اهلا وسهلا اخوي جبل الحجاز
الاخ luayar ما قصر رد على استفساراتك
الله يديم عليك نعمة الايمان وعلى اهلك ان شاء الله
الصخب في مركز البلدية الترفيهي وفي قرية سمهرم ولكن للاسف انه خيام التسوق العالمية موجودة بهالمكانين.. احيانا تتوقف الاغاني لفترة بسيط تقدر تروح وتدخل الخيام وتشتري اللي تبيه انت واهلك وبعدها تقدرون تغادرون المكان ...لما تدخل الخيام ما تسمع الاغاني الا شي بسيط .... بالليل اذا حبيت تستمتع بالجو والرذاذ تقدر تروح على الجهة المقابلة لمركز البلدية الترفيهي وتفرش لك بساط مع الشاي جلسة ولا احلى وتقدر تتمشى بمحاذاة الشارع انوار الشارع منوره المكان بضوء خافت بعض الشي
بخصوص توقيت زيارتك ...اعتقد بدري شوي وما نقدر يخوك نقدم الموسم لانه هذا بايد الله.. يمكن بالجبال تشوف الخضرة وتستمتع بالرذاذ في الصباح الباكر فقط...اتوقع عين اثوم بوادي دربات تنزل في نفس الفترة.. لكن اذا عز الخريف من يبدا من عشرين يوليو ... ونصيحتي لك اول زيارة ضروري تكون في عز الخريف لانه الانطباع الاول مهم جدا جدا واضمن لك انك ما تنساها صلالة ابد ... واحنا ان شاء الله عازمين على صلالة من مسقط الخير