اللي عنده خبره بالمصايف

**ahmed1** · 01-15-2015, 04:13 AM

السلام عليكم

صباح / مسـاء الخير للجميع

انا ماشي ان شاء الله فبداية شهر شعبان لسوريا

طبعا راح نوصل دمشق ونريح يوم واحد واحنا 3 شباب

وبنجلس 10 ايام او 15 يوم بحول الله وابغى اللي عنده جدول مضبوط ينصحني فيه

يعني بعد مانريح يوم فدمشق وين نتجه ,, اسمع في كسب وصلفنه وحمص وحماة ومشتى الحلو

لكن مدري وين تقع ولا ادري عن المسافه ولا ادري اي منهم اقرب لدمشق

يعني ياليت اللي يدل يقول لي اذا طلعنا من دمشق وين نروح قبل وبعدها وين وبعدها وهكذا

كل المسأله ابغى الاماكن البارده الحلوه ولا ابي اضيع اروح من مدينه لمدينه ابي خط سير امشي عليه

وألف شكر لكل من قرأ الموضوع وافادني مقدما

مواضيع عشوائيه ممكن تكون تعجبك اخترناها لك:

**ahmed3** · 01-15-2015, 04:13 AM

مرحبا اخوي

اطلع على طريق حمص وبعد حمص ب20 كليو تأتيك لوحه مشتى الحلو على اليمين واذا وصلت المشتى

عندك قبل المشتى بمسافه كيلو تقريبا منطقه الجويخات منطقه هادئه واهلها محترمين جدا

تقدر تستأجر شقه ماتعدى 2500 ليره بالكثير

واذا بغيت تسكن بالمشتى لاكن فيه شوي ازعاج

الطريق من دمشق الى حمص اظن انه 260 كيلو وبعدها من حمص الى اللاذقيه مرورا بطرطوس

وقبل ماتدخل الاذقيه فيه مخرج على اليمين يوصلك الى صلنفه حوالي 38 كيلوا

واول ماتدخل صلنفه تجد اللوحات على الشارع واعلانات الفلل والشقق ويفضل اي فله تشاهدها على الطريق

تأكد ان اغلبها مقسمه الى شقق وقف عند الفله وراح تشاهد البواب او الرقم موجود وكلم صاحب الشقه

لان كل شخص ياجر لك بسوريا ياخذ عليك باليوم 500 ليره يوميا حتى ولو كان مكتب او شخص عادي

واخر يومين من الرحله اسكن في بلودان قريب من النبع فوق وراح تعيش عيشه حلوه والمطاعم موجوده فوق بكثره

ولاتنسى يوجد بيوت شعر يبيعون لك الهرفي ويطبخونه وانت جالس عندهم اطلع نهايه طريق الجبل وراح تجدهم

اكثر من 100 بيت شعر على يسار ويمين الطريق

وايضا لاتنسى كسب فهي بجانب صلنفه وقريبه جداا

وبالتوفيق لك

**ahmedali** · 01-15-2015, 04:13 AM

الاخ جريحك عطاك برنامج سهل ومنوع
تروحوا وترجعوا بالسلامة

**ahmed1** · 01-15-2015, 04:13 AM

الطريق من دمشق الى حمص اظن انه 260 كيلو وبعدها من حمص الى اللاذقيه مرورا بطرطوس

وقبل ماتدخل الاذقيه فيه مخرج على اليمين يوصلك الى صلنفه حوالي 38 كيلوا تعديل بسيط للمعلوميه بالنسبه للمسافه اللتي كتبها اخينا والاصح انها 160 كم ومن حمص الى طرطوس 75 كم ومن طرطوس الى اللاذقيه 75كم ومن خلال مسافة اللاذقيه تمر بمدينة بانياس وايضا صلنفه على نفس الخط

**ahmed2** · 01-15-2015, 04:13 AM

أولا يعطيكم الف الف الف عافيه ويجزاكم خير ان شاء الله

اللي فهمته يعني خط السير راح يكون هيك

((دمشـق بعديـن أطلع ع طريـق حمـص بعدهـآ بـ 20 كيلو مشتـى الحلو طرطـوس صلنفهـ اللآذقيه ))

اي المناطق هذه الافضل !!؟ عشان اجلس فيها اطول وقت مااروح للي بعدها واتحسف اقول ليتني مطول هناك شوي

يعني انصحوني بكل منطقه كتبتها اجلس كم يوم مع العلم ان الرحله حوالي 10 ايام الى 15 يوم

طيب باقي كسب هذي اللي فهمته مو ع الطريق ولا بعيده مرره وكم تبعد بالضبط !!؟

واللي عنده شي ماسألته يعرفنا اكثر ويعطينا معلومات ولا يبخل علينا

يعطيكم العافيه مره ثانيه