سكنت في الفندق هذا الشهر .. حقيقة مستوى الغرفة أقل من المتوقع بكثير ..

بالاضافة الى أن خدمات الغرف ماتقدم لك أي شيء تطلبه من مأكولات أو مشروبات .. يقول لك موقفين طلبات الغرف انزل للبوفيه بـ 75 ريال للشخص وقت الفطور أو 55 ريال للشخص وقت السحور ..

طيب أبي عصير ؟ أبي مأكولات خفيفة ؟ ماتسوى تدفع 150 ريال ( شخصين ) علشان كروسان وعصير .. مافيه ولا تحاول ..

الثلاجة فاضية طبعا ومايجيبون لك للغرفة إلا ماء وقهوة بس .. ويتأخرون ..

مكان الفندق بعيد عن الشارع الرئيسي ( داخل حارة ) إذا بغيت شيء من المحلات يبي لك تمشي مسافة طويلة الين توصل شارع العزيزية العام ..

التنقل بالباص متعب .. والباص مايروح الحرم إلا أوقات الصلاوات .. حسب افادة موظفي الفندق ..

سويت تشيك ان المغرب ولما افطرت اتصلت بالريسبشن أسأله عن وقت انطلاق الباص قال لي الساعة 8 يعني قبل اذان العشاء بثلث ساعة تقريبا ..

احد الليالي بغيت ارجع للفندق الساعة 1 بالليل اتصلت بالفندق يرسل لي الباص قال مايطلع الا اوقات الصلاوات .. وقلت له اني ساكن عندكم وهذي خدمة تقدمونها .. قال بطلع لك الباص .. انتظرت 20 دقيقة ماجاء اخذت ليموزين للفندق ..

بشكل عام تقييمي له جيد إلى حد ما .. ولن أضعه خيارا للسكن عند عودتي لمكة إن شاء الله ..

مواضيع عشوائيه ممكن تكون تعجبك اخترناها لك: