استفسار بخصوص الاتصالات و الصرافه في عمان

**alifun** · 01-15-2015, 02:07 AM

السلام عليكم و رحمة الله و بركاته

أنا ان شاء الله جاي لصلالة من السعودية خلال الايام القليلة القادمة ....وعندي استفسار
بخصوص الجوال .... هل بتكون شريحة جوالي شغالة ؟؟..أو لازم اشتري شريحة من عندهم؟
بخصوص الصرافه ....هل اقدر استخدم مكائن الصرف الآلي في صلالة ببطاقة صراف بنوك سعودية ؟؟...وإذا كان ماأقدر......فهل معنى هذا اني اجي بكل ريالاتي معي في جيبي؟؟...أفيدونا وفقكم الله

استفسار جانبي... انا سيارتي تويوتا كامري هل راح تنفع هناك في صلالة ؟؟ ولا لازم دفع رباعي؟؟
وسمعت انهم في منفذ مزيد يعطون خرايط.....فهل هالخرايط موضح عليها الاماكن السياحية وأفضل الطرق؟

شيء أخير ومهم جداً....أنا جاي مع المدام ان شاء الله يعني تكفينا غرفة وحده....فما أفضل سكن تنصحون فيه وكم سعرها بالتقريب... وتكون نظيفه ومكانها جيد وياليت يكون فيها انترنت...

يالله الله يجزاكم خير عجلوا بالرد لأن السفر يوم السبت وأتوقع الوصول أخر يوم الأحد

مواضيع عشوائيه ممكن تكون تعجبك اخترناها لك:

**ahmed3** · 01-15-2015, 02:07 AM

ايه الشريحة اخوي تكون شغالة ماعندك مشكلة
بالنسبة للبطاقة برضوه ماعندك مشكلة اخوي

الباقي اتركها للشباب

**ahmed3** · 01-15-2015, 02:07 AM

حياك الله اخوي في بلادك
تقدر تستخدم بطاقة جوالك الحالي اذا عندك خدمة التجوال الدولي ..بس انصحك تاخذلك بطاقة مدفوعة من عمان موبايل (حياك) او من النورس (مسبق) وذلك للتوفير في الاتصالات وراح تظل البطاقة صالحة لمدة سنة
مكائن الصرف الالي تدعم كل انواع البطاقات الكريديت والدبت ... يعني اذا عندك بطاقة فيها خاصية الفيزا الكترون او فيزا كارد او ماستر كارد فلا تحاتي ... لكن هات معك كاش بالريال العماني في الطريق للبنزين يمكن بعض المحطات ما تتعامل بالسعودي او بالبطاقات
سيارتك الكامري والصالون بشكل عام تصلح لكل الاماكن السياحية لانه الطرق اليها معبدة ... واذا حبيت تغامر في بعض الاماكن الصعبة فراح تحتاج الى دفع رباعي وتقدر تستاجر من صلالة بس ما اعتقد راح تحتاج..
الخرائط بتحصلها عند الحدود وايضا اول ما تدخل صلالة وايضا تتوفر في احد المواضيع في هذا المنتدى
بخصوص السكن تابع المواضيع الاخرى بتفاصيل اكثر
ورحلة سعيدة وموفقة

**ahmedali** · 01-15-2015, 02:07 AM

شوف يابوالشباب مثل ما قالو لك الشباب بخصوص الصراف ما عندك مشكله

الانترنت اقراء موضوعي تلقاه بامنتدى عن كيفية الحصول ع الانترنت

**ahmedali** · 01-15-2015, 02:07 AM

لو سمحتم انا عندي استفسار واحد بس ومتفشل احطه بموضوع لحاله ........ لقيت التفاعل هنا قلت ابلزقه هنا
ان لقيت رد جزاكم الله كل خير وان مالقيت رد ماحد داري عني ولا اتفشل عند الجماعه .....

سؤالي هو : عندي بطاقة الاحوال الجديده ولا بعد طلعت جواز هل اقدر ادخل الى الامارات وعمان بالهويه الوطنيه الجديده

**ahmed1** · 01-15-2015, 02:08 AM

اخوي من ناحية السفر ببطاقة الهوية الوطنية

الي نسمع انها تم تفعيل السفر بها لعمان والامارات

لكن عندي لك راي اسمه راشد

وهو تتصل بادارة الجوازات ويعطونك الخبر الاكيد

**ahmed1** · 01-15-2015, 02:08 AM

المشاركة الأصلية كتبت بواسطة SOMAN
http://www.arabtravelersforum.com/tr...0/#post2170690

لو سمحتم انا عندي استفسار واحد بس ومتفشل احطه بموضوع لحاله ........ لقيت التفاعل هنا قلت ابلزقه هنا
ان لقيت رد جزاكم الله كل خير وان مالقيت رد ماحد داري عني ولا اتفشل عند الجماعه .....

سؤالي هو : عندي بطاقة الاحوال الجديده ولا بعد طلعت جواز هل اقدر ادخل الى الامارات وعمان بالهويه الوطنيه الجديده

نعم ، تستطيع الدخول بالبطاقة لكل الدول الخليجية بلا إستثناء عبر جميع المنافذ البرية والجوية على حد السواء ، لا تشيل هم روح وتوكل على الله .

**ahmed1** · 01-15-2015, 02:08 AM

يعطيكم العافيه .......... بس اللي اعرفه ان بعض دول الخليج لم تفعل السفر بالبطاقه الى الآن

مثلاً الكويت يقولون بعد رمضان والله مدري عن دول الخليج الاخرى

بس ياليت اللي توه طالع يعني قبل شهرين أو ثلاث شهور الى عمان يرد علينا

**ahmed2** · 01-15-2015, 02:08 AM

ياخوي حازم دور على رقم المنفذ السعودي البطحاء والخاص للمسافر الى الامارات ثم عمان

واسال الجوازات بخصوص بطاقة الهوية الوطنية
هل تم تفعيلها

ومادام معك عيلة كبيرة اكيد فيه احد منهم ما معه بطاقة الهوية الوطنية

فاسال برضة الجوازات احسن من انك تتكبد عناء السفر ثم تتفاجاء بشيء ثاني

**ahmedali** · 01-15-2015, 02:08 AM

المشاركة الأصلية كتبت بواسطة حازم الاحمدي
http://www.arabtravelersforum.com/tr...4/#post2171334

معليش ياوجيه الخير
اعيد سؤال بطاقة الصراف الالي
مثال انا احمل بطاقة البنك الاهلي
هل اقدر اسحب بها عمله سعوديه من الصرافات
وهل الصرافات متوفره في صلاله
وهل فيه عموله على عملية السحب

ولكم وافر الشكر

اخوي في اي بلد راح تسحب من الصراف عملة البلد اللي انت فيه فقط..يعني اذا سحبت من عمان راح يطلع لك الريال العماني فقط ... وفارق العملة مبرمج بالصراف ... راح ياخذون عليك 20 ريال سعودي تقريبا لكل سحب ويمكن اقل

**ahmed2** · 01-15-2015, 02:08 AM

المشاركة الأصلية كتبت بواسطة حازم الاحمدي
http://www.arabtravelersforum.com/tr...4/#post2171334

عندي سؤال ثاني
بالنسبه للبطنيات او اغطية النوم
هل لازم احمل معاي كل العفش من السعودية
لأن عدد العائلة كبير جدا
وهل يوجد اجارات مثل اواني الطبخ وغيرها

ولكم وافر الشكر

شوف يا أخوي اذا عندك عائله كبيرة راح تلاقي مشكلة بعدم توفر البطانيات لكل أفراد العائله ( للاسر الكبيرة ، الله يحفظهم )، بس ترى بعض أصحاب الشقق راح يتساعدون معاك ويوفرون لك بطانيات اضافية والبعض ما راح يتعاون معاك بس في الغالب ما راح يقصرو معك:24: .

تحياتي