الموضوع: تبليسته شو اخر اخبارها هذه السنه

السلام عليكم ...بغينا نعرف شو الاجواء في تبلتسه هذه السنة ...هل في زحمه من الخليجيين ...لان وحسب معلوماتي ان السنة هذه الخليجيين مو ذاك الزود ...يعني السنه هذه تبلتسه فاضية ومافيها خليجيين وخصوصا اهل الامارات ممتنعيين عنها بعد توقف العلاج فيها ...نبغي حد من تبلتسه يخبرنا عن الوضع عندهم ولكم جزيل الشكر

مواضيع عشوائيه ممكن تكون تعجبك اخترناها لك:

• الاخ الفاضل
• أين اسكن هولندا روتردام و امستردام
• والله محتار ابي منكم المشورهـ
• ارجوا المساعدة قبرص
• ماهو أفضل وقت للذهاب الى البوسنه
• بلجيكا النمسا اسباتيا ارجو المساعده
• هولندا بلجيكا فرنسا مواصلات سياحةتاكس
• شلون بيكون الجو في امستردام بعد اسبوع ؟
• إذا ممكن ابي فزعة لأني مسافرة الاحد
• ممكن مساعدتي
• استفسار عن رحله الي بولندا ارجوووووووو المساعده
• الـــيونانبلاد الاغريق
• دخول بلجيكا بتأشيرة فرنسية
• السلام للجميع
• تفاصيل عن المانيا
• الف مبروووووك للأخ الإنسياب المتزن الإشراف
• الخريف في أرمينيا-موسم الأمطار الخفيفة والطبيعة الساحرة
• من بلغاريا БЪЛГАРИЯ
• التشيك اسال ونحن نجييب
• امكانية الدخول لفرنسا بفيزة الشنقن اليونانية ؟

احنا سايرين تبليسته السنة خوفيتني ليش الاماراتيين امتنعوا عن السيرة هناك؟ انا اول مرة بسير

المشاركة الأصلية كتبت بواسطة الخيال3
http://www.arabtravelersforum.com/tr...2/#post2109802

احنا سايرين تبليسته السنة خوفيتني ليش الاماراتيين امتنعوا عن السيرة هناك؟ انا اول مرة بسير

توقف العلاج في تبليتسه وتغير الى بانكوك

تبغون الصدق اذا الخليجيين مو موجودين في تبليتسة ...فهي ممله جدا ...جدا ....للاسف

والله غــريبه / بشهر مارس كنت اهناك وكانوا يذمون العلاج ببانكوك ويمدحون العلاج عندهم وبخاصة المصحات ..

الناس يا خوي ما يعجبها العجب ولاصيام برجب

بس شوف تبليسه ملتصلح للسياحة ابدا ....مافيها شي واليوم يمر عليك مثل السنة ملل في ملل ....جربتها وهي ممله ....شرق اسيا بانكوك وماليزيا افضل بمليون مرة

يعني إذا مافي إماراتيين مافي خليجين :biggrin: .. اهل الكويت واهل السعوديه يروحون هناك وبكثره

صحيح تبليتسه بدون خليجين بيكون طفش لدرجه التشيكين فتبليتسه صاروا هم الغريبين من كثر الخليجين هناك لووول ..


مااتوقع تبليتسه بتفضى لأن هاالسنه كثير بيروحون التشيك لدرجه يالله حصلنا حجز لهناك .. الله يسهل امورنا على خير بس


بانكوك صحيح انها اونس لكن تبليتسه علاجها افضل عشان المويه مساعدتهم .. بعدين إذا حسيتو باالطفش مره روحوا لألمانيا مو بعيده

تبليتسه إلي يعجبني فيها انك تحس براحه عجيبه :hypocrite..

السلام عليكم
انا موجود حاليا بتبليسه والديره مليانه خليجيين والجو جميل وممطر ولكن الاسعار صارت غاليه شوي وصرف اليورو الان ل100 يورو = 2400 كرونه بس احلى شي ان الحدود مع المانيا مفتوح بعد دخولهم للشينجن بدون جوازات . واي سؤال انا بالخدمه

كيف اسعار السكن هناك اخوي داوود

السلام عليكم
احنا الان في تبليسية وفعلا فيه خليجين
بس احنا متوهقين في المطاعم وامكان التمشية لاننا مانعرف الاماكن هنا
ياليت يقدر احد يساعدنا

السلام عليكم ...

والله انا السنه رايح تبيلسه بس الكلام المكتوب يضيق النفس..ملل وطفش ووو...ليه؟؟

انا سمعت ان ما فيها شى بس اللى رايح هناك رايح يتعالج لا اكثر ولا اقل ..بس حبيت اسأل فى تجمعات للخليجيين فى اماكن معينه؟؟ ما المدن القريبه؟مطاعم عربيه كويسه؟

ياريت يفيدونا الجماعه اللى رايحين وموجودين فى هالوقت

وشكرا

اهلين باالنسبه للمطاعم في تبليتسه فيه مطعم عربي روعه وصاحبه عراقي وهو الطباخ ..بس ماشاء الله طبخه يجنن يم يميييي

اسم المطعم آبينوس او ادينوس حاجه زي كذا والله مااذكر باالضبط ..

