الموضوع: أول سفره وابي شوركم ؟؟

تركيا تقريبا دبل اسعار البوسنة ..

طيب يانواف وش رايك بالبوسنه من ناحيه الامان وتقارب المدن السياحيه والسياحه بشكل عام

أبو متعب هلا بك ومرحبا فيك بالمنتدى

والاختيار موفق ان شاء الله

ابي اعطيك هالبرنامج
وإن شاء الله يعجبك

مدة السفره 15 يوم
تتقسم كالتالي
13 يوم البوسنه
3 ايام تركيا
توزيعها
اول ليله في اسطنبول راحه 15/09/2014
البوسنه 16 الى 28 /09/2014
اسطنبول 28 الى 30 /09/2014

للمعلوميه لازم تاخذ خط سير مستقل من الرياض الى اسطنبول
وخط مستقل آخر من اسطنبول لسراييفو
علشان توفر فلوس
الإقلاع من الرياض(إذا أنت من اهل الرياض) بتاريخ 15/09/2014 عبر الخطوط السعودية مباشرة الى اسطنبول وسعر التذكره 1360 ريال للشخص
الوصول الى اسطنبول الساعه3:25 العصر
تاخذلك فندق في السلطان أحمد او في تقسيم تريح فيه
من بكره تروح لمطار صبيحه وتطير للبوسنه عبر الطيران التجاري بيغاسوس وسعر التذكره تقريبا ثمنمية ريال للشخص الواحد
الاقلاع عشره الصباح
الوصول 11 الصباح
وعلى طول لفندق هوليوود القريب جدا من المطار والتاكسي بعشرين مارك مايعادل عشره يورو
ليلتين فيه وبعدها تروح لبيهاج وتاخذلك ليلتين

وبعدها يايتسه(البحيره) 3 ليالي

وبعدها سراييفو خمس ليالي
ومن ثم العوده لإسطنبول وقضاء ليلتين
واليوم الثالث وهو بتاريخ 30/09/2014 العوده مساءً للرياض


طبعا انا اخترت تركيا بالأخير ليش؟
علشان أشبع غرور المرأه وهو التسوق
لأن التسوق في البوسنه يكاد يكون معدوم
البوسنه فقط للإسترخاء والطبيعه
اسطنبول للتسوق
وبالأخير اخترتها لأنك تشتري الهدايا وعلى طول بعدها للمطار الى البيت


السكن في سراييفو بحدود الاربعمية ريال
الصرفيه اليومية في البوسنه بحدود المية يورو
إستئجار سياره بحدود الفين ريـال وميتين
تبي تصير حسبتك كالتالي

تذكرة سفر لشخصين من الرياض الى اسطنبول عبر السعودية
2720 ريـال
تذكرة سفر من اسطنبول الى سراييفو
1600 ريـال
السكن على فرضية
400 ريـال لليله
وعندك 12 ليله
4800 ريـال
وعندك إستئجار سياره 12 يوم
2200 ريال
وديزل للسياره
500 ريـال
الصرفيه تقريبا
6000 ريال
بمعدل 500 ريـال يوميا

مجموع السفره ماعدا فنادق اسطنبول وصرفية اسطنبول
17820 ريـال

وأي إستفسار أنا حاضر والإخوه كذلك
وعذرا على الإطاله في الرد

خالد جزاك الله خير اعجبتني فكره اجمع الدولتين مع بعض ..
حتى الجدول جميل جدا ..
بس انا ماافضل القيادة هناك هل استطيع اني اخذ سياره بسائق ,, وهل بيكون معي طوال 10 ايام من تمشي بالمدن وسفر بين المدن ؟؟

وشي ثاني كيف اطلع فيزا اللحين وش اول خطوه اسويها ؟؟

ابو متعب

الحمدلله ان البرنامج حاز على اعجابك
مسألة السائق انا ماحبيتها جدا لأن خصوصيتك مع اهلك راح تقل
ترى انا اول مره اسوق سياره خارج الخليج في البوسنه
وتحسفت على سفراتي الماضيه اني ماكنت اسوق
لأن فيها متعه ماتتصورها

طيع شوري واستمتع بالقياده وخاصة بالبوسنه مايبيلها شي
وخل عنك السائق

اكيد يبي يكون معاك طوال الفتره واحتمال تكون مسؤول عن نومته وأكله

رحله سعيده واي سؤال نقدر عليه ماراح نقصر معاكم من الموبايل

جزاك الله خير ياخالد ..

طيب والفيزا الحين كيف اطلعها ؟؟

تعبتك معاي بس مالي خبره ابد بالسفر هذي اول سفره اخطط لها

السلام عليكم ارغب في زيارة هذا البلد الجميل مع العائلة بشهر 9 برجاء مساعدتي فيما يخص الدعوة لاستخراج الفيزا

تروحون وترجعون بالسلامة