه

الامان ان شاء الله ان الديره وكل الدولة امان والناس جدا بسطاء والمواقف اللي تسمعون عنها ماتجي ولا لخمسة بالمية من السواح الخليجيين

من ناحية اللغه يتكلمون تشيكي والجيل الجديد يتكلم انجليزي بس تبليتسه التشيكين يتكلمون عربي بعد لانه العرب كثار هناك يعني الاغلب يفهمون وش تبون من دون مترجم



على ماسمعت انها سكروها لان مافيها ضغط مثل قبل يعني خسرانين