الموضوع: استفسار عن بولندا ؟

[align=center]هلا ومرحبا باستاذنا الغالي كاكا..... :101:

والله يحييك بعد ها الغيبه اللي كنها سنيــــــن......

ونتمنى انك سالم من كل شر.....

انا اشهد ان قهوتك محكوره وتسلم يمينك... :107:

ولي الشرف اتضيف عندكم يالغالي.....

وما يسمي الذيب الا ذيب.....

اما القلب انا اشهد انه خضر..... :109:

لكن لا تخاف ذيب والله يستر.....

ننتظر المزيد اخوي كاكا اذا ما عليك امر.....


ولا تخاف على خوينا طير شلوى ساز نور....

ان شاء الله انه بخير.....

حاس بنشوفه قريب من غير شر.....


واسف على التأخر في الرد لاني في الغالب اكون مشغول خصوصا في الويكيند....

تحياتي.....



~الوافـــــــي~[/align]

مواضيع عشوائيه ممكن تكون تعجبك اخترناها لك:

• كيف أسافر من امستردام الى ميونخ
• ماهو أفضل وقت للذهاب الى البوسنه
• محتاج معلومة عن الفيزة الى بلجيكا ضروري يا إخوان
• بودابست وفينا
• ابي جدول سياحي للتشيك
• جورجيا في شهر جون
• تكفون يا أهل الرياض ردوا علي تكفون
• ابي فزعتكم يا شباب للاهمية ناوي اسافر الى زويرخ وبراغ ولكن معلوماتي قليلة
• كيفية الحصول على فيزا سياحة كرواتيا للسعودين ؟
• دعواتكم لإخونا العزيز عبدالله الأخ الأصغر لأخونا
• عدة استفسارات عن اوكرانيا والتشيك
• خطوط تودي تشيك
• ياأخوان محتاج مشورتكم ايهما اختار ؟؟
• همام يريد التوقف في امستردام
• عاااجل من يعرف عن استونيا شي لا يبخل علينا
• استفسار بخصوص الدراسة في اوكرانيا
• أنقذوني يا خبراء جمهورية التشيك
• محتاجه مساعدتكم و اقتراحاتكم لبرنامج شهر العسل بليز
• مهم جدا جدا جدا
• استفسار عن روســـــــيا للاهميه وعاجل

من كاكا الى الوافي / مع التحيه , ...................... اتبع كاكا وسازنور . ( منقل من صفحة سافر مع كاكا ـ تركيا )

اشكرك على التفاعل , والبواسير فهمناها , المشكلة , ان اخوي سازنور من قدم الفنجان , ولا عاد شفته , واطلب من الله ان يرده , وتصدق فى حسك , وغيابك مقبول بعذرك , ما لى خلق بالكتابه , من بعد غيبة اخوي سازانور الذيب مخاوي الذئاب , ارجوك ساعدني برجعته , ولك اللى يطيب خاطرك , وخليك تسافر لبولندا وكنك جايها عشر مرات من قبل . ......................... اتبع كاكا . مع التحيه والتقدير , والظاهر ان كاكا يبي يبنشر . 16 /4 /2005

يعطيكم العافية جميعاً ::
بصراحة جمعة معلومات كثيرة عن الديرة وعن الفنادق واماكن التسليه والترفيه بس يضل يهني معرفت تفاصيل اكثر عن تجربة ...
الشباب الي زاروها قريب تجربتكم غاية في الأهمية ؟؟؟ خصوصاً اني بسافر لحالي وبصراحة أخاف ازهق . جافامان إذا ممكن موقع الشات البولندي .. وإذا سافرت ورجعت بالسلامة كتاباتك مهمه .

السلام عليكم ..... الاخوان جميعن.
*...الاخ أبويزيد بيني وبينك تلفون ان شاء الله.

*...الاخ Here iam





جافامان إذا ممكن موقع الشات البولندي



http://WWW.NEU.COM
http://WWW.WEIRDTOWN.COM





الشباب الي زاروها قريب تجربتكم غاية في الأهمية



والله ياريت الفزعه ياشباب بولندا.
*...الاخ كاكا ...سعيد لوجودك و اسهامك.

كاكا جافا مان لكم جزيل الشكر :

وشكرا على المواقع . انا تقريبا كونت فكرة اوليه عن البلد من حيث الاسعار واماكن الترفيه والتنزه بس دايماً اقول المعلومات على النت غير الامور على الواقع بس بشكل عام انا متفائــل وحاس ان الديره حلوه .
الي يروح منكم ويرجع لا ينسانى انا إجازتي باقيلها حوالي شهر .

