الموضوع: سرلنكا فيها ما أتمنى تقرير

بسم الله الرحمن الرحيم
شكراًلكل عضو من أعضاء هذا المنتدى .
يوم الرحلة
استيقظت مبكراً 11صباحاً لصرف
الريالات دولار ينطح ريال .
وصلنا للمطار 12 مساءً كانت مره زحمه
قلت لازم أطق أحوله فلم أرى نفسي إلا في المقدمه:108:
قال الأمن سعودي تفضل تفضل .
الرحله أقلعت بوقتها الحمدلله لإني من المطار لبنتوتة .
مقاعدنا فالدور الثاني على نافذتين ( كنا خمس أشخاص )
يوم طارت وتأكت إن مافيه إخلاف ولامخالف نمت
إلا بنتي تقومني وصلنا وناظر مع النافذه
إلا سرلنكا تلوح لنا في الأرض
.

يوم وصلنا للجوازات قال الرجال لازم الحرمه تكشف
,قلت بدينا بالغلط رفضت مشى الي بعدي
رحت للمسؤل كلمته ( ماهنا اقلنزي ) لكن بلغة الغز :109:
فهم الرجال قال ماعليكم ( فهمت حسب السياق ):106:
ختمهن وقال الحقوني وعدانا الجوازات
فقلتله :24 مانب قايللكم ماعندي إلا لغة الغز )
استقبلناكيرثي برا أخذ الدراهم 1700 دولار 10 ليالي
11يوم وهذا هوكيرثي .
https://travel.maktoob.com/photo/sho...p?photo=677316
وعلى فكره دائماً معه زوجته وهي
تشبه كندليزا رايس بالضبط .
ماقريت العقد لإني ماعرف قنينزي
لكن طلع مضبوط .
على طول ركبنا لبنتوتة وصلناها 3,30عصراً
سواقنا يتكلم عربي ( يعني مافيه غز )
اشتغل بالسعوديه سواق تريله
وهذا الي خلاني أغسل إيدي منه :105:
وهذي صورته اسمه ( رطما ) والعييل يسمونه ( طرما )


صلينا الظهر والعصر في الفندق (تاج )
روعه بماتحمله الكامه من معنى وهذه بعض الصور .






آه نسيت اقولكم ان السواق يوم نزلنا قال
ترا بكرا أنا مافي يجي قلت ليه قال عندي
موعد بالمستشفى إقعدوا بالفندق :112:
قلت أناجاي علشان اقعد فندق تجي 9 الصبح ولاغيرناك
قال سم وابشر :113:.
جلسنا على الشاطئ لين غابت الشمس حيل ( طافين )
واثرنا ميتين من الجوع تذكرت إن أم الزهور ذاكرة
محل بيتزا جنب الفندق تقول
تخلي البحر يسارك ثم هو يجيك يمين
( أكيد يام الزهور يجي يمين إذا جاء يسار رحنا فيها ) :surfعاد أمزح .
جلساته جميله على البحر والقمر ليلة 15
وهذا الي خلاني أبدا ببنتوتة
أحب القمر على البحر وشلون لاصار عاد محيط .
تعشينا وكان طعمه لذيذ على كلام أم الزهور
ثم رحنا لغرفتنا وصلينا المغرب والعشاء
ثم نمنا نوماً عميقاً .( أول مره أنزل موضوع أعذرونا )
غداً تابعوا معنا قصتنا مع السائق والرحله النهريه . دمتم بود ,,,,

مواضيع عشوائيه ممكن تكون تعجبك اخترناها لك:

• استفسار من خبراء السفر إلى سيرلانكا بخصوص الاوضاع الامنية
• استفسار عن اسعار سيرلانكا السكن الاكل التذكرة السائق والمواصلات
• مناظر مذهله لنهر مدينة بنتوته بسريلانكا!!
• هل استطيع ان اجمع بين سريلانكا و اندونيسيا في رحله واحده؟؟
• رحله الهند يوم لشخص واحد برنامج
• شهر عسل المالديف سيرلانكا استسفار بخصوص سيرلانكا
• برنامج كوتشن مساعدة الله يوفقكم
• اروع ايام في سيرلانكا بالصور
• عدة وجهات الهند سيرلانكا واندونيسيا وارجوا مساعدتكم جزيتم خيرا
• ابي جدول لسيرلنكا مدته ايام
• وبعد طوووووووووووول إنتظار
• أرجو إفادتي ولكم جزيل الشكر
• استفسارات للدراسه في الهند Goa
• يا اهل النخوه والسفر والسفريات والخبره محتاج مساعدكم
• استفسار عن مناطق سريلانكا
• سفرتي قريب وارجو المساعده
• ساعدوني بخصوص معاهد بنقلور للأنجليزي
• الي يبي يستفسر عن الهندنيودلهي
• استفساار بنتوتة او كاندي؟
• لمحة عن اجمل الاماكن السياحية في {مدينة سيرلانكا}

الحمد لله على السلامة

بداية موفقةوبانتظار بقية التقرير

السائق من مسكة الدركسون واضح انه سايق تريلة هههههه
لك تحياتي

ماشاء الله رحلة موفقه ان شاء الله
وزين أنك وريت السواق العين الحمرا قبل مايتفرعن ^_^
بس ممكن سؤال
وشي لغة ( الغز ) ؟!!

وبإنتظار باقي التقرير


تحياتي لك

المشاركة الأصلية كتبت بواسطة أعترف لك
http://www.arabtravelersforum.com/tr...5/#post3276215

ماشاء الله رحلة موفقه ان شاء الله
وزين أنك وريت السواق العين الحمرا قبل مايتفرعن ^_^
بس ممكن سؤال
وشي لغة ( الغز ) ؟!!

وبإنتظار باقي التقرير

تحياتي لك

مشكوره على المرور ومتابعين تقريرك ,لغت الغز هي الإشارة بالإصبع .

المشاركة الأصلية كتبت بواسطة range
http://www.arabtravelersforum.com/tr...1/#post3278151

ماتحس انها كثير1700دولار للسواق على 10 ايام
يلله متابعين وين رحتو بعد كيف كان الجو





مشكور , راسلت تقريباً ثمان مكاتب هذا أرخصهم ( مكاتب موثوقه توصية المنتدى )

جدول الرحله بالطري جاي .

المشاركة الأصلية كتبت بواسطة أبوالاء
http://www.arabtravelersforum.com/tr...2/#post3278102

يعطيك العافيه

بس ياليت عطيتنا مخطط رحلتك يعني وش المدن اللي رحت لها مع فنادقها




الله يعافيك ’ الجدول جايك بالطريج

مشاء الله

رااائع

متابعه تقريرك

كمل............

المشاركة الأصلية كتبت بواسطة حطمت قلبي
http://www.arabtravelersforum.com/tr...1/#post3278501

مشاء الله

رااائع

متابعه تقريرك

كمل............






الرائع مررورك وممنون على رفع المعنويات .

رائع وهيضتونا من جديد لزيارة سريلانكا

لووول
تقرير روعه .. اما السواق مقلب ماعليه هاردلك

بنتضار بافي التقرير

المشاركة الأصلية كتبت بواسطة roro111000
http://www.arabtravelersforum.com/tr...1/#post3279121

رائع وهيضتونا من جديد لزيارة سريلانكا




حياك الله ,هي الدوله الوحيده التي قررت زيارتها مره ثانيه وثالثه .

المشاركة الأصلية كتبت بواسطة roro111000
http://www.arabtravelersforum.com/tr...1/#post3279121

رائع وهيضتونا من جديد لزيارة سريلانكا





حياك الله ,على فكره هي الدولة الوحيده الي قررت زيارتها ثانيه وثالثه .

المشاركة الأصلية كتبت بواسطة whats_on
http://www.arabtravelersforum.com/tr...8/#post3279768

لووول
تقرير روعه .. اما السواق مقلب ماعليه هاردلك

بنتضار بافي التقرير




شكراً على رفع العنويات , أما السواق بعلمكم وش السبب بتصرفاته في نهاية التقرير وكيفية حلها .

المشاركة الأصلية كتبت بواسطة ام الزهور
http://www.arabtravelersforum.com/tr...4/#post3279924

جلسنا على الشاطئ لين غابت الشمس حيل ( طافين )
واثرنا ميتين من الجوع تذكرت إن أم الزهور ذاكرة
محل بيتزا جنب الفندق تقول
تخلي البحر يسارك ثم هو يجيك يمين
( أكيد يام الزهور يجي يمين إذا جاء يسار رحنا فيها ) عاد أمزح .
جلساته جميله على البحر والقمر ليلة 15
وهذا الي خلاني أبدا ببنتوتة
أحب القمر على البحر وشلون لاصار عاد محيط .
تعشينا وكان طعمه لذيذ على كلام أم الزهور
ثم رحنا لغرفتنا وصلينا المغرب والعشاء
ثم نمنا نوماً عميقاً .( أول مره أنزل موضوع أعذرونا )
غداً تابعوا معنا قصتنا مع السائق والرحله النهريه . دمتم بود ,,,,

================================================== ======
اولا التقرير روعه
ثانيا محل البيتزا مو انا الي ذاكرته اختي ام المطر والهبايب شكلك غلطان :109::109:

لكن تابع تقريري لانه لي لفته على البيتزاء:105:




JJJJJJJJJJJJJJJJJJJJJJJJJJJJJJJJJJJJJJJJJJJJJJJJJJ JJJJJJJJJJJJJJJJJJJJJJJJJJJ

شرفتينا وعطرتيتا بزهورك ومرورك , العتب على النظر ماني قايل الفكر ولا رحنا فيها , تقبلي إعتذاري :11ld:

يعطيك العافية على التقرير ومتابعينك الى الاخر 0000

اليوم الثالث :
طريق النزول من تاج للشاطئ





تاج فندق روعه فلم نرغب بالخروج منه بدري ، فيوم أفطرنا كان الجو غيوم وغيوم كثيفه حتى إنك ترى بخار الماء يأتيك من المحيط ,عاد الولد سلومتي يقول ناظر غبار ,( يحسبه بالنفود ) وحنا نمشي على الشاطئ إلا والسيل يضرب وبعنف وكنا متجهين للسلاحف والهجه يالله امدانا ودخلنا وكان قيمة التذكرة 100ربية مسكنا السلاف وشلاناها حقيقه الأطفال انبسطوووووا , وكان فوق السلاحف مطعم أكلات بحريه شكله ونا ماجربته زين , جلساتهفي الدور الثاني ونظافته واضحه .




خرجنا من تاج :110: 11,30 متجهين ليدن وصلناه بسرعه يمكن عشر دقايق كان اتفاقنا غرفه علويه مطله عالمحيط
لكن قالو فل عطونا الدور الأول على المسبح :112:ونا أكره المسابح علشان هالأوربيين حاولنا وحاولنا فقلت ماينفع معهم إلا لغة الغز .... أيضاً لم تفلح :106:قالوافيه علويه للغابه قلت( أوكي ) شفتو إني معي لغة .
وهذه صور من فندق إيدن :







قبل نصعد للغرفة إلا واحد ( بلدياتنا ) يقول وين تتصلون الجمعه , قلت السواق يودينا ( مادريت ان اليوم جمعه )
قلت لسواق التريله ودنا مسجد, شلت العائله وصلينا الجمعه ( مافهمت شي )الا الآيات , المسجد طريقة بناءه جميل ونظيف وطريقة أخذ الماء للوضوء روعه ( من بركه ) ذكرتني بالوضوء من ( الساقي الي بمزرعتنا ) طقطق راسي
من الوناسه .
رجعنا واثر كل أغراضنا موجودة بالفرفة وعطوني المفتاح داخل كرت ومكتوب بالكرت HB ونا حجزي فطور بس
وش هالكرم قلت لازم هنا ( أطق احوله )لإن طق الحوله نفع معي كثيراً , جت أم سلومتي قالت يمكن علشان غيروا الغرفه , صلحنا الشاي والقهوه يوم صلينا العصر نزلنا للشاطئ وكان شاطئ عادي ماهو مثل شاطئ تاج تقهوينا
ولعبت الكره وسبحنا أنا والأولاد وكان الموج قوي يجدعك واثرك اهنااااك .
غابت الشمس وكان ماودنا تغيب رقينا مع مخرج الطواري ملابسنا ماء وتراب :surfتروشنا وغيرنا واثرنا ميتين من الجوووووع إلا وتطلع قدام عيوني HBBBBBB :11one: قلت للشعب ( اجتماع هااااام ) حنا هالحين لازم (اندرعم )
ونتعشاء وش رايكم ( فوافقوا بالإجماع ) فتحت الباب وهم وراي :108: إلا وحنا بالمطعم قالوا الكرت قلت موجود قال إرحبوا ,عاد كل ماصوت واحد قلت جوك , لكن مرت بسلام وحنا طالعين قلتهم لوحنا دارين إنكم تبي تتكلفون ماجينا , قال ماعليك تشرفنا .

تقييمي للمنطقه :
تستحق أكثر من ثلاثة أيام
تاج رووووووعه
الرحله النهريه لازم تأخذها
إيدن عادي ولم أرتح فيه
الأثار الهولنديه يقولون الي راحوا تستحق الزيارة
الرحله النهريه فيه أكثر من رحله والي يمدحون الي بعيده عن الفنادق ب20 دقيقه تقريباً
السائق 24ساعة دعايه وهم عارفين ان مافيه مشاوير ,بس بين المدن صح والباقي الله يخلي التكتك .
أترككم مع القعده وهو يتأمل غروب الشمس بظهره





.................................

تابعوا معنا الذهاب لنوريليا الطريق روووووعه وفيها صور خياااال

المشاركة الأصلية كتبت بواسطة تأبر تسبدي
http://www.arabtravelersforum.com/tr...7/#post3282077

ماشاء الله .. الله يسعدكم .. متابعين معاك التقرير الروعة ..

ماقلت لنا عن سعر السكن ؟؟

لا تاخر علينا والا بنقلط العشاء ..




...............................

الله يسعد أيامك ،أذكر ان تاج 155دولار وإيدن متأكد انه أرخص منه ( أخذنهم تبع البكج )

المشاركة الأصلية كتبت بواسطة تأبر تسبدي
http://www.arabtravelersforum.com/tr...7/#post3282207

معليش يا درب ..
بسالك

سريلانكا تنفع عزابية ؟
انا وواحد من الشباب بنسافر بعد العيد بس للحين ماحددنا الوجهه ..
وش رايك ؟؟

و 6 ايام تسوى ؟؟
والله يجزاك خير

لووووووول
درب يسد مايرد والله انك هبلت فيهم
والله زين سويت يوم انك عشيت العيال بالاوتيل

ناطرين باقي التقرير يا اخوي
لا اطول علينا عاد

مشكور يا عم درب ..

والله يسهل لنا روحة لسريلانكا ...

0
0

متابعين معااااك
بصراحة اسلوبك خطير والصور اكثر من رائعة ..

الله يسعدكم ..

بانتظار الكبسة يا عم ..

المشاركة الأصلية كتبت بواسطة whats_on
http://www.arabtravelersforum.com/tr...0/#post3282460

لووووووول
درب يسد مايرد والله انك هبلت فيهم
والله زين سويت يوم انك عشيت العيال بالاوتيل

ناطرين باقي التقرير يا اخوي
لا اطول علينا عاد

[color="blue"][b]هئ هئ هئ هئ هئ هئ هئ

المشاركة الأصلية كتبت بواسطة نوووووف
http://www.arabtravelersforum.com/tr...4/#post3283144

[color="blue"][b]هئ هئ هئ هئ هئ هئ هئ



*********************

مرحباً ألف يا نوووووف , أبشري عاد اسمي الي توهقت :11ight_li أما نوره أكيد زينه على اسم المرحومه:110:ماتحمل البرد ياسبدي عمرها سنه وشهرين .

عليكم بالعافيه على هالكبسه

ماشاء الله عليك حتى القرع مانسيتوه من كبستكم

المشاركة الأصلية كتبت بواسطة أبوالاء
http://www.arabtravelersforum.com/tr...6/#post3285216

عليكم بالعافيه على هالكبسه

ماشاء الله عليك حتى القرع مانسيتوه من كبستكم





**********************************************



ويعافيك أبو آلاء , قصيمي وشاف قرع مايفوته أولاه, على فكره القرع هندي بس زي العسل . الي عندنا بنده ب15 ريال عندهم بريال ونص . :106:

أخي الكريم
ما بقي من الشهر عليك مبارك
تقبل الله منا و منكم الصيام و القيام و صالح الأعمال
الحمد لله على سلامتكم
أسلوب شيق و سرد ممتع و نكته حاضرة
ما شاء الله تبارك الله
الله يحفظ لك عيالك و أمهم و يديم عليكم الصحة و العافية و السعادة
جميل و كل ما يفعل الجميل جميل
مملوح بجدك و هزلك
متابعين لك
تقبل خالص تحياتي

المشاركة الأصلية كتبت بواسطة العراّف الأول
http://www.arabtravelersforum.com/tr...4/#post3286434

أخي الكريم

ما بقي من الشهر عليك مبارك
تقبل الله منا و منكم الصيام و القيام و صالح الأعمال
الحمد لله على سلامتكم
أسلوب شيق و سرد ممتع و نكته حاضرة
ما شاء الله تبارك الله
الله يحفظ لك عيالك و أمهم و يديم عليكم الصحة و العافية و السعادة
جميل و كل ما يفعل الجميل جميل
مملوح بجدك و هزلك
متابعين لك

تقبل خالص تحياتي

************************************************** **********************

هلا بالعراف الأول و الله يحرّمك على النار أنت والديك ومن يقرأ ويقبل منا ومنك ومن يقرأ بها المساء المبارك .
الله يسلمك ويعافيك , اشكرك بعنف على هذا الإطراء , واشكرك على الدعاء للعيال وام العيال لإنها راس المال .
تشرفنا بمتابعتك واهتمامك .:x1:

لووووول
متابعين يا درب متابعين ومعاك الى اخر الدرب ان شاء الله

عليكم بالف عافيه الكبسه


بالنسبه لاوتيل تي فاكتوري اخوي درب بسألك عنه
انا شاء الله سفرتي بعيد الفطر و حاجز فيه شلون تقيمك له ؟؟
يستاهل ولا انغير ؟؟

شكرا مقدما

المشاركة الأصلية كتبت بواسطة اروع سوسو
http://www.arabtravelersforum.com/tr...8/#post3286738

هني وعافية على الكبسة ومتاااااااااااااااااااااابعين




************************************************** **"""

الأروع مرورك يا أروع , يعافيك الى هالحين ونا أتلذذ لا شفت صورته .

ما كأن ( بُه ) أحد وينكم ؟؟؟؟

الا ابنشدك من وين اخذت اللحم وبكم سعره هناك

المشاركة الأصلية كتبت بواسطة اروع سوسو
http://www.arabtravelersforum.com/tr...5/#post3289155

اكمل نحن هنا





إيه كذا التشجيع والا بلاش

المشاركة الأصلية كتبت بواسطة أبوالاء
http://www.arabtravelersforum.com/tr...8/#post3289338

الا ابنشدك من وين اخذت اللحم وبكم سعره هناك




هلا ابو ألاء , تعرفت على عائله سرلنكيه مسلمة بالسوق الشعبي حتى إن الحرمه متغطية سواد بسواد ( مثلنا ) جايين سياحه لنوريليا ...مالك بطواله آسف تراي أنسى نفسي . سألتهم وين اللحم الحلال قالوا بسوبر ماركت يُكنا ( ستي فود ) وكذلك يوجد جزارين ( لحم غنم ) أيضاً حلال قريب من ستي فود , أنا أخذت دجاج وسعره أغلى من عندنا الدجاجة تقريباً 18 ريال .

متابعين معك يا عمي ..

عليكم بالعافية .. هذا الشغل والا بلاش

قرع وحركات



الله يسعدكم

متابعييييييييييييينك يا درب
وناطريييين باقي التقرير

سجلني برضوه انا متابع للتقرير الرائع


لا تتأخر علينا الله يرحم والديك

المشاركة الأصلية كتبت بواسطة تأبر تسبدي
http://www.arabtravelersforum.com/tr...6/#post3290146

متابعين معك يا عمي ..

عليكم بالعافية .. هذا الشغل والا بلاش

قرع وحركات



الله يسعدكم



يعافيك عمي على راسي . الشغل المرة الجاية ان شاء الله لاصار القدر المضغوط يصفر عند الشلال ويسعد أيامك .

المشاركة الأصلية كتبت بواسطة أعترف لك
http://www.arabtravelersforum.com/tr...6/#post3290416

[center]ماشاء الله
[b][font="arial"][size="3"][color="navy"]كبسة شئ



لا وشلون لو شايفتها بعد الظهر , يعافيك اعترف لك . أكيد اختي الي مايخذ عزبته معه غلطان , شاكر مرورك .

المشاركة الأصلية كتبت بواسطة ADEL11
http://www.arabtravelersforum.com/tr...8/#post3291518

سجلني برضوه انا متابع للتقرير الرائع


لا تتأخر علينا الله يرحم والديك



مشكور على الدعوه الررررائعه , ويسعدنا تواجدك معنا .

تقرير مميز جدااااااااااااااااااااااااااااااا

واصل


والف شكر لك

المشاركة الأصلية كتبت بواسطة مسافر 99
http://www.arabtravelersforum.com/tr...9/#post3291759

تقرير مميز جدااااااااااااااااااااااااااااااا

واصل


والف شكر لك




الله يرفع قدرك وتواجدك هو المميز تاج راسي .

تقرير ولا أروع بس ولا عليك أمر كبر الخط شاكرة لك

هلا بدرب المحبه والله
اخيرا لقيت احد ساكن في امايا هيلز
يا خوي وشرايك فيه من فندق يصلح ولا لآ ؟؟

تراك انت رايح تقريبا لنفس الفنادق الي انا راح اسكن فيها
تي فاكتوري .. صحيح انك ماسكنت فيه لكنك زرته
والحين امايا هيلز

المشاركة الأصلية كتبت بواسطة اروع سوسو
http://www.arabtravelersforum.com/tr...4/#post3291884

تقرير ولا أروع بس ولا عليك أمر كبر الخط شاكرة لك




أقول الصفحة منوره بوجودك , غريبه الخط واضح وكبير , ناضري فوق الصفحه ( عرض ) اختاري حجم الخط ثم الأكبر.ونا أبي أكبر أكثر , شاكر مرورك .
( يعني الخط صغير ماهو واضح ) هاه ردوا

اعلان للجميع

الموضوع للجميع فمن يرغب أن يشارك أو يجيب على أسئلة الأعضاء أو يفيدنا بمعلومة أو يصحح لنا معلومة فمجالي الجوي والأرضي يتسععععععع
بما فيه الكفايه , المهم هو الفائدة .

شاكراً لكم تفاعلكم

دَربْ
أسلوبك حلو وشيّق بصراحه هههههه
ماقرأ الا الصفحه الأولى وجا على باله سؤال ^^

الانقليزي ضروري في سيرلانكا ؟!
مافيه مكاتب في المطار يتكلمون عربي ؟!
يعني لو ماعندي انقليزي مااقدر اسوي شي ؟! [ خصوصاً في المطار ]



بانتظار ردك واكيد لي رجعه بعد مااقرأ باقي الصفحات

الله لايهينك

المشاركة الأصلية كتبت بواسطة درب يرد مايسد
http://www.arabtravelersforum.com/tr...9/#post3292089

هلا بك أكثر والله .
عني معجبني كثيرررررررر تكفي إطلالته روووووعه ( موقعه روعه وسط الغابه ) وحنا ياالعرب وش ندور إلا على الموقع المناسب الفخامه إذا بغيناها لقيناها عندنا ( الرجنسي في كاندي أفخم لكن أطلالته ما تقارن بأمايا هلز )
في أمايا عند الرسبشن جلسات في اليل ماودك تقوم خاصة إذا معك المحمول . النسيم يهفهف هفهفه.




لاهنت يا اخوي درب المحبه
كفيت و وفيت وان شاء الله اول ما نوصل لامايا هيلز بصور بالرسبشن واحطلك
الصوره اذا رجعت وبهالموضوع بعد

المشاركة الأصلية كتبت بواسطة مهآجر بـ احسآسْ
http://www.arabtravelersforum.com/tr...0/#post3292570

دَربْ
أسلوبك حلو وشيّق بصراحه هههههه
ماقرأ الا الصفحه الأولى وجا على باله سؤال ^^

الانقليزي ضروري في سيرلانكا ؟!
مافيه مكاتب في المطار يتكلمون عربي ؟!
يعني لو ماعندي انقليزي مااقدر اسوي شي ؟! [ خصوصاً في المطار ]



بانتظار ردك واكيد لي رجعه بعد مااقرأ باقي الصفحات

الله لايهينك



مرورك الأحلى وتحت أمرك ,
تقدر تمشي امورك بكل سهوله, لكن لو معك لغه كان تقدر
تاخذ وتعطي وتأخذ حقكك وتطالب ( الجينات القصيميه بدأت تشتغل )
إلى فيه مكتب عبد العزيز ووزير و( كيرثي ) معه مترجم .
ياما مطار ومطار مشيناها ومامعنا إلا it is
ارجع على كيفك الباب مفتوح 24 ساعه .

ماشاء الله المكرونه شكلها لذيذ بس كأنها تحتاج مويه شوي خخخخخخخخخ (وحده خبيره بالطبخ)

ودي اطبخ اذا سافرت برا بس اعرف نفسي يضيع الوقت وانا اقرقع بالمواعين والطبخ
مااطبخ الا اذا صار سفر داخلي (((((اقول في احد سألك )))))ههههههه

المشاركة الأصلية كتبت بواسطة Whats_On
http://www.arabtravelersforum.com/tr...6/#post3292626

لاهنت يا اخوي درب المحبه
كفيت و وفيت وان شاء الله اول ما نوصل لامايا هيلز بصور بالرسبشن واحطلك
الصوره اذا رجعت وبهالموضوع بعد



توصلون بالسلامه ، ماسويت شي وش دعوى’,
إحذر الغابه القريبه من الفندق ترا فيها العلق الدموي , لاتصير مثلنا .

المشاركة الأصلية كتبت بواسطة ام الزهور
http://www.arabtravelersforum.com/tr...5/#post3293625

ماشاء الله المكرونه شكلها لذيذ بس كأنها تحتاج مويه شوي خخخخخخخخخ (وحده خبيره بالطبخ)

ودي اطبخ اذا سافرت برا بس اعرف نفسي يضيع الوقت وانا اقرقع بالمواعين والطبخ
مااطبخ الا اذا صار سفر داخلي (((((اقول في احد سألك )))))ههههههه



الذيذ مرورك , شكلك تفرغتيلنا الله يعين بعد ماخلصتي تقريرك ( أمزح لا تصدقين )
بعدين سألت كبير الطباخين ( ام سلام ) وقالت أصلاً ماجاها مويه ننتظر الغلايه . لكن أنا ماخلت شي ماصورته إلا يوم قدموه ( تونا شارين الصحن الجديد ) قالوا صور قلت
لاوالله إطبخي وخاااااااصة في سرلنكا من المغرب ونت في الفندق , ماليزيا لا ما طبخت إلا مرتين .

المشاركة الأصلية كتبت بواسطة درب يرد مايسد
http://www.arabtravelersforum.com/tr...7/#post3293487

مرورك الأحلى وتحت أمرك ,
تقدر تمشي امورك بكل سهوله, لكن لو معك لغه كان تقدر
تاخذ وتعطي وتأخذ حقكك وتطالب ( الجينات القصيميه بدأت تشتغل )
إلى فيه مكتب عبد العزيز ووزير و( كيرثي ) معه مترجم .
ياما مطار ومطار مشيناها ومامعنا إلا it is
ارجع على كيفك الباب مفتوح 24 ساعه .





ههههههههه حلوه ات از

طيب المكاتب اللي في المطار
يتكلمون لغه عربيه والا لأ ؟!
مافيهم واحد يرطن معانا عربي

المشاركة الأصلية كتبت بواسطة درب يرد مايسد
http://www.arabtravelersforum.com/tr...3/#post3293903

الأخ ابو آلاء
نسيت اقولك أن التيوس سعرها ما بين
150 / 200 ريال
تيوس على كيفك بها الجبل
الله يديم الرررررررررررررررخص

حلووو
بس انا سمعت انه في اندونيسيا ارخص
يعني سعر التيس - وانتوا بكرامه - يوصل
إلى 50 أو 60 ريال سعودي, هل هذا الكلام صحيح ؟!

اممممم ولو اشتريت تيس من هناك
هل فيه أحد يطبخه لي ؟!
يعني فيه مثل اندونيسيا طباخات أو
طباخين تستأحرهم ويطبخون لك أو يشوونه لك ؟!

المشاركة الأصلية كتبت بواسطة مُهَـآجـِرْ بـِ إحْـسَـآسْ ,
http://www.arabtravelersforum.com/tr...6/#post3293896

ههههههههه حلوه ات از

طيب المكاتب اللي في المطار
يتكلمون لغه عربيه والا لأ ؟!
مافيهم واحد يرطن معانا عربي




ماهو كلهم . فيه زهران وعبدالعزيز , مايحتاج تروح هناك الإميل مايقصر , دورلك واحد يعرف إنقرينزي ( شرواي ) وراسلهم واختار السعر والفنادق الي تبي من بدري , أغلب الي حجزوا من المطار ماحصلوا في هوناس وهي نص الرحله ولانوراليا وهي النصف الآخر .

المشاركة الأصلية كتبت بواسطة مُهَـآجـِرْ بـِ إحْـسَـآسْ ,
http://www.arabtravelersforum.com/tr...0/#post3293930

حلووو
بس انا سمعت انه في اندونيسيا ارخص
يعني سعر التيس - وانتوا بكرامه - يوصل
إلى 50 أو 60 ريال سعودي, هل هذا الكلام صحيح ؟!

اممممم ولو اشتريت تيس من هناك
هل فيه أحد يطبخه لي ؟!
يعني فيه مثل اندونيسيا طباخات أو
طباخين تستأحرهم ويطبخون لك أو يشوونه لك ؟!



اعتقد ماهو صحيح ,رحت لها قبل عشر سنوات ماحصلنا هالسعر . مانتب مشتهي طبخهم لا تدور . ( بيدي لا بيد عمرو) [ إيقونه واحداً معه ملاس ]

الحمد لله على السلااامه
وبسألك الله يعافيك عن ( امايا هيلز ) انت تقول فيها العلق الطبي ..
مو العلق الطبي موجود بالهونس فولس ؟؟؟
رد علي بسرعه الله يعافيك لاني حاجزه بأمايا هيلز

الهونس فولس هذي وين يابعد حيي ؟!
التيوس اللي تقول عنها يالذيبان تلاقيها بأي منطقه ؟!

وبحكم ان رحلتي [ شبابيه ] وش اكثر منطقه تنصحني اطوّل فيها
يعني منطقه تصلح للشوي والجلسه وهالحركات والا ماعندهم ذا الكلام ؟!

المشاركة الأصلية كتبت بواسطة البرد القارص
http://www.arabtravelersforum.com/tr...1/#post3294551

الحمد لله على السلااامه
وبسألك الله يعافيك عن ( امايا هيلز ) انت تقول فيها العلق الطبي ..
مو العلق الطبي موجود بالهونس فولس ؟؟؟
رد علي بسرعه الله يعافيك لاني حاجزه بأمايا هيلز



كلامك صحيح يكثر عند الشلال في هوناس , لكن حنا حصلناه مهو بس حصلناه بل ( شفط من دمنا لين روي )في أمايا هلز ( في الغابه ) لكن لاتحاتي مشكلته الوحيده أن الدم يستمر في النزيف , خوذوا معكم بلاستر طبي لوقفه

المشاركة الأصلية كتبت بواسطة مُهَـآجـِرْ بـِ إحْـسَـآسْ ,
http://www.arabtravelersforum.com/tr...8/#post3294698

الهونس فولس هذي وين يابعد حيي ؟!
التيوس اللي تقول عنها يالذيبان تلاقيها بأي منطقه ؟!

وبحكم ان رحلتي [ شبابيه ] وش اكثر منطقه تنصحني اطوّل فيها
يعني منطقه تصلح للشوي والجلسه وهالحركات والا ماعندهم ذا الكلام ؟!



الهوناس يا بعدي بمنطقة قريبة من كاندي ( عن كاندي ساعة ونصف .
التيوس أكثر ماشفتها في الهوناس ونوريليا .
طول في هونااااااااااااااااااااااااااااااااااس ونوريليا.
مافيه شي معد للشوي والجلسه .سرلنكا (فيضه ) كبيييييييييييره اختارلك عند شلال أوبحيره تبي تنبسط عنده, لا تنسون تشرون الدافور من العاصمه .

والله انك ماقصّرت يادرب
معلوماتك ماشاءالله كافيه ووافيه

لي رجعه أكيد اذا تسمح