المشاركة الأصلية كتبت بواسطة حلم صعب المنال
http://www.arabtravelersforum.com/tr...5/#post2697055

انا سافرت بالعطلة الصيفيه اللي طافت لكارلو في فاري للسياحة مع اولادي وقعدت فيها شهرين كاملين

كنت محتاجة اقعد فترة طويلة هناك عشان نريح اعصابنا ونستمتع بالهواء النقي يعني راحة واستجمام

وللامانة كانت من اجمل المدن اللي سافرت لها بحياتي مع العلم اني سافرت لكل اوربا تقريبا والشيك ما تفرق عنهم

وكارلوا في فاري تتميز عنهم بالهدوء والسكينة وبجوها العجيب احيانا تقدر تشوف فيه كل فصول السنة بيوم واحد سبحان الله يعني مريحه على الاخر كنت كل صبح نطلع نتمشى جهة السوق ونتريق بوحدة من القهاوي المنتشرة بكل مكان ونكمل مشي للنهر ونقعد شوي هناك نوكل البط وبعدين نرد البيت نرتاح ونتغدى والعصر نطلع نمشي جهة الكردينال لغاية الغابة اللي بعد فندق بوب وبالاخير نرد ونكمل لسهرة باللوبي لفندق ثيرمال هناك الاقي تجمع الكويتيات والسعوديات والعرب في فندق ثيرمال واحيانا نطلع رحلات طول اليوم ونرد على المغرب

يعني جدول مكرر لكن بصراحة مريييييح لابعد الحدود استمتعت بكل لحظة قضيتها بكارلوا فاري ولله الحمد وما حسيت باي مضايقة من اي شخص كان او يكون بالعكس الكل كان متعاون ويانا حتى اعيالي حسوا بالامان فكانوا يطلعون احيانا يتسوقون بروحهم ويدخلون سينما والحمد لله محد تعرضلهم ولا في احد ضايقهم

هذه تجربتي الشخصية بالشيك والحمد لله انها كانت مثل ما احب واتمنى حبيت انقلها لكم عشان المواقف السلبية اللي للاسف صارت مع الاخ مساعد ما تخليكم تاخذون فكرة سلبية عن بلد تستاهل من يزورها خاصة للي يبون اريحون اعصابهم

بس للامانة والمصداقية البلد ما عجبت اعيالي حسوا فيها بملل شديد مع ان العكس حصل وياي انا استمتعت لاخر درجة وهم ملوا لانهم يبون اكشن ما يبون راحة واستجمام فاظطريت اخذهم اسبوع لميونخ لانهم يحبونها قبل لا نرد الكويت



دوم ان شاء الله تستمعين بكل رحلاتك وللامانة هي مدينة جميلة وكل مقومات السياحة فيها

وانا زرت كارلو تقريبا 5 مرات وتفائلت بدخولها الاتحاد الاوربي لكن صار الي ماكنت متوقعها :108:

مواضيع عشوائيه ممكن تكون تعجبك اخترناها لك: