الموضوع: احس اني تهورت في شهر العسل ، المساعدة

مساكم/صبحكم الله بالخير جميعاً


حياكم الله اخواني

انا اخطط الآن لقضاء شهر العسل بإذن الله في اسبانيا و ايطاليا

المشكلة اللي صارت اني تأخرت مرررة في التجهيز للسفر بتجهيزات ثانية

الخطة شبه مكتملة لكن مشكلة التفاصيل عندي ضعيفة نوعاً ما خصوصاً اني اول مرة اسافر لأوروبا


في البداية اليوم و لله الحمد جددت جوازي و جواز المرة و قدمت على الفيزا الايطالية على طوووووول ، لاني سمعت ان الايطالية اسهل من الاسبانية مع ان بداية رحلتي راح تكون في برشلونة


سفري بإذن الله راح يكون بتاريخ 13/11/2009 يعني بالضبط بعد شهر لذلك استعجلت في كثير من الشغلات

والعودة في 30/11/2009


اول استفسار عن الاجواء هناك في تاريخ سفري هل هي باردة لدرجة اني احتاج ملابس ثقيلة ؟ او معتدلة او جو حلو ؟


طيب بما اني قدمت على الفيزا ببدا الحين برواقة ارتب لي جدول السفر ، عارف ان شغلي محيوس بس اتمنى القى مساعدة

عندي الحين جدول مقترح

اول شيء السفر عن طريق طيران KLM

من الدمام - امستردام - برشلونة

انا مخطط اني احجز في كروز


لذلك اول ليلتين في hotel accommodation pre and post cruise في برشلونة

الفندق 5 ستار و تكلفته بـ 1900 ريال شاملة الليلتين - رأيكم


وبعدها راح ابدا برنامج الكروز لمدة 8 ايام / 7 ليالي

خطة الكروز كالتالي

يوم الاحد بداية الكروز في برشلونة

الاثنين Cruising اتوقع المقصود نقضيه في الكروز

الثلاثاء نابلس - ايطاليا الوصول 7 المغادرة 19

الاربعاء روما - ايطاليا الوصول 7 المغادرة 19

الخميس ليفورنو - ايطاليا الوصول 7 المغادرة 19

الجمعة نيس - فرنسا الوصول 7 المغادرة 19

السبت مارسيليا الوصول 7 المغادرة 17

الاحد الوصول الى برشلونة الساعة 6

التكلفة لـ full board basis with deluxe room with balcony طلعت 9500 ريال

اول شيء رأيكم بالخطة

وبعدين

سؤال : نظام الكروز حسب ما فهمت انه كانه سكن متنقل و موفر فيه نشاطات كثيرة و اشياء تستغل فيها وقتك

يعني بعد ما اوصل لنابلس يوم الثلاثاء الساعة 7 ، راح انزل و اقضي فيها وقتي عن طريق Tour او انا اختار المكان اللي بروح له بعد ما آخذ تفاصيل ، و اذا جت الساعة 19 وقت المغادرة ، لازم ارجع للكروز على اساس يمشي الى المنطقة اللي بعدها ، و نوصل الساعة 7 و هكذا كل يوم

يارب اني فاهم صح

طيب هل اغراضي ملزوم انزلها معاي ولا خلاص السكن هو نفس السكن ؟ او ممكن الكروز يتغير ؟ او ايش بالضبط ؟

السؤال الثاني ، سمعت ان الكروز غالباً يكون منفتح خصوصاً عند المسابح و النوادي ، يعني انت و زوجتك ما تقدر تاخذ راحتك كثير ، صحيح ؟

الثالث : هل فيه مشكلة بالحجاب ؟ هل يكون ملفت للنظر ؟

مواضيع عشوائيه ممكن تكون تعجبك اخترناها لك:

• هل يوجد مترو و rer مثل فرنسا ام لا
• اتسفسار ضروري لمدينه برشلونه
• أحتاج مخطط لبرشلونه لمده أيام ومدريد يومين أخوي الليل والنهار وخبراء أسبانيا تفضلو
• بلييييييييييز ابي تقرير كامل عن اسبانيا
• يآلربع في أحد سآفر إسبآنيآ الفترة هذي و التأشيرة من سفآرة غير الإسبآنية ؟؟
• مدريد و سؤاالي ؟
• حياكم اللة يامرحبا
• استفسارات عن أسبانيا يوم
• مدينة ملاهي
• استفسار عن برنامج رحلتي لاسبانيا لمدة يوما
• من برشلونة الى جيرونا
• السلام عليكم اود ان استفسر بخصوص سيتخيس
• بـ خصوص الفيزا و
• أسبانيا التي رأيت
• تذكرة الميترو تكون ون وي ولا ذهاب و عودة ؟ و هل يختلف سعرهم
• ما بين جبال وهضاب وطبيعة تأسر الألباب حلقات سفرتنا إلى اسبانيا
• المغرب واسبانيا؟؟؟؟ للخبراء
• استفسار عن افضل مطعم في مدريد
• استفسار عن المترو في برشلونة ومدريد
• رحلة الى مدريد ليالي المساعدة رجاء

لا

مو معقولة ولا رد للحين

جيدة الرحلة بس تحتاج ترتيب شوي لتخفيض التكاليف ,وتأكد هل الفيزا لإيطاليا بس ولا شنغن يعني لدول الإتحاد الأوربي

نصيحتي ما تكثر الأماكن ألي بتروحلها لأن راح يتعبك كثرة التنقل,خل جدولك في أسبانيا وإيطاليا وخل فرنسا,
روح بالبداية لبرشلونة واجلس فيها وبعدين روح لإيطاليا ,عندك فينيسا وميلان وروما وفيرونا وفلورنس وجنوى, ونصيحتي أسكن خارج فينيسيا اهدى لك ,أو خلك فيها إذا ما تحب تطلع خارج المدينة. وهذا شيء بسيط وسامحنا على القصور وهذا جدول من عندي ما أدري إذا يناسبك أما الفنادق فراح أكتبها لك إنشاء الله مرة ثانية لان ماعندي في الوقت الحالي جدول الفنادق

يعطيك العافية اخوي احمد

الفيزا شنغن اكيد بما ان عندي رحلة كروز


انا احاول ما اكثر اماكن التنقل

لكن مثل ما ذكرت فوق فكرة الكروز الى الآن مو واضحة بالنسبة لي

اذا كان النزول للدول مع العفش كامل يعني ، اشيل عفشي معاي لما انزل من الكروز

راح اضطر اكنسل و اخلي رحلتي في ايطاليا و اسبانيا بس


عموماً يعطيك الف عافية على ردك و تجاوبك

اول استفسار عن الاجواء هناك في تاريخ سفري هل هي باردة لدرجة اني احتاج ملابس ثقيلة ؟ او معتدلة او جو حلو ؟



الجو راح يكون بارد و حلو ... تحتاج مثل جاكيت أو اي شئ ممكن تخلع لو احتريت





لذلك اول ليلتين في hotel accommodation pre and post cruise في برشلونة



هذا مو اسم الفندق ... هذا عنوان لطلب فندق قببل أو بعد الكروز ...





طيب هل اغراضي ملزوم انزلها معاي ولا خلاص السكن هو نفس السكن ؟ او ممكن الكروز يتغير ؟ او ايش بالضبط ؟



لا طبعا الكروز مثل الفندق المتنقل





سؤال : نظام الكروز حسب ما فهمت انه كانه سكن متنقل و موفر فيه نشاطات كثيرة و اشياء تستغل فيها وقتك

يعني بعد ما اوصل لنابلس يوم الثلاثاء الساعة 7 ، راح انزل و اقضي فيها وقتي عن طريق Tour او انا اختار المكان اللي بروح له بعد ما آخذ تفاصيل ، و اذا جت الساعة 19 وقت المغادرة ، لازم ارجع للكروز على اساس يمشي الى المنطقة اللي بعدها ، و نوصل الساعة 7 و هكذا كل يوم

يارب اني فاهم صح

طيب هل اغراضي ملزوم انزلها معاي ولا خلاص السكن هو نفس السكن ؟ او ممكن الكروز يتغير ؟ او ايش بالضبط ؟

السؤال الثاني ، سمعت ان الكروز غالباً يكون منفتح خصوصاً عند المسابح و النوادي ، يعني انت و زوجتك ما تقدر تاخذ راحتك كثير ، صحيح ؟

الثالث : هل فيه مشكلة بالحجاب ؟ هل يكون ملفت للنظر ؟

كل هذا الأسئلة يجاوب عليها هذا الموضوع و اعتقد أن الأخ ra3yalbora ما راح يقصر معاك
http://www.arabtravelersforum.com/travel307860/






ن
تكلفة الرحلة ككل 28000 ريال

احسها مكلفة ، كل هذي حجوزات غير المصاريف الشخصية و المشتريات ، رأيكم ؟
رأيكم ككل و اقتراحتكم و اعذروني طولت عليكم



مع التذاكر و لا بدون ؟؟؟
أذا مع التذاكر اعتقد أنه معقولة و خاصة أن الفنادق خمس نجوم

أخي هـارمـونـي

السلام عليك ورحمة الله وبركاته

أعتذر منك على التأخير على الرد. وأتمنى افيدك بقدر المستطاع.

ولكنني ابي امشي معك خطوطه خطوه .

أولاً : الي فهمته من كلامك انه محطة وصولك برشلونه.

ثانياً : رحلتك بتكون 17 يوماً.
ثالثأ : انت ما حجزت في كروووووز.
رابعاً : للحين ما تم أصدار الفيزا.



* الأجواء في هذا التوقيت حلوووه تميل للبرودة مساءً.
* من وجهة نظري مخطط رحلة متعب جداً لك ولعائلتك.

* ليلتين في في برشلونة الفندق 5 ستار و تكلفته بـ 1900 ريال شاملة الليلتين بمعدل 345 يورو تقريباً واليوم الواحد بيكون 172 يرور بالنسبة الي اشوفه غالي - رأئ شوف غيره.

* الحجاب اهو ملفت للنظر اما في برشلونه و نيس عادي لكثرة اخواتنا المغربيات المتحجبات اما في مدن أيطاليا ممكن تواجهة صعوبه شوي.

تبي نصيحتي

استأجرلك سياره واطلع من برشلونه بعد اقامة فيها الى الشمال الاسباني للطبيعه الخلابه ومتعه خصوصاً للعرسان. بعدها تنتقل للجنوب الفرنسي ومنها الى الشمال الايطالي ومن ثم لغرب أيطاليا واذا تبي تزور مدريد وميلان من خلال رحلتك تراه حلوووه .
أوفر لك بكثير من الكروز لأن تكلفة السياره 26 يورو في اليوم واليمت الكيلو مترات مفتووووح . كذا زرت اكبر عدد ممكن من المدن الاسبانيه والفرنسيه والايطاليه . وكذلك التمتع بالمناظر الطبيعيه . وخلي عفشك في السياره اي مدينه تعجبك اقيم فيها .وأيجار السكن طبعاً بيكووون على ذوقك ومن اختيارك بعكس الحجز عن طريق الانترنت قد تكوون اشياء كثيره تجهلك عن الفندق اتشوف المناسب لك من ناحية الميزانيه والموقع ونظافة الفندق.

وأي أستفسار انا تحت أمرك

المشاركة الأصلية كتبت بواسطة سفير إسبانيا
http://www.arabtravelersforum.com/tr...9/#post3383299

تبي نصيحتي

استأجرلك سياره واطلع من برشلونه بعد اقامة فيها الى الشمال الاسباني للطبيعه الخلابه ومتعه خصوصاً للعرسان. بعدها تنتقل للجنوب الفرنسي ومنها الى الشمال الايطالي ومن ثم لغرب أيطاليا واذا تبي تزور مدريد وميلان من خلال رحلتك تراه حلوووه .
أوفر لك بكثير من الكروز لأن تكلفة السياره 26 يورو في اليوم واليمت الكيلو مترات مفتووووح . كذا زرت اكبر عدد ممكن من المدن الاسبانيه والفرنسيه والايطاليه . وكذلك التمتع بالمناظر الطبيعيه . وخلي عفشك في السياره اي مدينه تعجبك اقيم فيها .وأيجار السكن طبعاً بيكووون على ذوقك ومن اختيارك بعكس الحجز عن طريق الانترنت قد تكوون اشياء كثيره تجهلك عن الفندق اتشوف المناسب لك من ناحية الميزانيه والموقع ونظافة الفندق.

أحس إنك جبت الكلام اللي في خاطري وبلا كروز بلا هم
بس أنا مع تخطيط الرحلة وحجز الفنادق قبل - من النت - للتمتع بخصومات ممتازة

اتفق مع سفير اسبانيا بالرآي


وبعدين ياخوي ترا قيمت حجوازتك بخطه ثانيه تووفر عليك اشياء كثيره ,

ولا تنسى انه شهر عسل والصرف راح يوازي تقريباً حجوازتك

وانت رجال تبي تبسط انت والمدام خلك على مدن محدوده تجمع بين الطبيعه والاسواق والمعالم

ولك حريـة الاختيار

اخواني والله على راسي كلكم

ابداً ابداً ما قصرتوا

اعتذر عن التأخر في الرد

لكن و الله استفدت من ردودكم الكثير


تمنياتي للجميع بكل التوفيق

وشاكر و مقدر لكم حبايبي و الله ما قصرتوا