اخي فعلاً التديبر وتحريك المخ والاقتصاد اهم شي يوجد في النمسا شقق في الارياف وهي الاجمل مناظر تاخذها بـ 300 ريال والسياره تاخذه يمكن 120 ريال طبعاً ديزل اربع باب من نوع الاقتصادي وخذ جارمن من الرياض عربي وتوكل تمشى في كل الارياف النمساويه والسويسريه وماعندك مشكلة الاسعار رخيصه والله انها ارخص من جده وابها والشرقيه انا رحت الشرقيه في عطلة العيد الشقه فيها غرفتين وحمامين ومطبخ وصاله بـ 1200 ريال لا وياريت انه شقق فخمه كانك ساكن في شقه اقل من المستوى ثلاث نجوم ماعطيها وفي جده باخذ شاليهات في العيد يقولك الشليه ثلاث ايام بـ 6000 الاف ريال ومافي عندنا كلها فول والشليهات والله الحديد حقه مصدي وحالتها حاله ورطوبه وجو اعوذبالله بس اذا رحت تاخذ فندق خمس نجوم في جنيف يعني ايش تتوقع بتاخذه بـ 600 ريال لازم تدفع لان خمسه نجوم حتى في الرياض اسعاره غاليه بس انت شفلك شقه نظيفة وخذها بحدود 300- 400 ريال وكذلك السياره خلاص باقي الاكل والشرب عليك بالوجبات السريعه من 7 يورو الوجبه يعني 14 يورو يعني 77 ريال انت وزوجتك في الوجبه اكل وخذ معك قطمة رز خمسه كيلو كل ماشتهيت اضبطلك ذيك الكبسه وجيب اللحم او الدجاج من كاروفور وله اي سوبرماركت كبير وخذ معك معلبات اجبان وغيره عشان الفطور وفي يوم خذولكم كم صيخ كباب واوصال من كاروفور او اي سوبرماركت كبير على كم ريش على كم شيش طاووق ورح المتنزهات الي في الجبال يوجد بها اماكن للشوي واقعد اشوي وكل ومناظر قدامك الخضار والبحيرات العجيبه الغريبه سبحان من صنعها وقمم الجبال تغطيها الثلوج والله يهنيكم ان شالله ويش تبي اكثر من كذا ( الماء - والخضره - والوجه الحسن ) ياعريس هذا نقدر نسميه شهر عسل صدق وكذا مابقا الى التمشيه والديزل حق السياره طبعاً خذ ديزل لان الديزل اوفر ويطول تعبي السياره فول 240ريال بس تقعد معك اسبوع تتمشى فيها ما تخلص لا تقول غاليه مو البنزين الي عندنا يطير في ثلاث ايام انت سفرتك كلها اسبوعين يعني تعبي بـ 500 ريال وبكذا انت تكون زرت سويسره وشفت كل شي وما خسرت شي كثير اذا بتروحون لكفي شوب تقعدون تاخذ واحد كفي او كبتشينو مع كروسون بـ 10 يورو يعني 50 ريال وله صلح الكفي في البيت وحطه في ثلاجه وخذ الكروسون من كارفور واطلع واقعد في اي منطقة فيها متنزهات لانها ببلاش وهي تطل على البحيرات والمناظر الخلابه بعدين ياريت تخلي النمسا معها ترا النمسا ارخص من سويسره وكذلك فيها نفس طبيعة سويسرا زلمسي بالذات وسالسبورغ

مواضيع عشوائيه ممكن تكون تعجبك اخترناها لك: