السلام عليكم ورحمة اللة ،

نكمل مع بعض .

صباح اليوم الثاني صحيت من الصبح وبعد ما اخذت القهوة ، وهذا ترا هو طبع عندي ، ما اصحى الا وعى طول قهوة بلا سكر ولا حليب عشان تعدل المزاج .وتلقى اللي يسأل روحه : ايش دخلنا بمزاجك ؟؟! ههههههههه . عارف بس هي ملاحظة جات على بالي فلا تعصب علي .

نكمل الموضوع ، رحت للسفارة البوسنية ومعي نفس الأوراق ، والسفارة للي يحب يعرف موقعها هي في أيرلزكورت قرب مستشفى كرومويل .
المهم دخلت قسم التأشيرات الا وهو فاضي وما في احد ، قلت بنفسي الحمدللة ، ما راح اطول والظاهر ما احد يسافر للبوسنة وانا اول السياح واكيد انهم بيعطوني التأشيرة على طول وانا واقف .

ورحت للموظف وانا كالأسد ( قلت لكم كنت واثق ) وقلت له بغيت تأشيرة سياحية .واذا هو ما يعرف انجليزي ويكسر بالكلام وكلمة افهمها منه وكلمة لا ، على العموم اللي فهمت منه انهم يطلبون رسالة ضمان !!! قلت له : ايش رسالة الضمان ذي ومن وين اجيبها !! قال لي : المسئول مو موجود حاليا" وارجع الساعة 12 الظهر بيكون موجود .
طلعت من السفارة وقلت اجلس على مقهى وافكر ايش اسوي . وقلت ببالي : اليوم هو الخميس وبكرة الجمعة وبعده يومين اجازة وانا لازم اسافر بسرعة بيوم الأثنين او الثلاثاء بالكثير والسفارة البوسنية تقل لي تعال بعدين ومطلوب رسالة ضمان وانا ما اعرف ايش الرسالة ذي وممكن المسألة تطول ...فأيش اسوي !! وسرحت مع افكاري .

مواضيع عشوائيه ممكن تكون تعجبك اخترناها لك: