أريد معلومات عن رومانيــا

**ahmed1** · 01-15-2015, 02:31 AM

السلام عليكم .. سمعت من الاخ fahad1976 .. بعض المعلومات عن رومانيا ..
وعندي بعض الأستفسارات ...

- هل رومانيا تصلح للعوائل ؟؟
- أنني ولامرة زرت دولة أوروبيــة .. فماهي النصائح التي توجهونها إلي ؟؟
- ماذا عن اللغة الأنجليزية .. فأنا لا أجيدها تماماً .. كيف يتم التعامل معهم ؟؟
- لا أريد شقق هناك .. بل أريد فندق 4 أو 5 نجوم للأسباب التالية .. وجود أمن .. وجود أماكن للأمانات .. مكان أنظف ومرتب ...
فما رأيك ؟؟
- ماهي المناطق التي تستحق الزيارة في رومانيــا ؟؟
- ماذا يميز الشعب الروماني .. وكذلك ماهي سلبيته ؟؟
- درجة الأمن هنـــاك كيف هــي ؟؟؟
- التكلفة الإجمالية للمعيشة فقط (تمشية وأكل) لمدة أسبوعين ..
- كم المدة الكافية لرومانيــا ؟؟
- هل تحتاج فيــزا ؟؟
- ماهي أفضل الفنادق .. وكم يكلف السعر لليله هنــاك تقريباً ؟؟

وتحياتي لكم
بومحمد

مواضيع عشوائيه ممكن تكون تعجبك اخترناها لك:

**alifun** · 01-15-2015, 02:31 AM

حياك ابو محمد لكن اول شي بقوللك انا مو خبرة كثير برومانيا لاني رحت لها مره وحدة فقط وبافصل الشتاء شهر ديسمبر طبعا الاماكن الي تروح لها بالصيف تختلف عن الشتاء بشكل كبير
لكن بالنسبة لسياحة العوائل برومانيا اعتقد ان السوق يعتبر جيد جدا بالنسبة للعوائل اما عن الامان بين الشقق والفنادق افضل لك بالدول الي مثل رومانيا انك ما تستخدم غير بطاقة الصرافة والشيكات السياحية عشان تنام مرتاح اما غير كذا من اشياء ثمينة مثل الذهب وغيره ما اعتقد انه ضروري في بلد مثل رومانيا لان الشعب بسيط وحتى الاغنياء قليل الي يلبسون الذهب لانه مؤشر خطر بالخارج بشكل عام وبدولة مثل رومانيا اكثر سكانها من البسطاء بشكل خاص وبالنسبة لجواز السفر وغيره ما اعتقد عليه خوف وكثير من الشقق امنه جدا ولو تحب اعطيك عنوان شقة نظيفة جدا هناك وفي بعد فيلا لكن مشكلتها بعيده شوي عن وسط البلد
اضافة للاسواق في بعد حدائق جميلة عندهم وبحيرات رائعة ممكن تزورها وتصلح كشته هناك وتطبخون عند البحيرة والاولاد يلبعون بدون مضايقات وافضل ميزة لهالبلد العرب قليل فيها يعني الفكرة عن العرب مو واضحة كثير ولا في تحيز خاص حسب ما لاحظت ولكن لو انت ملزم على الفندق في فندق الانتركونتننتال على ما اذكر وفي فندق ثاني بعد لكن ناسي اسمه فندق فخك جدا وجديد اما الاسعار ما عندي فكرة اكيده عنها لكن الاكيد انها تتجاوز ال 50 دولار يوميا بشكل اكيد بالفنادق الاربعة او ثلاث نجوم اما الخمس نجوم فالسعر خيالي اعتقد نفس نظام الدول الاشتراكية بشكل عام وبعض الدول العربية مثل سوريا تسكن بفندق 5 نجوم بــ 200 دولار باليوم سعر خيال
لكن الشقق عندهم عمليه جدا وامان لان الابواب تقفل بقفل خاص بسكان العمارة فقط ولا فيها مشاكل ابدا لان لو صار اي ازعاج بالشقة الرومان يحبون يشتكون بسرعة وراح يصير مشكلة لاي واحد يزين ازعاج بالشقة
لكن لو بتروح بالصيف لا تضيع على نفسك فرصة زيارة المناطق الجبلية لاني اسمع عنها الكثير هناك وفي مناطق ساحلية جمييلة بعد لكن الناس على الشاطيء فري مرة !!! على حد علمي
اما التفاصيل الثانية تكلمت عنها قبل ولكن بضيف شغله لاني جوعان الحين بعد ترى مطاعمهم العربية رهيبة خاصة المشويات واكثرها اداره عربية
بالتوفيق وانتمنى لو عندك اضافة عن التشيك بالمشاركة الي وضعتها انا قبل
وحياك اخوي

**ahmed1** · 01-15-2015, 02:31 AM

والله أنا في عمري مازرت أي دولة أوروبية .. بس أن شاء الله .راح أوافيك بآخر التطورات عن التشيك .. تحياتي لك
أخوك
بومحمد

ومشكور على الإضافة الحلوة ..

**ahmed1** · 01-15-2015, 02:31 AM

اعرف ان الرد متأخر اشوي

مو اشوي اهو اكثر من اشوي
بس عندي معلومات بسيطه عن البلد لاني زرتها قبل فتره طويله و احب اقول لك اياها
رومانيا بلد روعه من حيث الطبيعه والمعيشه فيها رخيصه جدا و لكن لا اتفكر اتروح اسواقها لان اسواقها كئيبه و ممله هذا طبعا ايام الحكم الشيوعي ما ادري الحين يمكن تغير و اذا كنت بتروح بالصيف فلا تنسى اتزور المناطق الجبليه مثل منطقه براشوف و بويانا المناظر فيها روعه و الجو بارد و مثل ما قال الاخ لا تسكن في فندق خمس نجوم لانه راح يكون غالي من الافضل انك تسكن ابشقه و الشقق متوفره في هذي المنطقه لانها سياحيه
و اذا عندك اي استفسار ثاني انا حاضره