تحياتي

السلام عليكم ورحمة الله

اخــــــــــــــــوي كـــــــــــــــــــــــــاكــــا كاكا كاكا كاكا كا كا كا كا

يوم سمعت ردك ضحكت وقمت اغني وينك من زماااااااااان حق ميامي

المهم
لمعلوماتك بس انا كنت ادور معلومات عن بولندا من شهر 5/2004 وبديت اكتب مواضيع تقريبا شهر سته
وهالموضوع بالذات طال عمرك كتبته تاريييييخ
9/7/2004 مع العلم اني كاتب قبله بعد مواضيع

احب اقولك اني يوم مالقيت رد صكت فيني وقلت خلني اروح عمره وبعدها قالي صاحبي ابليس لا يابن الحلال شنو بولندا علشان تخرب سفرتك روح مع الربع رومانيا
وبفعلا رحت طال عمرك رومانيا ورديت كارههها لانها فعلا ماتستحق الزياره واستغربت ليش الناس يمدحونها قبل اكتشفت انها ايام قبل ممتازه بس 2004 خرببببت وهذا بسبب على قولتهم والله اعلم انهم سمحو للروماننيين والرومانيات بالعمل في الخارج يعني الرومنين يحسبونها يقولون بدال لانشتغل برومانيا ندق سلف نروح هنغاريا معاشات احسن الزبده الديره فاضيه مافي غير الطرارين المشردين.
وبشكل عام انا سبق وزرت بلغاريا وتوقعت ان مستواها نفس بلغاريا ويمكن احسن لان بلغاريا قريبه من تركيا والعرب اما رومانيا قريبه من اوربا لكن الي حصل العكسس تماما رومانيا ماتسوا حتى اضفر بلغاريا لابطبيعتها ولابطيبت شعبها ولا حتى بسعرها لاني وجدت ان اسعار بلغاريه سن2002 ارخص من اسعار رومانيا سنة 2004 بدبل مع اني ماخليت منطقه مارحت لها برومانيا سنايا وبرشوف وبخارست ونبتون ومامايا كلهم جيتهم وماعجبني منهم شي.
المهم يا كاكااااااااااااكاااااكااااااااااااا قعدت بالكويت فتره وبعدها سافرت احدا الدول العربيه وبعدها رديت وبعدها قعدت مده وسافرت تايلند للمره الثانيه والي خلاني اكتب الموضوع ياكاكاااااااا هو ان حضرتك كتبت اخر موضوعك هذا
كاكا / 19 /3 /2005
والي شد انتبهاي اني انا رديت من تايلند تاريخ 18/3/2005
يعني ياكاكا مو متأخر انت اللاااااااا ححححححححححححححححححححـدك حححححـدك متأخر
سافرت 3 دول وتوك تكتب الرد الله يسامحك

عموما مشكووووووور وانا اسف على الرد بس تكفا لاتلومني والله من القهر كتبت جذي لاني سافرت ورديت وماكو معلومات وسافرت مره ثانيه ورديت وماكو شي وبعدين سافرت مره ثالثه ودريت سبحان الله ثاني يوم من وصولي وصلت معلوماتك يعني مت قهر معلومات مـتأخره جدا جدا جـــــــدا.

اكرر اسفي
واشكرك من كل قلبي يا كاكاكا على ردك الاسرع من الصوت :113:
راعي سفرات

السلام عليكم ....واللة وتجمعو الحبايب.
كـــــــــــــــــــــــــاكــــا...راعي سفرات...أبويزيد...Here iam...wafee.ولا يهونون بقيه الاخوان.
المجموعه جدأ طيبه....
انا اعتبر الاخ كاكا هو الاكثر خبرة في المجموعة ..بسسسسسس
احس من ردودة كانه جالس يكتب شعر.
سلامه الاسفار الاخ راعي سفرات... انت فتحت موضوع بولندا يالله عزم وسافر معنا هذا الصيف.

[align=center]وعليكم السلام ورحمة الله وبركاته......

هلا بك جافا مان.....

غالي وذكر غالين...... :101:

وحمد الله على السلامه عزيزي راعي سفريات....

وينك ياخوي فتحت الموضوع واختفيت.....

على العموم ان شاء الله انك وسعت صدرك..... :101:

والله يعطيك العافيه على فتحك للموضوع المميز....

وبنسبه لخوينا كاكا عز الله انه ما قصر....

والله انه اول ما شارك معنا وشاف نداك....رد بدون تأخير....

والسبب ان مشاركته في المنتدى هي اللي كانت متأخره.....

خاونا بس لبولندا....الشباب كلهم في الصيف بيكونون هناك.. :107:

من غير شر ان شاء الله......

ولاتخاف مافيه تفجيرات....... :109:

وسامحني اخي راعي سفريات على الاطاله....

ونسيت اقول ان زواج اخو كاكا هاليومين...

ولهاذا السبب بيتغيب علينا......

تحياتي لكم اخواني،،،


اخوكم
~الــوافـــــــي~[/align]

يالله حي الشباب كلهم :

والله ودي نسوي موضوع جديد عن بولندا ويكون مقسم ومنظم أكثر . ومالكم إلا معلومات مفيــده بس كلها من النت والي راح الديرة وعنده تعليق ما نستغني .
والتقسيــمات الأولية بعد إذن الشباب .. السكن ( وارسوا) ( جودانسك ) وبالأسعار وهذي موضوعها بسيط وعندي وإنشاء الله بالصور بعد .. وابرز المعالم في كل مدينة وفي إنتظار تعليقاتكم

well .
this web sit has alot of information just give try .
http://www.travelpoland.com/index.php?pid=102&city_id=7
والموقع ايضا فيه اسعار الفنادق في اكثر مدن بولندا وتصنيــف الفندق والموقع

من كاكا الى راعى السفرات مع االتحية والتقدير , ,,,,,,,,, اتبع كاكا .

يكفى بانك اول من حرر الكثير والكثير من السوالف والعلوم ما بخاطري , ويكفي ردود اخواني الوافي و جافا مان عليك , وتقديم العذر بالنيابة عني وهم منى وانا منهم .......... اتبع كاكا .

حتى لو ماستفدت انت فانى اتوقع بان يستفيد اخوان غيرك بما قد ذكرته سابقا عن ديرة زرق العيون , والسفر والوناسه غير مرتبط بديره بحد ذاتها , وهى متوقفه على من معك , وانا اتوقع بان الاخوان العازمين السفر لبولندا هذه السفره سوف تكون سفرتهم مميزه اذا التزمو بما سبق ذكره وخاصة الصحبه الجيدة , وانصحك ان ترافق هذه المجموعة جافا مان والوافي وغيرهم بالصفحة , وانا مؤيد بان صحبة سعودين فى الغالب بسفره اطيب والذ , اسال مجرب خاصة انى من اهل الكويت , واحب ان يكون اصحابي بالسفر سعوديين و المرجلة طافحة , وعند وجهك , ....... اتبع كاكا.

لا تزعل يارعي السفرات , وانا قلت ان كنت ما نك قد الاسم خله احسلك , ترى السفر بالسيارة , هو بنظري فعلا ما يسمى سفر , ونشالله تعملها . ............ اتبع كاكا. 23 /4 /2005

[align=center]بعد التحيه للجميع.....

الله يعافيك اخوي كاكا...

والسعوديين يتشرفون بمخاوات مثلك وشرواك ياذيب....

............. اتبع كاكا


~الوافــــــي~[/align]

أخوي وافي ودي احط الموضوع بس بصراحة ما ني مقتنــع ان شخص ما زار البلد يكتب عنها بصراحة اشوفها ماهي زينة يعني يمكن احط اسعار فنادق او شقق ويكون موقعها تعبــان أو فيه عيب .. بديت وكتب في الموضوع بعديــن حذفت كل شيء ,. ,
انشاء الله الشباب الي سافروا مايقصرون

thanks alot for all the people who give us good information and we would like more and more good side with good people.

اخوي الوافي شكراً لتشجيــعك .

قبل كم يوم زرت سفارت بولندا ( خلف محطة الدريس - شارع الأمير عبدالله ) وبصراحة حاولت أحصل على أكبر قدر من المعلومات ولكن للأسف فيه موظف باكستاني ( أخلاق ) بس مشكلة ما يعرف شيء عن بولندا اعطاني مطويه صغيرة فيها شوية معلومات عن وراسو . ما أعتقد انها كافية بس الي واضح في مطوية انه في مكاتب سياحية كثيرة في وارسوا وبعضها يفتح خصوصاً في فصل الصيف .

ماعندي خلفية بس لا تشيــل هم اكلمهم يوم السبت ولا امرهم تراهم جيراني ... وعندي سؤال ثاني لهم كم مدة الفيزا . لانهم مقســـمين انواع الفيزا واحدها هو فيزا قصيرة بتأكد من مدتها

السلام عليكم ....






والله ودي نسوي موضوع جديد عن بولندا ويكون مقسم ومنظم أكثر . ومالكم إلا معلومات مفيــده بس كلها من النت والي راح الديرة وعنده تعليق ما نستغني .



الاخ Here iam ...اقتراح ممتاز وعساك على القوة ....ابشرو باصور والتقرير الكامل بعد السفرة
انشاء الله.
**الاسبوع الى فات ارسل المكتب الاوراق المطلوبة لعمل الفيزة (الله يعلهم واجد طلبات :112: )
بس من اجل عين بولندا :106: الف عين تكرم .

[align=center]لاهنت اخي هير آي آم....

وننتظرك.....

اخي جافامان....

اسم المكتب ورقم تلفونه.....

اذا كانوا متعاونين ...

والله يعطيكم العافيه اعزائي....


اخوكم
~الوافـــــي~ [/align]

السلام عليكم :

مدة الفيزا السياحية ( دخول لمرة واحدة ) تعتمد على تاريخ الذهاب والعودة المبين في التذكرة . لأنهم يحطون المدة بعد ما تجيب لهم صورة من التذكرة .. وسعرها 155 ريال .

اما حجز الفندق فلا يشترط مدة معينه . يعني إحجز لمدة يوم واحد او يومين .

طبعاً هذي المعلومات من السفارة وهذي عنوانهم :
4549247
4549089
الموقع http://www.polandembassy.org.sa
mailto:[email protected]

إلي بيتصل فيهم او بيزورهم بيلقى ( الباكستاني ) وبعد ماتشوفه او تكلمة راح تكون إنطباع ممتاز عن البلد . مهوب زي سفاراتنا .

[align=center]مطول الغيبات جاب الغنايم.....

هلا فيك عزيزي الغالي هير آي آم.....

لاهنت وما قصرت ..... :107:

بس مو ملاحظ الشباب قطعوا تواصلهم بالموضوع..... :105:

والله نتمنى تفاصيل اكثر....


اخوك
~الوافــــــي~[/align]

وافي : ملاحظتك في محلها .... اعتقد الموضوع بيصيــري عليه تفاعل قريب . خل الصيف يشد وبتشوف التفاعل .

بخصوص warsaw ما أدري وين اسكن في down town ولا في old town .السؤال هذا يبيــله شخص مجرب ....
مع ان مافيه فرق كبير في المسافه تقريباً 2كم ( المصدر شقق مفروشة راسلتهم ) .

[align=center]نـــــداء لأخي الذيب كـــــاكــــــا...

اتبع كاكا وساز نور..........

كــــــــــــــاكـــــــــــــــــــا

طبعا انشغلنا في موضوع تركيا.....

وهو موضوع مميز ومهم ويجب متابعته....

ولكن للاسف الشديد....

الوقت داهمنا ياذيب.....

واحنا دخلنا شهر خمسه....ومابقا شي على السفر..

فيه اللي سفره بعد اسبوعين واللي في اول شهر سته...

ويتمنون تقدم لهم بعض من خبرتك ياذيب....

لاتفشلنا معهم ياخوي....

وثاني شي لو تلاحظ كل الموجودين ما عندهم اي خبره عن البلد....

كلهم ناس بتكون ان شاء الله هذى اول تجربه لهم.....

فهم في حاجه لمعلومات من انسان خبره....

والموضوع قديم ياذيب كل اللي كتبوا ما نشوف لهم اي مرور....

وبالنسبه للمواضيع القديمه معلوماتها متشتته ونحتاج لتوضيح.....

واقترح عليك ياذيب اوربا اذا ماكان عندك اي ضروف تمنعك.....

بأن تفتح موضوع جديد في هذي البوابه وتسميه اتبع كاكا في بولندا...

او كاكا و كل ما تريد عن بولندا....

وتتحدث فيه عن جميع مدن ودواعيس بولندا...

لا اريد الاطاله اكثر....اتبع كاكا وسازنور

وصدقني ما وجهت ندائي لك إلا لكونك اخو عزيز....

واسمحولي بأني تكلمت بسمكم اعزائي.....


اخوكم دائما
~الوافــــــي~[/align]

وافي

نداء جميل اتمنى ان يجد له إجابة ( إنت متى بتمشي ؟؟)
إذا كان معك خوي توكل على الله صدقني ماراح تندم الديرة فيها مقومات السياحة وماهي بذاك الغلى وبعدين المواقع السياحية عن بولندا كثيرة وماخلوا شيء وفي وارسوا فيه وكالات سفر تنظم لك رحلات داخل المدينة او خارجها .
أكيد اني رأي الشباب يهمني وبيــفيدني كثير بس لو احصل لي خوي يصمل بــبمشي على معلوماتي هذي . المشكلة الشباب صايدهم مرض أبو زلب كل ما تقول لواحد يقولك ياشيخ اخاف اروح ما أنبسط .
تحياتي

من كاكا الى الوافي الذيب مخاوي الذيابه ........... اتبع كاكا .

القلوب عند بعضها , وصدقني النيه ان نروح معاكم رحلة الى بولندا شبيه برحلة تركيا , على ان تكون مقسمة اللى مراحل منها ما هو فى تركيا ثم بلغاريا ... الى غايه الوصول الى بولندا . ......... اتبع كاكا .

يلي اسمك هير جم , اسمك والله مدري من وين لقته , ونداء الوافى بجيبه ولو قصرت بيسامحني , ولا هو عاتب على , وتراك ياذيب ما توجه ندا انت تامر وحنا نطامر ............. اتبع كاكا .

سوف اعمل على ان اعطيك المعلومات اللى عندي قدر المستطاع , وانبه عليك بان سفراتي كانت اخر مره سنة 1997 بالسيارة وكانت هناك سفره واحدة بالطائره قبلها بكثير وكذلك لثلاث مرات بسيارة , وقد كان هناك بعض التغير من ناحية المعيشة واصبحت غاليه بالنسبه اليهم , وفى المقابل كان هناك تفتح بالنسبه للسياحة , البلد جميل بمعناء الكلمة من ناحية الطبيعة , وابعد عن المدن الكبيرة مثل وارسو تستانس . .................... اتبع كاكا .

سوف اكتب ما يطيب خاطرك وسبق وان وعدتك , وانت قلت بان سفرتك فى شهر 7 /2005 وعليه لم استعجل , وان شفت سوبر بان 8100 اعرف بان كاكا وصل مع كاكا وكاكا وكاكا وكاكا بزرانه فى ذلك الشهر بولندا قاصدها نبي البراد والمطر اللى ما يوقف , ونبي ما نشوف الشمس ونبي السهول اللى تعجبك .... راجعلك ......... اتبع كاكا .

كاكا مشكور على التجاوب السريع .
جافا مان تروح وتجي بالسلامة انا في إحتمال كبير اسافر قبلك .... وعندي نفس مشكلتك ( الخوي) . إلا على فكرة كم سعر التذكره ؟؟؟؟ وكم ساعة ترانزيت

تحياتي

[align=center]الذيب كاكا خابرك ياذيب.....

صادق والله صادق وداري انك بتكتب عن بولندا.....

وما كان ندائي الا من اجل الاخوان هير أي أم و جافامان وابو يزيد اللي اختفى....

وعسى مانعه خير....

ولايهونون الاعضاء الباقي....

تدري إنا نحب نعين ونعاون....

ومقامك غالي ياذيب وما يامر عليك امر....

وقلتلك القلب علم السعوديه :109: مايعتب الا يرضى....

وعز الله اني بجلس اتحرى السوبر وعساي اشوفه.... :101:

ولا تنسى انك تبدا في موضوع جديد.....

ولا تحرمنا من تواصلكم الكريم ياذيب....

.......................اتبع كاكا وسازنور


اخوكم المحب
~الوافــــــي~[/align]

[align=center]هلا بك ياعزيزي هير اي ام......

افا والله عليك ذيب اوربا كاكا ماتناديه الا تلاقيه.....

هذا عمدتنا واستاذ اوربا..... :107:

ولا تخاف رايحين رايحن اول 7 /2005 ان شاء الله.....

ابو زلب...... :109:

خلهم على راحتهم يجيلهم يوم يندمون على الاجازات اللي ضيعوها....

واحد واثق ان الديره شي..... :109:

لان نفس الموضوع حاصل معي..... :105:

لكن اخوي وخالي ان شاء الله مضمونين....

والله يستر لا يجرد فينا خالي.... :114:

وشرايك تخاوينا.......



اخوكم
~الوافــــــي~[/align]

[align=center]اخي جافامان....

لاشكر على واجب....

وشكلك مسبع نفسك يالذيب..... :106:

ماعطيتنا رقم تلفون المكتب اللي تعاملت معه....

والله ودنا ناخذ منك بعض الاستفسارات لكن الكتابه بالعربي....

وصدقني عندي نفس المشكله.....

شوف ترا فيه كيبورد عربي في المنتدى....موجود مع خيارات تعديل النص وتغير الحجم....

وتغيير الاوان ووووو..

وان شاء الله يفيدك....

واذا رجعت ان شاء الله لا تنسى تدخل وتجاوب على بعض استفساراتنا..

مشكور عزيزي.....

اخوكم
~الوافــــــي~[/align]

من كاكا الى من هبت عليهم رياح بولندا .................... اتبع كاكا .

اولا بولندا بلد جميل ومضياف , وهو من البلاد التى لم تتلوث بالمصانع الحديثة , وقد كان لى عددة سفرات اليها سوى بالطائرة او بالسيارات وهى قديمة بعض الشي , و اتوقع بانها قد تغيرت وخاصة بعد انظمامها الى الاتحاد الاوربي مبديئا .

ثانيا بولندا تقع باقص الشمال الاوربي وهى اقرب الدول الى دول الاسكندنافيه وتطل معهم على بحر البلطيق , وهى من الدول التى كانت تخضع للشؤعية , وجرت عليها رياح التغير كما جرى على معضم اوربا الشرقية , وعملت البلد تسمى الزلطي , وكان صرف الدولار بالملايين وقد و قاموا موخرا بخذف الاصفار, والبلد يعاني من تضخم بالعملة , وهى فقيرة بالنسبة لباقى اوربا

ثالثا البلد شاسع المساحة ويحدة من الشمال بحر البلطيق ومن الشرق روسيا , ومن الجنوب الشيك و سلوفاكيا , ومن الغرب المانيا الاتحادية , وعاصمته ورشافا او وارسو كما يطلق عليها بالعربي , ومن اكبر المدن , اقدانس والتي تقع فى اقصى الشمال الغربي و وهى معروفة بانها من اكبر احواض السفن لموقعها المميز , وتتبعها عددة مناطق منها اقدينا و سابوت والعاصمة اقدانس , وهى قريبة على المانيا , اما المدينة الثالثة وهي كراكوف وهي تقع باقص الجنوب بالقرب من الحدود الشيكية وتتبعها منطقة زكوبانا المشهورة بمدينة الالعاب الشتوية للتزلج على الجليد .


رابعا البعد مابين العاصمة واقدانس حوالى 450 كم وبين العاصمة وارسو وكراكوف حوالى 400 ويزيد تقريبا

خامس نظرا لموقعها باقص الشمال تقريبا فانها باردة صيفا وتتراوح درجة الحرارة مابين 15 الى 21 درجة
وفى الشتاء ثلوج على جميع ارجاء البلد , وهى ممطرة فى اغلب ايام الصيف خاصة فى شهر 5 و6 و7 و9

الاخ الوافى هذه المعلومات مرسله لك خصيصا وهى من عندي وعلى حسب خبرتي السابقة ويمكن هناك خطاء فيها غير مقصود ومن له معلومة نتمناء ان يصحح , وسوف نعمل على اعطاء المزيد من المعلومات لاحقا كما تريد ......................... اتبع كاكا.

السلام عليكم......
بعض الاستفسارات المفيده للجميع للاخ.... كاكا (ذيب اوروبا)
1- ماهي الطريقه الافضل لحمل النقود(كاش,فيزا,ترافل شيك)
اذا كان كاش هل نحمل (دولار ,يورو,زلوتي,ريال).
2-السكن المناسب في وارسو(وسط المدينه Down Town او المدينه القديمه Old Town)
3-ذكر بعض الاماكن المناسبه لقضاء الليل و السهر :106: .

من كاكا الى جوفا مان صايع باول زمانة .................. اتبع كاكا .
نام بدري احسلك , والدولار الاصلع يازينة , خضر بكل مكان تصرفة , واليور ما عليه اخلاف , عملة اوربا جديدة , لاتكثر من الفلوس بالمخباه , خل بالبطاقة ما يغطيها , مكاين الصرف متوفرة , والفيزة امان للى بتالي الليل مايدري وين درية , والعواصم خلها بالك تجيها , ابعد عن الداب وشجرته , وكلن يغني على ليله ............ اتبع كاكا.

[align=center]الله لايهينك ياذيب....

ننتظر المزيد المفصل عن كل مدينه.....

والله ما ودي اتعبك معانا يا استاذنا واخي العزيز.....

وياليت يكون ردك على الاستفسارات مفصل اكثر...

طلعت طمااااااع صح..... :114: :109:

..........اتبع كاكا وسازنور


اخوك
~الوافــــــــي~[/align]

ماذا عن سبووت في الشمــال ؟

وافي شيك الخاص للإهمية

[align=center]عزيزي هير اي ام...

تحيه طيبه لك اخي....

بالنسبه لسبوت بيتكلم عنها اخي كاكا في الايام الجايه....

بيتكلم عن كل مدينه في بولندا لحالها.....

اصبر شوي......لان عنده مواضيع ثانيه مرتبط فيها...

وتقدر اخي تنظر الصفحات السابقه بتلقي بعض الكلام عنها....

وترى يمدحونها....... :107:

ويمدحون اقدانس وضواحيها.... :107:

ورسالتك قريناها وردينا عليها....

مر على بوابة تركيا بتلقانا......اتبع كاكا وساز نور


اخوك
~الوافـــــــي~[/align]

ن كاكا الى الذيابه كلن عرف نفسه ................ من التحيه اجمل معانى نقطفه , نقدمها لهم مع حبتا على الخشم والراس ما تطوفه .............. الرحلة الثانيه بالطريق جاهزه وانت ياذيبان امسك القلم وقله الرحمة من قلبي لك نزعتها بكتب كل ما ما يطلع من كاكا وبدونه بدون تحريف , وراعى ديرة العيون الزرق جاء وقتك , وطلبك نبي نسده ....... اتبع كاكا .

الرحلة عن قريب تبي تحرك من تركيا نبي نبديها ندخلها عزوبيه على مواتر من النيسان شارينها , ومنها نبي نعبر بكل دولة لنا حكايات وقصص وسوالف خاثرات , ديرت ام عيون الزرق شمال ما هو شمال اللى نعرفه , تقطع المواتر من دونه , 7 ايام ممشانا ونبي نمر على بلغاريا ونشوف اللى هناك يذكرونه , ومنها الى رومانيا , نفصفص علومها , منها الى هنغاريا وبلتون البحيرة واللى يذكرونها ومنها الى سلوفاكيا ازهلو علومها معكم من بلغتهم يجيدها و كان بدواعيسها يذكرونه , ومنها الى ديرة ام العيون الزرق , ذيبان الوافى بجلسته يبي يعتدل ويقول وش فيها , ضيقت صدرى , وانا اتحرا علومها ........... اتبع كاكا .

بطريقة جديدة تبيى نركبها ونسير رحلتنا بكل دوله لنا موقع ............ اتبع سازنور والوافى وكاكا .......... هيه ياللى عن اوربا تسالون عن علومها ابشركم الذيبه يبون عن قريب يغزونها .......... اتبع كاكا .

السلام عليكم......
الشكر الجزيل للاخ كاكا على المشاركه الاخيره والمعلومات المفيدة :107: .
ونتطلع للمزيد.

[align=center]هلا بك ياكاكا بيك......

والله يرحم خويك ويسكنه الجنه....آآآمين

وان شاء الله مايكون في نفس الديره....
------------

اولا لاهنت على المعلومات ياذيب....

وان شاء الله رايحين رايحين...... :101:

ولكن عندي بعض الاستفسارات وتحمل اخوك ياذيب....

اولا/ اللي ذكرتهم حالقى الروس وش المشكله منهم....؟

ومن اي ناحيه يمكن يضرونك....؟

وكيف تقدر تتجنبهم..؟ وشهو الحل اذا صارت لك مشكله معهم..؟ :114:

لاني ممكن اسافر لحالي اذا حصل اي ضروف لخوي وخالي :112: .....

السفر لحالي شي طبيعي بالنسبه لي...ماعندي اي مشكه.... :101:

لاجل كذا ودي اعرف بعض التفاصيل....

2/ هل توأيد ان انزل في العاصمه ورشافا لمدة يومين وبعدها نروح بالقطار الى اقدانس...

وننزل نستاجر سياره ونروح الى سبوت نستاجر شقه....

ونصير نتنقل بين اقدانس وسبوت واقدينيا......

وطبعا السكن في سبوت... والا اقدينيا احسن....؟

وهل لاجل سبب التنقل هذا نحتاج السياره....؟

والا التكسي يفي بالغرض....؟

وبنجلس اسبوع وبعدها نروح لترون 3 ايام....وهل في قطار يودينا هناك...؟

وبعدها نرجع لسبوت اسبوع ومنها نرجع للعاصمه ورشافا ونريح يومين
وبعدها على الرطوبه وديني :105: ...

وطبعا اذا لقينا فرصه بعد رجعتنا من ترون يمكن نروح ميكي وايكي....

وطبعا مصانع السجاد في اقدانس ماننسى نمرها.... :107:

هل جدول الرحله فيه اي تعديل ياذيب....؟

3/ السكن وين نلقى اعلانات عنه....والا نسأل سواقين التكاسي...؟

وش موضوع ختم الجواز في الشرطه...لسكن..ضروري؟

سمعت ان فيه سكن مع عايله ورخيص ويقولون يقدمولك جميع الخدمات...

ولك حريتك المطلقه ....!!!!؟

وهل نلقى فلل للاجار....

اطلت عليك ياذيب....السموحه...

.........اتبع كاكا وسازنور وياماس


اخوكم
~الوافـــــي~[/align]

[align=center]لاهنت ياذيب....اتبع كاكا

الله يطول عمرك ياخوي الغالي....

فصل وحنا نلبس.....

سو لنا جدول وبناقش الموضوع مع مجلس واعضاء الرحله....

فصفص لنا العلوم والذيب يفهم.....

واحنا نتبع.......كاكا بيك


اخوك
~الوافـــــي~[/align]

السلام عليكم ورحمة الله وبركاته
انا حبيتكم كلكم وبالاخص .... كاكا
بالمناسبه سلوفاكيا يوقلون عنها انها بلد غير سياحي بس للعلاج
وهذا الكلام منقول من الاخ maxema الذي زارها وتحسف على زيارتها
وبصراحه طاحت من عيني بعد ما رايت مقال الاخ ماكسيما عنها انها بلد
الامراض .. الله يكفينا شر الامراض
ويعطيكم الف الف الف الفا مليون عافيه

الله يعطيكم العافيه على تواصلكم المميز وعن اجاباتكم الوافيه 000 انا ناوي اسافر لبولندا بالصيف يعني بشهر7 هل الديره فيها مجمعات فخمه واين تقع وشنو اسمائها000 وهل فيها اماكن ترفيهيه للاولاد لاني مسافر مع العائله ووين احسن الاماكن للسكن وكيف حالة الطقس بالصيف0000 وهل الطبيعه حلوه ووين الاماكن اللي تستحق الزياره والديره امان ولا لأ0000 وهل المعيشه غاليه000 وهل توجد فيها مطاعم عربيه000 وشنو افضل وسيله للمواصلات 0000 ياريت الاجابه بأسرع وقت ممكن 000مع تحيات اخوكم الحكم من الكويت0000 وشكرا لكم على حسن تعاونكم معنا00000000

الاخوة الاعزاء السلام عليكم ورحمة الله اولا اقدم اعتذاري للكل عن انقطاعي عنكم ولكن كان ذالك بسبب سفرة داخلية طارئة اضطرتني للانقطاع عنكم كل هذه الفترة
ثانيا انا اموري تلخبطت بعد ما قد رتبت اموري للسفر الى بولندا وخاصة ان الاخ جافا مان ما قصر وحل لي مشكلة حجز السكن علشان الفيزا لكن الرياح تجري بما لاتشتهي السفن فكنت امل ان استطيع السفر مع الاخ جافا واخوياه ولكن مثل ما اسلفت الم استطع تغيير اجازتي لتتوافق معهم
وكنت ساذهب لوحدي ولكن اكتشفت ان الجواز بينتهي على السفرة فذهبت للجوازات للتجديد فحصل بعض الاشكال في الجواز واخروا تسليمي اياه وبعد ما استلمتة شفت ان المدة الي بقت لن تكفي لاستخراج الفيزا واخاف ان اجازتي تبدا والجواز باقي في السفارة البولندية وبكذا اكون لانا الي سافرت وخسرت اجازتي وانا مربع بالشرقية
فقررت تغيير وجه سفري الى الشرق وبالتحديد الى الفلبين ومنها نجرب ونشوف الديرة البعض يمدح والبعض يذم قلنا مالها الا تجربة شخصية بنفسي
على العموم اتمنى ان يستمتع الجميع بسفرتهم الى بولندا واعدكم انشاء الله ان كان في العمر بقية ان اكون معكم في المرات القادمة الى بولندا وراح ننسق من بدري علشان ما تحصل الخبطة الي حصلت معي هذه المرة
والله الله في المعلومات والصور تراني ما راح اعذركم لازم تبيضون وجوهنا يا شباب الشرقية وغزاة الاراضي البولندية المرة الجايه ما ابي اقعد ادربي راسي هناك ما ادري عن شي
على كل حال انا رحلتي يوم الخميس الجاي الدمام مانلا مباشرة على الخطوط السعودية اي خدمة انا حاضر ودعوة طيبه الله يجزاكم خير

اكيد اني رايح انشاء الله لوراسوعاجلا او اجلا

مساكم الله بالخير0000000 ياريت اي احد يفيدنا عن السياحه في بولندا لأني مسافر انا وزوجتي والاولاد وعندي000000 بعض الاستفسارات 1-افضل الاماكن للتسوق 2-افضل المطاعم 3-افض الاماكن للسكن 4-المعيشه غاليه ولا زينه 5-البلد امان ولا لأ 6-الشعب طيب ولا لأ 7-هل توجد اماكن ترفيه للاطفال 8-هل تصلح للعوائل 9-حالة الطقس بشهر 6و7و8 000 وشاكرلكم على حسن تعاونكم

مشكورين على المواضيع المميزه عن بولندا اخوكم من الشرقيه والصراحه انا احب بولندا بس مارحتها والله يوفقكم تروحون وترجعون بالسلامه الله الله بالصلاه لاتنسون الصور بالمنتدى

[align=center]وعليكم السلام.....

