السلام عليكم ورحمة الله وبركاته
كيف حالكم
حبيت تكون أول مشاركة لي في هذه المدونة صور من مباراة برشلونة وبايرن ميونخ اللي أقيمت في ميونخ ضمن تصفيات شامينج ليج 2009
وكانت المباراة بتاريخ 14-4-2009 وانتهت المباراة بالتعادل 1-1 وتأهل برشلونة بسبب فوزه في مباراة السابقة .
بصراحة يوم كنت احجز تذاكر المباراة كاني داخل البورصة
الاسعار تتغير بين فترة والثانية
ويوم حجزت ما حصلت الا الدرجة الثانية وكنت خايف اكون مع رابطة المشجعين
تعرفون متعاودين على دورينا مشاكل وضرايب
ونحن سايريين نستانس
المهم راسلت الموقع وقالوا لي ما بتكونون مع المشجعين
والباقي اكمله مع الصور
هذي الصور من السيارة ونحن في الطريق الى الملعب
طبعا صار موقف موضحك ونحن في الطريق طبعا واحد من الربع لابس فانيلة برشلونة ومنزل الدريشة (النافذة) ومستانس ومر علينا باص مشجعي بايرن ميونخ وقاموا يسبونا ويأشرون علينا
الحبيب من الخوف رفع الدريشة (النافذة) ولبس الجاكيت ونحن عاد جالسين نضحك عليه امسوي عمره عنتر
طبعا وقفنا السيارة في المواقف الخاصة بالنادي
وصارت لنا في هذا المكان قصة
يوم كنا في المواقف انشوف الناس على اجهزة المواقف تعبي رصيد ونحن ما عدنا بطاقة
وما خلينا حد في هذي المنطقة نساله من وين انحصل البطاقة وما حصلنا اجابة
وافترقنا وكل واحد يدور
واخر شي قالوا تسيرون داخل المدرج وتطلبون بطاقة حق الاكل والموقف وتعبونها رصيد حق الموقف
وهذي صورة قبل المباراة والفريقين يسخنون
وهذي صورة جانبيه للملعب
وهذي صورة قبل ما تبدأ المباراة شوف الجمهور
ووصل عدد الحضور لهذه المباراة 65 ألف متفرج
وهذي صورة بانوراميه للملعب
وانا محد قاهرني الا هذا اللي طالع في طرف الصورة
الناس تشجع وتصارخ وتصفر
واللي محرج على الحكم واللي يدق على الطبل
الا صاحبنا هذا
بدون ردة فعل
لا مستانس
ولا معصب
ولا يتحرك
ولا يتكلم
كان خاطري اقوله ليش حاضر مباراة كان جلست في بيتكم تشوف المباراة احسن لك
المهم يوم جيت اصور قام الحبيب ووقف
ليش
اخيرا انفعل وتحرك في المباراة
ليش
برشلونة ضيعوا فرصة
الحمد لله ما صدقنا ان الريال اتحرك شوية وحس على دمه
وهذي صورة بعد انتهاء المباراة
تتخيلون كم من الوقت خذنا لين ما طلعنا من الملعب
طبعا بعد ما انتهت المباراة جلسنا في الملعب يمكن ساعة نتصور
وبعدها سرنا السيارة وشفنا المواقف زحمة ولا سيارة تقدر تتحرك
وجلسنا في السيارة ما يقارب الساعة والنصف
وزحمة
ويوم طلعنا ضيعنا الطريج وردينا على طريج الملعب
وسامحونا على الصور البسيطة لان واحد من الشباب هرنا تصوير ما خل صورة ما صورها وطبعا ما نقدر انحط صورة لانها بتصير مشكلة
مواضيع عشوائيه ممكن تكون تعجبك اخترناها لك:
- كشف الحقائق بـ خصوص السفاره الاسبانيه
- تكفون ساعدوني والله أني على أعصابي
- شرح بالصـــــور لكيفية حجز موعد في مستشفى باراكير للعيــون
- اين يقع اوت ليت في اسبانيا
- الفنادق في اسبانيا
- رأيكم في مخطط رحلتي للــ♥ ♥ لمدة يوم في اسبانيا
- ارخص مكتب لحجز التذاكر والفنادق
- استفساراتك عن إسبانيا يجيب عليها الشاب
- ارجوا المساعدة لو سمحتوا
- بخصوص فنادق برشلونة
- رأيكم بموقع فندق ببرشلونه
- حجز تذكر دخول مباراة برشلونة وميلان
- رحلات ملقا
- الأكل في برشلونة يازينة ويازين لونة
- استفســـــــــــار عن جو اسبانيـــــــــا في يناير
- اسبانيا شهر فبراير
- وين افضل منطقه في اسبانيا لقضاء الاجازه في شهر يناير؟؟؟؟
- استفسار عن الجو في الأندلس
- الحل ياخبراء اسبانيا
- أبحث عن فندق خمس نجوم في مدريد و برشلونة ويكون قريب من
رد مع اقتباس
المفضلات