فيه مطعم عربي نسيت اسمه بعد لكنه قبال مصحة بتهوفن ..

وفيه مطعم ايطالي قريب من مصحة الأطفال على مااعتقد واكله لذيييذ ..


في الستي سنتر فيه قهوه روووووعه تبيع آيس كريم وكيك وقهوه بأشكال روعه والطعم لذيذ ..


معليش ذاكرتي ماساعدتني لأني قبل 3 سنين رايحه هناك +_+

السلام عليكم
بالنسبه للسكن فيختلف سعره اا كانت شقه او فيلا وعدد الاشخاص وبالنسبه للشقق المكونه من غرفتين فبحدود 40 الى 60 يورو والفلل فبحدود 60 يورو الى 120 يورو وحسب النظافه وتجمع العرب دائما يكون بالحديقه المقابله لمصحه الحجري ويسمون الحديقه حديقه العرب وبالنسبه للمطاعم فيوجد مطعم سميره اميس مقابل مصحه القيصر ومطعم الحديقه مقابل مصحه الاطفال وبالنسبه للمناطق القريبه فتوجد مدينه دريسدن الالمانيه وتبعد 60 كيلو وهي جميله وبها مجمعات ضخمه وجميله

طيب هل الخليجيين بكثرة هذه السنه في تبلسته مثل السنة الماضية او اقل

هي مدينة سياحة علاجية


يعني طول الاسبوع ماعندك الا الحديقة والستي سنتر والسوق الى في ضواحي المدينة


في الويكند


عندك تروح لبراغ وتروح لكالوفاري ودرسدن بالمانيا

طيب هل الخليجيين بكثرة هذه السنه في تبلسته مثل السنة الماضية او اقل

اليوم تكلمت مع احد الاخوان في تبليسته وقال ان السنة تبليتسة فاضية ومافيها احد والشغل واقف

سلام..

الخميس وصلت لتبليتسه ومررررره مليااان خليجيين صايرين التشيكين هم الغريبين +_+

وكل مالهم الخليجين يزودون :sweatdrop.. الله يستر لايصير عندهم انفجار سكاني بسببنا :unsure: ..

المشاركة الأصلية كتبت بواسطة mlaaalk
http://www.arabtravelersforum.com/tr...6/#post2181176

السلام عليكم
انا الان موجوده في تبليتسه لي فتره
ومليااااااااااااااااااااااااااااااااااااااانه خليجيين تعرفين وش مليانه ةالله كأنك بدوله خليجيه خاصة اذا رحتوا حديقة العرب اللي قدام مصحة الاطفال ( نوفا)
وبالنسبه للجو راااااااااااااائع براااااااااااااااااااد ومطررررررررررررررررر يعني جيبوا معاكم شتوي
وبالنسبه للاكل فيه مطاعم الشاورما حقت العراقيين و فيه مطعم يجننننننننننننننننننننن موجود امام مصحة الاطفال في شقق تبليتسه لون العماره اورنج و المطعم و اجهته حجر
الاكل حقهم لبناني و يسكروا الساعه 10 و فيه جلسات برا قدام المطعم مرررررررررره حلوه
و اسعاره رخييييييييييييصه على مستوى الاكل و المكان
واي استفسار انا جاهزه





اهليييييين اختي عندي كم سؤال ياليت تفيديني فيها يما إنك أنثى :106: :

كيف مستوى التستر عندهم في حريمهم لأني مثل أي مدام أغير على زوجي ما يهمني جمالهم بس يقهرني تكشفهم فهل عندهم مبالغه في التكشف وإلا ساترهم البرد :112:

هل ممكن تعرفين لي كم أسعار العلاج الطبيعي في مصح الأطفال لان عندي حاله تحتاج علاج طبيعي لطفله عمرها ست سنوات وهل تحسين أن علاجهم زين وإلا نقصر العنوة ونجلس ببيوتنا ؟؟:114:

كم المده اللي نحتاجها للعلاج الطبيعي تقريبا ؟؟

كم المبلغ في نظرك اللي نحتاج إذا كنا عائله مكونه من زوجين وطفلين وكم يكلف السكن النظيف عندهم ؟

والسؤال الأخير كيف نقضي الوقت هناك بعدما ينتهي العلاج وين نروح باقي اليوم وهل فيها اماكن تمشيه وإلا ملل مثل ما سمعنا عنها ؟

أسأل الله أن يشفي مريضكم ومريضنا ومرضى المسلمين وأن يجعل ذلك في ميزان حسناتك :106:

المشاركة الأصلية كتبت بواسطة KARLOVY VARY
http://www.arabtravelersforum.com/tr...8/#post2169168

حمدلله على السلامة

كيف الجو ؟؟؟
عنـــــدك




الله يسلمك .. الجو خيال مطر وبراد الحمد الله ربي فكنا من حر السعوديه ___