ماشاء الله عليك اخ جافامان....خلصت امورك

تروح وترجع بالسلامه ان شاء الله....

وننتظر علومك اذا رجعت وتجوابنا على بعض الاستفسارات.....

ولاتنسى تروح سبوت واقدانس وتعطينا اخبارها.....

تدري انك بترجع قبل روحتنا باسبوعين وبيكون الوقت ضيق....

فلاهنت حاول يكون دخولك المنتدى باسرع وقت.....

بالتوفيق اخي جافامان.....

واذا واجهتك اي مشكله اخي....فلاتنسى احنا اخوانك وفي الخدمه

تحياتي لك،،،

~الوافـــــــي~[/align]

[align=center]
اخي الحكم….حياك الله بين اخوانك محبين بولندا…

او ديرة العيون الزرق مثل مايسميها اخوي الذيب كاكا بيك….

بالنسبه لسفر الى بولندا بعائله….. :108: :108:

طال عمرك مالي تجربه لهذي الديره….
ولكن كل من ذهب لها ذكر لنا انها غير مناسبه للعوائل على الاطلاق :108:

واسأل مجرب ولا تسأل طبيب……

وبالنسبه للمعلومات عن البلد….
ارجع لصفحات الموضوع السابقه…وستجد ان شاء الله بعض المعلومات المفيده
صحيح الموضوع فيه عشر صفحات ولكن خذلك كوب شاهي وادهر…. :11ight:

وان شاء الله اذا رحنا ورجعنا على خير بتلقي جواب لكل استفساراتك….

ومتأسف اخي على تاخري عليك في الرد…..


~الوافـــــــي~[/align]

ياشباب في شي مهم
كم تكلف بولندا لمدة اسبوعين مثلا او 20 يوم ؟؟؟ من غير التذاكر

عليكم السلام.....
Javaman يتحدث من وارسو .
الوصول يوم الجمعه 3/6/2005
اليوم هو رابع يوم لي في وارسو.الجو هنا جدا رائع بارد في الليل.بلد ما تمل فيه ابدآ.
ناس في حالهم جدا مسالمين..
السهر يومين في المقهى العربي( Sheesha)
للكلام بقيه.....bye :106: :106: :107:

Javaman
تجي بالسلامه ان شاءالله
لنا جلسة معاك

[align=center]اخ جافامان ترجع بالسلامه ان شاء الله.....

ننتظر علومك........


~الوافـــي~[/align]

من كاكا الى جافا مان ............ مع التحيه ....... وسفره ......... سعيده ......... وترجع بالسلامة ........... ويقولك كاكا ........ تكفى ........ لا تطوف من وارسو الى اقدانس ......... بالسيارة اقطعها ....... شوف الطريق ..... وتذكر كاكا قطعها ......... ترون بالطريق ......... احفظ وصايا كاكا ........ والمولو ......... رد اخباره ...... يوم تعطي ظهرك البحر ..... ويصير وراك ......... الاشارة اللى بين المولو والسوق اللى امامك ...... على اليمين باول السوق ....... مطعم وجهه لعماره .... فيها سكن ان بقيت شقة ...... وحولها كثير ..... لا تمشي الغابه بالليل .... طريق يم فندق جراند هوتيل ...... عن الروكي يفصلها .............. كاكا وتعود سالم

[align=center]دولار عزيزي مكسيما.....

واسف اني ماحددت...



~الوافـــي~[/align]

الله يعطيك العافية وافي

الله يستر ليه جافا مان بيختصر رحلته لبولندا ؟
اللي يعرف السبب يعطيني رسالة خاصة لاهنتوا

[align=center]لاشكر على واجب اخوي مكسيما.....

والله علمي علمك....والله يستر على جافامان

ولكن اللي فهمته....انه قضى وقته في وارسوا العاصمه

واللي سمعته انها ماتستاهل تجلس فيها اكثر من يوم.....

ويمدحون سبوت.....انا خاطري يمر عليها

لانها هي اساس بولندا على ماسمعت.....

الله يرجعه بالسلامه.......



~الوافـــي~[/align]

جافا مان

سفرة سعيدة ونتمنى وصولك الى السعودية سالم وغانم

بس ياترى البلد زينة ولا لا :114:

والله ماادري ياخ جافامان اسطنبول احسن من وارسو مومعقول تروح وترجع بالسلامة ولاتنسا الصور 0

[align=center]ياجماعه.....

اللي عنده اخبار عن جافامان يعطينا خبر......


~الوافـــــــي~[/align]

مششششكوررررررررررررر وتسليييييييم بجد

Javaman

وينك والله كل شوي اشبك عشان اشوف ردك
شوف الرسائل الخاصة